Morgunblaðið - 10.01.1985, Blaðsíða 58
58
MORGUNBLAÐIÐ, FIMMTUDAGUR 10. JANÚAR 1985
mmm
\0 Z?) © 1984 Umversal Press Syndicate
„Hvar Ucr&ir þú ^ona.
orbbraqb P"
Ást er . . .
... að gera inn-
kaupin þegar
hún er illa fyrir
kölluð
TM Reg U S Pat Otf all rights reserved
* 1979 Los Angeles Times Syndicate
l*t-Cta var skiljanlega mjög dýr
hattnr.
HÖGNI HREKKVlSI
„HAMM KREFST þESS APVÆKDA FBAAt-
SeiPPR T7LAMNARS LAMPS."
Bryndís hvetur menn til að virða hin nýju lög um tóbaksvarnir.
Algjört virðingarleysi
fyrir landsins lögum
Bryndís skrifar:
Velvakandi kær.
Mikið er virðingarleysi íslend-
inga fyrir landsins lögum!
Sem kunnugt er tóku gildi um
áramót ný lög um tóbaksvarnir,
mér og vafalaust öðrum sem ekki
reykja til óblandinnar ánægju.
Samkvæmt þessum lögum er nú
óheimilt að reykja á opinberum
stofnunum og fyrirtækjum þar
sem almenningur leitar eftir þjón-
ustu og veitinga- og skemmtistöð-
um ber skylda til að hafa afmark-
aðan fjölda veitingaborða sem
ekki má reykja við.
Morgunblaðið gerði könnun í
nokkrum fyrirtækjum og veit-
ingastöðum skömmu eftir áramót
og kom þá í ljós að flestir forráða-
manna þeirra hundsuðu enn sem
komið var þessi ákvæði laganna.
Til dæmis var aðeins einn af veit-
ingastöðunum sem Mbl. hafði
samband við með merkt borð sem
ekki má reykja við.
Sjálf hef ég rekið mig á það að
fáir forráöamanna veitingahúsa
og fyrirtækja virðist gefa nýju
lögunum nokkurn gaum, sem vit-
anlega er alvarlegt brot svo ekki
sé meira sagt.
Þess væri nú óskandi að hlutað-
eigandi aðilar létu til skarar
skríða og settu upp skilti þar sem
við á, til merkis um að þar megi
ekki reykja. Og ekki sakaði ef
Vinnueftirlit ríkisins og heilbrigð-
isnefndir, sem eftirlit skulu hafa
með því að lögin séu virt, fylgi
málinu eftir.
Þessir hringdu . . .
Afslátturinn
ekki skattaskjól
Víglundur Þorsteinsson, fram-
kvæmdastjóri BM Vallá hf., hringdi
og vildi koma eftirfarandi á fram-
færi:
Vegna greinar Agnesar Ingva-
dóttur, Akureyri, sem birtist í
Velvakanda sl. þriðjudag undir yf-
irskriftinni „Gjöf eða undirboð og
skattaskjól", langar mig til að
veita henni eftirfarandi upplýs-
ingar vegna hugarangurs hennar
út af 50% afslætti á steinsteypu
sem BM Vallá hf. hefur veitt Hall-
grímskirkju sl. 15 ár:
BM Vallá hf. hefur aldrei tekið
við neinum kvittunum frá Hall-
grímskirkju um „gjafir" til kirkj-
unnar og færði því engar slíkar
„gjafir“ til frádráttar tekjum
fyrirtækisins á umræddu tímabili.
Og víst er að fyrirtækið var ekki
að leita eftir skattaskjóli með því
að veita kirkjunni þennan afslátt.
Á þessum 15 árum hefur BM Vallá
hf. bæði hagnast og tapað, óháð
„gjöfum" til Hallgrímskirkju.
Að endingu vil ég taka það fram
að það var ekki að okkar undirlagi
að frá þessu var skýrt í fjölmiðl-
um, þar sem þetta þykir ekki stór-
mál í okkar augum. Á 15 ára ferli
BM Vallá hf. er afsláttur af þessu
tagi ákaflega lítilvægur saman-
borið við veltu fyrirtækisins, þó að
hann komi Hallgrímskirkjusókn
vonandi vel.
Léleg
þjónusta
Hafliði Helgason, Hverfisgötu
123, hringdi og hafði eftirfarandi
að segja:
Ég get ekki orða bundist lengur
yfir stofnun einni hér á landi sem
nefnist Bifreiðaeftirlit ríkisins og
er til húsa að Bíldshöfða 8. Þar er
þjónustan svo skammarlega léleg
að ég efast um að slíkt þekkist
annars staðar. Sérstaklega virðist
vera vandkvæðum bundið að fá
endurskráningu og afgreiðslu á
bílnúmerum. Eg veigra mér orðið
við því að fara með bílinn þangað
uppeftir til skoðunar og veit ég
fyrir víst að þeir eru margir sem
sammælast mér í þessum efnum.
Vonum við nú að gerðar verði úr-
bætur á þessu hið snarasta.
Hópferð á
Duran Duran
Tóta Taylor hringdi:
Ég er ein af fjölmörgum Duran
Duran-aðdáendum hér á landi og
þó að margir séu búnir að skrifa í
Velvakanda um ágæti hljómsveit-
arinnar má ég til með að láta í
mér heyra.
Laugardaginn 29. desember sl.
birtist bréf í Velvakanda frá þeim
Mrs. Rhodes og Mrs. Taylor þar
sem þær óska þess að einhver af
ferðaskrifstofum hér á landi efni
til hópferðar á tónleika með Dur-
an Duran. Vil ég nú eindregið taka
undir þessi orð þeirra með von um
að emhvet verði við ósk okkar.
BM Vallá hefur sem kunnugt er sl. 15 ár veitt Hallgrímskirkjusókn 50%
afslátt á steinsteypu til byggingar kirkjunnar.