Morgunblaðið - 13.01.1985, Blaðsíða 11

Morgunblaðið - 13.01.1985, Blaðsíða 11
MORGUNBLADIÐ, SUNNUDAGUR 13. JANÚAR 1985 B 11 Priscilla lýsti því síðar yfir að hún hefði alltaf elskað Elvis. Lífið með honum hefði hins vegar verið orðið óbærilegt. Hún var einangruð i Graceland á meðan hann skemmti sér í Hollywood eða Las Vegas. Hann mun líka hafa verið orðinn nokkuð erfiður í sambúð þegar hér var komið sögu. Priscilla kynntist karate-kennara einum, ættuðum frá Hawaii, Mike Stone að nafni, og einn góðan veðurdag var hún flogin úr hreiðrinu með honum. Látum vera ef hún hefði stungið af með Prank Sinatra eða einhverjum álíka stórlaxi. Bn það, að kona hans skyldi stinga af með vesælum kar- ate-kennara, með 200 dollara í laun á viku, var meira en Elvis gat tekið. Red West heldur því fram, að þetta hafi framar öðru eyðilagt Elvis. Fyrir Priscillu var þetta aðeins leið til frelsisins enda sleit hún fljótlega sambandi sinu við Mike Stone. Elvis og Priscilla héldu all- góðu sambandi sín á milli eftir skilnaðinn og einkum var Elvis annt um velferð Lisu dóttur sinnar. Nánasta vinkona Elvis eftir skilnaðinn var Linda Thompson og svo síðar Ginger Alden. Það var sú síðarnefnda, sem kom að Elvis liggjandi á baðherbergisgólfinu skömmu eftir hádegi hinn 16. ágúst 1977. Elvis hafði þá átt við vaxandi vanheilsu að stríða um hrið og talið er nokkuð víst að dánarorsökin hafi verið ofneysla eiturlyfja þótt opin- ber yfirlýsing þar að lútandi hafi aldrei verið gefin. Þar með var endi bundinn á stórbrotinn ferill ein- hvers mesta skemmtikrafts, sem uppi hefur verið. Milljónir að- dáenda um víða veröld eru enn að syrgja hann og í Graceland er stöð- ugur straumur pilagríma, sem komnir eru til að votta minningu hans virðingu sína. Elvis lifir Skyldurækinn sonur, örlátur vin- ur, skemmtikraftur í sérflokki, hinn eini og sanni konungur rokksins, flekklaus og fullkominn, þannig var sú ímynd sem Elvis Presley hafði í vitund bandarisku þjóðarinnar og aðdáenda sinna þar til hann lést. Það má því nærri geta hvílíkt áfall það var er út spurðist hvernig lát hans bar að höndum. Allt sem þá var grafið upp á yfirborðið var í himinhrópandi ósamræmi við þá imynd sem menn höfðu gert sér um goðið. Eftir dauða Presleys fundu ýmsir hjá sér hvöt til að ata minningu hans auri og það var í samræmi við tilefnið, að gera það eftir að hann var látinn og gat ekki svarað fyrir sig, að ráðast á minningu látins manns og sparka í líkið. Áður er nefnd bók þeirra félaga úr Memphis-mafíunni, bar sem reynd- ar er slegið úr og í. Astæða er einn- ig til að nefna bók eftir blaðamann- inn og rithöfundinn Albert Gold- man, sem þýdd hefur verið á ís- lensku. Ekki skal því mótmælt að einhver sannleikskorn sé að finna í bók Goldmans, en bókin er skrifud af slíkri illkvittni og mannfyrirlitn- ingu að engu er líkara eh höfundi hafi ekki verið sjálfrátt, og að því leyti segir bókin ef til vill meira um Goldman en Elvis. Aðdáendur Presleys hafa auðvit- að gert sér ljóst, að hann var ekki sá engill sem haldið var fram á meðan hann lifði. Hann var fórnar- lamb eigin frægðar og endaði ævi sína einangraður og yfirgefinn, sjúkur á líkama og sál. Ástæðulaust er þó að velta sér upp úr þeirri ógæfu sem yfirþyrmandi frægð og vinsældir færðu þessum manni. Sú harmsaga verður ekki rifjuð upp hér. Ef satt skal segja fara þessar sogur ákaflega í taugarnar á okkur, aðdáendum hans. Og þegar allt kemur til alls, skiptir það okkur engu máli hvernig lífi hann lifði. Það er tónlistin hans sem skiptir öllu máli og þar gaf hann okkur allí sem hann átti. Þetta finnum við þegar við setjum plöturnar hans á fóninn og þá fyllast hjörtu okkar þakklæti fyrir það sem hann hefur gefið okkur. Elvis mun lifa í gegn- um tónlist slna og hana getur eng- inn tekið frá okkur. 'esió reelulega af ölnim fjöldanum! Áramótaspilakvöld Varðar Landsmálafélagiö Vöröur heldur áramótaspila- kvöld sitt sunnudaginn 13. janúar nk. í Súlnasal Hótels Sögu. Húsiö opnaö kl. 20.00. Davíö Oddsson, borgarstjóri, flytur ávarp. Ómar Ragnarsson skemmtir. Hljómsveit Magnúsar Kjartanssonar leikur fyrir dansi. Glæsilegir vinn- ingar. Kortiö kostar aoeins 200 kr. Sjálfstæö- ismenn eru hvattir til aö fjölmenna. Landsmálafélagíð Vörður. fgna e«Jdl *W*<*«, wsjyjís* Hugmyn samkeppni Iðnaðarbankans Nvtt merki nvtttákn Mikil gróska er nú í starfsemi Iðnaðarbankans. Bankinn hefur vaxið ört undanfarin ár, enda lagt kapp á að mæta kröfum viðskiptavina sinna um sífellt betri þjónustu. Um pessar mundir stendur yfir víðtæk endurskipulagning á starfsemi bankans, í því skyni, að búa hann enn betur undir það markmið,,að vera nútíma banki, sem veitir góða þjónustu. Liður í þess- ari endurskipulagningu er hugmyndasamkeppni sem bankinn efnir nú til. Samkeppnin er í tveimur liðum: a) Um nýtt merki, skrift og einkennislit, eða liti fyrir bankann.__________________________________ b) Um myndrænt tákn til notkunar í auglýsingum og kynningargögnum bankans. Samkeppnin er haldin samkvæmt reglum FÍT, Félags íslenskra auglýsingateiknara og er öllum opin. Veitt verða ein verðlaun fyrir bestu tillögurnar. a) Fyrir merki, skrift og einkennislit kr. 120.000.00 b) Fyrir tákn kr. 40.000.00 Tillögur um merki skulu vera 10-15 cm í þvermál, í svörtum lit, á pappírsstærð DIN A-4. Einkenna skal tillögurnar með kjörorði, en nafn höfundar og heimilisfang fylgi með í lokuðu ógagnsæju umslagi. Þátttakendum er heimilt að senda fleiri en eina tillögu. Skal hver tillaga þá hafa sér kjörorð og henni fylgja sér umslag með nafni höfundar. Dómnefnd skipa: Bragi Ásgeirsson, listmálari, Gísli B. Björnsson, teiknari FÍT., Rafn Hafnfjörð, prent- smiðjustjóri, Tryggvi T. Tryggvason, teiknari FÍl. og Valur Valsson, bankastjóri. Ritari dómnefndar og jafnframt trúnaðarmaður keppenda er Jónína Michaelsdóttir, Iðnaðarbankan- um við Lækjargötu. Þátttakendur geta snúið sér til hennar og fengið frekari upplýsingar um samkeppn- ina og um Iðnaðarbankann. Síminn er 91 -20580. Skilafrestur tillagna var til 15. janúar 1985 en hefur nú verið framlengdur til 15. febrúar 1985. Skal skila tillögunum í póst eða til einhverrar afgreiðslu Iðnaðar- bankans merktum: Iðnaðarbankinn Hugmyndasamkeppni b/t Jónínu Michaelsdóttur Lækjargötu 12 101 Reykjavík. Dómnefnd skal skila niðurstöðum innan eins mánað- ar frá skiladegi. Efnt verður til sýningar á tillögunum og þær endur- sendar. Verðlaunaupphæðin er ekki hluti af þóknun höfundar. Iðnaðarbankinn áskilur sér einkarétt á notkun þeirra tillagna sem dómnefnd velur. Jafn- framt áskilur bankinn sér rétt til að kaupa hvaða tillögu sem er samkvæmt verðskrá FÍT. Iðnaðarbankinn

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.