Morgunblaðið - 13.01.1985, Blaðsíða 32

32 B
MORGUNBLAÐIÐ, SUNNUDAGUR 13. JANÚAR 1985
fclk í
fréttum
Klæddar samkvæmt
nýjustu tísku að sjálf-
sögðu, Olivia Newton-
John leik- og söngkona
Lv. og Victoria Principal
leikkona t.h. voru ekki
með skíðin á fótunum er
Ijósmyndari gómaði
þær.
Skíöafíkn
fræga fólksins
Fræga fólkið sækir æ meira í skíðaíþróttina og fjölgar því í hinum
glæsilegu skíðabrekkum Austurríkis ár frá ári. Vinsælustu staðirnir
eru Moritz, Gstaad, Kitzbuhl og St. Anton. Á meðfylgjandi myndum
má sjá hin ýmsu nöfn og eru þau aðeins fáein af mörgum sem hvert
mannsbarn þekkir úr fréttum fjölmiðla.
„Fógetinn“
Það er ekki í tísku hjá öllum að
gefa fyrirtækjum sínum er-
lend nöfn. Hvað er líka eðlilegra
en að aldrað hús með nýju yfir-
bragði beri heiti frá horfnum dög-
um: „Fógetinn".
Blm. kom við hjá þeim Erlendi
Halldórssyni og Jóni Erlendssyni
á Fógetanum og spurði hvernig
rekstur veitingahússins, er var
opnað í lok desember, hefði gengið
hingað til.
„Þetta hefur gengið alveg bæri-
lega éins og við bjuggumst við.
Það sem hefur komið okkur hvað
mest á óvart er hve matsala er
mikil hérna og í augnablikinu er-
um við að stækka matseðilinn til
muna og breyta honum aðeins."
— Höfðuð þið komið nálægt
veitingarekstri áður?
„Nei, aldrei. Okkur vantaði báða
vinnu og það á vel við okkur að
standa í einhverjum stórræðum
en sitja ekki aðgerðalausir. Við er-
um reyndar þrír eigendurnir en
tveir sem rekum þetta. Fyrst aug-
lýstum við lengi og leituðum að
húsnæði en tilboðin reyndust aðal-
lega um heldur óspennandi staði
þangað til okkur bauðst þetta hús-
næði á leigu.“
— Var þétta ekki dýrt fyrir-
tæki?
„Jú, mikil ósköp, húsið var allt í
niðurníðslu. Við reyndum að gæta
þess að hreyfa ekki við miklu. Við
löguðum glugga, hurðir o.s.frv., en
breyttum engu er raskað gæti
minjagildi hússins. Það er friðað
að utan. Siðan er salur uppi sem
við eigum eftir að innrétta. Við
fórum dálítið fram yfir kosjnað-
aráætlun, en það gerist víst alltaf
þegar út í svona er farið."
— Eruð þið með skemmtikrafta
yfirleitt á kvöldin?
„Já, við reynum að fá einhverja
fjórum sinnum í viku. Þau hafa
t.d. verið hjá okkur Bergþóra
Árnadóttir, Eyþór Þorláksson,
Þórir Baldursson og fleiri.“
Ursul* Nnd ®fL„i sínum
Ðta,,tn0ívto».
Niki Lauda yngri og eldri
þurfa ekki langt að fara, Aust-
urríki er þeirra heimaland og
Lauda eldri er mikii hetja í
landi sínu fyrir afrek á kapp-
akstursbrautum um heim all-
■‘"‘JKssraa
Karl Gústaf Svíakonungur er
haldinn mikilli skíðafíkn og er
hér myndaður ásamt dótturinni
Madeleine í St. Moritz. Sylvia
drottning var ekki langt undan.
Ungleg og ungleg ekki
Það er gömul saga og ný, að sumir bera
aldur sinn betur en aðrir. Sumir sýnast
miklu yngri en þeir eru í raun og veru og
öfugt. Allt getur þetta verið einkar afstætt.
Hér verður smellt fram myndum af 10
frægum manneskjum og spurningin er:
Hver er eldri en hver?
Lítum fyrst á þá Dick Clarke leikara og
starfsbróður hans Ed Asner. Clarke hefur
verið kallaður „elsti táningur Bandaríkj-
anna“ og Asner hefur gjarnan leikið
roskna eða miðaldra menn í mörgum
kvikmyndum. Jú, þannig er spurt að menn
hlýtur að gruna að Asner sé yngri þrátt
fyrir útlitið. Það er þó ekki satt, þeir eru
báðir 55 ára, en Asner er 5 dögum eldri.
Lítur þó út fyrir að vera 15 árum eldri ef
eitthvað er.
Hvor er eldri, söngvarinn Kenny Rogers
eða „séra Ralph" Richard Chamberlain? Ef
marka má myndirnar er Kenny karlinn
miklu eldri. En myndirnar svíkja og útlitið
í raun, því Rogers er þremur árum yngri,
46 ára, en séra Ralph er 49 ára og verður
fimmtugur á þessu ári.
En leikkonurnar Suzanne Somers t.v. og
Sally Field? Það er erfiðara að spá í þær,
en skólastúlkuandlit Sally bendir til að hún
sé yngri. Þó hefur hún verið í sviðsljósinu
svo árum skiptir og virðist aldrei breytast.
Hið sanna er, að þær eru báðar 38 ára og er
Sally aðeins 3 vikum yngri.
„Ah mr. Bond.“ Þeir eru báðir á sextugs-
aldri svo mikið er víst, en ætli nokkur deili
um að Sean Connery sé ellilegri en Roger
Moore? Úr því að enginn deilir um það,
upplýsist hér með að hann er í raun yngri,
54 ára, en Moore er 57 ára.
Robert DeNiro og A1 Pacino, tveir
ítalsk-ættaðir bandarískir leikarar á
heimsmælikvarða. DeNiro hefur verið
lengur í hópi hinna bestu og satt best að
segja er lítinn eða engan mun að sjá á þeim
ef miða á við myndirnar. Raunin er sú, að
DeNiro er yngri, 39 ára, en Pacino er 44
ára.