Morgunblaðið - 25.01.1985, Blaðsíða 5

MORGUNBLAÐIÐ, FÖSTUDAGUR 25. JANÚAR 1985
5
Tilraunir með nýtt
lyf við kláða:
Talið geta
komið í
stað sauð-
fjárböðunar
í VETUR hafa verið gerðar til-
raunir með að sprauta kindur
með nýju lyfi til varnar kláða í
stað sauðfjárböðunar. Sauðfjár-
böðun á að fara fram í vetur en
hún er lögboðin annað hvert ár.
I'rátt fyrir baðanir hefur ekki
tekist að losna við þær tegundir
kláðamaurs og lúsar sem herja á
sauðfé landsmanna, mismun-
andi þó eftir héruðum.
„Þetta er áhugavert lyf sem ver-
ið er að kanna. I haust var leyfður
takmarkaður innflutningur á því
til að kynnast því við aðstæður
hér á landi. Enn er þó of snemmt
að fella dóm um hvort það er
nothæft við íslenskar aðstæður og
verkar hér eins og til er ætlast,"
sagði Sigurður Sigurðarson, dýra-
læknir á Keldum, í samtali við
blaðamann Mbl. er hann var
spurður um þetta lyf. Vildi hann
engu spá um hvort mögulegt gæti
verið að útrýma kláða úr landinu
með þessu lyfi eins og raunin mun
hafa verið í nokkrum löndum.
Lagði hann áherslu á að þó lyfið
hefði verið prófað í vetur mætti
það á engan hátt verða til að
trufla framkvæmd sauðfjárböðun-
arinnar sem fara á fram.
Böðun sauðfjár er ætlað að út-
rýma fjárkláða, fótakláða, færilús
og fellilús, en þessar tegundir
kláða og lúsa herja allar á sauðfé
landsmanna, mismunandi þó eftir
héruðum. Það lyf sem hér um ræð-
ir var fundið upp í Japan en er
framleitt í Bandaríkjunum. Það er
jafnframt talið verka á innyfla- og
lungnaorma og ýmis kvikindi sem
lifa á húð dýranna. Meðferð á fé er
talin betri en við böðun, auk þess
sem auðveldara ætti að vera að fá
bændur til að nota það vegna þess
að sprautunin er auðveldari og
tekur mun styttri tíma en böðun.
Lyfið er hinsvegar enn sem komið
er nokkuð dýrt, eins og oft vill
verða með lyf sem tiltölulega ný-
lega er hafin framleiðsla á.
Treg
loðnuveiði
Veðurguðirnir eru enn óhagstæðir
loðnusjómönnum og hefur veiði ver-
ið lítil um nokkurn tíma. Ekki hefur
gefið á miðin sunnan Langaness en
lítils háttar afli hefur fengizt út af
Þistilfirði.
Síðdegis í gær höfðu 5 skip til-
kynnt um afla, samtals 2.620 lestir.
Það voru Sjávarborg GK, 740, Súlan
EA, 200, Erling KE, 420, Jöfur KE,
460 og Hákon ÞH með 800 lestir.
Rannsóknarskipið Bjarni Sæ-
mundsson er nú á miðunum undir
leiðangursstjórn Hjálmars Vil-
hjálmssonar fiskifræðings.
Hjálmar sagði í samtali við Morg-
unblaðið, að veður hefðu verið
óblíð við þá leiðangursmenn eins
og aðra. Þar til brælur hófust
hefði svæðið frá sunnanverðum
Austfjörðum norður að Héraðs-
flóa verið kannað og nú væru þeir
rétt að byrja rannsóknir að nýju.
Hann gæti því ekkert sagt um
stöðu og styrkleika loðnustofnsins
að svo komnu máli. Rannsókn-
arskipið Árni Friðriksson hefur
nú lokið síldarrannsóknum og
mun slást í för með leiðangurs-
mönnum á Bjarna við loðnuranns-
óknirnar eftir helgina. Niðurstöð-
ur úr rannsóknum Árna, sem voru
undir stjórn ólafs Halldórssonar
fiskifræðings, liggja enn ekki
fyrir.
Leiðin i 8 liða úrslitin:
Víkingur/Fjellhammer .... 26:20
Fjellhammer/Víkingur .... 25:23
Samanl.....................49:45
Víkingur/Coronas ..........28:21
Coronas/Vikingur ..........21:28
Samanl................56:42
Vikingur/Crvenka ............. ?
Crvenka/Vikingur ............. ?
14 liða úrsllt
„íslenskir áhorfendur eru hræöilegir" segja erlend handknattleiksliö sem
sækja okkur heim.
„íslenskir áhorfendur eru hluti af leiknum" segja okkar menn.
Framundan eru tveir hörkuleikir í baráttunni um sæti í 4 liða úrslitum Evrópukeppni
bikarhafa í handknattleik. Júgóslavnesku bikarmeistararnir koma og leika
báöa leikina viö Víking hér heima.
Víkingur: Crvenka í Laugardalshöll.
í kvöld föstudag kl. 20:30 og sunnudagskvöld kl. 20:30
íslenskir áhorfendur,
Júkkarnir gefa ekkert eftir. Víkingur gefur ekkert eftir. Þiö gefiö ekkert eftir.
Þannig skapast baráttuleikur, frábær skemmtun og góöur árangur.
Mætum, tökum virkan þátt í leiknum, styðjum Víking, sendum þá beint í 4 liöa úrslitin.
Miöasala í Höllinni báða dagana frá kl. 17