Morgunblaðið - 25.01.1985, Blaðsíða 25

MORGUNBLAÐIÐ, FÖSTUDAGUR 25. JANÚAR 1985
25
Hryðjuverkasamtök
en ekki ríkisstjórn
— stjórna fran, segir sonur íranskeisara
New York, 24. jan. AP.
REZA I’ahlavi, sonur hins látna fr-
anskeisara, kveðst álíta, að land sitt
sé nú tilbúið til þess að taka upp
þingbundið konungdæmi. Sjálfur
segist hann vera í sífelldri hættu
vegna hryðjuverkamanna, sem sitji
um líf sitt.
Erfingi írönsku krúnunnar, sem
dvelst í Bandaríkjunum, skýrði
frá þessu í viðtali við bandarísku
sjónvarpsstöðina ABC. Þar sagði
hann ennfremur, að Íranir hefðu
sýnt stuöning sinn við breytingar í
landinu fyrir tveimur árum, er
„yfir 2 milljónir manna fóru í
mótmælagöngur á götum Teheran
á afmælisdegi stjórnarskrárinnar.
Ég held, að þetta sýni, að viss
þróun hafi þegar skapazt," sagði
Pahlavi ennfremur, „og að við
höldum áfram að stefna í þessa
átt.“
Sjónvarpsviðtalið fór fram á
leynilegum stað. „Ég veit, að ég er
skotmark nr. 1 hjá hryðjuverka-
manni nr. 1,“ sagði Pahlavi. „Ég
veit, að þeir eru á eftir mér.“
Pahlavi hélt því fram, að íran
væri stjórnað af hryðjuverkasam-
tökum en ekki ríkisstjórn og hefðu
þessi samtök gert svohljóðandi
samning við Ayatollah Khomeini:
„Við munum halda þér við völd, en
í staðinn gefur þú okkur tækifæri
til þess að koma á fót alþjóðlegum
hryðjuverkasamtökum."
Regan vill finna Kirkpatr-
ick starf utan Hvíta hússins
Washington, 24. janúar. AP.
RONALD Reagan forseti er fús ad
fá Jeane Kirkpatrick embætti á sviði
utanríkismála, utan Hvíta hússins,
að því er embættismaður stjórnar-
innar sagði, en Kirkpatrick er um
þessar mundir að hætta sem sendi-
herra Bandaríkjanna hjá Sameinuðu
þjóðunum.
Embættismaðurinn kvað forset-
ann mundu eiga fund með henni i
dag. Væri ekki vitað, hvaða emb-
ætti forsetinn hefði í huga að
bjóða henni.
Reagan og Kirkpatrick hittust í
síðasta mánuði til að ræða þessi
mál og kom saman um að hittast
aftur eftir að forsetinn hefði verið
settur inn í embætti.
Embættismaðurinn, sem ekki
vildi láta nafns síns getið, kvað
íhaldssama repúblikana hafa von-
ast til þess að Reagan fengi henni
starf á borð við embætti ráðgjafa í
þjóðaröryggismálum, utanríkis-
ráðherra eða varnarmálaráð-
herra, en forsetinn bað þá sem
gegna þessum embættum að sitja
áfram á öðru kjörtímabili sínu.
Reagan kvað enga verðuga stöðu
handa Kirkpatrick á lausu í Hvíta
húsinu.
Sotheby’s í London:
Armbandsúr Andrésar
andar á 12 þús. pund
London, 24. janúar. AP.
í gær var armbandsúr Andrésar
andar selt í London fyrir 12.100
pund (tæplega 540 þús. ísl. kr.), aö
sögn starfsmanna hjá Sotheby’s—
uppboðsfyrirtækinu.
Urið er úr gulli, sett 200 ör-
smáum demöntum, og á því er
mynd af Andrési. A bakhlið þess
er greypt dagsetning 50 ára af-
mælisins 1984. Það var Walt
Disney-fyrirtækið sem lét gera
úrið hjá Garrard, konunglegum
skartgripasmið í London.
„Seljandi úrsins var ónafn-
greindur og kaupandinn ónefnd-
ur breskur safnari," sagði Fiona
Ford, talsmaður Sotheby’s.
„Það var aðeins til eitt eintak,
og kaupandinn einfaldlega féll
fyrir freistingunni eða langaði
til að gefa einhverjum síðbúna
jólagjöf."
Áströlsku flug-
félögin öruggust
ÁSTRALlA hefur á að skipa örugg- sögn greinarhöfundar.
ustu flugfélögunum, að því er fram
kemur í dag í grein í breska vikurit-
inu Flight International.
í öðru sæti er Skandinavía, Jap-
an í þriðja sæti og Bandaríkin í
fjórða, segir tímaritið, sem kann-
að hefur þetta mál í mörg ár.
Flugfélög í Bretlandi, Frakk-
landi og Vestur-Þýskalandi eru
jöfn í fimmta sæti, en á botninum
eru Colombia, Tyrkland, Egypta-
land, Indónesía og Sovétríkin, að
„í yfir 30 ár hefur Ástralia
óumdeilanlega verið í fararbroddi
í heiminum að því er flugörygg-
ismál varðar," segir höfundur
greinarinnar, Mike Ramsden, sem
er sérfræðingur í rannsóknum á
þessu sviði.
í greininni kemur enn fremur
fram, að árið 1984 hafi verið hið
besta frá því í árdaga flugsins, þar
sem þá varð ekkert meiri háttar
flugslys.
nátíð í
Laugardaginn 26. janúar fyrir 16 ára og eldri og sunnudaginn 27. janúar^Q
fyrir yngri hópa milli kl. 3 og 6. ^
Besta og stærsta Duran Duran-hátíð sem haldin hefur verið á íslandi.
Dagskráin er stórglæsileg
1. Duran Duran-tískusýning: Duranista-flokkurinn
sýnir fatnað frá poto'v'
2. Duran Duran-hársýning: Frá Hársporti Díönu.
Velvaldi-flokkurinn sýnir með stæl og töktum.
3. Duran Duran-videohljómleikar í gegnum
t=3 stereo frá SJAPis
6. Allir fá bláar nærbuxur, a la Simon le Bon.
7. Ævisögur, slúðursögur, ástarsögur, afrekasög-
ur og kímnisögur sagðar milli hinna ýmsu
atriða og einstakra laga.
8. Duran Duran-drykkur kynntur við innganginn.
9. 15. hver gestur fær Duran Duran-glaðning að
hætti hússins.
10. Lukkumiðar og afraksturinn verður stórkost-
legur.
Opiö
4. Danssýningar: a) Nokkrar yngismeyjar sýna
dansinn „The wild boys“. b) Fimm íslands-
meistarar dansa við Duran Duran-lög.
5. Spurningakeppnin „Hvað veist þú um Duran
Duran?“ Vegleg Duran-verðlaun.
Tryggðu þér miða í tíma. Miðasala í dag á Matstofunni (L-116) og í kvöld.
Ath. Húsið opnað kl. 21.00.
í tilefni af Duran-hátíðinni í Traffic mun vera með „spes“ Duran Duran-borgara.
laugardag 21.00—03.00. Miðaverð 250,- Opið sunnudag 15.00—18.00. Miðaverð 150,-.
(PDQaO1!?
HJA
HIRTI
Öll tónlist sem spiluð er
fæst í
uLjj) KARNABÆ