Morgunblaðið - 26.01.1985, Blaðsíða 4
4
MORGUNBLAÐIÐ, LAUGARDAGUR 26. JANÚAR 1985
Verslunarfélag Austurlands:
Ætla í beina sam-
keppni vid SÍS
Vcrslunarfélag Austurlands, í Fellabæ á Egilsstödum, hefur í hyggju að
stofna nýtt hlutafélag til að efla starfsemi sína. Að sögn Sigurðar Grétarssonar
framkvæmdastjóra félagsins verða hlutabréfin boðin út á almennum markaði
og verður heildarverðmæti þeirra 7 milljónir króna. /Etlunin er að ganga
þannig frá hlutabréfunum að þau verði frádráttarbær til skatts fyrir einstakl-
inga. Stofnfundur hlutafélagsins verður haldinn Tóstudaginn 1. febrúar nk. á
Egilsstöðum, en framhaldsaðalfundur verður haldinn síðar í Reykjavík.
„Verslunarfélag Austurlands var
stofnað 1960 um rekstur á slátur-
og frystihúsi í samkeppni við kaup-
félögin og þetta verslunarfélag var
meðal annars einn af stofnendum
Verslunarsambands íslands. Þetta
verslunarsamband, og við meðal
annars, var eitt af stofnendum
Hafskips, áttum 10% hlut þar í
gegnum Verslunarsambandið,"
sagði Sigurður. „Nú síðan lognaðist
þetta Verslunarsamband útaf,
verslunarfélögin týndu tölunni, en
Verslunarfélag Austurlands er eitt
af fáum sem eftir eru, og sennilega
það eina sem ennþá heitir verslun-
arfélag. Aukinn fjármagnskostnað-
ur á síðari árum hefur valdið erfið-
leikum í rekstri, en með stofnun
hlutafélags fæst fjármagn til að
efla rekstur félagsins."
Verslunarfélagið rekur verslun i
Fellabæ á 300 fermetra gólffleti
ásamt kjötvinnslu og lager. Það
rekur slátur- og frystihús og dag-
vöruverslun á Egilsstöðum, það er
að segja verslar með það sem fólk
þarf til daglegra nota í lítilli hverf-
isverslun, en aðalverslunin er í
Fellabæ með fatnað, búsáhöld og
leikföng auk matvöru. Hjá félaginu
vinna 16 mans að öllu jöfnu en 30
bætast við í sláturtíðinni.
Með hlutafélagsstofnuninni er
stefnt að þvi að halda sláturleyf-
um. „Þeim sláturleyfum sem enn
eru til utan Sláturfélags Suður-
lands og Sambands íslenskra sam-
vinnufélaga, þessara stóru blokka
og þá sérstaklega Samband ís-
lenskra samvinnufélaga, því þeir
eru að verða einokunaraðilar á
markaðnum. Það eru ekki nema
fimm eða sex aðilar sem hafa slát-
urleyfi fyrir utan þessa stóru aðila.
Við erum að reyna að tryggja það
að ieyfið verði hér áfram og skapa
þannig samkeppni."
Enn fremur sagði Sigurður: „Við
höfum alltaf reynt að greiða fullt
verð til bænda á hverju sem gengur
og reynt að standa okkur gagnvart
þeim. Við munum reyna að gera
enn betur þegar við erum búnir að
stofna hlutafélagið og erum komn-
ir i fullan gang."
Sverrir Hermannsson iðnaöarráðherra:
Byggðalína skilar
nánast engum arði
„ÞAÐ LIGGUR ALVEG Ijóst fyrir, að við höfum varið 2,7 milljörðum króna í
byggingu Byggðalínu og hún gefur okkur engan arð að kalla má. Að vísu eykur
hún margfaldlega öryggi orkudreifingar í landinu og það er óbeinn hagnaður.
Byggðalína fer ekki að skila arði fyrr en kísilmálmverksmiðjan á Reyðarfirði
hefur risið. Eg mun því gera mjög harða atrennu að því, að bygging verksmiðj-
unnar verði hafin í vor. Samstarfsflokkurinn er mér eindregið sammála um
það,“ sagði iðnaðarráðherra, Sverrir Hermannsson, í samtali við blaðamann
Morgunblaðsins.
„Þetta var auðvitað fjárfesting
sem hefði komið fyrr eða síðar og
börn okkar munu prísa okkur fyrir,
en tímasetning á henni var auðvit-
að vitlaus eins og á flestu, sem við
gerum. Það virðist kækur hjá
okkur að velja aldrei rétta tima-
setningu á framkvæmdir okkar. Að
gera réttan hlut á réttum tíma
virðist vera hrein undantekning.
Ég frestaði byggingu Suðurlínu um
eitt ár. Þegar ég kom að þeim mál-
um, var að vísu búið að heimila
byggingu hennar, en engir pen-
ingar voru til. Það var nú eins og
annað hjá þeim, sem fyrirsjá höfðu
með þessum málum, þá varðaði
ekkert um það hvort peningar væru
til. Ég gat ekki frestað henni leng-
ur, því það var búið að kaupa svo
mikið efni, að vextirnir af því voru
hreinar drápsklifjar svo það varð
að ljúka henni,“ sagði Sverrir Her-
mannsson.
Morgunblaðið/Árni Sæberg
Tölvurnar á Hótel Sögu. Við þær standa aðstoðarhótelstjórinn Jónas Hvannberg og menn frá Marel hf. og norska
fyrirtækinu Scanvest Ring, sem selur tölvurnar og hugbúnað.
Þrjú stærstu hótelin í Reykjavík:
Taka í notkun tölvubúnað til
bókunar, pöntunar og móttöku
ÞRJÍJ HÓTEL í Reykjavík, Hótel
Loftleiðir, Hótel Esja og Hótel Saga,
eru nú að taka í notkun nýtt og full-
komið tölvukerfi, sem mun annast
pantanir, bókanir, reikningsfærslur
og fleira.
Valgerður Bjarnadóttir fram-
kvæmdastjóri hóteldeildar Flug-
leiða sagði, að 2—3 ár væru liðin
síðan fyrst var farið að huga að
því að setja upp slíkan búnað á
hótelum fyrirtækisins. „Þessi
búnaður auðveldar mjög alla
vinnu í sambandi við pantanir,
bókanir og móttöku gesta", sagði
Valgerður. „Þegar gestur pantar
herbergi á einhverju hótelanna
veitir hann allar nauðsynlegar
upplýsingar og þær eru færðar inn
í tölvu. Þá þarf gesturinn ekki að
gera annað en nefna nafn sitt við
komuna og við getum þegar af-
greitt hann, án þess að tími fari í
að finna pöntunina og láta hann
fylla út eyðublöð. Um leið og tölv-
an hefur fengið skipun um að gest-
urinn sé kominn á hótelið færir
hún sjálfkrafa inn kostnað hans
við dvölina á hverjum degi, þ.e.
gistikostnað. í vor bætum við síð-
an við símstöð, sem gerir okkur
kleift að skrá kostnað við símtöl
gestsins beint inn á hótelreikning
hans. Þegar gesturinn tilkynnir
brottför er reikningurinn fullunn-
inn í tölvunni. Kerfið getur einnig
tekið við pöntunum í tvö ár fram í
tímann."
Tölvubúnaður sem þessi er í
flestum stærri hótelum erlendis,
að sögn Valgerðar. „Þetta kerfi
verður tengt við móðurtölvu okkar
og það verða fimm tölvuskermar í
hvoru hóteli. Hótelin samnýtast
betur en áður, því nú þarf ekki
annað en að líta á tölvuskerm í
öðru hótelinu til að sjá hvort hitt
er fullbókað. Þetta er auðvitað
dýrt fyrirtæki, en hagræðingin er
líka augljós," sagði Valgerður.
Hugbúnaður tölvukerfisins er
hannaður af norska fyrirtækinu
Scanvest Ring a/s en umboðsaðili
hér á landi er Marel hf. Ástæða
Staðarbakki:
þess að Marel hf. er umboðsaðili
er sú, að Scanvest hefur haft sam-
starf við fyrirtækið áður og komið
tölvuvogum þeirra á markað í
Skandinavíu. Sigurður Jónasson
forstöðumaður kerfisdeildar Mar-
el hf. sagði, að tölvukerfi þessi
hentuðu jafnt smæstu sem
stærstu fyrirtækjum. Hann sagði,
að þeir möguleikar, sem kerfið
byði upp á hefðu gert hótelum er-
lendis kleift að greiða stofnkostn-
að niður á örskömmum tíma.
Fundað um byggða-
og landbúnaðarmál
SUAarbakka, 24. janúar.
ÞANN 22. þessa mánaöar var al-
mennur fundur haldinn um byggða-
og landbúnaðarmál í félagsheimilinu
Víðihlíð. Var til hans boðað af Sjálf-
stæðisfélagi Vestur-Húnavatnssýslu.
Fundarstjóri var formaður félagsins,
Ólafur Óskarsson. Frummælendur
voru þeir Egill Bjarnason ráðunuatur
og þingmennirnir Pálmi Jónsson og
Eyjólfur Konráð Jónsson.
Egill rakti stöðu landbúnaðarins
á síðustu árum, bæði hvað snerti
búfjáreign og sölu á landbúnaðar-
vörum. Þingmennirnir lýstu stöðu
atvinnuvegarins og gildi hans fyrir
þjóðfélagið og þær leiðir, sem helzt
mættu verða honum til styrktar.
Meðal annars skýrði Eyjólfur frá
starfsemi laxeldisstöðvarinnar í
Lóni í Kelduhverfi. Fundinn sátu
um 60 manns og urðu umræður líf-
legar að loknum framsöguræðum.
Það kom fram í ræðum manna að
skuldir hefðu aukizt mjög á síðasta
ári og efnahagsörðugleikar væru
hjá fjölda bænda. Menn virtust
sammála um, að á meðan hömlur á
framleiðslu væru nauðsynlegar,
væri æskilegra að svæðakvótar
væru teknir upp og bændur yrðu að
krefjast þess, að innleggsvörur
þeirra yrðu greiddar því sem næst
að fullu við afhendingu. Þó ekki sé
bjart framundan hvað efnahaginn
snertir var þó ekki að heyra neinn
uppgjafartón í mönnum.
— Benedikt
Tóbaksvarnanefnd
segist ánægð með
viðbrögð almennings
„MIKIL ánægja er með þau viðbrögð sem nefndarmenn hafa merkt hjá
almenningi vegna laga um tóbaksvarnir, sem gengu í gildi 1. janúar sl.,“
sagði Árni Johnsen, formaður tóbaksvarnanefndar á blaðamannafundi
nefndarinnar. „í þeirri umræðu sem verið hefur, gætir þess miskilnings að
með lögunum sé veriö að banna fólki að reykja, en það er ekki rétt. Þeir sem
vilja reykja geta haldið því áfram ef þeir vilja. Það er einungis farið fram á
að reykingarmenn sýni tillitssemi og reyki á afmörkuðum stöðum og taki
þannig tillit til þeirra sem ekki reykja.“
Hörður Bergmann frá vinnueft-
irliti ríkisins, benti á að lögin um
tóbaksvarnir, næðu einungis til
lítils hluta af vinnustöðum í land-
inu. í dreifibréfi, sem sent hefur
verið til eftirlitsmanna vinnueft-
irlitsins, eru drög að reglum um
bann við reykingum á öðrum
vinnustöðum kynntar og þeir
beðnir um að kanna hver við-
brögðin verði við þeim. Viðurlög
við broti á þessum reglum, verði
þær samþykktar, geta leitt til lok-
unar á viðkomandi vinnustað.
Könnun sem gerð var 1983 sýndi
að 70% þjóðarinnar reykti ekki,
þannig að með setningu laganna
má líta svo á að „Þögli meirihlut-
inn“, hafi fengið langþráð tæki til
að bera hönd yfir höfuð sér. Ekki
síst hvað börn og unglinga varðar.
Nú á næstu dögum verður farið
að dreifa um landið tugþúsundum
merkja og límmiða um bann við
reykingum og bann við sölu á tób-
aki til barna yngri en 16 ára.
„Heilsugæslukerfið mun sjá um
dreifingu miðanna og heilbrigðis-
fulltrúar á hverjum stað eiga að
sjá um uppsetningu þeirra." sagði
Ingimar Sigurðsson, formaður
frumvarpsnefndar að lögum um
tóbaksnefnd.
Eftir að Landlæknir, Guðjón
Tóbaksvarnanefnd: Árni Johnscn, alþingismaður og formaður nefndarinnar, Þorvarður Ornólfsson, fram-
kvæmdastjóri Krabbameinsfélagsins, Ingimar Sigurðsson, deildarstjóri í heilbrigðisráðuneytinu og formaður
frumvarpsnefndar, Þórhallur Halldórsson, framkvæmdastjóri Hollustuverndar ríkisins, Guðjón Magnússon,
landlæknir, og Hörður Bergmann, Vinnueftirliti ríkisins.
Magnússon, hafði skýrt út tekst-
ann á varnaðarmiðum sem setja
skal á sígarettupakka 1.6.1985, þar
sem meðal annars kom fram að
maður sem reykir 1 pakka á
dag, skerðir lífslíkurnar um 7
mínútur við hverja sígarettu.
Benti hann á að setning laganna
hefði vakið mikla athygli erlendis,
en að þetta væri ekki í fyrsta
skipti sem við værum í farar-
broddi hvað heilsugæslu varðar.
Nægði þar að nefna baráttuna við
berkla á sínum tíma og varnir
gegn rauðum hundum hjá konum.
Þau mál sönnuðu að við þyrftum
ekki alltaf að bíða eftir því að aðr-
ir framkvæmdu þetta á undan
okkur.
Einnig kom fram á fundinum að
sennilega væri það einsdæmi að
falast væri eftir lögum héðan til
þess að miða við samsvarandi
lagasetningu erlendis.
Aðalstarf nefndarinnar og fjár-
munir á næstu árum munu fara í
aðgerðir til að draga úr tóbaks-
neyslu, en til þeirra mála fær
nefndin 2 prómill af tóbakssölu
hvers árs.