Morgunblaðið - 27.01.1985, Page 1

104 SIÐUR B/C
STOFNAÐ 1913
22. tbl. 72. árg. SUNNUDAGUR 27. JANÚAR 1985_________________________________Prentsmiðja Morgunblaðsins
Rússar
hætta við
kornkaup
WjLshington. 25. janúar. AP.
SOVÉTTMENN hafa hætt við að
kaupa 200.000 tonn af kornvöru af
Bandaríkjamönnum og gefið engar
skýringar. Er þetta i annað skiptið á
níu dögum sem þeir hætta við slík
kaup án þess að reifa hví þeir hætti
við, síðast var það 100.000 tonna
farmur sem afboðaður var.
Bandaríkjamenn framleiddu til
muna meiri kornvöru á síðasta ári
heldur en árið á undan, en náðu þó
ekki metuppskeru ársins 1982.
Uppskeran nam 7,65 milljörðum
bagga, sem var 83 prósent meiri
uppskera heldur en árið 1983, en 7
prósentum minna en metuppsker-
an 1982.
Njósnatunglið
komið á stjá
( ape (luuveril. 25. janúar. AP.
EMBÆTTISMENN sem vildu ekki
láta nafna getið staðfestu í dag, að
áhöfn geimskutlunar Discovery
hefði skotið njósnagervihnetti á
braut síðla föstudags. Mikil leynd
hefur hvflt yfir aðgerðum Discovery,
enda í fyrsta skipti sem hún er í
þeira erindagjörðum að ferja njósna-
tungl út í geiminn.
Hinir ónafngreindu sögðu allt
hafa gengið að óskum, talsmenn
geimferðastofnunarinnar á Cana-
veral-höfða vildu hins vegar ekk-
ert láta hafa eftir sér og sögðust
ekki einu sinni vita hvort að Dis-
covery hefði ferjað njósnatungl
eða ekki.
íflugtaksstööu
Fárviðri
í Banda-
ríkjunum
New York, 26. janúar. AP.
ÓVEÐUR geisar að nýju í miðvestur-
hluta Bandaríkjanna og í Ohio-
dalnum. Mældist vindhraði allt að 80
km/klst og dró snjó í stóra skafla,
sem lokuðu vegum og ollu öngþveiti.
Óveðrið kemur á hæla mikils kulda-
kafia, sem kostaði 176 manns, í 23
ríkjum Bandaríkjanna, lífið.
Mikil snjókoma fylgdi óveðrinu
og er vegir tóku að lokast kom til
vandræða og varð m.a. að kalla út
hermenn til að bjarga strandaglóp-
um á vegum úti í norðurhluta
Minnesota. f norðurhluta Ohio og í
Indiana urðu hópárekstrar vegna
skafrennings og lítils skyggnis. Lét
einn maður lífið.
Þrumur og eldingar fylgdu einn-
ig óveðrinu og í Preston-sýslu í
Vestur-Virginíu vænkaðist ekki
hagur þúsunda íbúa í sveitum, sem
verið hafa einangraðir á heimilum
sínum í vikutíma vegna fannfergis
þar um slóðir. Eru skaflar og
snjóbunkar allt að 6 metra djúpir
og 30 sentimetrar bættust við í
gær.
Meðfram bökkum Superior-vatns
í efrihluta Michigan féll allt að
hálfsmetra djúpur snjór og varð að
aflýsa skólahaldi í stórum hluta
ríkisins.
Morgunblaöiö/Friöþjófur.
Vinnst senn fullnaðar-
sigur á holdsveikinni?
Wxshington. 26. janúar. AP.
VÍSINDAMENN í Louisiana telja sig vera komnir á sporið í baráttunni gegn
holdsveiki og eru tíðindin byggð á því, að loks hefur fundist tilraunadýr
nægilega skylt manninum til þess að hægt sé að gera allar þær tilraunir sem
þörf krefur. Hér er um mangabey-apa að ræða, til þessa hefur eina dýrið
sem tekið hefur sýkina á rannsóknastofum verið beltadýr, sem er óskylt
mönnum og öpum.
Talsmaður vísindamannanna
sagði í dag, að einhverra hluta
vegna, þýddi ekki að sprauta
holdsveikibakteríunni í aðrar
apategundir, þeir hefðu reynt það
á þremur tegundum, en mangab-
ey-apinn hefði reynst þeirra mót-
tækilegastur. Þessi niðurstaða
merkir, að hægt verður að setja
umfangsmikla leit að bóluefni í
gang, einnig leit að fyrirbyggj-
andi efnum og þó vísindamenn-
irnir telji enn langt í land, þá sé
samt sem áður brotið blað í bar-
áttunni gegn holdsveiki.
Það er hægt að halda holdsveiki
í skefjum með daglegum lyfja-
gjöfum, en ekki lækna hana á
þann hátt, og verið er að gera til-
raunir með tvö bóluefni. En
vísindamennirnir segja að slíkar
tilraunir geti staðið yfir í mörg ár
áður en niðurstaða fæst. Segja
þeir að hvort heldur umrædd tvö
bóluefni reynast hin réttu efni eða
einhver áður ófundin, þá muni
það flýta verulega fyrir þróuninni
að geta gert tilraunir á dýri jafn
náskyldu manninum og manga-
bey-apinn er. Alls eru 15 milljón
manns í heiminum í dag haldnir
holdsveiki.
Fjárlög Reagans:
Meiri halli en á
sama thna í fyrra
Washinfton, 26. ianúar. AP.
Waahington, 26. janúar. AP.
ÚTGJÖLD stjórnar Ronalds Reagan í desember námu 15,2 milljörðum meira
en tekjur ríkissjóðs og þar af leiðandi er halli á ríkissjóði fyrstu þrjá mánuði
fjárlagaársins 1985 14,4%meiri en sömu mánuði fjárlagaárið 1984.
Samtals eru útgjöld umfram
tekjur fyrstu þrjá mánuðina 72,4
milljarðar dollara, en voru 63,3
milljarðar dollara í fyrra. Fjárlaga-
árið hefst 1. október.
Vaxtagreiðslur af skuldum ríkis-
sjóðs, sem eru þriðji hæsti gjalda-
liður fjárlaganna, hækkuðu hlut-
fallslega meira. Námu vaxtagreiðsl-
urnar 49,4 milljörðum dollara
fyrstu þrjá mánuði fjárlagaársins,
eða 23,3% hærri upphæð en í fyrra.
Stjórn Reagans, sem spáði því í
ágúst í fyrra, að halli á fjárlögum
ársins 1985 yrði minni en 1984,
stendur nú frammi fyrir allt að 210
milljarða halla á fjárlagaárinu
1985. Yrði þar um að ræða nýtt met
í stjórnartíð Reagans, eldra halla-
metið er 195,4 milljarðar dollara
frá árinu 1983, en á síðasta fjár-
lagaári nam hallinn 175,3 milljörð-
um dollara.
Þar sem nú horfir í methalla, sem
stafar m.a. af minni hagvexti en
áætlað hafði verið, leitar stjórnin
og þingleiðtogar nú leiða til að
stemma stigu við þróuninni með því
að skera niður útgjöld hins opin-
bera.