Morgunblaðið - 20.02.1985, Blaðsíða 30

30
MORG UNBLAÐIÐ, MIÐVIKUDAGUR 20. FEBRÚAR 1985
Afkvæmi hrúts
og geitar
Einstæð kynblöndun f Noregi
Osló, 19. febrúar. Frá FréttanUra Morgiin-
blaósins, Jan Erik Lauré.
SAMKVÆMT öllum kennslubókum á þaö að vera útilokað. Bóndi einn í
Noregi fullyrðir samt, að á bæ sínum hafi fæðst afkvæmi geitar og hrúts.
Dýrið lítur út eins og geit en hefur lambsull um skrokkinn og dindil eins
og lamb. Sérfræðingar hyggjast nú rannsaka litninga þessa „dularfulla
dýrs“.
Arvid Nergaard bónda brá
heldur betur í brún dag einn í
síðustu viku er hann gekk út í
fjós til þess að líta eftir skepnum
sínum. Ein af geitunum var í
þann mund að bera, en þegar af-
kvæmið var fætt, var það afar
undarlegt útlits. Það hafði lamb-
sull og dindil eins og lamb, en
var að öðru leyti eins og kiðling-
ur. Skömmu síðar ól geitin ann-
að afkvæmi, sem var alveg eins
og hið fyrra.
„Ég skil þetta ekki. Ég hef
fengizt við geitabúskap í mörg
ár, en aldrei séð neitt þessu líkt,“
er haft eftir Arvid Nergaard
bónda. „Bæði afkvæmin líta út
eins og geit, en sökum þess að
þau eru þakin kindarull hlýtur
hér að vera um blöndun að ræða.
Ég minnist þess að hrútur einn
var hafður hér í húsi eina nótt.
Hann hlýtur að hafa snúið sér að
geitunum. Kynblöndun á kindum
og geitum á víst að vera útilok-
uð, en ég held samt, að þessum
hrúti hafi tekizt hún,“ sagði
Nergaard ennfremur.
„Hafi þarna átt sér stað þessi
kynblöndun, þá er það heims-
frétt," var í dag haft eftir einum
kennara landbúnaðarháskólans í
Noregi. „Mér er kunnugt um, að
það hefur verið reynt að koma á
kynblöndun milli sauðfjár og
geita við ýmsar tilraunastofnan-
ir, en mér vitanlega hefur hún
hvergi tekizt."
Arvid Nergaard bóndi með kiðlinginn, sem geitin bar. Hann hefur ull
sem lamb og lambsdindil.
Launsonur Hitlers látinn?
Maðurinn, sem hér birtist mynd af, hét Jean Marie Loret, en hann lést eftir
hjartabilun um síðustu helgi á heimiii sínu í St. Qentin í Frakklandi. Loret,
sem var 66 ára er hann lést, var af mörgum talinn launsonur Adolfs Hitler.
Loret fæddist árið 1918, en fyrir 38 árum sagði móðir hans honum að faðir
hans hefði verið þýskur undirliðþjálfi að nafni Adolf Hitler, sem hún hefði
kynnst meðan fyrri heimsstyrjöldin stóð yfir.
Breska læknaráðið:
Stúlkur yngri en 16
ára fái ekki pilluna
— nema foreldrar samþykki
Lundúnum, AP.
BKESKA læknaráðið, sem fer með
siðamál lækna, beindi þeim til-
mælum til þeirra í gær, aö útvega
ekki stúlkum, sem eru yngri en 16
Persaflói:
Iranir ráð-
ast á skip
Manama, Bahrain, 19. febrúar. AP. *■
ORRUSTUÞOTUR, líklega íransk-
ar, réðust í morgun á tvö skip norður
af Abu Dhabi í Persaflóa með eld-
flaugnahríð og kúlnaregni að sögn
sjóbjörgunarmanna í Manama.
Annað skipanna er skráð í
Kuwait en hitt í Suður-Kóreu.
Kviknaði í því fyrrnefnda og er
haft eftir heimildum, að einn mað-
ur úr áhöfninni hafi farist. Björg-
unarmönnum frá Bahrain og
Dubai tókst að slökkva eldana og
hefur skipið nú verið dregið til
Dubai. Minni skemmdir urðu á
suður-kóreska skipinu, sem einnig
hélt til Dubai til viðgerðar. Var
það fulllestað olíu frá Saudi-
Arabíu.
ára, getnaðarvarnarpillur, nema til
komi samþykki foreldra þeirra.
Ráðið áréttaði, að nauðsynlegt
væri að hér eftir sem hingað til
ríkti trúnaðarsamband milli
lækna og þeirra sem til þeirra
leita, og því skyldu læknar ekki
skýra foreldrum frá því ef dætur
þeirra óskuðu eftir því að fá pill-
una, nema með samþykki stúlkn-
anna.
Hinar nýju leiðbeiningar
læknaráðsins eru settar í kjölfar
dómsúrskurðar í desember, sem
var á þá leið, að ekki skyldi láta
unga stúlku fá pilluna, nema
með samþykki móður hennar.
Aðeins mætti út af því bregða ef
dómstóll ályktaði annað eða
neyðarástand hefði skapast. í
dómnum var ekki að finna
skilgreiningu á því hvað telst
„neyðarástand" og breska heil-
brigðisráðuneytið hefur áfrýjað
úrskúrðinum til Iávarðadeildar-
innar, sem kveður upp endanleg-
an dóm. Er hans að vænta í
miðjum aprílmánuði og að hon-
um fengnum hyggst breska
læknaráðið taka tilmæli sín til
endurskoðunar.
Breskur uppeldisfrömuður:
Einhliða kynlífskennsia hefur
dregið kynlífið niður í svaðið
London, 18. febrúar. AP.
ÞAÐ ætti að gera minna af því að
útlista kynlífið í smáatriðum í
kynfræðslutímum skólanna en
leggja þeim mun roeiri áherslu á
ástina og rómantíkina, segir virtur,
breskur uppeldisfrömuður.
„Dálítið minni líffræði og dá-
lítið meiri rómantík yrði til að
búa drengi og stúlkur betur und-
ir lífið, ástina og hjónabandið,"
sagði Bryan Thwaites, prófessor
og fyrrum rektor háskólans í
Westfield. „Aldarfjórðungs
áhersla á líffræðilegar hliðar
kynlífsins hefur valdið því, að
kynslóð eftir kynslóð hefur orðið
að leita á náðir fóstureyðinga-
stöðvanna, kynsjúkdómadeild-
anna og það, sem er verst af öllu,
til heilsugæslustöðva þar sem
stúlkum er sagt, að þær séu með
ólæknandi krabbamein.
Læknar segja, að krabbamein
í leghálsi, sem einu sinni þekkt-
ist bara hjá gömlum konum, sé
að verða að faraldri hjá ungum
konum vegna þess hve þær byrja
kynlífið snemma," sagði Thwait-
es í sjónvarpsþætti um ástina og
kynlífið.
„Stúlkum á aldrinum 14 og 15
ára, sem þurfa að láta eyða
fóstri, fjölgar stöðugt, um helm-
ing á tíu árum og eru nú ein af
hverjum 200. Og nú bætist Aids
við.“
Thwaites sagði, að kynfræðsla,
sem minntist ekki á tilfinninga-
legar hliðar kynlífsins, þá and-
legu upplifun, sem fylgir ástinni,
drægi kynlífið að lokum niður í
svaðið.
„Við höfum gleymt því, að til-
gangurinn með.kynlífinu og ást-
inni er að geta börn og ala þau
upp í umhyggjusamri fjölskyldu,
fjölskyldu, sem hefur bæði móð-
ur og föður. „Eins-foreldris-
fjölskyldan“, sem er afleiðing
hjónaskilnaðar, er engin fjöl-
skylda," sagði Thwaites.
Bandaríkin:
Fresta
aðstoð
við Súdan-
stjórn
Washington. 18. Tebrúar. AP.
Bandaríkjastjórn, sem augljós-
lega er óánægð með aðgerðir Súd-
anstjórnar í efnahagsmálum, hefur
frestað greiðslu þess fjár, sem Súd-
önum hafði verið ætlað í efnahags-
aðstoð. Greindi utanríkisráðu-
neytið frá þessu í gær.
Efnahagsaðstoðin, sem er upp
á 194 milljónir dollara, átti að
berast Súdanstjórn seint á síð-
asta ári en var frestað vegna þess
hve hún hefur lítið aðhafst í þvi
að koma á reiðu i efnahagslifinu.
Bandaríkjastjórn setur einnig
fyrir sig miðaldahugarfarið og
mannúðarleysið, sem kom í kjöl-
far þess, að íslamskur réttur var
leiddur í lög í landinu.
í tilkynningu utanríkisráðu-
neytisins sagði þó, að Súdan-
stjórn virtist nú vilja taka sig á
og myndi það greiða fyrir efna-
hagsaðstoðinni. Tekið var skýrt
fram, að ekkert lát yrði á hjálp-
arstarfinu í Súdan enda ætti það
ekkert skylt við efnahagsaðstoð-
ina.
Kveikt í rútu
á Vestur-
bakkanum
Jerúsalem, 18. febrúar. AP.
Grímuklæddir vopnaðir menn
stöðvuðu rútu, sem í voru tveir
palestínskir verkamenn, á Vest-
urbakkanum í morgun, skipuðu
ökumönnum og farþegum út úr
bifreiðinni og kveiktu síðan í
henni.
Útvarpið í ísrael sagði að
Palestínumennina og bílstjór-
ann hefði ekki sakað. Atvikið
átti sér stað í þorpinu Adba, 10
km suðvestur af Hebron. Sagði
útvarpið þrjá menn hafa verið
að verki, en óljóst er hvort þeir
voru gyðingar eða Palestínu-
menn.
í þorpi nærri Ramallah á
Vesturbakkanum byggðu pal-
estínsk ungmenni vegtálma og
reistu fána sinn á stöng til að
mótmæla brottvikningu fyrr-
um foringja í Fatah, her PLO.
Aðgerðum, sem beinast gegn
ísraelum, hefur fjölgað á Vest-
urbakkanum síðustu vikurnar.
V-Þýzkaland:
Tvær orrustu-
þotur skullu
saman í lofti
(■Utersloh, V-Þýzkalandi, 19. febrúar. AP.
HARRIER-orrustuþota brezka flug-
hersins og Starfighter-þota vestur-
þýzka flughersins rákust á í lofti 20
km norður af borginni Giitersloh.
Gjöreyðilögðust þoturnar, sem voru í
lágflugi er þær skullu saman, en tjón
varð ekki á jörðu niðri er þoturnar
hröpuðu til jarðar.
Flugmaður brezku þotunnar
beið bana í árekstrinum en aðstoð-
arflugmanninum tókst að skjóta
sér slösuðum út í fallhlíf. Flug-
manni þýzku þotunnar tókst einn-
ig að skjóta sér út í fallhlíf og
sakaði hann ekki.
Starfighter-þotan hafði bæki-
stöð í Eggebeck-flugstöðinni, en
Harrier-þotan tilheyrði brezkri
flugdeild með aðsetur í Giitersloh.
Hafa þá samtals 224 Starfighter-
orrustuþotur eyðilagst af ýmsum
orsökum, en samtals voru 900 þot-
ur af þessari gerð smíðaðar og
teknar f þjónustu snemma á
sjöunda áratugnum.