Morgunblaðið - 20.02.1985, Blaðsíða 47

MORGUNBLAÐIÐ, MIÐVIKUDAGUR 20. FEBRÚAR 1985
47
Dvergriki I deiglunni/jón Óttar Ragnarsson
Bjórinn strax ,
Sjaldan hafa forsjárhyggju-
menn á íslandi afhjúpað sitt
rétta eðli sem í bjórmálinu.
Þrátt fyrir að skoðanakannan-
ir hafi sýnt það æ ofan í æ að
meirihlutinn vill bjór ætlar fá-
mennur hópur öfgamanna að
halda áfram að hafa vit fyrir
þjóðinni.
Hlýtur það að teljast ein af
furðum veraldar hvílíkt lang-
lundargerð fslendingar hafa
sýnt með þvi að leyfa þessum
harðsnúna kjarna að drepa mál-
inu á dreif hvað eftir annað.
Núna þegar lokasennan á Al-
þingi er vonandi að hefjast er
því ekki úr vegi að rifja upp eina
ferðina enn hver eru helstu rök-
in með því að mæla með áfeng-
um bjór.
Gegn drykkjusýki
Alvarlegasti fylgifiskur áfeng-
isins er drykkjusýkin. Helsta
röksemdin með áfengum bjór er
sú að hann getur orðið veigamik-
ið vopn í baráttunni gegn henni.
Ástæðan er einföld. Helsta
orsök drykkjusýki er tíð ofurölv-
un, en langmestar líkur eru á
henni þegar sterkir drykkir á
borð við brennivín eru hafðir við
hönd.
Því veikari sem veigarnar eru
þeim mun meira magn þarf til
að komast i vímu og þeim mun
auðveldara er að hafa stjórn á
neyslunni og forðast misnotkun.
Forsenda þess að bjórinn
dragi úr alkohólisma er auðvitað
sú að hann falli inn í núverandi
verðstýringu og verði ekki upp-
spretta ódýrs vínanda í landinu.
Gegn óhollustu
f neysluvenjum sem í vinnu-
siðum eru flestir fslendingar
„skorpumenn". Þegar þeir
drekka á annað borð drekka þeir
mikið.
Vonandi fer þetta að breytast.
Magnneysla af þessu tagi fer illa
með líkamann (og sálina), bæði
vegna áhrifa vínandans sjálfs og
vegna tímabundins bætiefna-
skorts.
Þetta er sérstaklega vandamál
þegar sterkir drykkir eru notaðir.
Þeir eru nefnilega bætiefnalaus-
ir með öllu. Sama gildir um gos-
drykkina sem oftast fylgja með.
Aðeins þegar veikir drykkir,
sérstaklega bjór, eru notaðir,
verður þessi útskolun bætiefna í
lágmarki og þar með hin óæski-
legu eftirköst af drykkjunni.
Gegn ómenningu
Fáir íslendingar eru svo illa
að sér að þeir viti ekki nákvæm-
lega hvílík ómenning hefur fylgt
sterku drykkjunum í þessu landi.
Þeir sem vita ekki hvað átt er
vi ættu að sjá einhverjar af nýj-
ustu heimildunum um þetta efni:
Ein sú áhrifaríkasta er kvik-
myndin „Kúrekar norðursins".
Notkun sterkra drykkja fylgir
Stærsta stíflan að bresta?
nefnilega undantekningalítið
hvers kyns misnotkun og ofur-
ölvun með tilheyrandi breyting-
um á hegðunarmynstri neytend-
anna.
Ekki aðeins missir fólk stjórn
á hugsun sinni, orðum og gjörð-
um, heldur má rekja mestan
hluta ofbeldis í landinu og stór-
an hluta slysa til þessa fyrirbær-
is.
Því veikari sem veigarnar eru
sem neytt er þeim mun meiri lík-
ur eru á að notendunum takist
að hafa taumhald á hugsun sinni
og þar með athöfnum.
Gegn ófrelsi
Bjórinn var hinn upprunalegi
drykkur norðurálfumannsins,
þ.á m. íslendinga. Þeir sem
byggðu á suðlægari slóðum
drukku hins vegar léttvín í stað
öls.
Ástæðan fyrir því að bjór-
menning íslendinga var brotin á
bak aftur og brennivínið flæddi
yfir landið var gróðafíkn
danskra einokunarkaupmanna á
16. og 17. öld.
Það var sögulegt slys að þegar
þjóðin endurheimti sjálfstæði
sitt voru forsjárhyggjuöfl ís-
lensks þjóðfélags nógu sterk til
að hindra afléttingu þessarar
frelsisskerðingar.
Allar götur síðan hefur bjór-
málið verið eins konar próf-
steinn á styrkleika forsjár-
h.vggjuaflanna í þessu þjóðfélagi
gegn frelsi og mannréttindum.
Þegar bjórinn loks verður
leyfður hangir því fleira á spýt-
unni en það eitt að þjóðin eigi nú
á nýjan leik kost á hollara og
hættuminna áfengi en áður.
Það sem um er að tefla er
hvort þjóðin fái sjálf að ákveða
hvaða áfengi hún drekkur og yf-
irleitt hvernig hún hagar lífi
sínu í þessu landi.
Þegar bjórinn kemur siglir því
fleira í kjölfarið. Það bendir
nefnilega allt til þess að þar með
muni stærsta stíflan í vegi
frjálslyndis á íslandi bresta i
eitt skipti fyrir öllu.
Enda tími til kominn.

PÍSKU SUM4KHÚSIN
Herzlich willkommen in Bayern! -
segja Gerlinde og Horzt Roth, þýsku
hjónin í sumarhúsunum í Oberall-
gau. Einstök gestrisni og hlýtt viðmót
þýsku gestgjafanna skaþar heimilis-
legt andrúmsloft á þessum frábæra
orlofsstað, og þeim til aðstoðar í
sumar verður íslensk stúlka, Rut
Gylfadóttir.
Oberallgau býður uþp á matsölu-
$tað, bar, ölstofu, spilastofur (keilu-
spil), saunabað, sólbaðslampa,
heilsunudd tvisvar í viku, tennisvöll,
innisundlaug, barnaleikvöll, reið-
hjólaleigu, hljómleika, grillveislur,
skoðunarferðir, kvikmyndasýningar,
barnagæslu, dans og margt fleira.
Á svæðinu er verslun, sem selur
allar nauðsynjar. Mjólk, rúnnstykki
og morgunblöðin fær maður á dyra-
pallinum alla morgna. Örstutt er í
smáborgina Missen-Wilhams, en
þar er banki, fjölbreyttar verslanir,
pósthús, hestaleiga og margt fleira.
Kynnist Oberallgau og Suður-
Þýskalandi. Njótið þess að „rúnta“
um sveitirnar eða yfir til Sviss, Liech-
tenstein og Austurríkis.
Flug, bílaleigubíll og gisting fyrir
fjóra í íbúð,
verð: í viku Kr. 15.524 pr. mann,
í tvær vikur: Kr. 18.925 pr. mann.
Hringið í síma 28133 og fáið enn
nánari upplýsingar.
Oberallgau er í bæjersku sveit-
inni með skógi vöxnum hlíðum, gam-
aldags þorpi, værðarlegum kúm á
beit og sumarblíðu. í boði eru 131
íbúð, eins til fjögurra herbergja,
þ.e.a.s. 2-6 manns í íbúð. ( þeim
eru öll heimilisþægindi fyrir kröfu-
harðasta fólk, eldhús með eldavél,
ísskáþ og borðbúnaði, baðherbergi
eða sturtubaði, rúmfatnaður og sími.
Einnig er hægt að fá hálft eða heilt
fæði og fullkomna hótelþjónustu.
FERÐAMIDSTODIN
AÐALSTRÆTI9
SÍMI28133 11255