Morgunblaðið - 20.02.1985, Blaðsíða 53

MORGUNBLAÐIÐ, MIÐVIKUDAGUR 20. FEBRÚAR 1985
53
Islensk eggjaframleiðsla:
Norðmenn fá um 70 % meira af
eggjum eftir hverja hænu á ári
— segir í nefndaráliti frá Sambandi eggjafram-
leiðenda sem lagt hefur verið fyrir Búnaðarþing
Eggjaframleiðsla hér á landi er
mun lakar á vegi stödd en í ná-
grannalöndunum, eftir því sem fram
kemur í áliti nefndar á vegum Sam-
bands eggjaframleiðenda um útung-
un og ungauppeldi og lögð hefur ver-
ið fyrir Búnaðarþing. í samanburði
sem gerður er á úrtaki hér á landi og
í Noregi, en þaðan er varphænustofn
okkar kominn, kemur í Ijós að Norð-
menn fá 70% meira en íslenskir
eggjaframleiðendur af eggjum eftir
hverja hænu á ári auk þess sem þeir
nota mun minna fóður til að fram-
leiða hvert kg. af eggjum.
í greinargerðinni kemur fram að
Norðmenn hafa 5,7% vanhöld á
sínum varphænum, en íslendingar
28%. Þeir ná 75% varpprósentu,
sem hér á landi er 48,8%. Þetta
þýðir, segir í greinargerðinni, að
þeir fá 17 kg. af eggjum eftir
hverja hænu á ári en við 10 kg. Þá
segir að Norðmenn noti 2,5 kg. fóð-
urs til að framleiða 1 kg. af eggjum
en íslenskir eggjaframleiðendur
3,9 kg.
Um ástæður þessa munar segja
eggjabændurnir að þær séu fyrst
og fremst að ekki hafa verið staðið
Morgunblaðid/EBB
Eggjaframleiðslaii hér á landi er í
hinum mesta ólestri, eftir því sem
kemur fram í áliti nefndar á vegum
Sambands eggjaframleiðenda.
Myndin var tekin nýlega á einu
alifuglabúinu.
að endurnýjun varpstofnsins með
þeim hætti, sem nauðsynlegur er
talinn, það er að skipta öllum fugl-
unum á hverju búi fyrir sig út í
einu lagi. Eggjabændurnir hafi
ekki treyst sér vegna fyrirkomu-
lags sölumála að skipta um alla
fuglana í einu, en grundvöllur hafi
nú skapast til slíks með tilkomu
dreifingarstöðvarinnar í Kópavogi.
Þá hafi eggjaframleiðendur ekki
heldur átt þess kost að fá nógu
marga unga í einu til að endurnýja
stofninn. Einnig nefna þeir að fuli-
orðin hænsni, útungun og unga-
uppeldi hafi ekki verið nægjanlega
aðskilin og að ekki hafi náðst um
það samstaða og skilningur að
framleiðsluna þyrfti að skipu-
leggja á félagslegum grundvelli.
Nefndin leggur til að Samband
eggjaframleiðenda taki upp sam-
starf við Norðmenn til að geta not-
ið þeirra tilrauna- og kynbóta-
starfs á alifuglum og að íslend-
ingar fái frá þeim fugla til kyn-
bóta, svo oft og svo mikið, sem
nauðsynlegt er talið hverju sinni.
Þá verði innflutti stofninn alger-
lega aðskilinn frá öðrum fuglum
og útungun fari einnig fram í ein-
angrunarstöð. Eggjaframleiðendur
fái fuglana síðan 18 til 20 vikna
gamla og skipti þá alveg um stofn.
MorKunbladid/Bjarni.
llervör Guðjónsdóttir flutti ræðu á táknmáli en maður hennar, Guðmundur
Kgilsson, las hana upphátt. Þá aðstoðaði þau Sunna Davíðsdóttir.
Félag heyrnar-
lausra 25 ára
FÉLAG heyrnarlausra varð 25 ára
hinn 11. febrúar sl. í hófi sem haldið
var í tilefni dagsins hélt Salvör Guð-
jónsdóttir fyrrverandi formaður Fé-
lags heyrnarlausra ræðu.
Þar kom m.a. fram að þeir sem
höfðu haft forgöngu um stofnun fé-
lagsins voru Guðmundur Björns-
son, Markús Loftsson, Jón Ólafsson
og Salvör Guðjónsdóttir, en fyrsti
formaðurinn var Guðmundur
Björnsson, og gengu 33 meðlimir í
félagið á stofnfundinum. Tilgangur
félagsins er að stuðla að auknum
félagsskap þeirra sem eru mállitlir
eða mállausir vegna heyrnarleysis
og vinna að hagsmunamálum
þeirra.
Á skrifstofu félagsins eru marg-
þætt störf unnin. Heyrnleysingjum
er veitt aðstoð í túlkunarmálum, at-
vinnumálum og félagsmálum.
Skrifstofan annast samskipti við
hið opinbera, styrkir samtök þeirra
og er málsvari þeirra út á við.
Meðlimir í Félagi heyrnarlausra
eru 200 og núverandi formaður er
Vilhjálmur G. Vilhjálmsson.
Grindavík:
Hópsnes gef-
ur grunnskólan-
um tölvubúnað
Grindavik, 18. febríiar.
FISKVINNSLU- og útgerðarfyrirtæk-
ið Hópsnes hefur fært grunnskólan-
um hér tölvubúnað, sem ætlunin er
að nota við tölvufræðslu í skólanum.
Fyrirtækið færir skólanum gjöfina f
tilefni af 20 ára starfsafmæli þess.
Gunnlaugur Dan, skólastjóri, sagði f
samtali við fréttaritara blaðsins að
gjöfin kæmi að ómetanlegu gagni við
skólastarfið og þá jafnvel ekki síður
fyrir atvinnulíf á staðnum.
Búnaðurinn kemur þegar að góð-
um notum fyrir tölvuklúbb, sem
Morgunblaðið/Guðfinnur
starfað hefur i skólanum síðan sl.
haust. Þessa dagana stendur yfir í
skólanum tölvunámskeið fyrir
bæði nemendur og kennara. Næsta
vetur er fyrirhuguð skipulögð tölv-
unarfræðsla í 9. bekk grunnskólans
og jafnvel í fleiri bekkjardeildum.
Skólastjórinn óskaði eftir að fá
að koma á framfæri bestu þökkum
til gefendanna.
— Guðfinnur
Gunnlaugur Dan skólastjóri (lengst til
vinstri) tekur við gjöfínni frá Hópsnesi
hf. Gefendur eru hér ásamt konum
sínum: Eðvarð Júlíusson og Elin Alex-
andersdóttir, Guðlaugur Óskarsson og
Sigrún Ágústsdóttir og Jens Óskars-
son og Bára Ágústsdóttir.
WHAM-HATIÐ I

laugardag
og sunnudag
P.s. Eina sanna
freestyle lands-
keppnin í diskódansi
hefst í Traffic 3. ágúst.
Skráning hafin.