Morgunblaðið - 02.03.1985, Blaðsíða 4

Morgunblaðið - 02.03.1985, Blaðsíða 4
4 MORGUNBLAÐIÐ, LAUGARDAGUR 2. MARS 1985 Morgunblaðið/Árni Sæberg Nemendur Menntaskólans í Reykjavík ræddu málin í anddyri skólans í morgun, á meóan þeir biðu eftir aó sjá hvort kennarar þeirra mættu til vinnu. Ó fremdarástand í framhaldsskólum — víöast féll meirihluti kennslu niður SKÓLAHALD í framhaldsskólum landsins var meira og minna lamað í gær, þar sem meginþorri þeirra kennara sem sögðu upp störfum 1. desember sl. kom ekki til starfa í gær, 1. mars. Þetta kemur fram í viðtölum þeim sem hér fara á eftir, við stjórnendur mennta- og fjöl- brautaskóla um land allt. „Mjög takmarkað skólahald í Hamrahlíð,, Sveinn Ingvarsson, konrektor í Menntaskólanum við Hamrahlíð, sagði: „Það hefur verið mjög tak- markað skólahald hjá okkur í Hamrahlíð í dag. Við byrjuðum á venjulegum tíma í morgun, og þá voru mættir 9 kennarar af þeim 28 sem áttu að mæta. Það var svipað þessu, hlutfallið, fram undir hádegi, en eftir hádegi voru nemendur á Austurvelli á fundi, þannig að skólahald var nánast ekkert eftir hádegi." Sveinn sagði að ekki lægi ljóst fyrir hversu margir hefðu hætt störfum í gær af þeim 58 sem sögðu upp, en lík- legt er talið að flestir þeirra hafi hætt. Talið er að um 80% kennsl- unnar sem verið hefur í skólanum hafi verið í höndum þessara 58 kennara, en kennarar eru rétt innan við 90 talsins. Sveinn sagði að ekkert væri hægt að segja til um hvert framhaldið yrði hjá MH fyrr en málin skýrðust eitthvað eftir helgi. „Enginn þeirra sem sögðu upp kom til vinnu í dag“ Kristján Bersi Ólafsson, skóla- meistari í Flensborgarskóla í Hafnarfirði, sagði: „Það hefur verið kenndur um það bil þriðj- ungur þeirrar kennslu sem var á stundaskrá hér í dag. Hér starfa 44 kennarar á þessari önn og 24 þeirra sögðu upp. Enginn þeirra kom til vinnu í dag.“ Kristján Bersi sagði að hann hugsaði ekki lengra fram í tím- ann en einn dag í senn, þegar ástandið væri eins og það er núna, „en þetta er náttúrlega ekki hægt til lengdar," sagði Kristján Bersi. Kéttur helmingur kennara í Fjölbraut í Breiðholti sagði upp, en kennir meira en 50% kennslunnar Guðmundur Sveinsson, skóla- meistari Fjölbrautaskólans í Breiðholti, sagði: „Upphaflega sagði upp starfi 61 kennari af 115, en síðan drógu 3 kenarar upp- sagnir sínar til baka, þannig að við höldum að 58 kennarar hafi gengið út í morgun. Það segir ekki alla söguna, því meira en 50% kennslunnar eru á herðum þessara kennara sem sagt hafa upp.“ Guðmundur sagði að skóla- hald hefði verið óeðlilegt í fyllsta máta í gærmorgun, en á það bæri einnig að líta að fyrsta daginn, þegar svona nokkuð kæmi upp á, færi allt úr skorðum. Hann sagði að þeir kennarar, sem ekki hefðu sagt upp, kenndu sína kennslu, en ekkert væri farið að huga að því hvað gert yrði til þess að kennsla fengist í stað þeirrar kennslu sem var í höndum þeirra sem gengu út ígær. Allir kennarar gengu út „Allir kennarar skólans, 15 að tölu, gengu frá störfum sínum í gær og mættu ekki að nýju í morgun," sagði Vilhjálmur Ein- arsson, rektor Menntaskólans á Egilsstöðum. „Hér er aðeins einn kennari, sem ekki hafði sagt upp störfum og það er íþróttakennar- inn. Auðvitað þýðir þetta að við getum alls ekki haldið uppi neinu skólastarfi, en það er þó lán í óláni hjá okkur, að næsta vika átti að vera svokölluð „opin vika“, en þá er engin hefðbundin kennsla. Ef skólahald leggst ekki niður í lengri tíma en viku þá raskast ekki almanakið hjá okkur varðandi námslyktir í vor.“ Vilhjálmur sagði að í ME væru um 200 nemendur og helmingur þeirra byggi í heimavist skólans. „Nær allir nemendur á heimavist fara til síns heima um helgina og aðeins 5 verða eftir," sagði hann. „Þeir nemendur, sem búsettir eru hér geta auðvitað notfært sér bókasafn skólans og aðra að- stöðu." Vilhjálmur sagðist að lokum ekki trúa því að þetta ástand stæði lengi. „Allir sem hlut eiga að máli hljóta að reyna að gera skaða nemenda sem minnstan svo þeir hljóta að leggjast á eitt að leysa vandann." „Hvetjum nemendur til að mæta“ Hjálmar Árnason, yfirkennari Fjölbrautaskóla Suðurnesja, sagði að haldnir hefðu verið fund- ir með nemendum skólans og þeir hvattir til að mæta þrátt fyrir röskun á kennslu, sem fjarvera kennara ylli. „Kennarar við skólann eru alls 52, en þeir 21, sem gengu út, báru uppi um 58% kennslunnar," sagði Hjálmar. „Að vísu höfðu 24 sagt störfum sínum lausum, en 3 ákváðu að hlíta framlengingu uppsagnarfrestsins. Við ætlum að halda uppi kennslu svo lengi, sem unnt er, en þeir kennarar sem eftir eru munu að öllum líkindum ekki ganga inn í störf þeirra, sem nú eru fjarverandi. Okkur barst bréf frá Hinu íslenska kennarafé- lagi, þar sem bent var á, að engar breytingar má gera á stundaskrá þeirra kennara, sem enn starfa, nema með fullu samþykki þeirra. Þessir kennarar hafa samþykkt að ganga ekki inn í störf starfs- bræðra sinna, svo engra breyt- inga er þar að vænta." Hjálmar sagði, að kennsla félli niöur á öllum námsbrautum skól- ans jafnt, en í öldungadeild misstu 11 hópar alla kennsku en 17 enga. Hann kvaðst vonast til að þetta ástand þyrfti ekki að vara lengi og sagðist bjartsýnn á að niðurstöður nefndar, sem vann að endurmati á störfum kennara, flýtti fyrir lausn deilunnar. „Hörmulegt ástand“ „Skólahald hefur verð í molum í dag og ástandið er hörmulegt," sagði Björn Bjarnason, rektor Menntaskólans við Sund. „Af 68 kennurum skólans sögðu 35 upp störfum og gengu þeir allir út nema einn, sem ákvað að hlíta framlengingu uppsagnarfrests. Við reynum að kenna samkvæmt stundatöflu fram yfir helgi, en síðan veit ég ekki hvað verður. Það stendur þó ekki til að loka skólanum alveg." Björn sagðist engu vilja spá um það hversu lengi þetta ástand myndi vara, enda kvað hann ómögulegt að segja af eða á um það. Hann kvað ekki líklegt að hægt yrði að fá forfallakennara, enda hefði það ekki verið reynt. Kennarar snúa ekki aftur nema kjör þeirra verði bætt „Við reynum að kenna sam- kvæmt stundatöflu, en það er auðvitaö óhjákvæmilegt að kennsla er ekki samfelld og bend- um við nemendum á að dveljast á bókasafni skólans á meðan þeir bíða næstu kennslustundar," sagði Ingólfu A. Þorkelsson, skólameistari Menntaskólans í Kópavogi. „Helmingur kennara hefur lagt niður störf, eða 16 kennarar, en tveir drógu upp- sagnir sínar til baka fyrir nokkru. Við reynum að hagræða kennslunni þannig að skóladag- urinn verið sem næst samfelldur, en það getur reynst erfitt. Það er einnig misjafnt hve mikla kennslu hver deild missir, t.d. falla aðeins niður 10 kennslu- stundir á viku hjá stúdentsefnum í máladeild, en hjá öðrum fellur niður allt að helmingur kennslu. Við teljum hagstætt fyrir nem- endur að fá alla þá kennslu sem hægt er að veita, en auðvitað er þetta ástand samt mjög bagalegt. Kjarni málsins er sá, að kennarar snúa aftur til vinnu verði kjör þeirra bætt. Þetta ástand má ekki standa lengi því þá er málum stefnt í mikið óefni,“ sagði skóla- meistari MK að lokum. Hörmulegt ástand „Þetta er hörmulegt ástand hér í dag,“ sagði Jón Hjartarson, skólameistari Fjölbrautaskólans á Sauðárkróki. „Af 24 kennurum hafa 12 gengið út og um 70% kennslu í skólanum hafa fallið niður. Það er misjafnt eftir svið- um hvernig útkoman er fyrir nemendur. Þeir sem eru á við- skiptabraut missa t.d. svo til alla kennslu, en á öðrum námsbraut- um er kennslumissirinn ekki eins mikill." Jón sagði að mjög erfitt myndi reynast að halda skólanum gang- andi við þessar aðstæður og kvaðst hafa brýnt fyrir kennur- um það viðhorf menntamálaráðu- neytisins, að útganga þeirra úr skólunum teldist lögbrot. „En í krafti samstöðu stéttarfélagsins gengust þeir ekki inn á að taka þau rök gild,“ sagði hann og bætti því við, að þó að erfitt væri, hygð- ist hann reyna að halda skólanum opnum a.m.k. fram á miðvikudag í næstu viku. „Ég átti von á því að samtök kennara myndu sýna biðlund í viku til tíu daga,“ sagði Jón. „Þar sem ég tel að samninganefnd rík- isins hafi ekki getað gengið frá tilboðum fyrr en að heildarkröfur lágu fyrir og því hefði verið ástæða til þess að fresta aðgerð- um í eina til tvær vikur til viðbót- ar. Ég harma að það skuli ekki hafa gerst.“ Fyrirsjáanlegt að 80% kennslu falli niður í Kvennaskólanum í Reykjavík var árshátíðarfrí í gær og reynir því ekki á það fyrr en eftir helgi, hvort þeir kennarar, sem hafa sagt upp störfum, muni mæta til vinnu. Aðalsteinn Eiríksson, skólameistari Kvennaskólans, tjáði blm. að allir fastráðnir kennarar skólans, sem eru í HÍK, hefðu sagt upp störfum. „Þar er um u.þ.b. 15 af 18 fastráðnum kennurum skólans að ræða, en alls eru 29 kennarar við skólann, að meðtöldum stundakennurum," sagði Aðalsteinn. „Þá hafa sumir stundakennar- arnir sent inn svokallaðar stuðn- ingsuppsagnir. Ef miðað er við kennslumagn, þ.e. fjölda kennslu- stunda, þá falla 80% kennslu niður ef allir þeir sem sagt hafa upp standa við það að koma ekki til kennslu eftir helgina. Hvort svo fer, veit ég strangt tekið ekki, en þykist þó fara nærri um það, að enginn þeirra, sem sagt hafa upp, muni koma. Hins vegar hef ég lagt fyrir nemendur mína að koma í skól- ann á mánudaginn og sækja þá kennslu sem verður í boði,“ sagði Aðalsteinn, „þó að það sé ljóst, að það er ekkert annað en klór í bakkann, sem ekkert úthald verð- ur á. það er því allt í voða hér hjá okkur.“ Kennsla liggur niðri aö tveimur þriðju hlutum „Við erum með u.þ.b. þriðjung kennslu í gangi í framhaldsskól- anum, en 22 kennarar af þeim sem eru í HÍK hættu í morgun," sagði Þórir Ólafsson, settur skólameistari Fjölbrautaskólans á Akranesi. Þórir sagði að vegna áfanga- kerfisins væri erfitt að segja nákvæmlega til um það hve mikla kennslu nemendur misstu, en ljóst væri, að kennsla væri veru- lega skert. „Ástandið er verst hjá þeim sem eru komnir á annað ár og lengra, þeir missa nánast alla kennslu. Það er helst að verk- námsnemendur og þeir sem eru nýbyrjaðir í skólanum hafi eitthvað við að vera,“ sagði Þórir. Allir að kenna í Eyjum „Hér eru allir að vinna, við kennum allt hvað af tekur,“ sagði Gísli H. Friðgeirsson, kennari við Framhaldsskólann í Vestmanna- eyjum. „Þrír kennarar hér, sem eru í HÍK, sögðu upp. Einn þeirra tók strax fram, að hann myndi hlíta framlengingu uppsagnar- frests ef til kæmi og hinir tveir hafa einnig verið að störfum hér í dag,“ sagði Gísli. „Við bíðum hins vegar spenntir eftir framvindu mála og sjálfur ætla ég að leita mér að annarri vinnu í sumar." Helmingur kennara mætti í MK „Það var kennt í rétt um 50% af tímum hér í dag,“ sagði Guðni Guðmundsson, rektor Mennta- skólans í Reykjavík. „Rúmlega helmingur kennara er við störf núna og það skapar að sjálfsögðu miklar eyður í stundatöfluna hjá nemendum. þetta kemur afar misjafnlega niður á bekkjum, en um tíu þeirra fá bókstaflega enga kennslu. Til dæmis fær einn bekkur enga kennslu aðra en leikfimi kvenna. Svo eru aðrir, sem fá megnið af sinni kennslu. Þetta skapar vissulega erfiða stöðu,“ sagði Guðni. „Það er orð- inn ósköp lítill tími til stefnu, því kennslu við skólann átti að ljúka viku eftir páska. Það er því ekki um annað að ræða en að nemend- ur lesi sem mest sjálfir." Neyðaráætlum fylgt í MA Tuttugu af 35 fastráðnum kennurum Menntaskólans á Ak- ureyri mættu ekki til kennsiu í gær og hafði það í för með sér, að um 60% kennslu við skólann féllu niður. „Við skólameistari vorum hins vegar búnir að gera drög að neyðaráætlun, ef svona færi,“ sagði aðstoðarskólameistari, Jó- hann Sigurjónsson, í samtali við Mbl. „í morgun héldu bæði nemend- ur og þeir kennarar sem voru mættir fundi þar sem þessi neyð- aráætlun var samþykkt með öll- um greiddum atkvæðum kennara og færri en tíu mótatkvæðum nemenda. Þessi áætlun er fyrst og fremst fólgin í því að nemend- ur stundi sjálfsnám með hjálp og leiðsögn þeirra kennara, sem eft- ir eru í skólanum," sagði Jóhann. „Þess verður að gæta, að við höfum vissa sérstöðu hér fyrir norðan, þar sem nærri helmingur nemenda skólans er aðkomufólk og það yrði því dýrt að hverfa til sinna heimahaga nú og þurfa svo e.t.v. að koma aftur eftir — von- andi — stuttan tíma. Því vildum við reyna að koma til móts við nemendur með þess- ari áætlun, sem bæði skólameist- ari og ég höfum lýst yfir að sé algjör neyðarráðstöfun, enda höf- um við áður lýst yfir samstöðu okkar með kennurum," sagði Jó- ' hann Sigurjónsson á Akureyri.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.