Morgunblaðið - 07.05.1985, Blaðsíða 17
MORGUNBLAÐIÐ, ÞRIÐJUDAGUR 7. MAÍ 1986
17
Pierre Richard, vond, frðnsk útgáfa if Gene Wilder, og Victor Lanoux, géður
dramatískur leikari, ern með alR niðrum sig í mynd Tónabíós.
Með allt á hælunum
Kvlkmyndir
Árni Þórarinsson
Tónabíó: Með lögguna á hæjunum
— La Carapate. Frönsk. Árgerð
1978. Handrit: Gerard Oury, Dani-
ek Thompson. Leikstjóri: Gerard
Oury. Aðalhlutverk Pkrre Richard,
Vktor Lanoux.
Svona er auglýsingin: „Ærsla-
full, spennandi og sprenghlægileg,
ný, frönsk gamanmynd í litum,
gerð af snillingnum Gerard Oury,
sem er einn vinsælasti leikstjóri
Prakka í dag ..."
Tökum hana lið fyrir lið: Ærsla-
full? — Jú, í þeirri merkingu að í
henni er fullt af leikurum sem
ólmast mikið.
Spennandi? — Að því leyti að
maður biður spenntur eftir að
sýningu ljúki.
Sprenghlægileg? — Það eina
sem er sprenghlægilegt er að ein-
hverjum skuli detta í hug að
myndin sé sprenghlægileg.
Ný? — Varla miðað við aðrar
myndir gerðar árið 1978.
Frönsk? — Ja, myndin fer vel
með frönskuna enda töluð á amer-
ísku.
Gamanmynd í litum? — Jú, það
eru nokkrir litir í myndinni.
Gerð af snillingnum Gerard
Oury sem er einn vinsælasti leik-
stjóri Frakka í dag? — Sé Gerard
Oury einn vinsælasti leikstjóri
Frakka i dag hlýtur hann vissu-
lega að vera einhvers konar snill-
ingur; því ekki er hann leikstjóri.
Og vilji einhver vita um hvað
Með lögguna á hælunum fjallar þá
er hún um tvo menn, fanga og
lögmann hans, sem eru með lögg-
una á hælunum.
Holmegaard rýmingarsala
Vegna óviðunandi viöskiptahátta hjá Holmegaard
hættum viö aö selja allar glervörur frá þeim. Öll
Holmegaard vara er seld meö 20% afslætti.
Silfurbúðin
Laugavegi 55.
Skagfirska söngsveitin
Tónllst
Jón Ásgeirsson
Yfir sjötíu manna kór er fylkir
sér undir nafnið Skagfirska
söngsveitin hélt tónleika í Aust-
urbæjarbiói sl. sunnudag fyrir
fullu húsi. Á efnisskránni voru
eingöngu islensk lög og þar á
meðal frumflutt nýtt kórverk
eftir Gunnar Reyni Sveinsson,
við texta eftir Halldór Laxness,
sem upphefst á orðunum „Kærir
bræður ha“. Stjórnandi kórsins
er Björgvin Þ. Valdimarsson,
góður og vel menntaður tónlist-
armaður, og hefur hann þegar
sýnt það að hann er vaxandi
stjórnandi. Undirleikari með
kórnum var Ólafur Vignir Al-
bertsson píanóleikari, en hann
hefur starfað með kórnum frá
upphafi og var honum sérstak-
lega þökkuð samvinnan. Ein-
söngvarar með kórnum voru
Halla S. Jónasdóttir og Guð-
björn Guðbjörnsson: Halla er fé-
lagi í kórnum en auk hennar
sungu Maria Einarsdóttir og
Vilhjálmur Einarsson smástróf-
ur í lagi Gunnars Reynis
Sveinssonar. Tónleikarnir hófust
á raddsetningu Hallgríms
Helgasonar á þjóðlaginu Eg að
öllum háska hlæ. Þar næst söng
kórinn þrjár þjóðlagaraddsetn-
ingar eftir undirritaðan. Guð-
björn Guðbjörnsson söng Vor og
haust eftir Bjarna Þorsteinsson.
Guðbjörn hefur mjög fallega
tenórrödd og hugsanlega er hér
á ferðinni efni i góðan einsöngv-
ara. Það mátti heyra að Guð-
björn var að gera tilraunir með
tónstöðuna og hafði ekki fylli-
lega vald á henni, er hann reyndi
að „dekka“ eins og það er kallað.
Guðbjörn er ungur og i raun
skammt kominn f námi, svo að
rétt er að bíða með að slá nokkru
öðru föstu en því, að hér er efni i
söngvara, sem hlúa þarf að.
Næst söng kórinn lag eftir Ing-
unni Bjarnadóttur í ágætri radd-
setningu söngstjórans. Halla S.
Jónasdóttir söng einsöng í lagi
eftir Sigvalda Kaldalóns og fyrri
hluta tónleikanna lauk með lagi
Páls Isólfssonar, Úr útsæ risa ís-
landsfjöll. Skagfirska söngsveit-
Halla S. Jónasdóttir
in er mjög vel æfður kór, sam-
stilltur í besta máta og kann
hver maður sitt utan að. Eftir
hlé voru flutt tvö lög eftir söng-
stjórann, Móðurást við texta
Jónasar Hallgrímssonar og
Heim til þin, lsland, við texta
eftir Tómas Guðmundsson.
Fyrra lagið er i raun eingöngs-
lag, þar sem kórinn syngur eins
konar viðlag.
I seinna laginu brá fyrir
skemmtilegum tónhugmyndum i
upphafi, sem ekki náðu að
blómstra i áframhaldi lagsins.
Tvö næstu lög eru eftir Gunnar
Reyni Sveinsson og það fyrra var
snilldarlagið Haldið’ún Gróa.
Betur hefði farið á þvi að endur-
taka lagið, þvi eins og öll góð lög
er það of stutt. Nýja tónverkið
við gamansaman texta Halldórs
Laxness var á margan hátt
skemmtilegt og trúlega þarf kór-
inn að syngja lagið oftar til að
þétta form þess. Gunnari bregst
ekki gamansemi i meðferð texta
og eru kaflar í laginu sérkenni-
lega samofnir textanum. Kórinn
er, eins og fyrr sagði, vel æfður,
sem er verk stjórnandans, og brá
oft fyrir góðum söng. Margar
ágætar raddir eru í kórnum, svo
sem heyra mátti hjá einsöngvur-
unum. Mest reyndi á Höllu S.
Jónasdóttur, sem söng af
smekkvísi og þó nokkurri kunn-
áttu, bæði í lagi Sigvalda Kalda-
lóns og Móðurást, lagi söngstjór-
ans. I heild voru tónleikarnir
góðir og greinilegt að söngstjór-
inn, Björgvin Þ. Valdimarsson,
er vaxandi kórstjóri. Undirleik-
ari var, eins og fyrr sagði, ólafur
Vignir Albertsson og þarf ekki
að tiunda það frekar að það er
ekki aðeins þægilegt að starfa
með ólafi, heldur ekki síður gott
að hlusta á leik hans.
ráöa sér sjálfl, komast lengra, kynnast fleiru. Þú ert nefnilega sjálffur) skipuleggjarinn,
fararstjórinn, leiðsögumaðurinn og bflstjórinn. í sumar bjóðum við fastar, sérlega ódýr-
ar flug og bíl-ferðir, til sautján borga í tólf löndum.
Verðið hér að neöan miðast við að fjórir ferðist saman í bíl í 1 viku.
Innifalið er flug og bílaleigubíll með ótakmörkuðum akstri og að sjálfsögöu einnig
ábyrgðar- og kaskótryggingu og söluskatti.
FERMSKRIFSTOMN ÚRVAL
Vcrö pr. mann frá kr. barnaafsl. 2— 11 ára brottför á
Amsterdam 15.308,- 6.500,- föstudöftum
Bergen 16.461,- 6.500,- laugardögum
Frankfurt 15.332,- 6.500,- miövikudögum
Gautaborg 17.446,- 7.000,- laugardögum
Glasgow 13.960,- 5.500,- fimmtudögum
Kaupmannahöfn 16.871,- 7.000,- laugardögum
London 15.067,- 6.500,- föstudögum
Luxemborg 13.945,- 6.500,- fimmtud. og sunnudögum
Osló 16.461,- 6.500,- fimmtudögum
París 14.496,- 6.500,- sunnudögum
Salzburg 16.811,- 7.500,- miövikudögum
Stokkhólmur 19.496,- 8.000,- fimmtudögum
Zúrich 18.540,- 8.000,- sunnudögum
Flug og bíll er sérgrein Crvals.
Ferðaskrifstofan Úrval við Austurvöll. sími (91)-26900.
OOTTFÓLK