Morgunblaðið - 07.05.1985, Blaðsíða 28
28
MORGUKBLAÐIÐ, ÞRIÐJUDAGUR 7. MAÍ 1985
Morgunblaðid/RAX
Nokkrir félagar úr Kiwanisklúbbnum Esju ásamt nemendum og kennurum vid deild blindra og sjónskertra við
Álftamýrarskóla.
NÝ LÍNA - ENGU LÍK
Radiovinnustofan Straumur hf.
Kaupangi, Akureyri. Silfurgöfu 5, ísafiröi.
S 22817. S 3321.
Ljós og raftœki Rafbúð R.Ó.
Sfrandgöru 39, Hafnarfiröi. Hafnargöfu 44, Keflavík.
S 52566. S 3337.
Happdrætti Kiwanisklúbbsins Esju:
Ágóðanum varið
til tækjakaupa
fyrir blind börn
KIWANISKLÚBBURINN Esja hyggst helga blindum börnum krafta sína í
ár, undir kjörorðinu „Birta fyrir blind börn“. Gengst klúbburinn þessa
dagana fyrir happdrætti og verður öllum ágóða af því varið til tækjakaupa
fyrir Blindradeild Álftamýrarskóla og Sjónþjálfunarstöð Blindrafélagsins, í
fullu samráði við Foreldra- og styrktarfélag blindra og sjónskertra.
Frá þessu var skýrt á fundi með
fréttamönnum í vikunni. Kiwanis-
klúbburinn Esja á 15 ára afmæli í
lok þessa mánaðar, en er hann var
stofnaður, setti hann sér það
markmið að starfa að málefnum
barna og unglinga. Klúbbfélagar
kváðu þetta átak vera óbeint
framhald af starfi þeirra 1983 en
þá gengust þeir fyrir fjársöfnun
og happdrætti undir kjörorðinu
„Birta fyrir blinda". Alls söfnuð-
ust þá rúmlega 500.000. krónur og
hefur þeim að mestu verið varið til
tækjakaupa fyrir Sjónþjálfunar-
stöð Blindrafélagsins.
Vinningur í happdrættinu nú er
Renault-bifreið að verðmæti
376.000. krónur og verður aðal-
sölutími happdrættismiðanna
3.-24. maí. Lögðu klúbbfélagar á
það rika áherslu að aðeins yrði
dregið úr seldum miðum. Þá vildu
þeir einnig vekja athygli á því að
drætti hefur verið frestað til 24.
maí, en uphhaflega átti hann að
vera þann 4.
Deild blindra og sjónskertra var
komið á fót í Laugarnesskóla 1971
en var flutt yfir í Álftamýrarskóla
1983. Deildin þjónar börnum og
unglingum alls staðar að af land-
inu. 11 nemendur eru nú við deild
skólans, fjórir blindir og sjö sjón-
skertir, og eru kennarar og starfs-
fólk sex talsins. Auk beinnar
kennslu og þjálfunar sem fram fer
í deildinni, veita kennarar leið-
beiningar og ráðgjöf til blindra og
sjónskertra nemenda og kennara
þeirra í öðrum skólum, bæði á
grunnskóla- og framhaldsskóla-
stigi.
Starfsfólk deildarinnar kvað
mikla þörf á hinum ýmsu hjálp-
artækjum fyrir börnin og væri
happdrætti Kiwanisklúbbsins
Esju verðugt framtak til að efla
tækjakost deildarinnar, blindum
og sjónskertum til framdráttar.
Eins og skýrt var frá hér að
framanverðu verður öllum ágóða
af happdrætti Kiwanisfélagins
varið til tækjakaupa, í fullu sam-
ráði við Foreldra- og styrktarfélag
blindra og sjónskertra.
Félagið var stofnað í maí 1975
og á því 10 ára afmæli um þessar
mundir. Markmið félagsins er að
styðja og styrkja blinda og sjón-
skerta. Félagið hefur lagt áherslu
á að bæta aðstöðu blindra og sjón-
skertra barna og unglinga til
menntunar, m.a. stuðlað að þvi að
fá fólk til að fara í sérnám til
blindrakennslu og veitt styrki í
því skyni á undanförnum árum.
Félagar í Foreldrafélaginu eru
um 130, þar af eru um 50 manns
sem eru foreldrar eða forráða-
menn blindra og sjónskertra
barna og unglinga, og eru á þeirra
vegum um 30 börn, blind og sjón-
skert. Félagið er aðili að Lands-
samtökunum Þroskahjálp og hef-
ur starfað innan þeirra. Það hefur
aflað fjár með félagsgjöldum, sölu
happdrættisalmanaks Þroska-
hjálpar og með köku- og kaffisölu.
MorgunblaAið/Ólafur
Frá dagskrá grunnskóla á Héraði á Héraðsvöku.
Egiisstaðin
Fjölbreytt dagskrá
grunnskóla á Héraði
Egitatöðum, 26. aprfl.
GRUNNSKÓLAR á Héraði sáu um
dagskráratriði á Héraðsvöku í gær,
sumardaginr fyrsta, fyrir troðfullu
húsi í Valaskjálf.
Menningarsamtök Héraðsbúa
— sem gangast fyrir Héraðsvöku
á Egilsstöðum ár hvert — helguðu
gærkvöldið grunnskólum á Hér-
aði. Þar kom hver skóli fram með
sín skemmtiatriði — sem voru
mjög fjölbreytt og vönduð að
þessu sinni. Dagskráin hófst með
leik Lúðrasveitar Tónskóla
Fljótsdagshéraðs — síðan voru
sýndir stuttir leikþættir samdir
upp úr kunnum þjóðsögum og
ævintýrum; sýndur var jassballett
og þjóðdansar, sönghópur kom
fram og nýjasti tískufatnaðurinn
frá Hallormsstað var sýndur. Að
lokum var stiginn dans um stund.
Nærri mun láta að hátt á fjórða
hundrað manns hafi sótt dagskrá
grunnskólanna.
- Ólafur.