Morgunblaðið - 07.05.1985, Blaðsíða 55
MORGUNBLAÐID, ÞRIÐJUDAGUR 7. MAl‘lfl85
55
Athugasemd um „Klakksmálið“ frá Jóni
Magnússyni lögmanni Landhelgisgæzlunnar:
Prentvilla Morgunblaðsins
er notuð sem skálkaskjól
Enginn aðili þessa máls
hefur gert mistök í góðri trú
MORGUNBLAÐINU hefur borizt
eftirfarandi athugasemd frá Jóni
Magnússyni, lögmanni Landhelg-
isgæzlunnar. Fjallar hún um dóm í
máli skipstjórans á Klakki VE
vegna veiða hans á friðuðu neta-
veiðisvæði þann 22. apríl síðastlið-
inn:
„Það hefur enginn aðili þessa
máls gert mistök í góðri trú.
Prentvilla Morgunblaðsins er
notuð sem skálkaskjól. Allar
staðreyndir benda til þess, að
skipstjórinn á Klakki VE og út-
gerðarstjórn skipsins hafi vitað
að lokunin á Tómasarhaganum
var á sama hátt og ár hvert síð-
an 1979. Síðan tekur sjávarút-
vegsráðherra undir það, að mis-
tök hafi getað átt sér stað.
Skipstjórinn á Klakki VE var
seinni hluta aprílmánaðar
dæmdur fyrir ólöglegar veiðar á
friðuðu netaveiðisvæði, Tóm-
asarhaga, sektaður um 250.000
krónur og afli og veiðarfæri gerð
upptæk. Skipstjórinn bar meðal
annars fyrir sig frétt um lokun
svæðisins í Morgunblaðinu, þar
sem misritun hafði orðið í einum
viðmiðunarpunktanna. Taldi
hann sig hafa fengið þær upplýs-
ingar að frétt Morgunblaðsins
væri rétt og opin væri skák inn í
svæðið, þar sem togveiðar væru
heimilar.
Tómasarhaganum hefur verið
lokað með sama hætti 7 ár í röð
og hafi menn verið í vafa um
slíkt áttu þeir að leita sér upp-
lýsinga um hið rétta hjá viðkom-
andi aðiljum. Reglugerð sjávar-
útvegsráðuneytisins, þar sem
viðmiðunarpunktar voru þeir
sömu og 6 síðastliðin ár, hefur
legið á skrifstofu útgerðar-
stjórnar skipsins, Samtogs hf., í
2 til 3 vikur áður en skipið var
tekið því útgerðarfyrirtækið
kaupir stjómartíðindi. Frá 9.
apríl er svæðinu var lokað fyrir
togbátum til hins 22. er togarinn
Klakkur var staðinn að ólögleg-
um veiðum voru á fjórða tug tog-
ara á veiðum á þessu svæði en
ekki inni á Tómasarhaga. Flug-
vél Gæzlunnar flaug alloft yfir
svæðið á þessum tíma, en aldrei
varð vart togskipa inni á svæð-
inu fyrr en Klakkur var tekinn
þann 22. apríl um klukkan 6 að
morgni. Það bendir til þess, að
minnsta kosti skipstjórum ann-
arra togara hafi verið ljóst að
lokun svæðisins var með sama
hætti og áður. Skipstjórum neta-
báta var þetta ennfremur ljóst,
en Tómasarhagi var veiðisvæði
þeirra á þessum tíma eins og 7
síðastliðnar vertíðir.
Hvað varðar fullyrðingu skip-
stjórans um staðfestingu ákveð-
ins starfsmanns ráðuneytisins á
því að svæðinu hafi verið breytt
og „viila" Morgunblaðsins þar
með rétt, getur hún ekki staðizt.
í Sakadómi Vestmannaeyja var
lögð fram sem dómskjal (5) yfir-
lýsing frá Sverri Gunnlaugssyni
skipstjóra á Bergey, undirrituð
af öðrum manni fyrir hans hönd.
Þar stóð, að 2. mars 1985 hefði
hann haft samband við sjávarút-
vegsráðuneytið út af lokun svo-
kallaðs Tómasarhaga. Hefði
hann fengið samband við Stefán,
föðurnafn hefði hann ekki feng-
ið. Hefði hann tjáð honum að
Haganum yrði lokað 9. maí 1985
með þeirri breytingu sem var að
63°10’00 - 22°00’00 færi í
63°10’00 - 22°10’00 og þaðan upp
í mörkin á landhelgislínunni og
friðaða hólfsins að vestan.
Það er athyglisvert við þessa
yfirlýsingu, að skipstjórinn seg-
ist hafa fengið þessar upplýs-
ingar 2. marz, en reglugerðin var
gefin út 20. marz. Meðal annars
af þeim sökum er yfirlýsingin
ekki marktæk. í þessu máli eru
menn að reyna að hengja marga
bakara fyrir einn smið.
Starfsmenn Landhelgisgæzl-
unnar eru óánægðir með við-
brögð Halldórs Ásgrímssonar,
sjávarútvegsráðherra. Hann
sagði í viðtali í Morgunblaðinu,
skömmu eftir að dómur féll, að
ekki mætti láta menn gjalda
mistaka ef þau sönnuðust. Þetta
er mál dómstóla og „mistök“,
hafi þau átt sér stað, hefði verið
hægt að leiðrétta af verjanda í
sakadómi Vestmannaeyja, þegar
málið var tekið fyrir. Þar sem
málinu hefur verið áfríjað til
Hæstaréttar er réttast að skoða
endanleg úrslit við þann dóm, en
Gæzlumenn telja sig vita hver
niðurstaða Hæstaréttar muni
verða. Yfirlýsing Halldórs Ás-
grímssonar er því bæði ótíma-
bær og óheppileg og veldur
ástæðulausri tortryggni."
VÖTN oe
VEIÐI
Vötn og veiði
ÚT ER komin handbók Lands-
sambands veiðifélaga, „Vötn og
veiði“ og er það sjötta heftið. I
fimmta hefti hófst nýr „hringyeg-
ur“ um landið og þá tekin fyrir
minna þekkt silungsveiðivötn og
ár með tilheyrandi kortum og upp-
lýsingum um flest það sem veiði-
menn kynnu að spyrja um. 1 þessu
hefti heldur hringferðin um landið
áfram og tekin eru fyrir lítt
þekktari veiðivötn á svæðinu frá
Snæfellsnesi til Skagafjarðar og
kennir margra grasa. Eftir því
sem segir í formála þessa rits, hef-
ur nú verið getið hátt í 300 sil-
ungsvatna og áa og „eða sem næst
fjórðungur þess sem á blað þarf að
komast,“ eins og þar stendur.
Hinrik A. Þórðarson safnaði sam-
an efninu og er ábyrgðarmaður
þess.
AUÐVITAÐ KAUPA ALUR SKODA f DAG
ÞVI ÖLL RÖK MÆLA MEÐ ÞVÍ.
HERNA ERU ÞAU HELSTU:
HANN ER SPARNEYTINN,
eyðir rúmum sjö lítrum að jafnaði og allt niður í 4,88 Itr. í
sparakstri.
HANN NÝTUR ÞJÓNUSTU,
öruggrar og góðrar varahluta- og viðgerðarþjónustu, þar sem nóg
er til af varahlutum á góðu verði.
HANN ER STERKUR,
vel smíðaður úr góðu efni og með
firnasterku lakki.
HANN ER GÓÐUR í AKSTRI,
kraftmikill, með aflhemla, sjálfstæða fjöðrun á
öllum hjólum,| margfaldur sigurvegari í ralli og
ísakstri.
>
x
z
HANN FÆST Á GÖÐU VERÐI,
því langbesta sem býðst á sambærilegum bílum.
Við bjóðum góð kjör og tökum notaða SKODA
upp í kaupin og jafnvel aðrar tegundir einnig.
ÞETTA ERU RÖK SEM EIGA
AÐ RÁÐA.