Morgunblaðið - 02.06.1985, Blaðsíða 4
4
MORGUNBLAÐIÐ, SUNNUDAGUR 2. JÚNÍ 1985
Rétt að halda beinu
útsendingunni áfram
, ^ Islenskum sjónvarpsáhorfend-
segir Markús Á. Einarsson, varaformaður útvarpsráðs
Á FIJNDI útvarpsráðs á
föstudag var mjög til um-
ræðu bein útsending sjón-
varpsins frá íþróttaleikvang-
inum í Briissel sl. miðviku-
dag. Fulltrúi kvennalistans
lagði á fundinum fram tillögu
þess efnis að hætt yrði að
senda út beint frá erlendum
íþróttakappleikjum í sjón-
varpinu, og endurskoðað
Um 1500 manns
mættu á
sumarhátíð
Alþýðuflokksins
Alþýðuflokkurinn efndi til sumar-
hátíðar í Laugardalshöllinni í gær.
Var þetta jafnframt 100. fundur Jóns
Kaldvins Hannibalssonar undir yfir-
skriftinni „Hverjir eiga (sland“.
Alls seldust um 800 miöar, en
starfsmenn Laugardalshallarinn-
ar töldu að um 1500 manns hafi
mætt á fundinn.
hvort viðeigandi sé að senda
út myndir af keppnisíþrótt-
um.
Markús Á. Einarsson, sem
stýrði fundinum í fjarveru Ingu
Jónu Þórðardóttur formanns út-
varpsráðs, sagði í samtali við
blaðið að það væri sín skoðun að
ekki ætti að nota harmleikinn í
Brússel sem tilefni til tillögu-
flutnings af þessu tagi, slík tillaga
ætti að koma fram þegar teknar
væru almennar ákvarðanir um
dagskrárefni. Frávísunartillaga
hans var samþykkt, með fjórum
atkvæðum gegn tveimur.
Þeir sem samþykktu frávísun-
artillöguna voru, auk Markúsar,
Eiður Guðnason, Jón Þórarinsson
og Magnús Erlendsson. Þær Ingi-
björg Haraldsdóttir og Gerður
Óskarsdóttir greiddu atkvæði
gegn tillögunni en Haraldur
Blöndal sat hjá.
Markús sagði að það hefði kom-
ið fram i umræðum á fundinum að
meirihluti útvarpsráðs teldi
ákvörðun um að halda áfram út-
sendingu rétta. „Það er mín per-
sónulega skoðun að það hafi verið
rétt mat að hætta ekki útsend-
ingu. Þarna var orðinn til frétt-
næmur atburður og frá því sjón-
armiði réttlætanlegt að halda
áfram að senda út. Það má einnig
taka það fram, að myndavélarnar
sýndu engar nærmyndir af þeim
slösuðu, og þær myndir sem núna
birtast í blöðunum eru miklu
hörmulegri en nokkuð sem kom
fram á sjónvarpsskjánum."
íslenskum sjónvarpsáhorfend-
um var sl. vetur boðið upp á beina
útsendingu frá knattspyrnuleikj-
um á Bretlandseyjum og viðar.
Ekki hefur verið fjallað um það í
útvarpsráði hvernig þessum send-
ingum verði hagað í framtíðinni.
„Breska keppnistímabilinu er lok-
ið og það mun tengjast annarri
umfjöllun um næstu vetrardag-
skrá hvort áframhald verður á
þeim,“ sagði Markús.
Sigldi ölvaður tU hafs:
Settur í járn á hafi úti
í LIÐINNI viku þurftu lögreglumenn að setja ölvaðan mann f jirn á hafí úti þar
sem hann sigldi til hafs á 15 tonna báti sínum og neitaði að snúa til baka.
Fyrr um daginn höfðu lögreglu-
menn haft afskipti af manninum þar
sem hann sat að sumbli í bát sínum i
Hafnarfjarðarhöfn og fór inn á
neyðarbylgjuna. Maðurinn lofaði bót
og betrun og skildu menn í bróðerni.
En hinn ölvaði lét ekki segjast.
Þegar lögreglumenn voru á brott
leysti hann landfestar og sigldi til
hafs. Urðu menn hans ekki varir
fyrr en hann var kominn út fyrir
Helgasker útaf Hvaleyri. Lögreglan
fékk lóðsbátinn og hóf eftirför. Það
var ekki fyrr en undan Vatnsleysu-
Frá afhöfninni. Dr. Bjarni Jónsson er í ræðustól. Á myndinni má greina meðal annarra konu dr. Bjarna, frú
Þóru Árnadóttur, og systur hennar, Laufeyju. Morgunblaðið/RAX
Landakotsspítali:
Brjóstmynd af dr. Bjarna Jónssyni afhjúpuð
BRJÓSTMYND af dr. Bjarna
Jónssyni fyrrverandi yfirlækni á
Landakotsspítala var afhjúpuð við
hátíðlega athöfn í kapellu spítalans
þriðjudaginn 21. maí sl.
Það var Ólafur örn Arnarson
yfirlæknir sem afhenti Landa-
kotsspítala brjóstmyndina. Síð-
an flutti dr. Bjarni nokkur orð.
Dr. Bjarni Jónsson hóf störf
við Landakotsspítala 1. janúar
1936 er hann tók við kandidats-
stöðu sem þar hafði verið stofn-
uð í fyrsta sinn. Dr. Bjarni starf-
aði síðan við spítalann með
nokkrum hléum vegna náms og
starfs erlendis í 43 ár.
Áriö 1959 tók hann við stöðu
yfirlæknis Landakotsspítala af
Halldóri Hansen og var yfir-
læknir um 20 ára skeið, eða til
loka ársins 1979.
Þegar dr. Bjarni Jónsson
hætti störfum, á gamlársdag
1979, tilkynntu læknar spítalans
að þeir hefðu ákveðið að láta
gera brjóstmynd af honum og
var listamaðurinn Baltasar
fenginn til þess.
Myndinni verður komið fyrir á
1. hæð spítalans.
Dr. Bjarni Jónsson og Baltasar við brjóstmyndina.
Brjóstmyndin af dr. Bjarna Jóns-
syni eftir Baltasar.
vík, að lóðsbáturinn komst upp að
bátnum og báðu menn hinn ölvaða
lengstra orða að stöðva fley sitt og
láta af vitleysunni. En hann lét sér
ekki segjast — formælti laganna
vörðum og hélt sínu striki. Lögreglu-
menn sáu þann kost vænstan að
sökkva um borð, sem tókst giftusam-
lega. Ætluðu menn enn að fá hinn
ölvaða af iðju sinni og snúa til lands.
En hann var viðskotaillur og lyktaði
viðureigninni með því, að hann var
settur i járn og ofan i lúkar þar sem
hann mátti dúsa meðan siglt var til
baka til Hafnarfjarðar.
Til Hafnar
Reynir Pétur Ingvarsson hef-
ur lagt að baki rúmlega 430
km á göngu sinni kringum
landið. Hann gengur til þess
að safna áheitum til bygg-
ingar íþróttaleikhúss I Sól-
heimum í Grímsnesi, og liggja
söfnunarseðlar frammi á öll-
um bensínstöðvum við hring-
veginn. Á laugardagskvöld var
ætlun Reynis að ganga til
Hafnar i Hornafirði.
Skólaslit Iðnskólans í Reykjavík:
Fyrstu nemendurn-
ir brautskráðir
úr öldungadeild
IÐNSKÓLANUM í Reykjavík var slitið á fóstudag og 286 nemendur brautskráðir
úr 20 greinum. Afhentar voru viðurkenningar frá verðlaunasjóðum skólans og
hlaut nemandi í húsasmíði, Óttar Ólafsson, fern verðlaun. Að þessu sinni voru i
fyrsta skipti útskrifaðir nemar úr öldungadeild sem tók til starfa við skólann á
þessari önn. Fengu 13 nemar í setningu staðfest réttindanám sitt og leyfí til að
þreyta sveinspróf.
„Ég ákvað að eftir 10 ára starf,
þar sem allt benti til þess að ég héldi
áfram á þessari braut, væri kominn
tími til að ná mér í réttindi,” sagði
Anna Haraldsdóttir, setjari, sem
hlaut verðlaun Iðnskólans fyrir nám
1 öldungadeild. „Námið var strembið
en skemmtilegt. Auk þess að vinna
fullan vinnudag voru fimm kennslu-
stundir, fjóra daga í viku. Á föstu-
dögum var „bara“ vinna, og þá leið
manni eins og í fríi.“ Anna mun á
laugardag og mánudag þreyta
sveinspróf í prentsetningu með sam-
nemendum sínu. Yfirumsjón með
öldungadeildinni hafði Ólafur Vest-
mann, og sagði hann að víst væri að
haldið yrði áfram á sömu braut
næsta vetur.
Tólf hundruð nemendur stunduðu
nám við Iðnskólann í vetur. Næsta
vetur verður hafin kennsla í tölvu-
tækni við skólann, og mun það verða
4 ára nám.
Prentsetningarnemendurnir sem útskrifuðust úr öldungadeild Iðnskólans í
Revkiavik ásamt kennurum sfnum.
Morgunblaðið/Július
Anna Haraldsdóttir tekur við verðlaunum fyrir frammistöðu sína í öldunga-
deild úr hendi Ágústs Alfreðssonar aðstoðarskólastjóra.