Morgunblaðið - 02.06.1985, Blaðsíða 26

VS26
Æ

Barist um farþega
með nýjum vopnum
og stærri boðum
Bandaríkjanna. Fyrirtækið er rek-
ið á þann veg, að starfsmenn þess
taka að sér hvert það verk sem
krefst úrlausnar hverju sinni. Þeir
eru utan verkalýðsfélaga og tekjur
ráðast af afkomu fyrirtækisins.
Félagið nýtir sér það til hins ýtr-
asta, að verðlagning á farmiðum
innan Bandaríkjanna er frjáls.
Lækkar það verðið jafnvel niður í
19 dollara, þar sem menn þurftu
áður að greiða 120 dollara. Nú hef-
ur People’s Express lagt fram
óskir um að fá að fljúga til margra
annarra staða í Evrópu en London
á Boeing 747-breiðþotum sínum.
Þeim tilmælum hefur ekki enn
verið svarað, en verðlagning á
þessum leiðum er háð samþykki
Bandaríkjastjórnar og leyfi til
flugs fæst ekki nema með sam-
þýkki stjórnvalda í viðkomandi
landi.
Þá eru stóru flugfélögin í
Bandaríkjunum, TWA og Pan Am,
að auka sókn sína inn á Atlants-
hafsmarkaðinn. Rekstur Pan Am
hefur gengið mjög illa, en félagið
býður nú mjög lág fargjöld til
Hamborgar og fleiri evrópskra
borga. Capitol-flugfélagið, sem
var einn hættulegasti keppinautur
Flugleiða, er orðið gjaldþrota.
Flugvélarnar
Á síðasta ári seldu Flugleiðir
tvær DC-8-þotur, sem notaðar
voru á leiðinni yfir Atlantshaf.
Fyrirtækið United Parcel Service,
sem annast flutninga á pökkum og
varningi innan Bandaríkjanna,
keypti fyrir 5 milljónir doliara
hvora vél. Flugleiðir keyptu aftur
á móti tvær DC-8-þotur af KLM,
í símamiðstöð Flugleiða í Rockefeller-byggingunni í New
York hefur verið nóg að gera undanfarið. Þar hefur starfsfólk-
ið svarað þrjú til fjögur þúsund símtölum á dag. Fremst á miðri
myndinni er Ruth Kafka, sem veitir pöntunardeildinni for-
stöðu. Nú er á döfinni að Flugleiðir flytji skrifstofu sína úr
Rockefeller-byggingunni — 630 Fifth Avenue — í annað hús-
nsði á Manhattan.
hvora vél á 2,5 milljónir dollara. Á
þessar vélar verða settir hljóð-
deyfar til að fullnægja kröfum
bandarískra yfirvalda og flugvall-
arstjórninni í New York-ríki, þar
sem Kennedy-flugvöllur er. Nú
hafa Flugleiðir frest til loka nóv-
ember til að setja hljóðdeyfa á vél-
arnar. Talið er að það muni kosta
um 2,5 til 3 milljónir dollara á
hverja vél, en í ráði er að kaupa
þriðju vélina. Vélarnar sem Flug-
leiðir selja voru upphaflega smíð-
aðar sem fragtvélar, en KLM-vél-
arnar eru fyrir farþegaflug.
Sigurður Helgason sagði, að
þessi flugvélaskipti væru hagstæð
fyrir Flugleiðir. Vélarnar frá
KLM væru þægilegri fyrir farþega
en eldri vélar félagsins og flugtími
þeirra væri skemmri en eldri vél-
anna. United Parcel Service (UPS)
er fyrirtæki sem vaxið hefur gíf-
urlega ört hin síðari ár, á þremur
árum hefur það keypt 50 til 60
flugvélar, og talið er, að það eigi
nú um 1 milljarð dollara í sjóði. Á
erfiðleikaárum Flugleiða í kring-
um 1980 var talið að DC-8-þoturn-
ar væru næstum verðlausar en
eftirspurn félaga á borð við UPS
hefði gjörbreytt myndinni á flug-
vélamarkaðnum. Federal Express,
sem einnig sérhæfir sig í því að
flytja smápakka innan Bandaríkj-
anna, á um 100 flugvélar.
Sigurður Helgason taldi vafa-
samt að rekstrargrundvöllur væri
fyrir DC-10-breiðþotu hjá Flug-
leiðum. Gangverð þeirra er nú um
25 milljónir dollara, en þeir fjár-
munir duga til að kaupa 5 DC-8.
Ný Boeing 747-breiðþota kostar
um 100 milljónir dollara, en not-
aðar vélar af þeirri gerð eru seldar
á 25—30 milljónir dollara. Sigurð-
ur taldi að DC-8-vélarnar gætu
dugað í 15 til 20 ár væri tekið mið
af búnaði þeirra og styrkleika.
Stöðugt er fylgst með því hvaða
flugvélategund er hagkvæmust
fyrir Norður-Atlantshafsflug
Flugleiða.
Flugleiðir hafa ekki enn fundið
leið til að fullnægja öllum óskum
þeirra sem vilja geta flutt ferskan
fisk frá íslandi til Bandaríkjanna.
Sigurður Helgason sagði, að hér
væri um erfitt viðfangsefni að
ræða, sem fullur vilji væri til að
leysa. Eins og málum væri nú
háttað borgaði það sig hreinlega
ekki fyrir Flugleiðir að stunda
fragtflug á þessari leið.
Brugðist við
samkeppni
Flugleiðir ætla greinilega að
bregðast þannig við samkeppninni
á Atlantshafsflugleiðinni að bjóða
meira fyrir lítið, eins og segir í
auglýsingum þeirra, en þar segir
einnig að nú sé það sannara en
nokkru sinni fyrr, að Flugleiðir
bjóði bestu kjörin á ferðum til
Evrópu.
Eden-Bora
Frábær fjölskylduskemmtun
Hljómsveit
Ragnhilclar Gísladóttur og
t Jakobs Magnússonar
1 skemmtir kl. 17—18
VERIÐ VELKOMIN
Óvæntar
uppákomur
alla daga
Opið:
Laugard Mán. — . - sunnud. 12.00-23.30. föstud. 14.00-23.30.