Morgunblaðið - 02.06.1985, Blaðsíða 53
MORGUNBLAÐIÐ, SUNNUDAGUR 2.4ÚNÍ 1985
53
menntir með áherslu á Shake-
speare í Oxford og þannig mætti
lengi enn tengja hann við gamla
snillinginn.
Coriolanus er um stríðshetju
sem kemur aftur heim til
Rómaborgar þegar alþýðustjórn
Rómverja er nýorðin til og aðals-
ættirnar verða að beygja sig undir
það. Coriolanus getur það ekki, er
hrakinn frá borginni og fjölskyldu
sinni en snýr aftur til að hefna
sín. Móðir hans talar hann til og
hann verður við bón hennar um að
setjast þar að og það verður hans
bani. Coriolanus berst fimlega í
upphafi verksins og McKellen ger-
ir hlutverkinu afar góð skil.
„Ég er orðinn of gamall til að
leika Romeo og Hamlet," sagði
hann og fiktaði við úfið hárið, sem
hefur aðeins gráa slikju, eða barði
saman fingurgómunum svo að
dundi í. „Coriolanus þarf ekki að
vera eins ungur og þeir en líkam-
legt ástand leikara sem fer með
hlutverkið þarf að vera mjög
gott.“ Hann fór ótal sinnum og sá
Laurence Olivier, sem honum er
mjög oft líkt saman við, í hlut-
verki Coriolanus fyrir mörgum ár-
um.
„Ég túlka Coriolanus á annan
hátt en Olivier," sagði McKellen,
„og það er ekki hægt að bera mig
saman við hann almennt. Olivier
átti mjög langt ævistarf og fékkst
við allt sem viðkemur leiklist
nema að skrifa sjálfur handrit.
Hann var ekki hræddur við að
reyna nýja hluti og taka áhættu.
Það eigum við sameiginlegt. Mað-
ur verður alltaf að ieggja sig allan
fram og reyna að ná fram því
besta. Þannig þroskast leikarar og
með því að fást við ný verkefni.
Munurinn á þekktum leikurum og
öðrum er sá að hinir fyrrnefndu
geta valið úr verkefnum og það er
kannski auðveldara fyrir þá að
gera vel. Hinir verða að taka fleiri
áhættur."
McKellen fer einnig með aðal-
hlutverkið í Wild Honey eft-
ir Anton Chekov, í þýðingu Micha-
els Frayn, um þessar mundir.
Hann hefur fengið feikigóða dóma
fyrir leik sinn þar. Hann er auk
þess stjórnandi eins leikhóps af
fimm við National Theatre og þarf
að taka að sér smáhlutverk í leik-
ritum sem hópurinn setur á svið.
Það var ekki laust við að hann
fitjaði upp á nefið þegar hann var
spurður um álit sitt á þannig hlut-
verkum. Þau gefa honum ekki
nægileg tækifæri til að þroska
leiklistarhæfni sína. „Leiklistin er
eins og að stíga fjall og komast
aldrei efst á tindinn." Smárullur
eru eins og óspennandi sléttlendi
fyrir hann. Peningar skipta hann
litlu máli. Hann afþakkaði milljón
dollara sem hann hefði fengið
fyrir að ferðast um Bandaríkin í
eitt ár með Amadeus, hann hlaut
Tony-verðlaunin fyrir túlkun sína
á Salieri á Broadway, og fór heim
til Bretlands þar sem leiklistin
blómstrar.
Other Places, þrír einþáttungar
eftir Harold Pinter, eru meðal al-
veg nýrra leikrita í London. Þeir
eru hver öðrum betri. Dorothy
Tutin og Colin Blakely leika lækni
og fullorðna konu, sem vaknar upp
af margra ára svefni, afar vel í A
Kind of Alaska. Blakely er einnig í
Victoria Station, þar sem hann er
stöðvarstjóri á leigubílastöð og á í
miklum vandræðum með bílstjóra
sem situr einn úti í myrkrinu og
neitar að svara kalli hans, og í
One for the Road. Það er mjög
áhrifamikill þáttur sem sýnir vel
hversu grimmar sálrænar pynt-
ingar geta verið. Sýningin er stutt
en skilur afar mikið eftir.
Það væri hægt að fara í leikhús
í London endalaust. Frayn gerir
mikið af því og segir að vinsældir
leikhússins stafi af því að þau ná
beint til tilfinninga fólks. „Fólk
fer hjá sér og verður vandræða-
legt þegar leikrit er slæmt eða illa
flutt. Ahorfendur verða hluti af
leiksýningu en það gerist ekki I
kvikmyndahúsum eða fyrir fram-
an sjónvarp. Þess vegna er svo
gaman að sjá góð leikrit."
ab
Aðalfundur
Nemendasambands stjórnmálaskóla Sjálfstæðisflokksins verður
haldinn mánudaginn 3. júní 1985 kl. 18.00 i Valhöll.
Venjuleg aöalfundarstörf.
St/ómin.
Rabbfundur
Stjórn peningamála
á Islandi
Rabbfundur um stjórn peningamála á Islandi veröur haldinn í Valhöll
nk. mánudag, 3. júní, kl. 20.30.
Málshefjendur veröa Eyjólfur Konráö Jónsaon, alþingismaöur og
Vilhjálmur Egilsson, hagfræöingur.
Heimdellingar eru hvattir til aö sækja fundinn.
Kaffiveilingar.
St/órn Heimdallar.
I
wr _IMM
Verðmætir
i
i
hGAR
Af sérstökum ástæöum getum viö boðiö viðskiptavinum
okkar bláu verðln frábæru í dag, fimmtudag, á morgun,
föstudag, og eftir helgina, á mánudag, priðjudag og
miðvikudag.
Petta er einstakt tækifæri til að tryggja sér sumarleyfisferð á
„gamla verðinu" - tilboð sem gildir aðeins í fimm daga.
Athugaðu verðdæmin hér í auglýsingunni og fáöu nánari
upplýsingar hjá söluskrifstofunni.
Samvinnuferdir - Landsýn
AUSTURSTRÆTI 12 - SÍMAR 27077 & 28899
SÖLUSKRIFSTOFA AKUREYRI SKIPAGÖTU 18 - SfMAR 21400 & 23727