Morgunblaðið - 09.06.1985, Qupperneq 25
4T
M0RGUNBLADID^SmÖÍUD-AG:UR9. JtJNÍ .19&
25
Vindfákar
Vindurinn hvæsir, vöðvarnir strekkjast og
slakna á víxl. Allur líkaminn er strekktur og
viðbúinn hverju sem er. Snögg beygja, fíðring-
ur í maganum og vindurinn lyftir brettinu upp
ölduna og fram af. Brettið tekst á loft hærra og
hærra. Snörp vindhviða og brettið stefnir
niður. Voldug alda rís beint á móti, maður og
bretti steypast inn í ölduna og sjógusurnar
spýtast í allar áttir. í gegnum þéttar gusurnar
sést einbeitingin skína út úr ströngu augnaráð-
inu. Seglbrettið og maðurinn virðast samgróin
þar sem brettið þeysist á ofurhraða í gegnum
öldurnar svo það tekst á loft öðru hverju og
svífur þá nokkra stund um loftin blá rétt eins
og hver annar af fuglum himins. Manninum
hefur löngum verið það þörf að kanna getu
sína á hinum ólíklegustu sviðum og bjóða þá
jafnan öllu byrginn, hvort heldur er móðir nátt-
úra eöa eitthvað annað. Margir hafa fengið
fullnægt þessum hvötum sínum í einhvers kon-
ar íþróttaiðkun. Undirrituðum gafst um daginn
kostur á að fylgjast með nokkrum „seglbretta
sjóurum“ þar sem þeir þeystu vindfákum sín-
um fyrir utan Gróttu.
Listmunir eftir
HAUK
DÓR
Síöustu forvöö að tryggja sér muni eftir þennan
ágæta listamann. Gott verö.
Saga íþróttarinnar
Það eru ekki nema 17 ár síðan Bandaríkjamann-
inum Holy Schweitzer datt í hug að setja segl á
brimbrettið sitt til þess að koma því út í öldudalina.
En síðan fyrsta seglbrettið var sjósett 1968 hefur þó
mikil þróun orðið og það sem í fyrstu þótti aðeins
furðu uppátæki einhvers athyglisþurfandi sérvitr-
ings er nú orðin mjög virt og útbreidd íþrótt víða um
heim, hefur tæpast nokkur íþróttagrein náð jafn
mikilli útbreiðslu á jafn skömmum tíma. 1972 var
fyrsta heimsmeistaramótið haldið á Hawaii sem er
reyndar eins konar Mekka seglbrettasiglingamanna.
Hefur það verið haldið á hverju ári síðan. Árið 1975
fór íþróttin að breiðast út í Evrópu, en frá
1977—1978 má segja að „seglbrettabomba" springi
um gjörvalla Evrópu. Baðstrendur sem áður höfðu
verið hálf mannlausar fylltust nú af áhugasömum
seglbrettamönnum, svo að við lá að hægt væri að
ganga þurrum fótum langt út fyrir mörk láðs og
lagar. Það var síðan fyrir u.þ.b. 4—5 árum að fyrst
var farið að nota seglbretti við Island. Þó eru ekki
nema 3 ár síðan fámennur hópur fór að stunda
íþróttina að einhverju marki. Búast fróðir menn við
að æðið sem gekk yfir Evrópu á árunum 1977—1978
endurtaki sig hér í sumar. Þess ber einnig að geta að
í fyrra náði íþróttin þeim merka áfanga að vera
tekin gild til keppni á Ólympíuleikunum, sem
haldnir voru í Los Angeles.
Seglbretti á íslandi
Margur álítur eflaust að seglbrettaíþróttin sé
nokkuð sem menn stundi aðeins þar sem veður er
gott og sjórinn hlýr og sé þess vegna eitthvað sem
henti alls ekki íslenskum aðstæðum. Þessu er þó
ekki þannig farið. Það eru líklega fá lönd sem hafa
jafn ákjósanleg skilyrði til seglbrettasiglinga og ís-
land. Það eina sem þarf er nefnilega vindur og hann
skortir ekki hér á landi. Að vísu er það ljóst að
hlífðarfatnaður getur ekki einskorðast við sund-
skýlu eða vikini heldur verða þeir sem hyggjast
stunda seglbrettasiglingar að klæðast til þess gerð-
um þurrbúningum, sem verja þá gegn bleytu og
vosbúð.
Þá er hér á landi nær ótakmarkað rými til þess að
stunda íþrótt sem seglbrettasiglingar. Þannig getur
hver og einn siglt sínu bretti í ró og næði við hinar
fjölmörgu strendur landsins.
Nám, ástundun og kostnaður
3 seglbrettaskólar voru reknir í Reykjavík og
nágrenni í fyrra. Undirritaður heimsótti einn þess-
ara skóla til að forvitnast um starfsemina.
Kennsla fer þannig fram, að íþróttakennari og
tveir aðstoðarkennarar hans fylgjast með og kenna
undirstöðuatriði s.s. hvernig eigi að standa og taka á
seglinu við hinar ýmsu aðstæður. Að sjálfsögðu
mæðir mest á nemendunum sjálfum. Fyrstu
kennslustundirnar fara að mestu í að detta og
skríða aftur upp á brettið. En með smá þolinmæði
hefst þetta allt, og eftir u.þ.b. 10 tima námskeið á
nemandinn að vera fær um að geta siglt sjálfur í
hægum vindi.
En hvað kostar þá að læra og kaupa búnað?
Námskeið (10 tímar) kostar u.þ.b. 2000 kr. og er
þá innifalin leiga á búnaði. Fyrir þá sem vilja halda
áfram að námskeiði loknu og hyggjast kaupa sér
búnað þá kostar nýtt byrjendabretti u.þ.b. 20.000 kr.
Annar búnaður s.s. þurrbúningur, skófatnaður og
hanskar kosta á bilinu frá 7000 til 16.000 kr. Þetta
verð sem mörgum finnst eflaust mjög hátt segir þó
ekki alla söguna, þar sem auðvelt er að komast yfir
notaðan búnað á hagstæðu verði. í þvi sambandi er
oftast um að ræða afslátt upp á 20—30% fyrir hvert
notkunarár. Með því móti er hægt að fá ódýran
búnað í góðu standi t.d. myndi 1 árs gamalt bretti,
sem nýtt kostar 20.000 kr., kosta á bilinu 14.000 til
16.000. Annar kostnaður en stofnkostnaður er
hverfandi þar sem ekki þarf að fara langan veg til
að geta sjósett brettið, auk þess þarf ekki að borga
fyrir að sigla hér (að minnsta kosti ef menn sætta
sig við aö takmarka siglingasvæði sitt við 200 mílna
lögsögu landsins!).
Þegar námskeiði er lokið
Þegar námskeiði er lokið kemur að því að hver og
einn fer að stunda íþróttina sjálfstætt ýmist einir
sér eða með einhverjum siglingaklúbbi. Flestir taka
þann kostinn að ganga í einhvern siglingaklúbb-
anna, enda er þar boðið upp á aðstöðu til þess að
geyma brettin auk þess sem þa geta menn notið
félagsskapar annarra með sama áhugamál um leið
og hver lærir af öðrum. Siglingaklúbbar eru starf-
ræktir víða s.s. Ýmir í Kópavogi, Brokey í Reykja-
vík, Vogur í Garðabæ, Sigurfari á Seltjarnarnesi og
Nökkvi á Akureyri.
Keppnisíþrótt
Víða erlendis er keppt á stórum mótum í segl-
brettasiglingum um miklar fjárhæðir. Eru segl-
Keyrt af krafti framhjá Gróttu.
brettasiglingar víða orðin svo sterk íþrótt keppnis-
lega séð að fáar íþróttagreinar geta státað af jafn
mörgum atvinnumönnum. Athygli vekur að 4 af 10
bestu seglbrettasjóurum heims koma frá Skandin-
avíu þar sem aðstæður til seglbrettasiglinga eru
mjög sambærilegar að mörgu leyti og hér við land.
Það þýðir að þannig er í raun ekkert því til fyrir-
stöðu að við íslendingar gætum eignast keppnis-
menn sem berjast myndu um heimsmeistaratitilinn
og auka þar með hróður lands og þjóðar út á við. Til
þess að það geti orðið þarf samstillt átak allra aðila
svo hægt verði að hlúa að afreksmönnum í grein-
inni.
í ár verður í fyrsta skipti keppt til Islandsmeist-
aratitils, en í fyrra var útnefndur íslandsmeistari. í
sumar verður keppt á 15 mótum á seglbrettum.
Fyrsta mótið var svokallað „opnunarmót" sem hald-
ið var þann 11. maí síðastliðinn en það síðasta verð-
ur haldið þann 5. október i haust.
Seglbretti fyrir alla
Þó mikill uppgangur sé fyrirsjáanlegur í segl-
brettasiglingum sem keppnisíþrótt þá megum við
ekki gleyma hinum sem ekki stefna að neinum
keppnissigrum, en kjósa heldur að stunda iþróttina
ánægjunnar einnar vegna. Þeir sem sigla seglbrett-
um segja mér að fátt jafnist á við að svífa segli
þöndu í gegnum öldudalina og þjálfa hug og hönd
saman þannig að iðkandinn samlagast náttúrunni,
um leið og hann gleymir vandamálum líðandi
stundar í spennandi baráttu við Ægi konung.
Hafnarstræti 11
Reykjavík, sími 13469
KAMÍNUR
900
!u [—1
l •
liii
T
415
1
|>------560------->)
|«------560-------*| |«---415----->|
* *
/f^KS NYBYLAVEGI6
nvicri Kópavogi, simi 41000
DALSHRAUNI15
Halnartirti. simar 54411 og 52870
Þar sem fagmennirnir versla er þér óhætt