Morgunblaðið - 19.06.1985, Blaðsíða 17
MORGUNBLAÐIÐ, MIDVIKUDAGUR 19. JÚNÍ 1985
17
70 ár liðin frá því að íslenskar
konur öðluðust kosningarétt:
Hátíðarfundur und
ir Ármannsfelli
í tilefni dagsins
I DAG, 19. júní, eru 70 ár liðin frá
því að íslenskar konur öðluðust
kosningarétt og kjörgengi til Al-
þingis. Verður dagsins minnst
með ýmsu móti, að sögn Estherar
Guðmundsdóttur, formanns
Kvenréttindafélags íslands.
Félagið gengst fyrir hádegis-
verðarfundi á Litlu Brekku og
hefst hann kl. 12. Á fundinum
verður frú Auður Auðuns gerð að
heiðursfélaga KRFÍ. Þá rekur
Kristín Ástgeirsdóttir, sagnfræð-
ingur, aðdragandann að því að
konur fengu kosningarétt og kjör-
gengi til Alþingis.
Klukkan 16.30 verða gróðursett
þrjú tré fyrir framan Hallveig-
arstaði, Túngötumegin, á vegum
KRFÍ, Kl og Bandalags kvenna í
Reykjavík. Verða trén gróðursett
til heiðurs öllum þeim kvenfélög-
um og einstaklingum er lögðu
vinnu í að safna í sjóð til að reisa
Hallveigarstaði, húsið er nú í eigu
Kt, KRFÍ og Bandalags kvenna í
Reykjavík.
I kvöld gengst ’85 nefndin fyrir
hátiðarfundi undir Ármannsfelli á
Þingvöllum. Safnast verður sam-
an í Bolabás kl. 20. Þar mun
Lúðrasveit kvenna leika nokkur
lög og því næst setur Kristín Guð-
mundsdóttir, formaður Bandalags
kvenna í Reykjavík, fundinn. Þá
flytja María Pétursdóttir, fulltrúi
’85 nefndar, og Elín Bruusgaard,
rithöfundur frá Noregi, stutt
ávörp.
Kristín Ástgeirsdóttir, sagn-
fræðingur, mun því næst flytja er-
indi um 70 ára afmæli kosninga-
réttar kvenna á íslandi og konur í
Kvenfélagi Lágafellssóknar koma
fram í 19. aldar þjóðbúningum. Að
síðustu taka fundargestir lagið.
Hópferðir verða á hátíðarfund-
inn frá Umferðarmiðstöðinni kl.
19 og heim aftur að fundinum
loknum.
Staða kvenna í lok kvennaáratugar:
Aukin atvinnuþátt-
taka og meiri mennt-
un, en launamis-
réttið enn til staðar
MENNTUN og atvinnuþátt-
taka kvenna hefur aukist á
undanförnum árum en laun
þeirra eru enn verulega lægri
en laun karla.
Þetta kom fram á blaða-
mannafundi sem Jafnréttisráð
boðaði til í gær, þar sem kynntar
voru helstu niðurstöður úr könn-
un sem gerð var í fyrra á stöðu
og störfum kvenna. Könnunin
náði til 560 kvenna í Reykjavík, á
Patreksfirði, Húsavík, Egilsstöð-
um og í sveitum. Svipuð könnun
var gerð árið 1976 og var tilgang-
ur könnunarinnar í fyrra meðal
annars sá að fá fram samanburð
og sýna þróunina á þessum ár-
um.
Fram kom hjá þeim Guðríði
Þorsteinsdóttur formanni Jafn-
réttisráðs og Fríðu Pálsdóttur
þjóðfélagsfræðingi, sem vann
könnunina, að helstu niðurstöður
hennar eru eins og áður sagði
þær að atvinnuþátttaka kvenna
hefur aukist á þessum árum og
jafnframt hefur menntun þeirra
aukist: Árið 1976 unnu 61,1%
kvenna í þéttbýli utan heimilis,
en 77,7% árið 1984. Er hér átt við
konur í sambúð. Konum í námi
hefur á tímabilinu fjölgað úr
1,4% 1976 í 8% 1984 og konum
sem lokið hafa námi á háskóla-
stigi hefur fjölgað úr 1,7% í um
9%.
Samkvæmt könnuninni hefur
lítil breyting orðið á verkaskipt-
ingu kynjanna innan heimilisins
og samanlagður vinnutími
kvennanna sem svöruðu var
lengri en maka þeirra. Tekjur
kvenna, sem hlutfall af tekjum
karla, voru nokkuð meiri árið
1984 en 1976, en þær Guðríður og
Fríða bentu á að það virtist
fremur stafa af því að konur
ynnu meira úti en áður, en því að
launabilið hafi minnkað.
Viðhorf kvenna til jafnrétt-
ismála var einnig kannað og kom
þar fram að fleiri konur töldu
jafnrétti til vinnu og launa ekki
vera til staðar árið 1984 en 1976.
Þær Guðríður og Fríða sögðu
að meginniðurstaðan úr þessum
könnunum væri sú að greinilega
hefði miðað í jafnréttisátt í
menntunarmálum á kvennaára-
tugnum, sem nú er á enda, en lítð
hefði hins vegar áunnist í launa-
málum.
Fríða Pálsdóttir þjóöfélagsfræðingur og Guðríöur Þorsteinsdóttir formað-
ur Jafnréttisráðs kynntu niðurstöðurnar úr könnun Jafnréttisráðs á stöðu
kvenna í lok kvcnnaáratugarins.
Frá slysstað í Svínahrauni.
Morgunbladið/Július
Tveir piltar biðu bana og
fjórir slösuðust alvarlega
TVEIR piltar létust í umferðarslysum um helgina, annar þegar jeppi valt
á Suðurlandsvegi og hinn í hörðum árekstri í Svínadal í Dalasýslu. Hinir
látnu voru Einar Aron Pálsson, 17 ára, og Hallgrímur Sæmundsson, 16
ára. Fjórir slösuðust alvarlega, þar
Fimm ungmenni, skólafélagar,
voru á leið til Reykjavíkur þegar
Range Rover-jeppi, sem þau voru
í, valt ofan við Draugahlíð í
Svínahrauni, skammt fyrir aust-
an Litlu Kaffistofuna á Suður-
landsvegi. Rútubifreið kom á
vettvang nokkru eftir slysið og
tilkynnti ökumaður lögreglunni á
Selfossi um slysið. Talið er að
jeppinn hafi farið þrjár veltur og
að Einar heitinn hafi iátist sam-
stundis, en hann var í framsæti
jeppans við hlið ökumanns. Öku-
maður slasaðist mikið, hlaut al-
varleg höfuðmeiðsl og er í lífs-
hættu. Þrennt var í aftursætinu,
tveir piltar og stúlka, og brotnaði
annar piltanna illa.
Einar Aron Pálsson var fæddur
10. janúar 1968, til heimilis að
Bergstaðastræti 24b í Reykjavik.
Tvær Mazda-bifreiðir skullu
harkalega saman á Svínadal í
er 17 ára piltur talinn í lífshættu.
Dalasýslu, skammt frá svoköll-
uðu Jónsvaði. Svo virðist sem
ökumaður Mazda 626-bifreiðar
hafi misst vald á bifreið sinni
með þeim hætti, að hún lenti
þversum á veginum og skall
Mazda 929-bifreið á hlið hennar.
Hallgrímur heitinn sat í fram-
sæti við hlið ökumanns Mazda
626-bifreiðarinnar og lést sam-
stundis. Ökumenn beggja bifreið-
anna voru fluttir í sjúkrahús,
annar skarst á andliti og hinn
hlaut innvortis meiðsl.
Þrennt var í Mazda 929-bifreið-
inni, hjón með kornabarn. Konan
sat í aftursæti bifreiðarinnar og
var barnið í barnarúmi. Meiðsli
konunnar voru litilvæg og barnið
slapp óskaddað. Fernt var í
Mazda 626-bifreiðinni. Tveir f«.r-
þegar í aftursæti bifreiðarinnar
sluppu með lítilsháttar meiðsl.
Hallgrimur Sæmundsson var
fæddur 12. júlí 1968, til heimilis
að Tungu í Hörðudal í Dalasýslu.
Þrjár aðrar bílveltur urðu um
helgina. Fernt var í bifreið í
Dalasýslu, sem fór þrjár veltur
eftir að sprakk á hjólbarða. Eng-
inn slasaðist alvarlega. Bifreið
valt á Selfossi og meiddist öku-
maður litillega. Loks valt bifreið i
Gnúpverjahreppi. Fólk slapp án
meiðsla.
Á ellefta timanum á laugardag
slasaðist maður þegar hann
hugðist stöðva bifreið sína, sem
runnið hafði af stað niður brekk-
una á Amtmannsstíg. Maðurinn
var að ganga frá bifreið sinni
þegar hann vaið þess var að hún
hafði runnið af stað. Hann hljóp
til og náði að opna bifreiðina og
hugðist stíga upp i hana þegar
hann varð milli stafns og hurðar
þegar bifreiðin lenti á kyrrstæðri
bifreið. Maðurinn dróst nokkurn
spöl með bifreið sinni niður
brekkuna, en féll svo i götuna.
Bifreiðin stöðvaðist síðan á ljósa-
staur niður við Lækjargötu.
Þyrla Varnarliðsins sótti hina slösuðu til Dalasýslu og fhitti til Reykjavíkur. Morgunbiaðið/Júiius
í vesturbænum
Óhindraö útsýni — fagurt sólarlag
Til sölu í byggingu nokkrar rúmgóöar íbúöir.
Stæröir: 2ja herb., 4ra og 5-6 herb.
Verö: Frá 1.300 þús. ib. eru ýmist í endurbyggðu húsi eöa nýbyggöum stigahúsum.
Afh. tilb. undir trév. og máln.
Væntanlegum kaupendum veröur boöiö uppá langtímaafborganir á hluta kaupverös.
Hafiö hugfast aó íbúóaverö hefur ekki hækkaö í langan tíma og þeir sem kaupa sína
fyrstu íbúö fá 2% í afslátt.
Greiösludæmi:
2ja herb. íbúö, suöursvalir. Verö 1.300 þús. Veödeild 350 þús. sem seljandi biður eftir.
Lán frá seljanda 300 þús. Útb. viö kaupsamning 250 þús. Skv. samkomulagi 400 þús.
HúsafeH
FASTCKMASALA LangMlsvegi 115 AöatSteim PétUfSSOd
I Bæ/arleióahustnu I sim, 8 10 66 Berqur Guónason hdl