Morgunblaðið - 20.06.1985, Blaðsíða 52

52
MORGUNBLAÐIÐ, FIMMTUDAGUR 20. JÚNf 1985
fclk f
fréttum
Hollywood líf og
Hollywood víf
Jackie Collins skrifar hverja met-
sölubókina á fætur annarri og eru
þær allar um ástir, framhjáhald og
andlitslyftingar svo eitthvað sé
nefnt.
Það eru víst fáir sem búast við
því af kvenréttindakonu að
hún sitji og semji skáldsögur
kryddaðar með kynlífslýsingum.
En Jackie Collins er ímynd þver-
stæðunnar. Hún er vellauðugur
rithöfundur, sem ekur um í
óhreinum sex ára gömlum Cadill-
ac, annast sjálf innkaupin, er
trygg eiginkona og móðir, en úr
penna hennar flæða klámyrðin;
kona sem af skrifunum að dæma
þekkir spillinguna betur en flestir.
Heima hjá sér í Hollywood — þar
sem óvildin í hennar garð berg-
málar enn í hæðunum eftir út-
komu síðustu metsölubókarinnar,
sem opinberar fyrir alheimi hé-
gómann í kvikmyndaborginni —
er Jackie áberandi af því hún er
öðruvísi. Sannleikurinn er vissu-
lega lygasögu líkastur," sagði hún
nýverið í blaðaviðtali. Svo mikil er
þó velgengni hennar að hviklyndir
samborgarar hennar í Hollywood
— sem máttu lesa lítt duldar frá-
sagnir af öllum andlitslyftingum
sínum í bók hennar „Hollywood
Wives“ — hafa neyðst til að taka
hana í (sílikonfyllt) fang sitt.
„Þeir neyddust til að vera vin-
gjarnlegir við mig vegna vel-
gengni minnar," segir hún. „Ef
bókin hefði selzt illa, hefðu þeir
lumbrað á mér að vild. En hún
varð metsölubók, svo nú koma þeir
til mín með sín uppgerðar bros og
bjóða mér heim.“
Hvort borgarbúar verða alveg
jafn gestrisnir í hennar garð eftir
að næsta bók Collins — þar sem
hún tekur eiginmennina í Holly-
wood fyrir — kemur í búðirnar er
eftir að sjá.
„Það eru þeir sem aldrei hafa
lesið neitt eftir mig, og ætla sér
aldrei að gera það, sem gagnrýna
mig mest — þetta er einskonar
snobbaraháttur hjá þeim. Ég tala
enga tæpitungu, og lýsingarnar
eru oft grófar — og ég býst við að
það falli ekki öllum í geð. En ef
furðufuglinn Monty Python gerði
þetta segðu allir: „Er hann ekki
fyndinn?" Þegar ég geri það, segja
menn: „Hún er kona, hún á ekki að
vita af þessu.“
Ég er ánægð með kynlífslýs-
ingar mínar. Eg held að þær séu
raunsæjar og fyndnar. Mér finnst
margir karlar skrifa um kynlíf
eins og þeir væru kvensjúkdóma-
fræðingar. Ég reyni að draga upp
ástleitna mynd þar sem ímyndun
Jackie Collins.
lesandans tekur yfir áður en ég
geng of langt."
Jackie Collins er sjálf ham-
ingjusamlega gift Oscar Lerman,
meðeiganda eins þekktasta diskó-
teks heims — Tramp — sem er nú
að opna útibú í Los Angeles.
Framhjáhaldið í sögum hennar er
í andstöðu við skoðanir hennar á
hjónabandinu.
„Mér finnst að allir eigi að lifa
hátt og frjálst fyrir hjónabandið.
Ef konur vilja sofa hjá sex körlum
á mánuði, þær um það. Vilji þær
vera án kynlífs í heilt ár, þær um
það.
Gerið það sem þið viljið, ekki
COSPER
99/ð COSPER
... og svo neitaði prinsinn að giftast prinsessunni og lifði hamingjusam-
ur til æviloka.
það sem samfélagið vill að þið ger-
ið. En hjónabandið hefur tilgang,
og tilgangurinn er sá að vera með
einni persónu og byggja upp dá-
samlegt samband. Ég er einlæg-
lega fylgjandi tryggð í hjóna-
bandi."
Það er athyglisvert að henni
finnast einnig sögur sínar vera
einum of veraldlegar fyrir dæt-
urnar, sem eru táningar — þótt
þær þekki vel sögur Harold Robb-
ins og Sidney Sheldons. „Við
ræddum um þetta; Ég sagði að
mér fyndist þær ættu að bíða þar
til þær væru eldri. Vinir þeirra
geta lesið bækurnar, en gagnvart
börnum mínum er ég öðruvísi —
ég er mamma."
Þar sem hún hefur þekkt lífið í
Hollywood frá því löngu áður en
fjölskyldan fluttist þangað fyrir
tveimur árum — hún kom þangað
fyrst sem byrjandi leikkona í
fótspor systur sinnar Joan —
óttast Jackie að dætur hennar
kunni að sækjast eftir því að verða
leikkonur (en það virðist sem bet-
ur fer ekki líklegt sem stendur).
„Hér í borg gleypa þeir konurnar í
sig og spýta þeim svo út úr sér. Sé
kona orðin 25 ára, er hún tekin að
reskjast.
Ég hef alltaf verið kvenrétt-
indakona," segir Jackie, „en ekki á
hefðbundinn hátt. Ég mála mig til
dæmis — en ég geri það fyrir
sjálfa mig. Ég geri það sem þókn-
ast sjálfri mér.“ — Ef hún ein-
hvern tíma sér eitthvað af þeim 40
milljónum dollara sem henni voru
dæmdar í skaðabætur í málshöfð-
un gegn tímariti sem birti myndir
sem sagðar voru af henni nakinni,
er ætlunin að gefa góðgerðarsam-
tökum kvenna alla upphæðina.
Elín Bragadóttir
nuddari hefur sérhæft
sig í að ná
af appelsínuhúð.
Morgunblaðið/Þorkell
ELÍN BRAGADÓTTIR
NUDDARI
Nuddarar fá yöðvabólgu
eins og annað fólk
Appelsínuhúð hefur hrjáð
margan manninn, jafnt konur
sem karla. Fjölmargar fræðirit-
gerðir hafa verið skrifaðar um
þennan kvilla sem leggst jafnt á
granna og þétta og unga sem aldna.
Ymsar leiðir hafa verið fundnar til
að laga appelsínuhúð og hafa þær
gefist misvel, margir vilja jafnvel
meina að hana sé ekki hægt að
laga.
Ekki er Elín Bragadóttir, tutt-
ugu og eins árs gamall nuddari i
Reykjavík, á þeirri skoðun og hefur
hún þróað nuddtækni sem minnkar
appelsínuhúð og oft hverfur hún al-
veg.
„Það sem kallað er appelsínuhúð
eða „cellolite" eru fitufrumur sem
hafa safnað í sig alls kyns úrgangs-
efnum og losa sig ekki við þau.
Þannig stækka frumurnar og stífl-
ast og mynda „cellolite". Óholl
fæða, kaffidrykkja, reykingar og
getnaðarvarnapillan eru meðal
þess sem geta valdið appelsínuhúð
I og mörgum reynist mjög erfitt að
ná henni af sér aftur.
Ég er lærður almennur líkams-
nuddari, þ.e. vöðvanudd en mér
datt í hug að reyna jafnframt að
þjálfa mig upp í „cellolite“-nuddi
og það hefur gengið mjög vel og
undirtektir verið frábærar. Ég
opnaði nuddstofuna í mars á sama
stað og sólbaðsstofan Sólskríkjan
er til húsa og þegar liðnar voru
þrjár vikur var kominn langur bið-
listi. Núna vinn ég frá níu á morgn-
ana til átta á kvöldin og með þessu
áframhaldi ætla ég að stækka við
mig í haust.“
Við nuddið notar Elín sérstaka
hanska úr náttúrulegum svampi og
olíu sérstaklega ætlaða þessu nuddi
frá Body Shop. „Ég sprengi fitukúl-
urnar og fituvefina og úrgangsefn-
in fara út í blóðrásarkerfið og skila
sér út úr líkamanum."
Árangurinn af nuddinu sagði El-
ín vera framar öllum vonum en
eins og um margt annað þarf að
gæta mataræðisins mjög vel ef
appelsínuhúðin á ekki að koma aft-
ur.