Morgunblaðið - 25.06.1985, Blaðsíða 37

MORGUNBLAÐIÐ, ÞRIDJUDAGUR 25. JÚNÍ 1985
37
„Mig hefur dreymt um
að komahingað í 60 ár“
— segir Vestur-íslendingurinn Signý Stewart sem hingað er komin í leit að ættingjum
Morgunblaðið/Þorkell
Langþráöur draumur Signýjar Stewart hefur loksins ræst Hún er komin til íslands í ieit að ættingjum og
upplýsingum um skyldmenni sín eftir að hafa beðið í yfir 60 ár. Hér er hún ásamt eiginmanni sínum William
Stewart og dóttur sinni Francis Aiken.
„Halló, ég er Vestur-fslending-
ur,“ segir frískleg kona á sjötugs-
aldrinum og hlær svo dátt að fram-
burðinum, sem óneitanlega ber
keim af ensku. Hún er samt alís-
lensk en hefur átt heima í Banda-
ríkjunum öll sín ár. Þetta er Signý
Stewart, 65 ára, og hún kom til fs-
lands í fyrsta skipti sl. sunnudag
ásamt eiginmanni sínum, William
Stewart, dótturinni Francis og
manni hennar, Peter Aiken.
Signý á sér sérkennilega sögu,
en hún er hingað komin til að
grafast fyrir um faðerni sitt.
Móðir hennar, ólöf Lóa Böðvars-
dóttir, hélt vestur um haf 1920, er
hún var barnshafandi. Talið er að
faðir barnsins hafi verið íslensk-
ur, en leyndarmálið um hann var
vel geymt og fékk Signý aldrei að
vita frekari deili á honum. Ólöf
gekk að eiga Frank Nelson nokkr-
um árum eftir komuna til New
York og eignuðust þau hjónin þá
dóttur, Francis, sem er átta árum
yngri en Signý.
Signý var orðin fimmtán ára
gömul þegar hún loksins komst að
því fyrir tilviljun að Frank Nelson
var ekki hinn rétti faðir hennar.
Ólöf talaði mikið um fsland við
Signýju og kveikti hjá henni
brennandi áhuga á landinu, sem
enst hefur henni alla tíð. Signýju
dreymdi alltaf um að heimsækja
ísland, en átti þess ekki kost fyrr
en nú.
„Við vorum ekkert sérstaklega
vel efnuð, en bæði Frank, sem
hafði ferðast mikið um Evrópu á
sínum yngri árum, og móður mína
langaði mikið til að fara til fs-
lands með okkur dæturnar. Þetta
var á tímum kreppunnar miklu og
við höfðum hreinlega ekki efni á
því. Áhugi minn á að koma hingað
dvínaði samt aldrei,“ sagði Signý.
„Nú í febrúar átti ég afmæli og
þá kom dóttir min, Francis, í
heimsókn og færði mér albúm og
veski að gjöf. Ekkert var í albúm-
inu, en Francis sagði að það væri
fyrir myndirnar sem ég ætti eftir
að taka og veskið undir vegabréfið
sem kæmi mér til íslands, því hún
og Peter Aiken, hefðu ákveðið að
bjóða okkur hjónunum til fslands
í sumar. Ég trúði ekki mínum eig-
in eyrum og grét eins og lítið
barn. Peter sagði að vísu að þetta
ylti allt á því hvort hann hefði
mikið að gera í júní, en hann er
þekktur lögfræðingur í Flórída.
Mér fannst samt svo mikið til
þess koma að hann hefði átt uppá-
stunguna að förinni, að ég var
hrærð. Loksins eftir öll þessi ár
átti draumur minn að rætast."
Eftir að draumur Signýjar fór
að taka á sig einhverja mynd, tók
önnur dóttir hennar, Signý yngri,
sig til og skrifaði til Morgunblaðs-
ins og bað um upplýsingar um
skyldmenni móður sinnar og föð-
ur. Fyrr en varði var kominn
langur listi yfir móðurætt Signýj-
ar, en ekkert fréttist um föður
hennar. Það litla sem Signý vissi
um föður sinn hafði hún aflað
sjálf.
„Eftir að móðir mín dó árið
1953 fór ég til New York og heim-
sótti kirkjuna þar sem ég var
skírð. í kirkjubókunum var faðir
minn skráður sem Jón Jónsson og
guðmóðir mín Sína Arason, eig-
inkona Steingríms Ararsonar.
Þau eru bæði látin og áttu engin
börn, svo ég hafði ekki meira upp-
úr krafsinu. Maður einn sem aug-
ljóslega vissi eitthvað um faðerni
mitt sagði mér að hafa ekki
áhyggjur, því ég væri af góðu fólki
komin. Þetta er nú allt og sumt
sem ég veit, nema hvað sumir
halda að faðir minn hefði unnið á
einhverju skipa Eimskipafélags-
ins, en móðir mín vann á Gullfossi
um hríð fyrir heimsstyrjöldina
fyrri,“ sagði Signý.
Starfsfólk Eimskips hefur verið
Signýju innan handar við að graf-
ast fyrir um föður hennar, en enn
sem komið er hefur ekkert frést.
„Eina ástæðan fyrir því að móð-
ir mín hélt þessu leyndu um föður
minn var sú, að hún hélt að ég
myndi hætta að elska sig ef ég
vissi hið sanna í málinu. Það var
alls ekki satt, því móðir mín var
stórkostleg kona; harðdugleg og
elskuleg kona sem reyndist mér í
alla staði vel. Hún hafði mig allt-
af hjá sér þar sem hún vann sem
matráðskona, fyrst hjá dönskum
manni sem gekk í ábyrgð fyrir
hana svo hún fengi landvistarleyfi
í Bandaríkjunum; svo hjá prófess-
or við Princeton-háskóla og fjöl-
skyldu hans og loks i sumarbúð-
um fyrir börn.“
ólöf Lóa lagði mikla rækt við
islenskuna og hélt alltaf sam-
bandi við aðra íslendinga sem
búsettir voru í New York. Signý
lærði íslensku sem barn, en þegar
hún var þriggja ára gömul, ákvað
ólöf að tala bara ensku við barn-
ið, því hún var hrædd um að önn-
ur börn myndu gera grín að henni
í skólanum ef hún hefði íslenskan
hreim.
„Ég varð mjög vonsvikin þegar
ég frétti þetta mörgum árum
seinna, því mig langaði mikið til
að kunna íslensku. Eina sem ég
kunni var „góða nótt“ og það sagði
ég alltaf við börnin mín þgar þau
voru búin að fara með bænirnar á
kvöldin. Núna um daginn kenndi
vinkona mín mér að segja „Ég er
Vestur-íslendingur" og hún fær
alltaf hláturskast þegar ég ber
það fram með mínum þykka
hreim.“
Signý og William fluttust frá
New York árið 1953 og hafa búið í
Laurel, Maryland, síðan. Þau eiga
fjórar dætur: Signýju, Francis,
Christine og Patricia, og tvo syni,
þá William Paul og Stephan Jam-
es. Signý sagði að móðir hennar
hefði látið skýra hana Signýju
Stephanie eftir að hafa sett nokk-
ur kvennanöfn úr hennar ætt á
miða og skellt í hatt einn og dreg-
ið nafnið Signý Stephanie þrisvar
sinnum í röð.
í dag heldur fjölskyldan á
bernskuslóðir Ólafar í Dalasýsl-
unni og verða í Stykkishólmi í
tvær nætur. Þau koma svo aftur
til Reykjavíkur á fimmtudag og
dvelja hér fram á laugardag.
Sinfóníuhljómsveit Islands:
Vel heppnaðri tón-
ieikaferð til Frakk-
lands lýkur í kvöld
ÁITA DAGA tónleikaferðalagi Sinfóníuhljómsveitar íslands
til Frakklands lýkur í kvöld í borginni Toulon við suður-
ströndina. Aðsókn á tónleika hljómsveitarinnar hefur verið
góð og undirtektir frábærar að sögn Gísla Sigurðssonar, rit-
stjórnarfulltrúa Morgunblaðsins, en hann er með í förinni til
Frakklands. Um 30 aðrir, m.a. makar hljómsveitarmeðlima,
eru auk þess með í förinni og telur hópurinn alls 130 manns.
Blm. sló I gær á þráðinn til
Gísla suður til Avignon, þar sem
hópurinn dvaldi, og innti hann
frétta af ferðinni. „Við komum
til Lyon 18. júní og daginn eftir
hélt Sinfóníuhljómsveitin sína
fyrstu tónleika í borginni Chal-
on, sem er um 100 km norður af
Lyon,“ sagði Gísli.
„Daginn eftir, þann 20., héld-
um við til Grenoble og vorum
viðstödd athöfn í háskólanum
þar sem forseti íslands, frú Vig-
dís Finnbogadóttir, var sæmd
heiðursdoktorsnafnbót í húman-
ískum fræðum. Um kvöldið hélt
Sinfóníuhljómsveitin þar sina
aðra tónleika og var frú Vigdís
Finnbogadóttir viðstödd þá.
Föstudaginn 21. júní hélt
hljómsveitin tónleika í nýju og
afar glæsilegu tónleikahúsi í Ly-
on og var forseti íslands einnig
viðstaddur þá tónleika. í gær,
þann 23., komum við til Avignon
sem er suður undir Miðjarðar-
hafi og fengum við þá loksins að
sjá sól, eftir fjögurra daga rign-
ingu.
Nú á eftir höldum við svo til
borgarinnar Nimes þar sem Sin-
fóníuhljómsveitin heldur í kvöld
fjórðu og næst síðustu tónleika
sína hér í Frakklandi. Ef vel við-
rar í Nimes verða tónleikarnir
haldnir utandyra í ævafornu
hringleikahúsi. Síðustu tónleik-
arnir verða svo haldnir annað
kvöld, 25. júní, í óperunni í Toul-
on.
Gísli sagði að hópurinn myndi
dreifast nokkuð eftir tónleikana.
Sumir færu til Parísar í nokkra
daga, en aðrir hygðust ferðast
um. Kvað hann tónleikaferðina í
alla staði hafa tekist mjög vel og
undirtektir áheyrenda feikilega
góðar.
Gísli mun skrifa nánar um
tónleikaferðalag Sinfóníu-
hljómsveitarinnar til Frakklands
í Lesbók Morgunblaðsins.
SapaFront
ELDVARNARHURÐIR
A30 oq F30
Huröir og skilrúmsveggir geta verið allt
að 3,0 m á hæð og 10,0 m á lengd í eld-
varnarflokki F30.
Huröir geta ýmist veriö einfaldar eöa
tvöfaldar meö eldþolnu gleri eöa eld-
þolnum plötum.
Þá er hægt aö fá sérstakan útbúnaö
lamamegin á huröir, sem tryggir aö
börn geta ekki klemmst þar á milli.
Á huröirnar er hægt aö setja sjálfvirkan
lokunar- og opnunarbúnaö, sem tengja
má eldvarnarkerfi.
Tæknideild okkar veitir allar nánari
upplýsingar.
Gluggasmlð|an
GISSUR SlMONARSON SlÐUMÚLA 20 REYKJAVlK SlMI 38220
____________________