Morgunblaðið - 25.06.1985, Blaðsíða 64
64
MORGUNBLAÐIÐ, ÞRIÐJUDAGUR 25. JÚNt 1985
Fundur samgönguráðherra á Selfossi vel sóttur:
Fjöldi nýjunga á döf-
inni í samgöngumálum
Selfossi, 21. júní.
MATTHÍAS Bjarnason samgöngu-
ráðherra hélt fyrsta fund sinn af
sjö, sem hann heldur um sam-
göngumál víða um land, í Tryggva-
skála í gærkvöldi, 20. júní. Á fund-
inum boðaði Matthías lækkun á
símgjöldum og skýrði frá ýmsum
áhugaverðum áætlunum í sam-
göngumálum.
Fundurinn í Tryggvaskála var
vel sóttur og lögðu fundarmenn
ýmsar fyrirspurnir fyrir ráð-
herra og aðra frummælendur
sem voru Jón Rögnvaldsson yfir-
verkfræðingur Vegagerðarinnar,
Guðmundur Björnsson forstjóri
fjármáladeildar Póst- og síma-
málastofnunar og Haukur
Hauksson aðstoðarflugmála-
stjóri.
í máli Matthíasar kom fram
að helmingur útgjalda ríkisins
heyra undir ráðherraembætti
þau sem hann gegnir.
Matthías fjallaði vítt og breitt
um samgöngumál sem er viða-
mikill málaflokkur. Um 9% af
útgjöldum fjárlaga renna til
samgöngumála og í kringum
3.000 manns starfa við þær
stofnanir.
Næstu stórverkefni á sviði
flugmála verða ný flugbraut á
Egilsstöðum og varaflugvöllur
fyrir utanlandsflugið. Þá er
stefnt að nýrri flugstöð í Reykja-
vík. Sérstök nefnd á að gera til-
lögur um verkefni næstu ára og
tekjuöflun þar að lútandi.
Matthías gat helstu nýjunga á
sviði Póst- og símamálastofnun-
ar sem eru þær helstar að á fyrri
hluta næsta árs verður tekin í
notkun fyrsta sjálfvirka skipti-
stöðin fyrir gagnaflutningskerfi.
Þetta kerfi gefur notendum kost
á að hafa samband við upplýs-
ingakerfi í Evrópu og Banda-
ríkjunum.
Inn á kerfið verður hægt að
tengja heimilistölvur beint eða
með sjálfvirku vali um símakerf-
ið.
Nýtt ljósleiðarakerfi verður
tekið upp í lok næsta árs og
sjálfvirkur farsími undir lok
ársins 1986. Farsíminn kemur í
góðar þarfir sem neyðarsími ef
náttúruhamfarir trufla hið
hefðbundna símkerfi. Þá er
áformað að allir símar lands-
manna verði tengdir sjálfvirka
símkerfinu á næsta ári.
Um næstu áramót falla niður
réttindi Mikla norræna ritsíma-
félagsins á símafjarskiptum ís-
lands við umheiminn. Ákveðið
hefur verið að Póst- og síma-
málastjórnin greiði eftirstöðvar
af meðeignarhlut Mikla norræna
í jarðstöðinni Skyggni. Frá þeim
tíma munu allar tekjur af fjar-
skiptum renna til Pósts og síma
og ríkisstjórn íslands fær full
yfirráð yfir öllum fjarskiptum
landsmanna.
Matthías boðaði verulega
lækkun símgjalda, skrefagjalda,
ársfjórðungsgjalda og telexaf-
nota en aftur á móti nokkra
hækkun póstburðargjalda. Þess-
ar gjaldskrárlækkanir sagði
Matthías mögulegar þar sem
aukin hagkvæmni hefði orðið í
rekstri og þjónustan aukist.
„Góðar samgöngur eru lykill-
inn að byggðaþróun," sagði
Matthías og ennfremur að jarð-
gangnagerð væri nú ofarlega á
baugi. Slíkar framkvæmdir
væru kostnaðarsamar en hag-
ræði þeirra og öryggi vægi þar
þungt á móti. Hann sagði áætlun
um jarðgangnagerð í undirbún-
ingi og yrði hún lögð fyrir Al-
þingi.
Matthías benti á að fjárfest-
ing á vegum væri ein sú arðbær-
asta og því legði hann ríka
áherslu á að gefa sem minnst
eftir á því sviði þegar samdrátt-
araðgerðir væru ræddar. Árlega
spöruðust 40—70 milljónir króna
vegna bundins slitlags á vegum
og mikill hluti sparnaðarins
væri í erlendum gjaldeyri.
Hann kvað reynslu af tilraun-
um með 4 metra breitt bundið
slitlag í stað um 6 m á fáförnum
vegum lofa góðu en slík tilhögun
getur hraðað uppbyggingu vega
landsins og lagningu bundins
slitlags.
í máli Matthíasar kom einnig
fram að útboðsverk á vegum
Vegagerðar ríkisins hafa að
meðaltali verið unnin fyrir 75%
af kostnaðaráætlun. Hann gat
þess að auki að við brúa- og
vegagerð hefði verið komið á
kaupaukakerfi sem skilað hefði
auknum afköstum.
Sömu sögu er að segja varð-
andi Ríkisskip þar sem bónus-
kerfi var tekið upp við hafnar-
vinnu og jók afköst til muna.
Með samningi Landmælinga
íslands við Geodætisk Institut í
Danmörku 1. febrúar 1973 var
höfunda- og útgáfuréttur ís-
landskortanna formlega afhent-
ur Landmælingum íslands.
Ákveðið hefur verið að stórefla
loftmyndasafn með útvegun
eldri mynda og með loftmynda-
tökum. Verða teknar loftmyndir
af þéttbýli á 3ja ára fresti,
strjálbýli á 5 ára fresti og af há-
lendinu á 10 ára fresti.
Matthías ræddi einnig önnur
svið samgöngumála og sagði
m.a. að tekjur af erlendum
ferðamönnum hefðu numið
tveimur milljörðum á sl. ári og
sagði ferðamálin vaxandi at-
vinnugrein. Hann nefndi að frí-
____________
Morgunblaðið/Sig. Jóns.
Matthías Bjarnason samgönguráð-
herra flytur ræðu sína i Selfoss-
fundinum.
höfnin á Keflavíkurflugvelli
greiddi 10% af tekjum sínum til
ferðamálaráðs og stæði þannig
undir landkynningu að nokkru
leyti.
Hann benti á varðandi Veð-
urstofu íslands að skortur á sér-
fræðingum tefði athuganir á
snjóflóðavörnum og varðandi
mælingar á jarðhræringum
hefði skráningastöðvum verið
fjölgað og skráning yrði nú sam-
tímis á Veðurstofu og skjálftinn
yrði. Sig. Jóns.
Ólafur Ketils-
son vildi kaupa
Vegagerðina
Selfoasi 21. júní.
ÓLAFUR Ketilsson var meðal
fundarmanna i fundi samgöngu-
riðherra i Selfossi í gær. Olafur
afhenti samgönguriðherra fjórð-
ung þeirra bréfa sem hann hefur
sent samgönguráðuneytinu i liðn-
um irum og eru 100 samtals.
Ólafur byrjaði á því að biðja
Matthías Bjarnason afsökunar á
því hvað hann hefði fengið fá
bréf, aðeins eitt. Það bréf Ólafs
var beiðni um að fá að kaupa
Vegagerðina en Matthías sagðist
ekki vilja selja.
Ólafur gagnrýndi vegagerð-
armenn fyrir vitlausan fláa á
vegum sem hann sagði stór-
hættulegan og þegar Jón Rögn-
valdsson yfirverkfræðingur tók
undir orð hans varð honum að
orði: „Það var mikið að hægt var
að koma vitinu fyrir ykkur.“ Jón
benti aftur á móti á að batnandi
mönnum væri best að lifa.
t lok máls síns afhenti ólafur
Matthíasi bréfabunka upp á 28
síður sem Matthías þakkaði
fyrir og sagðist lesa við tæki-
færi. Var þar saman kominn
fjórðungur bréfa ólafs um betri
vegi.
Sig. Jóns.
40 % vegagerðar boðin út
á almennum markaði
SelfotHÍ, 21. júní.
Á FUNDI Matthíasar Bjarnasonar
samgönguriöherra i Selfossi flutti
Jón Rögnvaldsson yfirverkfræöing-
ur erindi um starfsemi Vegagerðar-
innar, Guðmundur Björnsson for-
stjóri ræddi milefni Pósts og síma
og þær nýjungar sem þar eru i döf-
inni og Haukur Hauksson aöstoðar-
flugmilastjóri fjallaöi um flugmil.
Jón Rögnvaldsson gaf greinar-
gott yfirlit yfir starfsemi vega-
gerðarinnar, ástand vega og upp-
byggingu vegakerfisins. í máli
hans kom m.a. fram að reynsla af
útboðum vegagerðarinnar yrði að
Hluti fundarmanna á fundi samgönguriðherra i Selfossi.
teljast góð. Verktakar hefðu yfir-
leitt klárað sín verk þó hefði
komið fyrir að tímamörk stæðust
ekki. Hann sagði að stefnt væri
að því að 40% af verkum vega-
gerðarinnar væru boðin út á al-
mennum markaði, 20% innan
héraðs og 40% verkanna væri
áætlað að vinnuflokkar vegagerð-
arinnar ynnu.
Guðmundur Björnsson sagði
fjármálastöðu Pósts og síma góða
um þessar mundir og hefði hún
batnað verulega frá undanförn-
um árum. Sl. ár hefði verið fyrsta
árið sem enginn rekstrarhalli
væri á stofnuninni og fjárfest-
ingar hefðu aukist verulega.
Þessa góðu stöðu þakkaði hann
jafnvægi I efnahagsmálum,
minnkun verðbólgu og lækkun
vaxta.
Hann gaf yfirlit yfir helstu
tækninýjungar sem á döfinni
væru og gat m.a. um sjálfvirkt
farsímakerfi sem yrði aukið úr 5
rásum í 24 og gegnum það yrði
hægt að hringja beint til útlanda.
Auknir möguleikar væru á notk-
un „Friðþjófsins", píb-tækis, með
því að nota tal í stað hljóðmerkis
en talið getur verið allt upp I 80
stafir. -
Hann sagði að stafrænar sím-
stöðvar á Hellu og Hvolsvelli
yrðu teknar í notkun í okt.-nóv. á
þessu ári. 640 númer yrðu á hvor-
um stað. Stöðvarnar í Vík og í
Hveragerði yrðu stækkaðar um
100 númer hvor og stöðin að
Steinum yrði 128 númera stafræn
símstöð. Gert væri ráð fyrir að
allir notendur á landinu yrðu með
sjálfvirka síma í lok þessa árs.
Haukur Hauksson kynnti helstu
deildir flugmálastjórnar i máli
hans kom m.a. fram að á Suður-
landi eru 22 sjúkraflugvellir og að
70 milljónir kostaöi að leggja
malbik á áætlunarflugvelli sem
ómalbikaðir eru í dag. Hann út-
skýrði og öryggi radíó- og stefnu-
vita fyrir flugumferð.
Mesta hlutfallsleg flugvélaeign
er á Suðurlandi en þar eru á skrá
13 flugvélar en alls eru á skrá 225
flugvélar á landinu og 873 skír-
teinishafar sem starfa við flug.
Haukur sýndi og útskýrði flug-
stjórnarsvæði sem heyrir undir
íslenska flugumferðarstjórn og
kom þar fram að á degi hverjum
fara fram ca. 1200 lendingar og
flugtök. Á hverjum degi fara í
kringum 200 flugvélar um flug-
stjórnarsvæðið en metið var í
fyrradag, 19. júní, en þá fóru 230
flugvélar um svæðið og samsvar-
ar það að 60 þús. manns hafi farið
um svæðið í stórum þotum. Hann
gat þess að nú væri unnið að
langtímaáætlun um framkvæmd-
ir að flugmálum.
Sig. Jóns.
Fyrírspumir á fundi samgönguráðherra á Selfossi:
Útboð, aðstaða ferðamanna
og símamál
Selfomi, 21. jání.
FUNDUR samgönguriðherra i
SelfoHsi í gær stóð fram undir mið-
nætti og var mörgum fyrirspurnum
beint til riðherrans og framsögu-
manna sem með honum voru í för.
Á fundinum kom fram gagn-
rýni á útboð Vegagerðarinnar.
Helgi Stefánsson vörubílstjóri
sagði að það væru 46,3 milljónir
sem farið hefðu til verktaka utan
héraðs. Hann vildi að skipuð yrði
nefnd til að íhuga hvort vinna í
héraði mætti ekki vinnast af
heimamönnum.
Ráðherra svaraði því til að
hann vildi líta á starf vörubíl-
stjóra með réttsýni, en tilgangur-
inn með vegagerð væri að fá fram
betri vegi um landið en ekki endi-
lega að útvega atvinnutækjum at-
vinnu. Hann kvaðst fylgjandi því
að verk væru færð í hendur ein-
staklingum, s.s. snjómokstur o.fl.
og slík verk gætu nýst vörubif-
reiðastjórum.
Róbert Róbertsson spurði
hvort ráðherra fyndist ekki að-
staða ferðamanna við Gullfoss til
skammar. Ráðherra tók undir
það og sagði að þau mál væru til
athugunar og ráða yrði bót á að-
stöðuleysinu þannig að fólk gæti
notið dvalar á þessum stað.
Hjörtur Þórarinsson spurði
hvort ekki væri hægt að hafa
sama gjald á símaþjónustu innan
sama svæðis. Guðmundur Björns-
son og ráðherra svöruðu því til að
það væri hægt og unnið væri að
því að fjölga langlínustöðvum.
Það væri spurning um tíma hve-
nær það kæmist á, samræma
þyrfti stöðvarnar innan svæðis-
ins áður.
Aðrir sem til máls tóku fögn-
uðu því að fá tækifæri til að
hlýða á ráðherra og kynnast því
sem á döfinni væri.
Er ráðherra hafði svarað fyrir-
spurnum sagði hann m.a., að
mestu máli skipti að fólkið sem
þyrfti á samgöngum að halda
þrýsti á um framkvæmdir við
sína þingmenn. Þeirra hlutverk
væri síðan að ýta málinu áfram.
Hann lagði áherslu á að til þess
að þoka málum áfram yrðu menn
að leggja sig eftir að skilja skoð-
anir hvers annars. „öll stefnum
við að því að búa í betra landi,"
sagði Matthías Bjarnason ráð-
herra að lokum.
Si*. Jóns.