Morgunblaðið - 25.06.1985, Blaðsíða 67

MORGUNBLAÐIÐ, ÞRIÐJUDAGUR 25. JÚNÍ 1985
67
A.m.k. einn genginn
í Álftá
Veiði hófst í Álftá á Mýrum á
föstudaginn og veiddist ekkert
fyrsta daginn utan einn sjóbirt-
ingur. Á laugardaginn sást hins
vegar einn boltafiskur í Hrafns-
hylnum og gein sá við maðki
veiðimanns, en hristi sig af eftir
stutta en snarpa viðureign. Lét
hann sig hverfa eftir atganginn
og komst veiðimaður ekki í tæri
við hann aftur. Álftá er afar
vatnslítil um þessar mundir,
„ekki neitt neitt“ eins og einn
orðaði það um helgina. Áin er að
jafnaði vatnslítil og langvarandi
þurrkar og snjóalitlir vetur leika
hana grátt. í sumar verður veitt
með þremur stöngum í einn
mánuð í Álftá og er það í kjöl-
farið á góðum veiðisumrum 1982
og 1983. Meðalveiði var hins veg-
ar 1984. Er það álitamál manna
á milli hvort þessi viðkvæma
iitla á „ber“ þrjár stangir, þar
sem kunnugir vita að bróður-
parturinn af laxinum leggst á
tiltölulega fáa staði í ánni.
Reynslan sker hins vegar úr um
hvernig þetta fyrirkomulag fer
með ána.
Korpa rennur varla
Korpa, eða Úlfarsá í Mosfells-
sveit, er svo vatnslítil um þessar
mundir, að veiðimenn sem byrj-
uðu að renna á fimmtudaginn
hafa ekki þurft að nota veiðist-
Fossinn í Korpu við nokkuð eðlileg
skilyrði. Þmrna rennur sytra um
þessar mundir og vart við þvi að
búast að lax gangi í ina fyrr en það
rignir hressilega.
ígvél, heldur stundað sport sitt á
strigaskóm og blankskóm. Um
helgina hafði enginn lax veiðst í
ánni, einn og einn sjóbirtingur
hafði komið á land og að auki
einn áll. Korpa er þvílík spræna
um þessar mundir, að vart er við
því að búast að fiskur gangi að
ráði í hana nema að veruleg úr-
koma breyti vatnsborðinu að
einhverju marki. Einn veiðimað-
ur mætti í húsið á tilskildum
tíma um helgina, leit á ána og
fór svo að leika golf...
Teljarinn líka vinsæll
í Noröurá
„Það gengur mikið af laxi upp
Norðurá, en hann tekur ómögu-
lega í þessu litla vatni og bjarta
veðri. Laxinn er kominn fram í
dal, alla leið fram í Krók og það
er talsvert af laxi í Skarðs-
hamrafljóti. Það hafa 204 laxar
farið um teljarann og áreiðan-
lega talsvert fram hjá honum að
auki, það ætti því að glæðast ef
veðrið breytist,“ sagði Friðrik
Stefánsson hjá SVFR í samtali
við Morgunblaðið í gærdag.
Giskaði hann á að milli 130 og
140 laxar væru komnir á land úr
ánni og hefði gætt nokkuð smá-
laxa upp á síðkastið þó stórir
veiddust enn í bland.
Gengur ört í
Elliðaárnar
Það fara 30—50 laxar um telj-
arann í Elliðaánum hvern sólar-
hring, en sökum lélegra veiði-
skilyrða gengur illa að fá þá til
að gína yfir agninu. Þó hafa
milli 60 og 80 fiskar komið á
land, talsvert minni afli en á
sama tíma í fyrra, þó hefur
meira gengið af laxi. í gærmorg-
un höfðu 445 laxar farið um telj-
arakistuna.
A.m.k. einn á Jiurrt
Gljúfurá var opnuð til lax-
veiða þann 20. júní og veiddi
fyrsti hópurinn að minnsta kosti
einn lax. Rólegt var þó á þessari
verstöð, áin afar vatnslítil og lítt
fýsileg til að renna í að svo
stöddu. Er það mál manna að
það þurfi ærlega flóðdembu til
að koma hreyfingu á laxinn og á
það ekki eingöngu við Gljúfurá.
Bjarni og Gunnar leggja netið neðan Ölfusárbrúar. Myndin er tekin á miðnætti. Vitjað um í neðstu lögninni við flúðirnar og vænir laxar dregnir.
Laxveiðitíminn
hafinn á Selfossi
Selfossi, 21. júní.
Laxveiðitíminn bér á Selfossi
hófst á miðnætti sl. nótt og ná-
kvæmlega kl. 00.01 renndu Selfoss-
bændur, Gunnar Gunnarsson og
Bjarni Sigurgeirsson, fyrsta netinu í
ána. Stangveiðin hófst síðan kl. 7 í
morgun.
Selfossbændur hafa þrjár neta-
lagnir fyrir landi Selfossbæjanna,
eina fyrir neðan ölfusárbrú og
tvær við flúðirnar nokkru neðar.
„Það er alltaf dálitil eftirvænt-
ing og spenningur sem fylgir
þessu,“ sagði Gunnar Gunnarsson,
þar sem hann stóð í bátnum niður
undan brúnni og beið eftir þvi að
tíminn kæmi að netið mætti fara í
ána. Bjarni sat undir árum og hélt
bátnum réttum í straumnum. Þeir
félagar sögðust frekar bjartsýnir
á sumarið, áin væri falleg núna og
þess að vænta að hún gæfi vel.
Þegar vitjað var um í morgun
komu 6 laxar á land, ca. 5—10
pund og hádegisvitjunin gaf 2
laxa, frekar róleg byrjun.
Stangveiðimenn urðu fljótlega
varir og fyrsta laxi sumarsins, 12
punda hæng, var landað í Víkinni
og var það Jón Birgir Kristjánsson
sem fékk hann á túbu.
Veiðitíminn er alltaf skemmti-
leg tilbreyting í bæjarlífinu hérna
á sumrin. Þeir eru margir sem
leggja leið sína á veiðisvæðin til
að fylgjast með stangveiðimönn-
unum og sögðu sumir að áhuga-
sömustu veiðimennirnir hefðu
verið á vappi á svæðunum undan-
farna daga til að vita hvort ekki
sæist líf. Þá eru margir sem fylgj-
ast grannt með netaveiði Selfoss-
bænda og mörgum ferðamannin-
um verður starsýnt á þá félaga
þegar þeir vitja um netið neðan
Ölfusárbrúar enda skemmtilegur
þáttur í mannlífinu hér. Blóðið í
æðum veiðimanna tekur óneitan-
lega kipp þegar silfraðir laxar eru
dregnir úr straumnum.
Sig. Jóns.
Tveir kunnir veiðimenn, Diðrik Diðriksson og Friðrik Jón Birgir með fyrsta lax sumarsins ný genginn 12 punda
Larsen, á miðsvæðinu. hæng.
Nýtt veiðihús við Stóru-Laxá
SycVra Langholti, 24. júní.
Laxveiðin í Stóru-Laxá fer sér-
lega vel af stað en hún hófst þann
21. Fyrstu þrjá dagana komu á
land 68 laxar. 16 laxar veiddust á
neðsta svæðinu, 17 á öðru en 25 á
því þriðja.
Laxinn er mjög vænn en það er
reyndar einkenni á þessari á að
gefa væna fiska. Stærsti laxinn
sem kominn er á land er 24 pund
og veiddist hann í Hólmahyl sem
er ofarlega í ánni. Þar hefur nú
verið sett göngubrú á ána til að
auðvelda mönnum að veiða vest-
anfrá, hin myndarlegasta brú, 14
metra löng. Alls er veitt á 10
stangir en veiðanlegi hluti
Stóru-Laxár mun vera nálægt 50
km en alls er hún talin 86 km
löng. í fyrra veiddust 714 laxar í
ánni og var það metveiði. Hvort
þakka beri það ræktuninni eða
einhverju öðru er erfitt að segja
um en mikið hefur verið sleppt af
seiðum í Stóru-Laxá á undan-
förnum árum. Á þessu ári verður
sleppt um 3 þús. niðurgönguseið-
um, 60 þús. sumaröldum seiðum
og 80—100 þús. kviðpokaseiðum í
ána. Ungur fiskifræðingur,
Magnús Jóhannsson frá Stóru-
Sandvík í Flóa, hefur nú verið
ráðinn í hálft starf hjá Veiðifé-
lagi Árnesinga og mun hann gera
ýmsar fiskifræðilegar rannsóknir
á vatnasvæði ölfusár og Hvítár í
sumar. Fögnum við ráðningu
þessa unga vísindamanns sem
mun hafa yfirumsjón með rækt-
unarstarfinu.
Um næstu helgi verður tekið i
notkun nýtt veiðihús við bæinn
Hlíð í Gnúpverjahreppi. Er það
44 fermetrar að flatarmáli hið
vandaðasta hús sem verður með
heitu og köldu vatni og að sjálf-
sögðu rafmagni. Kemur það í stað
gamals húss sem var löngu úrelt,
tvær stangir eru á þessu svæði.
Þrjú veiðihús eru við ána, við
Hólakot, í Laxárdal og þetta nýja
hús í Hlíð. Það er Stangveiðifélag
Reykjavíkur sem er með Stóru-
Laxá á leigu og hefur svo verið
um árabil. Formaður Stórulaxár-
deildar veiðifélags Árnesinga er
Steinar Pálsson bóndi í Hlíð.
FrélUriUri.
Nýja veiðihúsið hjá Hlíð
Ljósm. Sig. Sigm.