Morgunblaðið - 26.06.1985, Blaðsíða 20
20
MORGUNBLAÐIÐ, MIÐVIKUDAGUR 26. JÚNÍ 1985
Átti sprengjan í Tókýó
að fara á annan stað?
Tókýó, 25. jnní. AP.
SPRENGJAN, sem sprakk í farangurstösku úr kanadískri farþegaþotu á
Tókýó-flugvelli á sunnudag með þeim afleióingum að tveir menn létu
lífið og fjórir slösuðust, kann að hafa átt að fara á annan áfangastað.
Lögregluyfirvöld í Tókýó
sögðu í dag, að taskan hafi verið
á farangurssvæði í flugstöðinni
þar sem venja er að geyma tösk-
ur sem flytja á áfram með öðru
flugi. Þau vilja hins vegar ekki
fullyrða að taskan hafi átt að
fara áfram.
Fjölmiðlar í Japan hafa verið
með getsakir um, að taskan hafi
verið á leið til borgarinnar
Bombay á Indlandi. Farþegaþota
frá Air India-félaginu, sem átti
vélina sem fórst undan strönd
írlands á sunnudag, átti að
fljúga frá Tókýó til Bombay
tveimur og hálfri klukkustund
eftir að kanadiska vélin lenti í
Tókýó.
Fram kemur í japönskum fjöl-
miðlum, að sex manns, sem bók-
uðu farangur inn í kanadísku
vélina áður en hún flaug frá
Vancouver áleiðis til Tókýó, fóru
ekki með henni. Lögregluyfir-
völd í Tókýó hafa óskað eftir
skýringum Kanadamanna á
þessu.
Talsmenn Air India-félagsins
hafa upplýst að maður að nafni
L. Singh hafi átt pantað far með
vélinni sem fór frá Tókýó til
Bombay, en hann hafi ekki gefið
sig fram á flugvellinum.
Japanska fréttastofan Kyodo
hefur í dag eftir ónafngreindum
heimildarmönnum, að Lal Singh,
sem bandaríska alríkislögreglan
leitar að vegna launráða um að
myrða Rajiv Gandhi í Banda-
ríkjaför hans í fyrra mánuði,
kunni að hafa verið einn sex-
menninganna, sem bókuðu far-
angur um borð í kanadísku vél-
ina í Vancouver, en fóru sjálfir
ekki með henni.
Talsmenn Air India segja enn-
fremur að maður að nafni A.
Singh hafi átt pantað far með
indversku þotunni á leiðinni til
Bombay, en hann hafi ekki látið
sjá sig. Kyodo-fréttastofan telur
að þar geti verið um að ræða
Anand Sing, sem einnig er eftir-
lýstur vegna launráðanna gegn
forsætisráðherra Indlands í
Bandaríkjunum.
Nokkur samtök herskárra
síkha segjast hafa komið fyrir
sprengju í indversku farþegaþot-
unni og hafi hún grandað henni.
Engin samtök síkha hafa hins
vegar lýst á hendur sér ábyrgð á
ódæðisverkinu í Tókýó.
Kosningafleyið „Hœgribylgjan
Cí
STJÓRNMÁLAMENN í Noregi eiga erfitt sumar fyrir höndum. Kosið
verður til Stórþingsins 9. september nk. og verður því barist um hug og
hjörtu kjósenda í sumar. Uægriflokkurinn, staersti stjórnarflokkurinn,
nýtur nú stuðnings 34% kjósenda, ef marka má skoðanakannanir. Á
laugardaginn leggur kosningafley flokksins, „hægribylgjan", úr höfn í
Ósló. Forystumenn Hægriflokksins ætla að skiptast á að vera um borð í
bátnum á ferð hans norður með strönd Noregs fram að kjördegi. Fyrstu
vikuna verður Erling Norvik, flokksformaður, á ferð með bátnum. Hann
sést hér veifa sigurviss með kosningafleyið í baksýn.
Afganskir
látnir fyrir skemm
Islamabad, 25. júní. AP.
NOKKRIR afganskir flugforingjar
hafa verið líflátnir samkvæmt fyrir-
mælum háttsettra manna í afgönsku
SKARPUR
VARSTU
Já rétt! Þetta er SHARP búðarkassinn, sá mest seldi íár.
Ástæðan erhlægilega lágt verð og allir þessir kostir:
• Áttadeildir, stækkanlegar upp í 20 deildir • Hægtaðbæta
við 99 föstum verðnúmerum (PLU)• Innbyggð klukka • Tveir
afsláttartakkar^ Sérstakur kredittakki • Prentari tilaðprenta
ánóturogávísanir• Dagsetning og ártal • Leiðrétting og
margt, margt fleira • Verð aðeins kr. 30.172. - stgr.
• EinnigýmsaraðrargerðirbúðarkassafráSHAfíP. Verðfrá
19,950.- stgr.
HLJOMBÆR
HVERFISGÖTU 103 SÍMI 25999
ríkisstjórninni. Eru aftökur þeirra
tengdar því að 'um 20 orrustuþotur í
flugher Afganistan á Shindad-her-
flugvelli í vesturhluta landsins voru
eyðilagðar 12. júní sl., líklega af
skemmdarverkamönnum.
Að sögn vestrænna stjórnarer-
indreka voru embættismenn ríkis-
stjórnarinnar í Kabúl sendir til að
rannsaka tjónið á herflugvellinum
og gáfu þeir fyrirmæli um að
flugforingjarnir skyldu skotnir.
Er talið, að Ali Sultan Kashtm-
and, forsætisráðherra Afganistan,
hafi sjálfur stjórnað rannsókninni
og aftökunum. Litið er á eyðilegg-
ingu flugvélanna sem meiriháttar
áfall fyrir ríkisstjórnina, þar sem
um helmingur af orrustuþotum
hennar er nú úr sögunni.
GENGI
GJALDMIÐLA:
Dollar hækkar
London, 25. júní. AP.
AUKNAR pantanir á bandarískum
iðnvarningi olli hækkun dollarans á
gjaldeyrismörkuðum í Evrópu í dag,
þriðjudag.
Viðskiptaráðuneytið í Wash-
ington kvað pantanir á iðnvarn-
ingi hafa aukist um 4,1% í maí-
mánuði, en aftur á móti hefðu
pantanir aðeins aukist um 0,2% í
apríl og dregist saman um 2,9% í
marsmánuði.
í Tókýó kostaði dollarinn 248,70
yen, er gjaldeyrismarkaðir lokuðu,
og hafði lækkað í verði frá gær-
deginum, er hann kostaði 249,06
yen. í London kostaði dollarinn
hins vegar 249,20 yen síðdegis.
Dollarinn styrktist í sessi gagn-
vart breska pundinu. Það kostaði
1,2865 dollara í dag, en í gær kost-
aði það 1,2875 dollara.
Verð dollarans var að öðru leyti
þannig gagnvart helstu gjaldmiðl-
um heims: Vestur-þýsk mörk
3,0710 (3,0670), svissneskir frank-
ar 2,5750 (2,5607), franskir frank-
ar 9,3725 (9,3635), hollensk gyllini
3,4655 (3,4630), ítalskar lírur
1.960,00 (1.961,50), kanadískur
dollari 1,3641 (1,3665).
Gullverð hækkaði i London,
kostaði 316,50 dollara (315,00 doll-
ara).
jar líf-
árverk
Sovéski flugherinn hefur einnig
afnot af Shindad-flugvelli, en eng-
ar flugvélar Sovétmanna urðu fyr-
ir tjóni. Þeirra er gætt af sov-
éskum öryggisvörðum.
Flest þykir benda til þess, að
skemmdarverkin á afgönsku
flugvélunum séu hefnd fyrir það,
að þrír afganskir herflugmenn
voru teknir af lífi fyrir skömmu.
Þeir voru sakaðir um að hafa neit-
að að varpa sprengjum á sveita-
þorp og þess í stað kastað þeim í
óbyggðum.
Eftir að Ramadan, föstumánuði
múhameðstrúarmanna, lauk hafa
frelsissveitir Afgana látið meira
til sín taka en áður i baráttunni
gegn sovéska innrásarliðinu og
samverkamönnum þess.
Veður
víða um heim
Lægat Hasst
Akureyri 12hálfsk.
Amsterdam 12 18 skýjað
Aþena 19 30 heiðskirt
Barcelona vantar
Berlín 12 20 skýjað
BrUssel 10 20 skýjað
Chicago 16 24 heiðsk.
Dublin 8 16 heiðsk.
Feneyjar 22 léttsk.
Genf vantar
Helsinki 17 26 heiðsk.
Hong Kong 25 27 rígning
Jerúsalem 15 26 skýjað
Kaupmannah. 14 22 skýjað
Las Palmas 25 léttsk.
Lissabon 18 26 heiðsk.
London 9 17 rigning
Los Angeles 17 24 heiðsk.
Lúxemborg 15 skýjað
Malaga vantar
Mallorca vantar
Miami 21 30 skýjað
Montreal 9 18 skýjað
Moskva 14 24 skýjað
New York 20 29 heiðsk.
Osló 11 22 heiðsk.
París 11 19 skýjað
Peking 24 30 skýjað
Reykjavík 11 skýjað
Ríó de Janeiro 13 28 heiðskírt
Rómaborg 13 29 heiðsk.
Stokkhólmur 13 26 heiðsk.
Vinarborg 13 19 heiðsk.
Þórshöfn 10 rigning
Millisvæðamótið í Taxco:
Timman er enn efstur
Tuco, Mexfkó, 25. júnf. AP.
HOLLENSKI stórmeistarinn Jan
Timman treysti í gær stöðu sína í
efsta sætinu á millisvæðamótinu í
Taxco í Mexíkó. Vann hann þá mex-
íkanska alþjóóameistarann Marcel
Sisniega í 41 leik. Var þar um að
ræða II. umferðina á mótinu.
Timman, sem er þriðji stiga-
hæsti skákmaður í heimi á eftir
Karpov og Kasparov, er nú með
níu vinninga, en næstur honum
kemur Kúbumaðurinn Jesus
Nogueiras með 7,5 og Kanadamað-
urinn Kevin Spragget með sjö
vinninga og biðskák.
Staðan í mótinu er nú þessi:
Timman 9 v., Nogueiras 7,5 v.,
Spragget 7 v., Tal 5,5 v., Miso Ceb-
alo, Júgóslavíu, Simen Agdestein,
Noregi, og Jozef Pinter, Ungverja-
landi, 5 v. Alls eru þátttakendur
16 talsins.