Morgunblaðið - 26.06.1985, Blaðsíða 42
42
MORGUNBLAÐIÐ, MIÐVIKUDAGUR 26. JÚNÍ 1985
— r .......
• 1911 Unív«r»al P,»u SyndidX
1-3
Úg detlcx aub hlammna mér hérrvx,
iappirnar era ab olrepd miQ "
ást er ...
aö lagfœra
íbúöina í staö þess
aö fara í veiöitúr.
TM Rea. U.S. Pat Off — all rights reserved
»1985 Los Angeles Times Syndicate
Flugpóstur!
HÖGNI HREKKVÍSI
„pAP ERALL.T pESSUM HElArtSKULÖSA H JÁLAAI
PÍMUM AO KENMA.' "
Neyðin kennir naktri konu að spinna
Sandgerðingur skrifar:
í tilefni af blaðaskrifum undan-
farið um heilsugæsluna og lækna-
þjónustuna hér á Suðurnesjum,
langar mig að vekja athygli á því
öryggisleysi sem við Sandgerð-
ingar búum við í heilbrigðismál-
um sérstaklega hvað varðar
bráðatilfelli, slysaþjónustu og
símasambandsleysi.
Ég varð fyrir því um daginn að
ég hélt að barnið mitt hefði drukk-
ið eiturvökva. Ég hringdi í heilsu-
gæsluna og eftir að hafa gefið
kurteislega ítarlegar upplýsingar,
sem tók allt of mikinn tíma að
mér fannst, fékk ég loks tækifæri
til að segja hversu alvarlegt til-
felli þetta var og síðan viðtal við
lækni. Lækninum þótti nauðsyn-
legt að ég kæmi strax með barnið
til að gefa því uppsölulyf. Þegar ég
kom á staðinn var læknirinn ekki
við og enginn viöbúnaður. Hver
mínúta var dýrmæt í mínum huga,
en samt þurfti ég að bíða í 30 mín-
útur áður en okkur var sinnt. Ég
þekkti ekki afleiðingar efnisins en
tók út slíkar sálarkvalir i þessari
bið að ólýsanlegt er. Þar skall
hurð nærri hælum. En mig óar við
þeirri hugsun hvað þarna hefði
getað gerst.
Þetta er aðeins eitt dæmi og ég
hef ennþá verið heppin, en svo er
annað. Mér finnst það alveg
óskiljanlegt hversu erfitt er að fá
lækni heim á daginn í veikinda-
tilfellum og hef ég oftar en einu
sinni þurft að fara með börnin
mín með háan hita, fárveik, yfir
heiðina til Keflavíkur, því ekki er
viðlit að fá lækni heim fyrr en
seint og um síðir, nema ef svo
heppilega vill til að það sé klukkan
9 til 11 að morgni því þá á að vera
læknir hér í móttöku.
Neyðin kennir naktri konu að
spinna. Það hefur því komið fyrir
undanfarið að ég hef eingöngu
treyst á mína eigin dómgreind og
sleppt því að hafa samband við
læknana, því ég er orðin þreytt á
þessu og veit ég að svo er um
fleiri. En spurningin er: Get ég
kallað á sjúkrabíl af því ég tel að
þess þurfi, eða þarf ég að fara
þessa kerfisbundnu leið, sem tekur
svo langan tíma? Það brennur á
mér að fá svar við þessu og ég hvet
fólk til að tjá sig um þessi mál og
velta þessu alvarlega fyrir sér.
Með þessu er ég ekki að segja að
starfsemi HSS sé alfarið ómögu-
leg, en ég geri greinarmun á
læknaþjónustu og svo heilsugæslu.
Við Suðurnesjakonur höfum
verið sérstaklega heppnar með ný-
ráðinn fæðingar- og kvensjúk-
dómalækni sem veitir okkur þá
bestu þjónustu og fræðslu, sem völ
er á tel ég, og á hann þakkir skild-
ar. Ungbarnaeftirlit, mæðraskoð-
un og barnasérfræðiþjónusta eru
einnig í góðum höndum.
En varðandi bráðatilfelli og
slysaþjónustu finnst mér ríkja allt
of mikið öryggisleysi og vil ég ein-
dregið koma hér með á framfæri
óskum mínum um að úr því verði
bætt. Fólk er óánægt með lækna-
þjónustuna og símasambandið al-
veg sérstaklega. Þar er víða pottur
brotinn.
Ég vil því beina því til yfir-
manns heilbrigðismála hér á
svæðinu og yfirmanns Pósts og
síma að þeir beiti sér fyrir úrbót-
um í símamálum okkar Sandgerð-
inga með tilliti til bættrar bráða-
og slysaþjónustu.
Sömu fréttamenn fyrir rás 1 og 2
Vegna bréfs um lagaval og fréttir
á rás 2 í Velvakanda á fimmtudag-
inn sl. skal eftirfarandi tekið fram:
Fréttir á rás 2 eru skrifaðar á
fréttastofu útvarps af frétta-
mönnum útvarps þeim hinum
sömu og skrifa fréttir fyrir frétta-
tíma rásar 1. Fréttamenn á frétta-
stofu skiptast á um að sjá um
fréttir á rás 2, skrifa þær og lesa
frá talstofu fréttastofunnar í út-
varpshúsinu á Skúlagötu 4.
Sá fréttamaður, sem sér um
fréttir rásar 2 hverju sinni (undir-
ritaður þennan mánuðinn), hefur
náið samstarf við aðra frétta-
menn, bæði í innlendri og erlendri
fréttadeild.
Það er því nákvæmlega sama
fólkið, sem skrifar fréttir fyrir rás
1 og 2. Munurinn er sá að á rás 2
les viðkomandi fréttamaður sjálf-
ur þær fréttir, sem hann hefur
skrifað, en fær þær ekki í hendur
þul og verða fréttirnar því per
sónulegri.
Þorgrímur Gestsson, fréttamaóur
á fréttastofu útvarps.
Þessir hringdu .. .
Glamrið
*
í
Stefáni
Tvær úr Laugarásnum hringdu:
Við stundum morgunleikfim-
ina í útvarpinu reglulega, og höf-
um við mikið upp úr því, en við
heyrum heldur lítið í Jónínu
vegna glamursins í Stefáni.