Morgunblaðið - 27.06.1985, Blaðsíða 56

HlfKKUR IHBMSKEÐJU
KrLstján Ragnarsson formaður LÍÚ:
Svigrúm til olíuyerds-
lækkunar var misnotað
ýtir undir kröfur útgerðar- og sjómanna um eigið olíufélag
Sérsamning-
ar á Húsavík
— viðræður á Stokkseyri
SAMNINGAR hafa tekist milli verka-
lýðsfélagsins á Húsavík og atvinnu-
rekenda þar og verða samningarnir
bornir undir félagsfund í verkalýðsfé-
laginu í kvöld. Húsvikingar eru með
ýms sérákvæði í sínum samningum og
taka heldur hærri laun en almennt
gerist í Alþýðusambandi íslands, að
því er Kristján Ásgeirsson, formaður
félagsins, sagði í gærkvöld.
Verkalýðsfélagið Bjarmi á
Stokkseyri hefur heldur ekki af-
greitt ASÍ-samningana. „Við höfum
alltaf samið á heimavelli og höldum
því áfram," sagði Dagbjört Sigurð-
ardóttir formaður Bjarma. „Það er
verið að ræða við atvinnurekendur
hér og það stendur ekki á neinum
hér heima að semja."
Arnarflug:
Pflagríma-
flug fyrir
250 millj. kr.
ARNARFLUG hefur undirritað samn-
inga um pílagrímaflug frá Malí, Eg-
yptalandi, Súdan, Sierre Leone, Gab-
on, Túnis og Alsír til Jeddah í Saudi-
Arabíu. Reiknað er með að flytja um
100 þúsund farþega frá ágúst til loka
september. Upphæð samningsins er
um 250 milljónir króna og verður fé-
lagið með sex eða sjö DC 8-þotur í
pflagrímafluginu. Reiknað er með að
360 manns starfl hjá félaginu og níu
til tíu þotur fljúgi á vegum félagsins
þegar mest verður í sumar.
Samningarnir um pílagrímaflug-
ið og Saudia Airlines eru í gegnum
franska félagið United Aviation
Services, sem á þotur og leigir út og
tekur Arnarflug þoturnar á leigu
frá þessu franska félagi. „Arnar-
flug hefur aðeins flugrekstur á
hendi og UAS útvegar allar flug-
vélar að undangenginni skoðun
tæknimanna Arnarflugs. Engar
greiðslur fyrir leigu á flugvélum til
UAS eru inntar af hendi fyrr en
samningsaðili Arnarflugs hefur
greitt félaginu. Áhætta okkar er
eins lítil og kostur er — við hefðum
aldrei getað klofið þetta án sam-
starfsins við UAS,“ sagði Agnar
Friðriksson.
Sjá: „Samstarf við franska félagið
UAS verið Arnarflugi farsælt," á
blaðsíðum 36—37.
VERÐLAGSRÁÐ ákvað á fundi sín-
um í fyrradag að hækka álagningu
olíufélaganna á gasolíu og svartolíu.
Hækkunin á gasolíu var úr 1,02
krónum upp í 1,51 krónu, sem er um
48%hækkun, en um leið var ákveðið
að verðið á þessum olíutegundum
yrði óbreytt. „Við erum alveg agn-
dofa yfir þessari verðlagningu. Þeir
FIMMTUDAGUR 27. JÚNÍ 1985
áttu að lækka verðið verulega á gas-
olíu og svartolíu, sem hefði getað
þýtt um hundrað milljónir króna
fyrir útgerðina á ári. Þess í stað
ákveða þeir óbreytt verð í skjóli þess
að verðið hefur lækkað erlendis og
að það hefur verið ákveðin lækkun á
opinberum gjöldum af olíunni,"
sagði Kristján Ragnarsson, formað-
ur LÍÚ, í samtali við blaðamann
Morgunblaðsins í gærkveldi.
„Það skiptir okkur náttúrlega
meginmáli hvort við erum að
greiða niður innkaupajöfnunar-
reikning af þvi verði sem er í dag,
eða hvort við erum að borga
hækkaða álagningu til olíufélag-
VERÐ í LAUSASÖLU 30 KR.
anna. Alþingi samþykkti nú fyrir
stuttu að fella niður opinber gjöld,
sem eru um 22 aurar á hvern lítra
af gasolíu, og þessi verðlagning
núna felur það í sér að álagningin
er hækkuð, þannig að öll lækkunin
vegna opinberu gjaldanna og
lækkaðs innkaupsverðs, sem eru
27 aurar á lítrann, er flutt yfir í
álagninguna, f stað þess að láta
þessa lækkun renna til útgerðar-
innar,“ sagði Kristján .
Spurður um þá röksemd olíufé-
laganna að hér væri um margra
mánaða gamla leiðréttingu á
álagningunni að ræða sagði Krist-
ján: „I nóvember var lækkuð
álagning á olíu og vaxtakostnaður
tekinn út. Þá var gefinn örlítill
vottur að samkeppnisaðstöðu í
olíuverði. Olíufélögin gátu ekki
komið sér saman um að vaxta-
reikna okkur. En þá ákveður Verð-
lagsstofnun að setja þetta aftur
inn í verðið, af því að þeir gátu
ekki komið sér saman. Verðlags-
stofnun var því ekkert annað en
verndarstofnun þessa einokun-
arhrings sem við eigum þarna við
að búa.“
Kristján sagðist telja að kröfur
útgerðar- og sjómanna um eigið
olíufélag yrðu háværar á nýjan
leik, í kjölfar þessarar ákvörðun-
ar. „Við stöndum núna frammi
fyrir því að ríkisvaldið, með for-
svari ríkisstjórnar og ráðherra,
stendur á bak við olíufélögin í
gegnum þykkt og þunnt, og þá
hljótum við að verða að leita ein-
hverra svara við því,“ sagði
Kristján.
Hagstofan reiknar launin:
Dregið af tannlæknum það
sem ofgreitt hefur verið
— sagði borgarstjóri eftir fund með tannlæknum í gær
„Ég held að fulltrúar tannlækna á þessum fundi hafl áttað sig á, að
þessi mikla launahækkun var á misskilningi byggð og þetta verður
leiðrétt,“ sagði Davíð Oddsson, borgarstjóri, að loknum fundi með tveim-
ur fulltrúum skólatannlækna, þeim Sverri Einarssyni og Hauki Filippus-
syni, í gærdag. Á fundinum var ákveðið að vísa málinu til Hagstofunnar
og kvaðst Davíð reikna með að launahækkun tannlækna yrði á bilinu 7 %
til 12%.
„Ég er sannfærður um, eftir
þennan fund, að tannlæknar
voru í góðri trú þegar þeir
ákváðu þessa hækkun á sínum
töxtum," sagði borgarstjóri enn-
fremur. „Þeim hafði yfirsést
ákvæði í Kjaradómi, sem að
vakti sérstaka athygli á, að
óheimilt væri með öllu að ákveða
hækkanir á grundvelli aðal-
samninga Kjaradóms. Það var
ekki fyrr en eftir innröðun eftir
sérkjarasamningum, sem heim-
ilt var að leggja mat á kröfur um
launahækkun. Það mat á Hag-
stofan að framkvæma. Það er
því ljóst, að þessi 43% launa-
hækkun tannlækna var byggð á
misskilningi og því verður dregið
af þeim það sem hefur verið
ofgreitt með þessum hætti, en
við giskum á að hækkunin eigi
að vera á bilinu 7% til 12%,“
sagði Davíð Oddsson.
Sverrir Einarsson, tannlækn-
ir, sagði í samtali við Morgun-
blaðið að ákvörðunin um hækk-
un á launatöxtum hefði verið
tekin í samráöi við lögfræðinga
Tannlæknafélagsins og hefðu
menn verið í góðri trú að farið
hefði verið að lögum. „Hafi þessi
niðurstaða verið röng frá laga-
legu sjónarmiði verðum við að
bíta í það súra epli,“ sagði Sverr-
ir. „Við ræddum þessi mál við
borgarstjóra og niðurstaðan
varð sú, að málinu var vísað til
Hagstofunnar og jafnframt
ákveðið að hraða afgreiðslu
þess.“
Sjá bls. 4: „Ákvörðun borgar-
stjóra rétt,“ ummæli Eggerts
G. Þorsteinssonar, forstjóra
Tryggingastofnunar ríkisins.