Morgunblaðið - 30.06.1985, Blaðsíða 4

4
MOKGUNBLADIÐ, SUNNUDAGUR 30. JÚNl 1985
Kappreiðar Fjórðungsmótsins:
Rafeindabúnaður
notaður við tímatöku
Á fjórðungsmótinu sem nú stend-
ur yfir er notast vid rafeindatíma-
töku á kappreiðum mótsins. Er það
samskonar búnaður og notaður hef-
ur verið í frjálsum íþróttum undan-
farin ár. Um leið og hrossin koma
með snoppuna yfir rásmark eru þau
Ijósmynduð og á myndinni er skali
þar sem sjá má tímann sem hrossin
hlaupa vegalengdina á.
Er þetta tengt við rásbásana
sem eins og kunugt er eru nú
komnir með hlið sem opnast sam-
tímis. Gerist þetta þannig að ræs-
ir hleypir lofti á opnunarbúnaðinn
og um leið hringir bjalla sem setur
tímatökuna í gang. Þessi nýja
tækni gerir það að verkum ásamt
því að allir hestar í hverri keppn-
isgrein fara aftur fyrir rásmark í
einu, að mun styttri tíma tekur að
afgreiða hvern riðil. Eru því úr
sögunni löng bið eftir að hægt sé
að ræsa hrossin og auðveldar því
alla framkvæmd kappreiðanna.
Dagskrá mótsins í dag hefst
klukkan hálfeitt með hópreið
hestamannafélaganna fimmtán
sem eru aðilar að mótinu og að
henni lokinni hefst hátíðar-
dagskrá með ávörpum. Kynning
ræktunarbúa á Suðurlandi hefst
klukkan 13.30 og að því búnu veita
unglingar viðtöku verðlaunum
sínum. Þá hefst úrslitakeppni í
B-flokki gæðinga og áður en
A-flokks hestar koma í úrslit
verða hæstdæmdu kynbótahrossin
sýnd og verðlaun afhent. Síðast á
dagskránni eru svo úrslitasprettir
í kappreiðum.
'
Ferðast á Fjórðungsmót
Ýmsir höfðu þann háttinn á að koma ríðandi til Fjórðungsmótsins og þeirra á meðal voru Stokkseyringar sem
hér sjást á ferð skammt austan við Hveragerði. Að sögn Einars Helgasonar fararstjóra hópsins tekur um tólf
tíma að ríða þessa vegalengd og taldi hann það ekkert síðra að fara ríðandi til Reykjavíkur en til annarra
mótsstaða.
Þannig var röðin í öðrum riðli 250 metra stökksins í undanrásum. Að neðan
má sjá hver tíminn er og milli talnanna sem sýna sekúndur og einn tíunda úr
sekúndu, en punktar á milli þeirra segja til um einn hundraöasta úr sekúndu.
Hópferð á „rokktónleika
aldarinnar“ í London
ÁKVKÐIÐ hefur verið að efna til
hópferðar á „rokkhljómleika aldar-
innar" í London 13. næsta mánaðar.
Útvegað hefur verið hálft hundrað
miða fyrir fslendinga á tónleikana,
sem haldnir verða á Wembley-leik-
vanginum. Farið verður utan
fimmtudaginn 11. júlí og komið
heim þriðjudaginn 16. júlí.
Tónleikarnir verða haldnir til
styrktar sveltandi fólki í Afríku.
Frumkvæðið kemur frá skoska
rokksöngvararnum Bob Geldof,
sem einnig stóð fyrir gerð styrkt-
arnlötunnar _Do Thev Knnw It’a
Christmas?“ með Band Aid —
breska landsliðinu í poppi. Tón-
leikunum verður sjónvarpað um
gervihnött út um allan heim, með-
al annars til fslands, og sama dag
verða haldnir samskonar tónleik-
ar í Philadelphia í Bandaríkjun-
um, þar sem bandaríska landsliðið
í poppi — það, sem gerði plötuna
„We Are the World“ — kemur
fram auk „gestaleikarans“ Micks
Jagger.
Á tónleikunum á Wembley 13.
júlí koma fram allar helstu stór-
stjörnur breska rokksins í dag,
eins og Adam Ants, Boomtown
Rats og Bob Geldof, David Bowie,
Phil Collins, Elvis Costello, Dire
Straits, Brian Ferry, Elton John,
Howard Jones, Nik Kershaw, Alis-
on Moyet, Pretenders, Queen,
Sade, Spandau Ballet, Status Quo,
Style Council, Sting, U2, Ultravox,
Paul Young, Whaml, Paul
McCartney og Who, sem kemur
saman eftir margra ára hlé sér-
staklega fyrir þessa tónleika.
Fyrir hópferðinni standa Flug-
leiðir og skemmtistaðurinn Holly-
wood. Verð flugmiða og miða inn á
tónleikana er 17.100 krónur.
Nýkomnar
Finnsku kuldahúfurnar á börn, léttar og hlýjar, nýkomnar.
Stærðir 49—55. Verð kr. 1.395,-
Sendum í póstkröfu. Símar 16277 — 17910.
RAVinAGERÐIN
HAFNARSTRÆT119
%
$g|| | x
Morgu nblaöið/ V aldimar
Að leik loknum
Þeir taka hlutunum með heimspekilegri ró ungu knaparnir þótt þeir
standi í stórræðum á Fjórðungsmótinu og stundum er það svo að
foreldrarnir eru spenntari um það hvernig gangi. Ragnar Agústason 7
ára teymir hér hest sinn Stíg frá Akranesi út af vellinum og virðast þeir
félagar sáttir við útkomuna.