Morgunblaðið - 30.06.1985, Blaðsíða 5

MORGUNBLAÐIÐ, SUNNUDAGUR 30. JÚNÍ 1985
5
Tónlistarsjóður Armanns Reynissonar:
Þorsteinn Gauti Sigurðs-
son hlaut 100.000 kr. styrk
ÚTHLUTAÐ hefur verið úr tónlist-
arsjóði Ármanns Reynissonar fyrir
árið 1985. Úthlutað var kr. 100.000
og hlaut þær Uorsteinn Gauti Sig-
urðsson píanóleikari, til að undir-
búa tónleika á næsta ári í aldar-
minningu Franz Liszt og vegna
væntanlegrar plötuútgáfu.
Við afhendinguna sagði Ár-
mann Reynisson framkvæmda-
stjóri meðal annars: „Síðastliðinn
vetur kom fram á sjónarsviðið
ungur píanóleikari, Þorsteinn
Gauti Sigurðsson, og „debuteraði"
með Sinfóníuhljómsveit Islands.
Flutningur hans á öðrum píanó-
konsert Prokofievs vakti slíka at-
hygli aðn með eindæmum þótti.
Listgagnrýnendur fóru mjög lof-
samlegum orðum um hinn unga
píanóleikara og sagt var „að með
tónleikum þessum hafi Þorsteinn
Gauti Sigurðsson skipað sér á
bekk með fremstu píanóleikurum
landsins". í ljósi þessa var honum
veitt úthlutun úr tónlistarsjóðn-
um fyrir árið 1985.“
í stuttu spjalli við blaðamann
sagði Þorsteinn Gauti að þessi
styrkveiting kæmi sér vel og við-
urkenningin væri sér mikils virði.
Kvaðst hann fagna þeirri stefnu
sjóðsins að veita einum aðila
óskiptan styrk, þannig kæmi hann
að meira gagni.
Við afhendinguna var einnig
greint frá hverjir skipa stjórn
sjóðsins við úthlutun á næsta ári.
Það eru: Rut Magnússon, söng-
kona, Sveinn Einarsson, fyrrv.
leikhússtjóri, Benedikt Gunnars-
Þorsteinn Gauti Sigurðsson píanó-
leikari.
son, listmálari, Þorsteinn Gauti
Sigurðsson, píanóleikari og Ár-
mann Reynisson, framkvæmda-
stjóri.
Trillu-
sjómenn
mótmæla
TRILLUSJÓMENN á ísafirdi hafa
sent harðorða mótmælaorðsendingu
til Halldórs Ásgrímssonar vegna
helgarveiðibanns smábáta.
Benda þeir á að trilluútgerð geti
varla verið ógn við íslenska fiski-
stofna, auk þess sem vegna fjar-
lægðar á miðin frá ísafirði nýtist
ekki nema hámark 4 veiðidagar í
viku.
Þá benda þeir á þá mismunun
sem er milli vertíðarbátanna við
Suðurland og sumarróðrabáta
annarstaðar á landinu. Útvegs-
menn 24 smábáta undirrita orð-
sendinguna, en afrit var sent til
þingmanna kjördæmisins. Úlfar
íbúdaverð hækk-
aði um 13,5 %en
lánskjaravfsi-
tala um 22,9 %
— kemur m.a. fram í
Markaðsfréttum Fast-
eignamats ríkisins
SÖLUVERÐ íbúða í fjölbýlishúsum
hefur lækkað á fyrsta ársfjórðungi
þessa árs og er það gagnstætt þeirri
þróun sem verið hefur undanfarinn
áratug, en þá hækkaði söluverð
meira á þessum árstíma en almennt
verðlag. Frá sama tíma 1984 hefur
verð íbúða hækkað um 13,5% miðað
við framreiknistuðul á meðan
lánskjaravísitalan hækkaði um
22,9%.
Ef söluverð er reiknað á föstu
verðlagi er það 7,6% lægra á
fyrsta ársfjórðungi 1985 en á
sama tíma 1984. Útborgunarhlut-
fall hefur lækkað um 4% og hlut-
fall verðtryggðra lána hækkað úr
7,3% af söluverði í 11,7%. Þó hef-
ur útborgunarhlutfallið farið
hækkandi það sem af er árinu
1985.
Þetta kemur fram í Markaðs-
fréttum sem Fasteignamat ríkis-
ins gefur út. Þar kemur jafnframt
fram að söluverð fjögurra her-
bergja íbúða hefur hækkað mest
frá því á síðustu mánuðum 1984 og
er að meðaltali 2047 þúsund kr.
Útborgunarhlutfall í slíkum íbúð-
um er einnig hæst, eða 73,1% á
móti 72,4% í 1—2 herbergja íbúð-
um og 70,3% í stærri en 4 her-
bergja íbúðum.
Litlar breytingar urðu á sölu-
verði íbúða fyrstu vikur þessa árs.
Verðhækkun kemur fram í janúar
og síðan breytist verð svo til ekk-
ert í febrúar og mars. Þetta er
ólíkt því sem gerðist á sama tíma-
bili 1984 því þá hækkaði verð á
íbúðum mikið i lok janúar og hélt
hækkunin áfram í febrúar og fram
í miðjan mars.
Þá vekur það athygli að frá ára-
mótum hefur hækkun útborgunar
haldist í hendur við lækkun á
raunvirði söluverðs.
Tveir seldu
í Englandi
TVEIR bátar seldu í Englandi á
fimmtudaginn síðastliðinn. Sigur-
von IS seldi í Grimsby 34,1 tonn
fyrir samtals 1.678.700 krónur sem
er 48,34 krónur á kílóið. Freyja
GK seldi í Hull 50,5 tonn fyrir
1.863.500 krónur samtals eða 36,92
krónur á kíló.
KQNUNGLEGIR DAGAR
Á MALLORCA MEÐ
sími (91)26900.
FERMSKRIFSmUH ÚRVOL
Nú er Guðrún Gísladóttir, Æðsti pjakkur á Mallorca, komin á fullt
skrið á Alcudia ströndinni með Úrvalspjökkunum sínum -stórum
og smáum. Æðsti pjakkur er allt í öllu með íslenska smáfólkinu
á staðnum og efnir til alls konar leikja og skemmtilegra uppátæka,
s.s.: • Ýmsir leikir við og í sundlaug • teiknitímar •
gönguferðir • bamadanskennsla • ýmsir bamaleikir
• söngur og söngleikir • homsílaveidar • bamaleik-
fimi • o.fl. o.fl.
Æðsti pjakkur drífur alla með sér í fjörug ævintýri og böm,
unglingar, foreldrar og aðrir fullorðnir eru mera en velkomin í:
Sandkastalakeppni • pylsupartí á ströndinni •
bátsferð á krabbaveiðar • vatnsrennibrautaferð •
hjólreiðatúra • ferðir á söfn o.fl. o.fl.
Pjakkaklúbburinn á eftir að setja sterkan svip á Alcudia og hver
veit nema ungviðið úr spænsku konungsfjölskyldunni eigi eftir að
slást í hópinn því Spánarkonungur er um þessar mundir að byggja
sér sumarhús á þessari gullfallegu strönd, sem valin var hreinasta
strönd Spánar af spænska ferðamálaráðinu. Það er sannarlega
engin tilviljun að íslenskir sóldýrkendur og Spánarkonungur sjálfur
skuli vera á sama máli um hvar best sé að njóta sumarleyfisins.
GISTING
Á Alcudia Park og Ciudad Blanca, splunkunýjum íbúðahótelum
sem sérstaklega eru valin með bömin í huga. Par er aðstaðan svo
góð að mára að segja hinn kröfuharði og sívakandi Æðsti pjakkur
er yfir sig hrifinn.
BROTTFÖR
10. júl(, 3 vikur, uppseK 11. sept., 3 vikur
31. júlí, 3 vikur, nokkur sæti laus 3. okt., 3 vikur
21. ágúst, 3 vikur, nokkur sæti laus
Ath. Æðsti pjakkur er ekki á staðnum í tveimur síðustu ferðunum,
enda skólar byrjaðir og bömin komin á kaf í námsbækumar, iðin
og afslöppuð eftir gott sumarleyfi.
Nú skellum við okkur í sólina með
Carlos og Æðsta pjakki !
15 ára
<mÁAFRMJllJS
'rWil HTHnh Bi110
... ... m .......
57^1FSLATTUR
Úrval fagnar fimmtán ára afmæli sínu með glæsilegum
afmælisafslætti og ívilnunum fyrir fjölskyldufólk:
• 15 ára unglingar fá 50% afslátt !
• yngri en 2ja ára fá 90% afslátt
• 2ja - 11 ára fá 50% afslátt
• 12 - 14 ára fá 30% afslátt
• Hjón með tvö börn fá frítt fyrir
annað barnið, eða 100% afslátt!
Þetta er einstakt fjölskyldutilboð sem þýðir í raun að
oftast greiðir fjölskylda aðeins fyrir þrjá og fjögurra
manna fjölskylda aðeins 2'A fargjald.