Morgunblaðið - 30.06.1985, Blaðsíða 38
38
MORGUNBLAÐIÐ, SUNNUÐAGUR 30. JÚNI1985
Þorsteinn Pálsson formaður Sjálfstæðisflokksins í Varðarferð:
Höfðum erindi sem erfiði
frá landsfundi til þingloka
Landsmálafélagið Vörður hefur
enn einu sinni gefið okkur tæki-
færi til þess að koma saman á
sumardegi til þess að njóta feg-
urðar og tignar náttúrunnar. Það
er aldrei á vísan að róa með veður-
farið. Við kjósum helst blíðviðrið.
En þegar við fáum hvorki sól né
logn elskum við storminn og regn-
ið. Á þann veg hefur verið háttað
samskiptum landsins og þjóðar-
innar í gegnum aldirnar.
Það er okkur sjálfstæðis-
mönnum jafnan fagnaðarefni að
geta dvalist saman um stund í
skauti þeirrar móður sem við eig-
um sameiginlega. Það er sú móðir
sem hefur faðmað og fætt okkur
öll, íslensku þjóðina. Það er sú
móðir sem hefur frætt og skemmt
við sögur. Það er sú móðir sem
hefur í anda eldsneista glætt. I
dag fáum við enn tækifæri til þess
að treysta böndin milli hugsjóna
okkar og drauma og landsins sem
við byggjum.
Þetta fagra hérað svo tignar-
lega umgirt hátindum í íslenskri
náttúru er okkur áminning og
hvatning í mikilvægum störfum.
Það er auðna að eiga þess kost að
hverfa dagstund frá daglegu
amstri og ysi á vit landsins sjálfs í
fegurð og mikilleik náttúrunnar.
Baráttan fyrir daglegu brauði
þessarar þjóðar hefur alla tíð og
er og verður svo háð landinu sjálfu
og auðæfunum í hafinu umhverfis,
að mál þjóðarinnar og landsins
sjálfs verða aldrei greind hvert
frá öðru.
Frelsistilfinningin verður aldrei
sterkari en á þeim stundum, þegar
við erum í beinni snertingu við
landið, þegar við erum undir
kyngimögnuðum töfrum íslenskr-
ar náttúru. Þær tilfinningar
þekkjum við hvert fyrir sig af eig-
in raun og við þekkjum þær af
sögum og ljóðum rithöfunda og
skálda í gegnum aldirnar. Kraftur
frelsisins, þeirrar hugsjónar sem
tengir okkur sjálfstæðismenn
saman, eflist því og margfaldast á
dögum sem þessum.
Nú er nýlokið lengsta þinghaldi
sem um getur. Það er oft veðra-
samt í heimi íslenskra stjórnmála
eins og á landinu sjálfu. Það er
tilefni nú til þess að líta um öxl og
meta árangur af störfum okkar og
horfa fram á veginn til nýrra
verkefna. I Varðarferð á síðasta
ári ræddum við ýmsar af þeim
hugmyndum sem við töldum þá
nauðsynlegt að gera að veruleika í
því skyni að geta örvað menn til
nýrra átaka í atvinnumálum, auk-
ið tekjur þjóðarinnar og bætt
lífskjör hennar. Nú er timi til þess
að spyrja, höfum við haft erindi
sem erfiði?
Kjaramálin
Auðvitað er það svo, að í sumum
efnum hefur vel tekist til en í öðr-
um ekki sem skyldi. Það urðu
okkur til að mynda mikil von-
brigði þegar samstaða varð ekki
um að fara nýjar leiðir síðastliðið
haust við lausn á ágreiningi um
kaup og kjör. Við höfðum forystu
um að opna möguleika fyrir aðila
vinnumarkaðarins til þess að
leysa þetta hefðbundna úrlausnar-
efni á annan veg en fjölga verð-
lausum verðbólgukrónum.
Því miður náðist ekki nægjan-
lega víðtæk samstaða til þess að
það mætti verða. Ég ætla ekki að
rekja þá sögu frekar hér, hún er
okkur öllum fersk í minni. Það er
því meira fagnaðarefni, að á þessu
vori skyldi hafa tekist með frið-
samlegum hætti að koma í veg
fyrir kaupmáttarrýrnun og
tryKgja vinnufrið án þess að
kynda undir verðbólgubálinu.
Boðskapur okkar hefur náð eyrum
fólksins í landinu. Það er ástæðan
fyrir því að þessum mikilvæga
árangri er nú náð.
Við höfðum auðvitað kosið að
sjá samninga sem hefðu varið
kaupmátt og tryggt vinnufrið til
lengri tíma. En sé þetta upphaf
nýrra vinnubragða, er engum vafa
undirorpið að það verður launa-
fólki og íslensku atvinnulífi til
farsældar. Vinnufriður og stöðug-
leiki í efnahagsmálum eru enda
forsenda framfara og nýrra átaka
sem færa okkur fram á við í bar-
áttu fyrir bættum kjörum og
bættum hag allrar alþýðu í land-
inu.
AfgreiÖsla þingmála
1 framhaldi af þeim tillögum
sem við settum fram síðastliðið
sumar var gerður samningur í
september milli stjórnarflokk-
anna um ný verkefni sem unnið
skyldi að í því skyni að treysta
undirstöðu nýsköpunar í íslensk-
um atvinnumálum. Við sömdum
um að stokka upp Framkvæmda-
stofnun ríkisins og koma á fót
nýju þróunarfélagi í meirihluta-
eign atvinnulífsins sjálfs, og við
sömdum um umfangsmiklar
breytingar á skipan Iandbúnað-
armála.
Á landsfundinum í vor sem leið
styrktum við málefnalega stöðu
okkar og samþykktum að láta
málefni ráða úrslitum um áfram-
haldandi samstarf í ríkisstjórn. í
framhaldi af landsfundinum gerð-
um við samstarfsflokki okkar
grein fyrir því, að við myndum
ekki vilja Ijúka störfum Alþingis
öðruvísi en þau mál næðu fram að
ganga, er við höfðum samið um og
lúta að nýsköpun í íslenskum at-
vinnumálum, breytingum á skipan
landbúnaðarmála og bankamála.
Jafnframt töldum við nauðsyn-
legt, að ríkiseinokun á útvarps-
rekstri yrði afnumin og samkomu-
lag næðist milli stjórnarflokkanna
um afstöðu til þeirra mikilvægu
þátta utanríkisstefnunnar er lúta
að afvopnunar- og kjarnorkumál-
um.
Niðurstaðan varð sú, að þingi
var ekki lokið fyrr en ný lög höfðu
verið samþykkt um þróunarfélag,
byggðastofnun og framkvæmda-
sjóð. Ný lög höfðu verið samþykkt
um viðskiptabanka og sparisjóði,
og ný lög höfðu verið samþykkt
sem heimila frjálsan útvarps-
rekstur. Þá varð samkomulag um
að hér á landi yrðu ekki geymd
kjarnorkuvopn nema með leyfi ís-
lenskra stjórnvalda og að viðræð-
ur um kjarnorkuvopnalaust svæði
yrðu tengdar heildarhagsmunum
Atlantshafsbandalagsríkjanna.
Engum blöðum er um það að
fletta, að hér er um að ræða mik-
ilvægan pólitískan ávinning. Sú
sterka málefnalega samstaða sem
náðist á landsfundinum tryggði
framgang þessara mála. Við höfð-
um erindi sem erfiði frá lands-
fundi til þingloka.
Við höfum enn einu sinni sýnt
að með samstöðu og eindrægni
knýjum við fram stefnumál okkar.
Við höfum verið að leggja grund-
völl að framförum í atvinnumál-
um og auka frelsi borgaranna í
samræmi við grundvallarhugsjón-
ir sjálfstæðismanna.
Frelsi og framfarir
Við höfum stigið skref til aukins
frjálsræðis í útflutningsverslun
með iðnaðarvöru. Aukið frjálsræði
og samkeppni í innanlandsverslun
hefur leitt til lægra vöruverðs. Við
höfum knúið á með árangri um
sölu ríkisfyrirtækja. Við höfum
aukið frelsi í gjaldeyrisverslun.
Við höfum styrkt félagslega ör-
yggisnetið með hækkun trygg-
ingabóta og við höfum breytt
straumfalli í umræðu um mennta-
mál.
Kjarninn í boðskap sjálfstæð-
ismanna er frelsi og framfarir.
Frá því að viðreisnaraðgerðirnar
voru ákveðnar fyrir aldarfjórð-
ungi, hafa engar veigamiklar
breytingar orðið á fastmótuðu
þjóðfélagskerfi okkar. Þær frjáls-
ræðisaðgerðir gengu ekki þrauta-
laust fyrir sig og sættu auðvitað
magnaðri andstöðu afturhaldsafl-
anna í íslenskum stjórnmálum.
Hugmyndir okkar nú um frelsi
til framfara mæta vitaskuld sömu
andstöðunni frá sömu afturhalds-
öflunum og þá. Þessi andróður
dregur ekki úr okkur kjarkinn
Þvert á móti. Hann stælir okkur
og herðir og eflir okkur í trúnni á
hugsjónir okkar.
Við ákváðum í vor að láta fram-
gang málefna ráða framhaldi nú-
verandi stjórnarsamstarfs. Við
lögðum áherslu á að athafnir
fylgdu orðum. Þessu höfum við
náð fram og þessu munum við
Þorsteinn Pálsson
Landsmálafélagið Vörður
efndi til árlegrar sumarferðar
sinnar í gær. Að þessu sinni var
farið um Borgarfjörð. Þorsteinn
Pálsson, formaður Sjálfstæðis-
flokksins, flutti þá ræðu sem
hér birtist í ferðinni.
fylgja eftir. Sókn til aukins frelsis
og meiri framfara mun halda
áfram. Við munum enn á næstu
mánuðum láta reyna á, hvort sam-
staða næst um áframhald á þess-
um grundvelli.
Vandi sjávarútvegs
Stærsti vandinn sem nú blasir
við eru rekstrarörðugleikar ís-
lensks sjávarútvegs. Fyrir 5 árum
var verðmæti útfluttra sjávaraf-
urða 40% meira en það er nú.
Þessir erfiðleikar eiga sér því
augljósar orsakir. Sjávarútvegur-
inn er megin gjaldeyristekjulind
þjóðarinnar. Hann er undirstaða
velferðarþjóðfélags á fslandi og
við verðum því að miða efnahags-
legar ráðstafanir við það að auka
framleiðni í þessari mikilvægu at-
vinnugrein og koma í veg fyrir að
eigið fé hennar rýrni meira en
orðið er.
Óhófleg erlend skuldasöfnun
hefur skapað fölsk verðmæti í
ýmsum þeim atvinnugreinum sem
sjávarútvegurinn keppir við hér
innanlands. Það er meðal annars
þess vegna sem nú verður að gera
ráðstafanir sem duga í því skyni
að stöðva erlenda skuldasöfnun.
Tvöfalt stærri hluti af útflutn-
ingstekjum okkar en fyrir fimm
árum fer nú til þess að greiða er-
lendum fjármagnseigendum vexti.
Það er deginum ljósara að atkvæði
greitt með erlendum lántökum til
ríkisins er atkvæði á móti íslensk-
um sjávarútvegi, atkvæði gegn
langtíma sókn til bættra lífskjara.
Mikil verk
framundan
Við munum á næstunni knýja
enn frekar á um uppstokkun í
opinbera kerfinu. Það á við um
ríkisbanka og ríkisfyrirtæki.
Nauðsynlegt er nú að gera athug-
un á einokun og hringamyndun í
íslensku atvinnulífi til þess að
setja megi almenna löggjöf um
þau efni. Við munum halda áfram
áformum okkar og fyrirheitum
um afnám tekjuskatts af almenn-
um launatekjum, og við munum í
engu gefa eftir í húsnæðismálum
þar sem afstaða okkar hefur
byggst á því að viðhalda sjálfs-
eignarstefnu. Við höfum hafnað
kröfum samstarfsflokksins um
forréttindi til leigu-samvinnufé-
laga. Það er grundvallaratriði sem
við hvikum ekki frá.
Það eru mikil verk framundan.
Og nú sem fyrr mun sannast, að
því aðeins munum við ná árangri,
að þjóðin gangi sameinuð til
verka. Harðvítug stéttaátök fela í
sér stöðnun og upplausn í þjóðfé-
laginu. Hugsjónir okkar um frelsi,
framfarir og samvinnu stéttanna
hafa skotið rótum í íslensku þjóð-
félagi. Við finnum vaxandi styrk
og fylgi eftir því sem við höfum
með ákveðnari og einbeittari
hætti fylgt fram okkar málum.
Sósíalísku flokkarnir í stjórnar-
andstöðu, Alþýðubandalag og Al-
þýðuflokkur, eiga það sameigin-
legt við þessar aðstæður að for-
ysta þeirra hefur klofnað frá
verkalýðssamtökunum í óábyrgum
kreppuárakenningum um stétta-
stríð. Forysta þeirra hefur einnig
sameinast um stórauknar skatt-
heimtutillögur og hún hefur enn-
fremur sameinast í rótföstu aftur-
haldi gegn frelsi í menningarleg-
um efnum eins og andstaðan við
útvarpsfrelsið ber gleggst vitni
um. Álþýðuflokkurinn er jafnvel
orðinn meira afturhald í þeim efn-
um en framsókn.
Áratök sósíalísku flokkanna i
pólitískum áróðri hafa verið ólík.
Þau hafa fært öðrum flokknum
ávinning en dregið af hinum.
Kjarni málsins er hins vegar sá,
að boðskapur þeirra um stétta-
stríð og skattahækkanir, stríðir
gegn hugmyndum okkar um frelsi
til framfara. Það eru því skörp
skil í stjórnmálabaráttunni. Þó að
vindar hafi blásið á móti um stund
höfum við á ný styrkt stöðu okkar
og aukið fylgi. Með stefnufestu
getum við haldið áfram á sömu
braut og aukið bjartsýni og eflt
vilja þjóðarinnar til nýrra átaka.
Góðir ferðafélagar.
Ég vona að þessi stund sem við
eigum saman í dag veiti okkur
ánægju og gleði um leið og við
brýnum sjálfa okkur til frekari
sameiginlegra átaka í þágu fólks-
ins í landinu.
Ég þakka ykkur samveruna og
vona þið njótið öll áframhaldandi
fararheilla."
Gardínuhúsið
Nýkomin falleg Ijós dralonefni og tilbúnar eld-
húsgardínur. Verö frá 875.-
Einnig úrval bómullarefna, velour, damask,
ítölsk efni o.fl. o.fl.
fmumMntMHtkmíSk
lönaðarhúsinu Hallveígarstíg 1, Sími 22235.
Gestafyrirlestur
hjá líffræði-
félaginu
Á MORGUN, mánudaginn 1. júlí,
heldur Bjarne Gjelstad fyrirlestur
á vegum félagsins um verndun
búfjárstofna í útrýmingarhættu á
Norðurlöndunum. Einnig mun
breski ljósmyndarinn Howard
Payton mæta á fundinn og sýna
litmyndir af fágætum breskum
fjárkynjum. Fyrirlesurinn verður
haldinn í Norræna húsinu og hefst
kl. hálfníu (20.30).