Morgunblaðið - 04.07.1985, Blaðsíða 24

Morgunblaðið - 04.07.1985, Blaðsíða 24
24 MORGUNBLAÐIÐ, FIMMTUDAGUR 4. JÚLÍ 1985 Gorbachev til Frakklands Yloskvu, 3. júlí. AP. Aðalleiðtogi sovéska komm- únistaflokksins, Mikail Gorb- achev, fer í opinbera heimsókn (il Frakklands í haust að sögn hinnar opinberu fréttastofu Tass. Fer heimsóknin fram dag- ana 2.— 5. október nk., en þetta verður í fyrsta sinn sem Gorbachev fer til Vesturlanda síðan hann varð flokksleiðtogi í mars sl. Bandaríski sendi- herrann í Moskvu: Flytur ávarp í sjónvarpi Moskvu, 3._júlí. AP. BANDARISKI sendiherrann í Moskvu, Arthur Hartman, mun flytja ávarp í sovéska sjónvarp- inu á morgun, fimmtudag, í til- efni þjóðhátíðardags Bandarfkj- anna. Sú hefð hefur komist á að sendiherrar erlendra ríkja í Moskvu hafi komið fram í sjónvarpi á þjóðhátíðardegi þeirra, en í fyrra var Arthur Harriman meinað að flytja þar ávarp. Irakar gera árás á skip ír.k. 3. jdlí. AP. fRAKAR skýrðu frá því í dag að orrustuþotur þeirra hefðu gert árás á íranskt skip nálægt Kharg-eyju. Ekki var þó til- greint nánar um hvers konar skip hér var að ræða. Talsmenn íraka sögðu að orrustuþoturnar hefðu snúið aftur til íraks eftir árásina, án þess að hafa orðið fyrir tjóni. Bandarísk sendinefnd í Hanoi Hanknk. 3. júlí. AP. SENDINEFND bandarískra sérfræðinga hélt til Hanoi í dag til að ræða við vétnömsk stjórn- völd um afdrif bandarískra her- tnanna, sem saknaö er frá því í Víetnamstríðinu. Fundur þessara aðilja átti aö fara fram í júní, en honum var frestað að ósk stjórnar- innar í Hanoi. Viðræðurnar snúast fyrst og fremst um af- drif u.þ.b. 2.500 bandarískra hermanna í Indókína, en til þeirra hefur ekkert spurst síð- an Bandaríkjamenn hættu af- skiptum af stríðinu í Vietnam. Alþjóðabankinn: Vextir lækka Washingtoo, 3. julí. AP. SKÝRT var frá því í dag að Al- þjóðabankinn mundi lækka út- lánsvexti sína úr 9,29% í 8,82 á ári. Mun vaxtalækkunin gilda næsta hálfa árið. Alþjóðabankinn, sem er í eigu 148 landa, hefur einkum veitt þróunarríkjum fjárhags- aðstoð. Timman sigraði á Taxco-mótinu Tuco, Mexíkó, 3. júlf. AP. HOLLENZKI stórmeistarinn Jan Timman sigraði á millisvæðamótinu í Mexíkó og hefur (lesta vinninga þeirra fjögurra, sem áfram komast í úrslitakeppnina um heimsmeistaratitilinn í skák á næsta ári. Timman hlaut 12 vinninga, en ásamt honum komast áfram Jose Nogueiras frá Kúbu, Kevin Spraggett Kanada og Sovétmað- urinn Mikhail Tal. Nogueiras hlaut 10,5 vinninga, Tal 10 og Spraggett 9. Einn vinning af 12 hlaut Timman án þess að tefla, þegar sovézki stórmeistarinn Yuri Balashov hætti þátttöku í mótinu vegna magaverkja. Balas- hov var lagður inn í sjúkrahús 25. júní. Læknum hefur enn ekki tek- ist að komast að því hvað amar að honum. í 15. og síðustu umferð mótsins urðu úrslit þau að Eduard Prandstetter Tékkóslóvakíu vann Bandaríkjamanninn Walter Brown í 43 leikjum. Nogueiras vann Spraggett, Englendingurinn Jonathan Speelman vann Mexí- kanann Marcel Sisniega, Tal vann Ungverjann Jozsef Pinter, Kínverjinn Jingan Qi tapaði fyrir Norðmanninum Simon Agde- stein. Jafntefli gerðu Miso Cebalo Júgóslavíu og Rússinn Oleg Rom- anishin og Bandaríkjamaðurinn Lev Alburt stýrði svörtu mönn- unum til sigurs gegn Saeed Ahmed Saeed frá Sameinuðu furstadæmunum. Timman vann yfirburðasigur, hlaut 12 vinninga. Nogueiras hlaut 10,5 vinninga, Tal 10 og og Spraggett 9,5. f 5. sæti varð Speelman með 8 vinninga, Agde- stein í 6. sæti með 7,5 vinninga, Cebalo í 7. sæti með sama vinn- ingafjölda. Alburt varð í 8. sæti með 7 vinninga. Fimm skákmenn hlutu 6,5 vinninga og urðu í 9. — 13. sæti, Romanishin, Sisniega, Pinter, Qi og Browne. Tékkinn Prandstetter varð i 14. sæti með 6 vinninga, Ahmed Saeed í 15. með 5,5 vinninga og lestina rak Balas- hov með 4,5 vinninga. UR INDVERSKU ÞOTUNNI Flugmaður brezkrar björgunarþyrlu með einn fárra hluta, sem fundust fyrst eftir að indversk júmbóþota fórst undan írlandi á dögunum. Dúkkan var í eigu eins þeirra 329, sem fórust með þotunni, en um borð voru nær hundrað börn. Getgátur um að Gorbachev verði forsætisráðherra „Margir héldu að Gromyko yrði bæði forseti og utanríkisráðherra," segir Benedikt Jónsson sendiráðsritari í Moskvu „TILKYNNINGIN um að Andrei Gromyko hefði verið kjörinn forseti Sovétrfkjanna kom mönnum hér í Moskvu ekki á óvart, en hins vegar áttu menn ekki von á því að hann léti af embætti utanrfkisráðherra, því þessi embætti geta vel farið saman," sagði Benedikt Jónsson, sendiráðs- ritari í sendiráði íslands í Vloskvu, í símaviðtali við Morgunblaðið í gær. Benedikt sagði, að það væri al- menn skoðun þeirra sendifulltrúa erlendra ríkja í borginni, sem hann hefði rætt við, að Gromyko yrði áfram áhrifamaður í sovésk- um stjórnmálum. Hins vegar væri erfiðara að spá nokkru um eftir- mann hans, Eduard Shevardn- adze, flokksforingja frá Georgíu, sem tók ekki sæti í stjórnmálaráð- inu, æðstu valdastofnun sovéska kommúnistaflokksins, fyrr en sl. mánudag. „Það er sagt, að hann hafi staðið sig vel í heimahéraði sínu. Harður maður og ákveðinn segja þeir stjórnarerindrekar hér sem þekkja til hans," sagði Bene- dikt. „Hann er sennilega maður að skapi Gorbachev aðalritara." Benedikt var spurður hvort rétt væri, að Yegor K. Ligachev væri nú að verða annar mesti áhrifa- maður Sovétríkjanna. „Það kann eitthvað að vera til í því," sagði hann. „Hann hefur tekið við starfi hugmyndasérfræðings kommún- istaflokksins. Annars beinast sjónir manna hér í Moskvu mjög að Vitaly Vorotnikov, sem hefur þótt mjög sterkur maður og á upp- leið. Menn áttu von á því, að hann yrði gerður að forsætisráðherra í stað Nikolai Tikhonov, sem er orð- inn áttræður. Forsætisráðherra þarf að flytja skýrslu á 27. flokks- þinginu í febrúar á næsta ári og er Iíklegt að Tikhonov verði í emb- ættinu þangað til. Og úr því Vor- itnikov varð ekki forsætisráðherra núna haf a menn verið með getgát- ur um að Gorbachev, aðalritari, ætli sér það sjálfur. Slíkt valda- skipulag hefur ekki verið við lýði síðan á dögum Khrushchev." Benedikt Jónsson, sendiráðsrit- ari, sagði ennfremur að afsögn Yitaly Vorotnikov. Eni vonir hans um að verða forsætisráðherra brostnar? Romanovs, fyrrum keppinautar Gorbachevs, úr stjórnmálaráðinu hefði ekki komið mönnum á óvart. Hann hefði verið fjarverandi um skeið og þessum tíðindum spáð. Benedikt kvaðst hafa heyrt orð- róm þann, sem greint var frá í Morgunblaðinu á þriðjudag, að Romanov hefði átt við áfengis- vanda að stríða, og hefði ásamt Mikhail S. Gorbachev. Tekur hann senn við embætti forsætisráðherra? hjákonu sinni reynt að flýja land, en verið stoðvaður. „Á þessu hefur hins vegar engin staðfesting feng- ist," sagði Benedikt. Benedikt Jónsson sagði, að Romanov hefði ekki notið almenn- ingshylli í Sovétríkjunum, eins og raun væri á um Mikhail Gorbach- ev, og hans væri því ekki saknað. Er Ligachev orðinn næst valdamestur? Moskvu, 3. júlf. AP. HINN 64 ára gamli Yegor K. Ligachev var í gær kjörinn formaður utanrfkismálanefndar annarrar deildar sovéska þingsins. Ýmsir frétta- skýrendur og erlendir stjórnarerindrekar í Moskvu teíja það vísbendingu um að hann sé orðinn næst æðsti maður í Kreml og hægri hönd Mikhails Gorbachev, flokksleiðtoga. Hefð er fyrir því að annar valdamesti maður Sovétríkjanna gegni embætti formanns utanrík- ismálanefndar þingsins. Mikhail Suslov, fyrrum helsti hugmynda- sérfræðingur sovéska komm- únistaflokksins, gegndi embætt- inu um árabi! á valdaárum Leonids Brezhnev. Gorbachev var kjörinn formað- ur utanríkismálanefndarinnar í apríl 1984 og flutti í framhaldi af því ávarp sem hugmyndasérfræð- ingur kommúnistaflokksins á stjórnmálaráðstefnu í desember á síðasta ári. í mars sl. varð hann síðan flokksleiðtogi eftir andlát Konstantins Chernenko. Stjarna Ligachev, eins og stjarna Gorbachev, reis á valda- tíma Yuri Andropov. Það var Andropov sem kallaði Ligachev til Moskvu í apríl 1983 og fól honum að sjá um skipulagsmál flokksins. Áður hafði hann verið annar helsti leiðtogi kommúnistaflokks- ins í iðnhéraðinu Tomsk í Síberíu. Eftir að Gorbachev tók við völdum varð Ligachev fullgildur félagi í stjórnmálaráðinu og upp á síð- Yegor K. Ligachev. Er hann orðinn næstvaldamesti maður í Kreml? kastið hefur hann orðið æ meira áberandi. Hann sést m.a. miklu oftar við hlið flokksleiðtogans en aðrir félagar í ráðinu.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.