Morgunblaðið - 12.07.1985, Blaðsíða 4

4
MORGUNBLAÐIÐ, FÖSTUDAGUR 12. JÚLÍ 1986
Fjalakötturinn:
Eiganda gefinn 14
daga frestur til að
gera húsið mannhelt
BYGGINGANEFND Reykjavíkur samþykkti á fundi sínum í gær bókun frá
formanni nefndarinnar, Hilmarí Guðlaugssyni, þess efnis að gefa eiganda
Fjalakattarins 14 daga frest til að gera húsið mannhelt. AÖ öðrum kosti
verður beitt ákvæðum byggingareglugerðar um dagsektir.
Bókun Hilmars Guðlaugssonar,
sem samþykkt var samhljóða er
svohljóðandi: „Hinn 29. mars 1984
samþykkti Byggingarnefnd niður-
rif hússins númer 8 við Aðalstræti,
þar sem er Fjalakötturinn. Fljót-
lega var hafíst handa með niðurrif,
en húsið aðeins rifið að hluta. Nú
hafa borist til Bygginganefndar
nokkrar lögregluskýrslur um, að
mikil hætta stafi af húsinu eins og
það er. Því er nauðsynlegt að Bygg-
ingarnefnd geri þær kröfur til eig-
anda hússins, að á meðan niðurrifi
hússins er ekki lokið verði því lokað
á þann hátt, að óviðkomandi aðilar
komist ekki inn i húsið og hætta
stafi ekki af því. Að öðrum kosti
verði byggingarnefnd að beita
ákvæðum byggingareglugerðar
númer 292 frá 1979 grein 912 um
dagsektir. Frestur til að koma hús-
inu í viðunandi horf er veittur i 14
daga eða til 25. júlí 1985.“
Að sögn Hilmars Guðlaugssonar
verður málið aftur tekið fyrir á
fundi Bygginganefndar 25. júli
næstkomandi.
Prýðilegt í Norðurá
Veiðin glæddist talsvert í Norð-
urá í Borgarfirði í kjölfar rign-
ingarinnar sem verið hefur síðustu
daga þar til í gær. í fyrradag, um
miðjan dag, var hópur einn hálfn-
aður með veiðitíma sinn, einn og
hálfan dag, og höfðu komið yfir 40
laxar á land, en samt sem áður var
áin ekki fullnýtt, aðeins átta stang-
ir voru í ánni, en tólf eru leyfilegar.
Laxinn er enn að ganga og með
fyrrgreindum fiskum eru komnir
um 430 laxar á land. Mest veiðist
nú af fallegum smálaxi, 4—6
punda, en einn og einn vænn kfkir
með, þó eru þeir ekki algengir. Lax
veiðist um alla á, alveg upp að
Króksfossi og sérstaklega hefur
veiðin verið góð í Stekknum, en þar
hafa veiðst 60 laxar á eina stöng,
allmikið síðustu daga og vikur.
Góð glefsa ...
Morgunblaðið frétti, að veiði-
maður einn hafi gert sérstaklega
góða ferð í Straumana í Borgarfirði
fyrir skömmu, en sá veiðistaður er
í Hvítá Og myndast við ármót
Norðurár og Hvítár. Þetta er forn-
frægur staður og mislyndur eins og
gengur, en getur gefið feikna vel
þegar menn hitta vel á laxinn.
Þarna stöðvast hann yfirleitt ekki
lengi uns hann rennur upp Norðurá
eða Gljúfurá, sem rennur ( Norðurá
skammt fyrir ofan Straumana. En
umræddur veiðimaður tók þarna
yfir 20 laxa á einum degi, flesta
smáa, en einnig væna innan um.
Af því að Straumana bar á góma
má skjóta því með, að veiði hefur
verið með besta móti við Svart-
höfða, þar veiddust 30 laxar í júní
og líflegt var þar einnig fyrstu dag-
ana í júlí. Á Brennunni var veiðin
dauf lengi framan af, en hefur
glæðst þó ekki sé unnt að nefna
neinar tölur.
Önnur góð glefsa
Veiði í Laxá í Aðaldal fyrir lönd-
um Núpa og Kjalar hefur glæðst
síðustu daga eftir slaka byrjun.
Menn sem luku veiðum snemma í
vikunni fengu þar 7 laxa á tveimur
dögum, 10—18 punda, en þarna er
veitt með tveimur stöngum. Þar
með voru komnir um 20 laxar á
land, en fram að því höfðu menn
verið að pilla upp einn og einn.
Veiðin hefur verið að glæðast
víðar í Laxá en á Núpum. Hópur
sem lauk veiðum á miðvikudag og
hafði verið að í viku, fékk 152 laxa
og var mikill stígandi í veiðinni eft-
ir því sem leið á tímann. Eru það
um 2 laxar á stöng á dag sem þykir
ákaflega gott í hinni vandveiddu á
Laxá í Aðaldal. Á fjórða hundrað
laxar eru komnir á land úr ánni í
heild, og veiði glæðist er ofar dreg-
ur. Laxinn er heldur smár, það er
fremur lítið af laxi sem verið hefur
tvö ár í sjó, en það sérkennilega er,
að í staðinn fyrir að sá fiskur kem-
ur einkum fyrst og vel á undan
smálaxinum, þá kom hann bæði
seint og dreifður. Þeir eru að tínast
upp dag hvern í bland við smálax-
inn sem allmikið virðist vera af.
Þess má geta, að hópurinn sem
veiddi 152 laxa fékk 5 laxa með ör-
merki í höfðinu, fiskar sem voru
merktir árið 1983 og gengu nú til
æskustöðvanna eftir tveggja ára
dvöl í sjó. ■
Kunnugleg kvikindi i löxunum þessar vikurnar.
Hækkun á kjarnfóðurgjaldi
Gæti útilokað inn-
fluttar fóðurblöndur
— segir Pétur Björnsson hjá Guðbirni Guðjónssyni hf.
EF HLUTI kjarnfóðurgjaldsins verður endurgreiddur sem krónutala á
ákveðið magn afurða, eins og rætt hefur verið um, þýðir það að alifugla-
og svínabændur verða þvingaðir til að hætta að kaupa innfluttar fóður-
blöndur, að sögn Péturs Björnssonar framkvæmdastjóra hjá Guðbirni
Guðjónssyni hf.
Pétur sagði að hingað til hefði
kjarnfóðurskattur aukabúgreina
verið endurgreiddur út á kjarn-
fóðurkaup, en nú ætti að endur-
greiða hann út á framleiðslu.
Hins vegar væri ekki búið að
gefa út endurgreiðslureglur og
hefði landbúnaðarráðuneytið því
það í hendi sinni við hvaða fóð-
urseljendur bændur skiptu.
Hann sagði að eftir hækkun
gjaldsins væri sérstaka fóður-
gjaldið (80% gjaldið) 7.300 kr. á
tonn af innfluttri meðalblöndu
en 5.000 krónur á hráefnið í
kjarnfóðurblöndur innlendu fóð-
urverksmiðjanna. Þessi 2.300 kr.
mismunur á kjarnfóðurgjaldinu
skapaði 10—15% mismun á fóð-
urblöndum eftir því hvort þær
væru blandaðar hér eða erlendis.
Ef bændum yrði endurgreitt
gjaldið í hlutfalli við greiðslur
þeirra minnkaði þessi munur, en
ef endurgreitt yrði með krónu-
tölu á ákveðið afurðamagn héld-
ist þessi munur og jafnvel gæti
svo farið að sumir fengju meiri
kjarnfóðurskatt endurgreiddan
en þeir borguðu á kostnað þeirra
sem keyptu innfluttu blöndurn-
^r-
Pétur sagði að síðan byrjað
hefði verið að ieggja kjarnfóð-
urskattinn á hefði alltaf verið
ákveðin mismunum á milli inn-
fluttu og innlendu fóðurbland-
anna, en þær innfluttu þrátt
fyrir það verið samkeppnisfær-
ar. Innflutningur hefði veitt fóð-
urverksmiðjunum holla sam-
keppni en nú gæti svo farið að
lokað yrði fyrir samkeppnina.
Pétur sagði að 50% fóður-
gjaldið (til ríkisins) ætti að stað-
greiðast en við það réði enginn
fóðurinnflytjandi. Þarna væri
um að ræða 4 milljónir í einu hjá
þeim, sem staðgreiða yrði áður
en varan kæmi í þeirra hendur.
Hann kvaðst þekkja fjárhag
bænda það vel að hann vissi að
ekki gætu þeir fjármagnað stað-
greiðslu gjaldsins, enda þó þvi
væri velt strax í verð afurðanna,
kæmi það ekki í hendur bænd-
anna sem reiðufé fyrr en eftir 3
til 4 mánuði. Samtals væri því
um að ræða 12—15 milljóna kr.
gjald sem fóðurinnflytjandinn
gæti þurft að taka ábyrgð á. Nú
hefðu endurgreiðslureglur ekki
enn verið gefnar út og vissi inn-
flytjandinn því ekkert hvað
hann væri að ábyrgjast háa fjár-
hæð fyrir bóndann og bóndinn
vissi ekki á hvaða verði hann
væri að kaupa fóðrið og þar með
framleiðslukostnað vörunnar.
Hann sagði einnig að hætt væri
við að þessar breytingar bitnuðu
harðast á þeim smæstu, sem
væri öfugt við það sem stefnt
hefði verið að, þar sem þeir
stærri hefðu meiri möguleika á
að bjarga sér.
„Ástæða til að grípa til
harkalegra ráðstafanaa
— segir Jóhannes Gunnarsson, formaöur Neytendasamtakanna
„VIÐ TELJUM þetta fráleita skattlagningu. Þarna er með neytenda.sk-
atti í mikilvægar neysluvörur, þ.e. egg, kjúklinga og svínakjöt, verið að
reyna að leysa vanda í öðrum búgreinum. Við erum mjög á móti slíkri
tilfærslu á milli búgreina," sagði Jóhannes Gunnarsson, formaður Neyt-
endasamtakanna, þegar leitað var álits hans á hækkun kjarnfóðurskatts-
ins í 130%.
Jóhannes sagði að álagning
50% fóðurgjaldsins væri
rökstudd með því að með honum
væri verið að vega upp á móti
niðurgreiðslum á korni erlendis.
„Við getum ekki séð að heims-
markaðsverðið á korni sé niður-
greitt. Evrópubandalagsríkin
niðurgreiða korn sem þar er
framleitt til að standast heims-
markaðsverðið," sagði hann.
Jóhannes sagði að upplýst
hefði verið að hækkun gjaldsins
hefði í för með sér 15—25%
hækkun afurða aukabúgrein-
anna og væri full ástæða til að
grípa til harkalegra ráðstafana á
móti því, en hugsanlegar aðgerð-
ir Neytendasamtakanna yrðu
ræddar á stjórnarfundi samtak-
anna í næstu viku. Það væru
einnig fráleit vinnubrögð hjá
landbúnaðarráðuneytinu að gefa
endurgreiðslureglur ekki út
jafnhliða álagningarreglum.
„Alltaf komið aftan að
manni með svona vitleysu“
— segir Geir Gunnar Geirsson, eggjabóndi á Vallá
„ÞETTA hangir allt í lau.su lofti og
maður veit ekkert hvar maður
stendur. Möguleikar okkar sem
erum að reyna að reka hagkvæm
bú og framleiða góða og ódýra
vöru eru skertir verulega. Það er
orðið útilokað að gera nokkrar
áætlanir fram í tímann, alltaf er
komið aftan að manni með ein-
hverja svona vitleysu," sagði Geir
Gunnar Geirsson, eggjabóndi á
Vallá á Kjalarnesi þegar leitað var
álits hans á hækkun kjarnfóður-
gjaldsins.
Hann sagði að hækkun fóð-
urgjaldsins sýndi það sem hann
og fleiri hefðu óttast, það er að
hægt væri að túlka lögin um
framleiðslu, verðlagningu og
sölu búvara á marga mismun-
andi vegu. „Þegar við vorum að
vara við þessu var okkur sagt að
við læsum lagafrumvarpið eins
og skrattinn biblíuna. Nú hefur
það komið á daginn að aðvaran-
irnar voru réttar því landbúnað-
arráðherra er þessa dagana í óða
önn að lesa lögin eins og skratt-
inn biblíuna. Lögin eru túlkuð og
toguð á alla kanta og misþyrmt
að geðþótta, enda eru lögin
þokukennd í meira lagi, svo eng-
inn virðist botna í þeim. Þessi
lagasmíð er eins vitlaus og frek-
ast er hægt að hugsa sér,“ sagði
Geir Gunnar.
Geir Gunnar sagði að bændur
virtust hræddir við aukningu í
neyslu svína- og kjúklingakjöts.
Það væri nú látið bitna að ósekju
á þeim sem framleiddu egg; ekki
kepptu þau við lambakjötið.
Hann sagði að erfitt yrði að fjár-
magna kjarnfóðurskattinn. og
þó það tækist yrði framleiðslan
illseljanleg vegna verulegrar
hækkunar sem kæmi i kjölfarið.
Þá lagði hann áherslu á að þess-
ar millifærslur á fjármagni
sköpuðu hættu á alls kyns „sukki
og svínaríi".
Félag kúabænda
mótmælir gjaldinu
STJÓRN Félags kúabænda á Suðurlandi hefur mótmælt hækkun fóð-
urgjaldsins. í ályktun frá félaginu segir að það hafi í for með sér allt að
5% hækkun á verði landbúnaðarvara. Formaður félagsins bendir kúa-
bændum á að bera aftur á túnin til að beita kúnum á þau og gefa
fiskimjöl með, til að komast hjá því að greiða skattinn að hluta.
Ályktunin er svohljóðandi:
„Stjórn Félags kúabænda á Suð-
urlandi mótmælir nýsettum lög-
um um gjald á innfluttar fóður-
blöndur og hráefni í fóðurblönd-
ur. Stjórnin átelur harðlega þá
auknu tollheimtu sem felst í lög-
unum og bendir á að staða land-
búnaðarins leyfir ekki slíkt. Þá
er og ljóst að gildistaka laganna
felur í sér allt að 5% hækkun á
verði landbúnaðarvara til neyt-
enda og vegur þar með að lífs-
kjörum almennings i landinu.
Því skorum við á stjórnvöld að
beita sér fyrir því að lög þessi
verði felld úr gildi.“
Guðmundur Lárusson á Stekk-
um II, formaður félagsins, sagði
að kúabændur væru ákaflega
óhressir með þessa skattheimtu,
sem hefði þau áhrif að fram-
leiösla þeirra hækkaði i verði.
Hann sagði að það væri alls ekki
rétt að verið væri að færa fjár-
magn á milli búgreina, því gjald-
ið legðist ekki síður á kúabænd-
ur. Hækkun þeirra framleiðslu
kæmi verr við neytendur en
hækkun afurða aukabúgrein-
anna því þær væru mikilvægari
neysluvörur alls almennings.