Morgunblaðið - 12.07.1985, Blaðsíða 18
18 MORGUNBLAÐIÐ, FÖSTUDAGUR 12. JtÍLl 1985
íþróttirnar eru alltaf vinsslar. Eins gott að ekki verði stórstígar framfarir í langstökkinu, því þá Vellingurinn er geysivinsæll í sumarbúðunum og klirast hann yfirleitt, enda matur sem lands-
gsti endað illa. Stóra konan, sem stendur upp úr hópnum, er Kristín, annar sumarbúðastjórinn. feðurnir hafa sagt vera góðan.
Hreyfisöngvar eru mjög vinsælir, þar sem Ifkt er eftir því sem verið er að
syngja um.
í sumarbúðunum eru margir nýir Þeir félagarnir Jón F. Friðriksson úr Búðardal og Hallgrímur Magnússon úr
söngvar kenndir. Þarna er Rúnar, Breiðholtinu.
annar sumarbúðastjóranna, að
kenna nýjan söng.
Fá styrkta sjálfsmynd
af dvöl í sumarbúðum
TEXTI: PÉTUR ÞORSTEINSSON
Borgarfiröi, 2. júlí.
Við vestanverðan Borgarfjörð
er grunnskóli í Laugagerði. Hefur
sumarbúðanefnd Reykjavíkur-
prófastsdæmis komið á fót sumar-
búðum í grunnskólanum. Eru 4
flokkar, 12 daga hver fyrir krakka
á aldrinum 7—12 ára. Flestir
krakkarnir sem dvelja í sumar-
búðunum, eru af Reykjavíkur-
svæðinu þótt einstaka sé annars
staðar frá. Er fjöldinn í hverjum
flokki rúmlega 40, þannig að eftir
12 daga þekkjast krakkarnir orðið
sæmilega, a.m.k. vita nokkurn
veginn nöfnin hvert á öðru, alla
veganna á mestu ólátabelgjunum,
þar sem eigi allsjaldan þarf að
kalla nöfn þeirra upp yfir daginn
til að biðja þá um að hafa lægra.
Er það ekki nema að vonum, þar
sem fjörugir og sprækir krakkar
þurfa að ræða margt á hverjum
degi og stundum að stimpast du-
lítið.
Hvað um það. I sumarbúðum
gengur lífið sinn vanagang. Byrjað
er að vekja liðið kl. átta að
morgni. Eru þá margir ekki eins
hressir og þegar fara á i rúmið,
enda e.t.v. verið að sóa tímanum
með því að sofa yfir bjartasta tím-
ann á sumrin, þegar sólin rétt
hverfur í fáeinar mínútur bak við
efstu fjallatoppana. Eftir að menn
eru komnir framúr, er morgun-
stund inni i lítilli kapellu, sem út-
búin hefur verið i Laugageröis-
skóla. Hafa sumarbúðastjórarnir
helgistund þar, sem gjarnan er
tekið fyrir viðfangsefni dagsins og
það útskýrt. Þaðan er farið beint í
morgunmat. Inn á milli er hafður
hafragrautur, þótt einhver loft-
pakkamatur eigi efalaust miklu
meira fylgi að fagna, þegar hann
er hafður um hönd.
Þá er komið að þvi sem flestum
finnst með því skemmtilegast i
sumarbúðunum í Laugagerði, en
það er hinn dagvissi sundtími, en
fyrir hádegi er farið í sund. Eru
sennilega ekki margir sem eiga
þess kost að fara í sund á hverjum
degi. Þar geta allir ærslast á fullu
án þess endilega að verið sé að
amast við því. f lagi a.m.k. á með-
an að það gerir engum mein.
Eftir hádegismat er fræðslu-
stund, þar sem eitthvert grund-
vallaratriða kristinnar trúar er
útskýrt, bðrnin látin rita niður og
fletta upp í Biblíunni til þess að
það festist gerr í hugum þeirra.
Jafnhliða eru sungnir söngvar,
sem fjalla um efnið. I framhaldi af
fræðslustundinni er frjáls tími,
þar sem allir finna eitthvað við
sitt hæfi, dunda úti á róló, sitja
inni við og spila eða fara i myllu.
Oft er í þesqum tíma íþróttir, þar
sem keppt er í frjálsum íþróttum
og knattleikjum. Að loknu kaffinu
er stundum lokið við keppni í ein-
hverjum leiknum, sem ekki vannst
tími til þess að ljúka fyrr um dag-
inn eða frá deginum áður. Þá má
ekki gleyma undirbúningi fyrir
kvöldvökuna. Eitt herbergi sér um
efni á kvöldvökunni, þar sem
oftast eru einhver leikrit og leikir.
Matvinningurinn Einar aðstoðar
krakkana við undirbúninginn.
Eftir kvöldmat er komið að
kvöldvökunni, þar sem afrakstur-
inn af undirbúningnum kemur
fram. Mikið er sungið á kvöldvök-
unni af léttum kristilegum söngv-
um, sem eru betur til þess fallnir
að syngja í búðum sem þessum en
gömlu góðu sálmarnir, sem sungn-
ir eru í kirkjunum. Oft eru fundnir
upp allskonar leikir, sem náung-
inn fer stundum miður vel út úr,
svo sem að láta hann drekka salt-
vatn, borða kex á eftir og siðan að
flauta stutt lag eða krakkarnir
mata hvert annað með bundið
fyrir augun. Þá er nú oft matað
hraðar en viðkomandi getur tekið
við, og þá er reynt að láta nef og
eyru fá eitthvað af súrmjólkinni.
f lokin eftir kvöldvökuna er
helgistund, þar sem tekið er fyrir
viðfang dagsins og hugleiðing höfð
út frá því. Kvöldhressing er í lokin
áður en farið er í rúmið. Inn til
krakkanna er farið og kvöldvers
beðið með þeim. Þá er framhalds-
sagan lesin fyrir þau frammi á
ganginum af þeim systrunum
Rúnu og Hildi, sem starfa í eld-
húsinu. Sofna flestir út frá lestri
framhaldssögunnar, en einstaka
halda sér vakandi áfram. Helzt
það fyrstu kvöldin, en síðan dreg-
ur úr vökugetunni, þar sem þreyta
daganna í sumarbúðunum fer að
segja til sín, og flestir fegnir að
hverfa í höllun að kvöldi.
Finna öryggiskennd í
þessu trúarsamfélagi
Ráðskona í sumarbúðunum er
Hólmfríður Pétursdóttir hús-
stjórnarkennari úr Reykjavík. Er
hún ekki alveg ókunnug sumar-
búðastarfi þar sem hún er búin að
vera í sumarbúðum í 10 sumur á
22 árum, þannig að hún hefur
töluverða yfirsýn yfir sumarbúða-
starf og hvernig það hefur ávaxt-
ast í nokkur ár. Var hún spurð að
því hvaða gildi það hefði fyrir
börnin að vera í sumarbúðum sem
þessum.
— Mesta gagnið, sem þau hafa
af verunni í sumarbúðunum er, að
þau finna visst öryggi. Þetta ör-
yggi eiga þau að geta upplifað í
trúarsamfélaginu hérna í búðun-
um. Þannig smitast þau af örygg-
iskennd og fá styrkta sjálfsmynd.
Þau sjá sjálf sig í samanburði við
önnur börn. Uppfræðslan um
kristna trú miðast að því m.a., að
allir eru mikilvægir 1 augum Guðs
og þess vegna er hver og einn mik-
ilvægur, þótt stundum finnist
börnunum þau vera einskis metin
heima hjá sér eða af samfélaginu.
Hérna finna þau það vel, að þau
eru merkileg. Að öll eru þau ein-
hvers virði. Það getur komið í veg
fyrir margs konar erfiðleika þegar
árin koma yfir, svo sem að forða
þeim frá eiturlyfjaneyzlu eða ann-
að það, sem kemur til vegna þess,
að þeim finnst þau vera lítils met-
in og lífið hafi lítil not af þeirra
framlagi til samfélagsins. Það er
reynt að sýna þeim umhyggju
hverju og einu. Að þau finni það
alltaf ekki aðeins á hópstundum
og þegar eitthvað sérstakt er um
að vera, heldur allan daginn þegar
verið er að ræsta og annað þess
háttar. Það er jafnmikill viður-
gerningur og þegar verið er að
leika við þau og tala á sérstökum
stundum.
Það sem þau læra einna helzt f
sumarbúðum er að þau finna
hversu gott er að vera með Guði
og náunganum, taka tillit til
náungans af því að það er eitt-
hvað, sem þau vilja sjálf og kemur
innan frá. Þá er mikið lært.
Að síðustu voru tveir strákar
teknir tali og spurðir um dvölina í
Laugagerði. Voru það þeir Jón F.
Friðriksson úr Búðardal og Hall-
grímur Magnússon úr Breiðholt-
inu. Sagði Jón þetta vera f annað
skiptið sem hann færi í sumarbúð-
ir, hann hefði verið i Kaldárseli i
fyrrasumar. Hallgrímur sagði
þetta vera f fyrsta sinni.
Sögðu þeir að frjálsu íþróttirnar
væru skemmtilegastar og að fara í
sund. Einnig væri gaman á kvöld-
in á kvöldvökunum, því þá væri
alltaf leikrit og þá langaði mikið
að taka þátt í þvi, þegar að þeirra
herbergjum kæmi. Jafnframt
hefðu þeir kynnzt mörgum nýjum
félögum og ættu orðið nokkra vini,
sérstaklega þá, sem væru með
þeim í herbergi. Maturinn væri
góður í Laugagerði, sérlega vell-
ingurinn, enda hefði hann klárast.
Súpumar væru ekkert sérstaklega
góðar, þeir væru ekkert hrifnir af
þeim almennt.
Þar sem dvölin væri skemmtileg
og ekki neitt sérstakt sem væri
leiðinlegt, þá hefðu þeir fullan hug
á að fara aftur næsta sumar, þar
sem svo margt væri að gerast í
sumarbúðunum, að þeir vildu alls
ekki missa af þeirri dvöl. Þótti
þeim gaman að því að fara niður
að sjó og ná í leir til að móta
heima og leika sér með. Jafnframt
setti hver krakki niður fræ í pott
til þess að láta koma upp blóm. Er
það gert til þess að kenna þeim að
vökva og umgangast plöntur og
ekki siður að sjá sköpun Guðs,
hvernig þau sjálf geta haft áhrif á
framgang hennar í umhverfinu.
Höfundur er guófræðingur.