Morgunblaðið - 13.07.1985, Blaðsíða 10

10
MORGUNBLAÐIÐ, LAUGARDAGUR 13. JÚLÍ 1985
Stríðsdansar
og diskótónlist
í eyðimörkinni
Ballett
Kvikmyndir
Sæbjörn Valdimarsson
Tónabíó:
UNDRAHEIMUR EYÐIMERK-
URINNAR ☆☆☆
Skrifuö, framleidd og leikstýrt
af Suður-Afríkubúanum James
Uys. Kvikmyndataka: Uys og
Sue Berman. Framleiöandi: Boet
Roskie. Suður-afrísk, dreifð af
Warner Bros. Tekin (á fjögurra
ára tímabili) á friðuðum svæð-
um og þjóðgörðum í Suður-
Afríku, Suðvestur-Afríku,
Botswana, Zimbabwe og Natal.
Það efni í íslenska sjónvarp-
inu, fyrir utan eina og eina
kvikmynd sem mér eru minnis-
stæðar í gegnum árin, eru marg-
ar bráðfallegar og vel gerðar
dýralífsmyndir, gerðar af snill-
ingum í sinni grein eins og David
Attenborough. 1 þessum efnum
hefur sjónvarpið staðið sig með
prýði og framboð af frambæri-
legu efni úr ríki náttúrunnar
virðist óvenjugott miðað við
margt annað. Því vaknaði sú
spurning fyrst í huga mér þegar
ég sá Undraheim eyðimerkurinnar
auglýsta, hvaða erindi hún ætti
inní kvikmyndahús.
Það liggur beinast við að svara
og undirstrika að myndin á fullt
erindi á stóra tjaldið, svo mikið
sem hún hefur að bjóða af hríf-
andi og snilldar vel gerðum og
teknum atriðum úr lífsbaráttu
dýra og jarðargróðurs á Namib-
eyðimörkinni og víðar í suður-
hluta Afríku. Myndin hefur
kostað ótrúlega mikla útsjónar-
semi, þekkingu og ekki síst þol-
inmæði.
Það er ógleymanlegt ævintýri
að sjá hvernig hrjóstrug auðnin
breytist í sannkallaða paradís
þegar loks fer að rigna, sem yfir-
leitt gerist ekki nema á níu mán-
aða fresti. Blómskrúðið er ótrú-
legt og dýr merkurinnar hefja
einn stórfenglegan lifsdans, sem
á köflum er fegurri en nokkur
mannanna ballett. Uys og félag-
ar eyddu fjórum árum í kvik-
myndatökuna og það finnst
sjálfsagt fáum mikið þegar
árangur þeirra er skoðaöur. Það
er með ólíkindum hversu hríf-
andi, fræðandi og ekki síst bráð-
skemmtilegar upplýsingar við
fáum um lífshætti og hegðun-
armunstur íbúa merkurinnar.
Þessi athyglisverði kvikmynda-
gerðarmaður (sem hefur jafn-
gaman af að virða fyrir sér
mannskepnuna, (Funny People,
o.fl.), og hópur hans hafa unnið
visst afreksverk. Hér eru m.a.
sýnd dæmi þess að athafnir
margra dýra ráðast af talsverðri
skynsemi, þó við köllum þau oft
skynlausar skepnur, svo sem
samstarf fugla og ferfætlinga.
Þá er sá þátturinn ekki sístur er
búskmennirnir — einu mannver-
urnar þar um slóðir — kenna
börnum sínum að þekkja dýrin
með því að herma eftir hljóðum
þeirra og atferli, listilega vel.
Og fyndnin í frásögninni er
aldrei langt undan frekar en í
fyrri myndum Uys. Við fáum
m.a. að sjá sundurleitustu íbúa
þessa merkilega landsvæðis gera
sér glaðan dag þegar þeir háma í
sig rotnandi ávexti sem fljótlega
taka að gerjast í iðrunum. En
líkt og með mannskepnuna, þá er
haldið áfram að ryðja i sig hinni
göróttu uppskeru uns yfir lík-
ur ... Og þá virðist andlegt og
líkamlegt ástand bavíananna lítt
skárra en hjá oss í bévítis timb-
urmönnunum!
Það má sem sagt hafa bæði
gagn og gaman af þessari sér-
stöku mynd sem ég hvet sem
flesta til að sjá og það með hraði,
því hún getur horfið skjótlega af
sjónarsviðinu í lítillæti sínu.
Kvikmyndir
Sæbjörn Valdimarsson
STJÖRNUBÍÓ: SÍÐASTI DREK-
INN ☆☆
Leikstjóri: Michael Schultz. Fram-
leiðandi: Berry Gordy Jr. Handrit:
Louis Venosta. Kvikmyndataka:
James A. Conter. Klipping: Christ-
opher Holmes. Stjóm kung fu-
atriða: Torrance Mathis, Ron Van
Clief, Ernie Rayes. Kóreógrafía:
Lester Wilson. Stjórn myndbanda:
Charles Anzalone. Tónlist eftir
fjölda listamanna hjá Tamla Mo-
town útgáfunni m.a. DeBarge,
Stevie Wonder, The Temptations,
Smokey Robinson, Vanity, Syreeta,
Charlene, o.fl. o.fl. Aðalhlutverk:
Vanity, Taimak, Chris Murney, Juli-
us J. Carry, III., Faith Prince, Leo
O’Brian. Bandarísk, frumsýnd vorið
1985. Dreifing Tri Star Pictures.
Það er lítið lát á vinsældum
tónlistarmynda fyrir unglingana,
og hér kemur ein með kung fu-
ívafi, til bragðbætis, karate-strák-
urinn hittir fröken flashdance.
Að venju er lítið lagt i sögu-
þráðinn, aðaláherslan lögð á fjör-
uga tónlist, líflega kóreógrafíu og
frísklegan myndstíl. En myndin
fjallar um sætabrauðsdreng nokk-
urn (Taimak), sem á þann draum
stærstan að ná snillingnum Bruce
Lee í íþróttinni, kung fu. Þetta er
hæverskur piltur og hreinn
sveinn, svo diskódrottningin Van-
ity ruglar pilt heldur betur í rím-
inu þegar örlögin haga því svo til
að hann þarf sýknt og heilagt að
bjarga henni úr höndum skúrka.
Að auki hefur svo drengstaulinn
ekki stundlegan frið fyrir svaða-
menni ofan úr Harlem, Sho’nuff,
sem telur sig mestan garp á Man-
hattan, svo það dregur að helj-
armiklum lokahasar!
Taimak er flínkur i íþrótt sinni,
en skelfingar ósköp heimskulegur
og ekki bætir úr skák að handritið
er á svipuðu gáfnaplani. Vanity er
smart, (einsog annar kvenpening-
ur úr fjölskyldu Prinsins). Einu
leiktilburðina er að finna hjá
Chris Murney i hlutverki um-
boðsmannsins, Lee O’Brian, sem
er ári góður sem litli bróðir súkku-
laðidrengsins hreina, og Julius
Carry, sem fer með hlutverk her-
stjórans í Harlem. Sho’nuffs. 111-
mannlegur skratti, sá ófrýni-
legasti sem sést hefur á hvíta
tjaldinu síðan Mr. T. hrelldi
áhorfendur í Rocky III.
Það er tónlistin og dansarnir
sem eru í aðalhlutverkunum. Kór-
eógrafían er snjöll, einkum í
mörgum, velútfærðum slagsmála-
atriðum. Tónlistin er svört, hröð
og frek frá Motrwn-fyrirtæki
framleiðandans, Berry Gordy.
Hún er furðulítið breytt frá því er
maður þræddi söguslóðir myndar-
innar á seinni hluta sjöunda ára-
tugarins. Þegar aðalstjörnur
Gordys voru Jr. Walker and the
All Stars (hver man Shotgun?),
Martha and the Vandellas. Og
Smokey Robinson, Stevie Wonders
og The Temptations, sem enn eru í
fullu fjöri eins og heyra má i Síð-
asta drekanum.
Tæknivinna er yfirleitt góð og
þrátt fyrir sljóan söguþráð á þessi
frísklega tónlistarmynd örugglega
eftir að ganga vel í unglingana. Að
minnsta kosti þá sem ekki eru lag-
lausir.
Þetta er hægt
með þinni hjálp
Gistane „engill dauðans"
Gistane „feit og pattaraleg"
Sagan um
Gistane:
Enginn hugöi Gistane líf þegar hún, 7 ára gömul,
kom fyrst til hjálparstöðva Rauöa krossins í Eþíópíu. Þess
vegna var hún kölluð „engill dauöans“. Nokkrum vikum síðar
var hún orðin „feit og pattaraleg" þar sem hún naut lifsins
í félagsskap sendifulltrúa Rauða kross íslands, Sigríðar
Guðmundsdóttur.

2A
Vilt þú veita svöngu barni í Afríku sams konar hjálp
og þá sem Rauöi krossinn lét Gistane í té?
Framlög til Hjálparsjóðs Rauöa krossins tryggja aöstoö
til hungraöra barna í Afríku. , \{\X\\
Gíróreikningur Hjálparsjóös aa
Rauöa kross Islands _ _ Ac\CL ^
A7,
er 90000-1
ev
l\\a
b\á\P
avs\&'