Morgunblaðið - 20.07.1985, Blaðsíða 15

MORGUNBLAÐIÐ, LAUGARDAGUR 20. JÚLÍ 1986
15
Páll Theodórsson eðlisfræðingur um fornleifafundinn á Dagverðarnesi:
Varast ber að draga of mikl-
ar ályktanir af einni mælingu
Fornleifafundurinn á Dagverðar-
nesi hefur vakiö mikla athygli.
Morgunblaðiö hafði samband við þá
Pál Theodórsson eðlisfræðing og
Gunnar Karlsson sagnfræðing og
innti þá alits á fundinum og tíma-
mælingum þeim er geröar hafa verið
á fornleifunum.
„Aldursgreiningar eru allflókið
mál. Unnt er að ná mikilli ná-
kvæmni í mælingum með C-14 að-
ferðinni, en þá þarf að telja sýnin
mjög vel og lengi. Tíminn sem þau
eru talin á, er takmarkandi þáttur
í afkastagetu þeirra stofnana sem
mæla þetta. Það má segja að sá
tími sé skammtaður. Mikla ná-
kvæmni þarf við svona fornleifa-
rannsóknir hér til þess að eitthvað
sé að marka niðurstöðurnar. Þaö
næst ekki með því að taka eitt sýni
og setja í almenna greiningu. Því
má segja að enda þótt 200 ára frá-
vik sé frá einhverju sýni þurfi eng-
inn að undrast það. Með vand-
virkni og nákvæmni er hægt að
færa óvissumörk mælinganna
niður, þannig að óvissa um eitt
hundrað ár er engan veginn
óbreytanleg tala. Að því er ég best
veit var aðeins eitt sýni sent héðan
til mælinga og að framansögðu má
Ijóst vera, að varast ber að draga
of miklar ályktanir af því. Einnig
má vel vera að sjálft sýnið, t.d. kol,
sé orðið gamalt þegar það er not-
að, og óvissan sem það veldur er
hlutur sem má heldur ekki gleym-
ast.
Mælingarnar fóru fram í Þránd-
heimi, en þar er traust og góð
rannsóknarstofa.Ég er með grein
þar sem eru niðurstöður aldurs-
greininga á norrænum fornleifum
frá Nýfundnalandi sem norski
fornleifafræðingurinn Helge
Ingstadt gróf upp á sínum tíma.
Ef teknar eru út einstakar mæl-
ingar þar má fá niðurstöður sem
eru langt frá hinu rétta gildi, með-
altalinu,“ sagði Páll Theodórsson.
„Ég held að óhætt sé að fullyrða
að þetta muni ekki breyta þjóðar-
sögunni til mikilla muna,“ sagði
Gunnar Karlsson sagnfræðingur
er Morgunblaðið innti hann álits á
hinum nýja fornleifafundi á Dag-
verðarnesi. „Það kemur í sjálfu sér
ekki á óvart að hér finnist mann-
vistarleifar frá því fyrir víkinga-
öld. Mér þykir ekki ólíklegt að
hingað hafi komið fólk og sest að
fyrir landnám norrænna manna
sem getið er um í Landnámu. Það
er hins vegar staðreynd, að menn-
ing okkar er af norrænum toga
spunnin og fundurinn breytir í
sjálfu sér engu þar um. — Þessi
fornleifafundur bendir alls ekkl til
þess að endurrita þurfi fslands-
söguna," sagði Gunnar Karlsson
að lokum.
Skálholtshátíðin
á morgun:
Minnst verð-
ur 170 ára
afmælis Hins
íslenska
biblíufélags
Hin árlega SkálholLshátíð verður
á morgun, sunnudaginn 21. júlí.
Hátíðin hefst með klukkna-
hringingu kl. 13.30. Klukkan 14.00
ganga biskupar og prestar skrúð-
göngu til kirkju, þar sem sungin
verður hátíðarmessa. Séra
Sveinbjörn Sveinbjörnsson pró-
fastur predikar, en ásamt honum
þjóna fyrir altari þeir séra Ólafur
Skúlason vígslubiskup og séra
Guðmundur Óli Ólafsson. AUir
þættir messunnar eru raddsettir
af Dr. Róbert Abraham Ottóssyni.
Skálholtskórinn syngur undir
stjórn Glúms Gylfasonar. Orgel-
leikari er Björn Sólbergsson, en
einnig leika þeir Jón Hjaltason og
Sveinn Birgisson undir á trompeta
og Davíð Kolbeinsson á óbó. Með-
hjálpari er Björn Erlendsson.
Klukkan 16.30 hefst síðan í
kirkjunni samkoma sem helgúð er
170 ára afmæli Hins íslenska
biblíufélags. Þar verður meðal
annars flutt dagskrá sem Guðrún
Ásmundsdóttir hefur tekið saman
og nefnist „Guðleg ný tíðindi —
svo sem kvað Oddur Gottskálks-
son“. Flytjendur ásamt Guðrúnu
eru Auður Bjarnadóttir, Hall-
grímur Helgason og Karl Guð-
mundsson.
Séra Felix Ólafsson flytur er-
indi sem hann nefnir „Ébenezer
Henderson: Postuli Biblíufélags-
ins“. Guðmundur Gíslason syngur
einsöng og séra Helga Soffía
Konráðsdóttir flytur ritningarorð
og bæn. Einnig verður leikið á
orgel og óbó og samkomunni lýkur
með almennum söng.
Hópferð verður á hátíðina frá
Umferðarmiðstöðinni í Reykjavík
kl. 12.00 og til baka að henni lok-
inni. Einnig munu Ás- og Laugar-
nessöfnuður gangast fyrir sér-
stakri safnaðarferð á hátíðina.

'.GERÐU PER GIAÐATí DAG.
• • • • • ÍKT* á _ • • •
\w *.\ npau ,\ .w •
kynningarverös á góöu kexi t
Gildiríjúlí og ágúst í öllum góöum verslunum