Morgunblaðið - 20.07.1985, Blaðsíða 22

22
MORGUNBLAÐIÐ, LAUGARDAGUR 20. JÚLl 1985
Agca við-
staddur-
réttar-
höld á ný
Kóm, 18. júlí. AP.
MEHMUT Ali Agca mætti aftur fyrir
rétt í dag, eftir að hafa verið fjar-
staddur réttarhöidin vegna tilræðis-
ins við páfa, í tvo daga. Honum og
öðrum Tyrkja lenti saman í réttar-
höldunum í dag, en Agca hefur sakað
Tyrkjann um að hafa aðstoðað sig við
að skjóta páfa.
Tyrkinn, Musa Serdar Celebi, og
Agca, sátu í nokkurra metra fjar-
lægð hvor frá öðrum og gengu
ásakanir um ósannindi á báða
bóga. Agca sagði að Celebi hafi,
ásamt honum sjálfum, lagt á ráðin
um tilræðið þegar þeir hittust í
Mílanó í desember 1980. Þeir hafi
svo aftur átt fund saman í Ziirich í
Sviss þremur mánuðum síðar.
Agca sagði einnig að þeir hefðu
rætt smáatriði varðandi tilræðið í
síma. Celebi mótmælti þessum
ásökunum í réttarhöldunum í gær
og hófu Tyrkirnir tveir þá að hrópa
ókvæðisorð hvor að öðrum á
ítölsku.
Dómarinn þurfti að fara fram á
hlé á réttarhöldunum vegna há-
vaða í salnum, en lögfræðingar
beggja mannanna og saksóknarinn
tóku einnig þátt í háreystunum.
Agca, sem fyrir tveimur dögum
neitaði að setjast aftur í vitnastúk-
una og sagðist ekkert meira hafa
um málið að segja, hefur sagt að
Celebi hafi átt að fá einn þriðja af
þeim 1,2 milljónum dollara (494
milljónum ísl. króna) sem sovéskur
embættismaður í Búlgaríu hét
Agca fyrir að drepa páfa.
Celebi, forseti samabands tyrkn-
eskra innflytjenda í Vestur-Þýska-
landi, viðurkenndi að hafa hitt
Agca í bæði Mílanó og Ziirich, en
sagöi að fundirnir hefðu verið
óformlegir og sagðist hvorki hafa
vitað nafn Agca, né að hann hafi
verið eftirlýstur fyrir morð í Tyrk-
landi. Celebi sagðist oft hafa átt
fundi með tyrkneskum innflytjend-
um og hefðu fundirnir með Agca
ekki verið frábrugðnir öðrum slík-
um fundum. Hann sagði Agca hafa
beðiö um peninga og aðstoð við að
finna starf. Hann hefði því lánað
honum sex eða átta hundruð þýsk
mörk (8.774 eða 11.685 ísl. krónur).
Dómarinn benti á að það væri
óvenju há upphæð til að lána
óþekktum manni, en Celebi sagði
að ekki hefði annað legið að baki en
að hjáipa samlanda sínum.
Kína:
275 létust í
miklum flóðum
PekinK, 19. júlí. AP.
STJÓRNVÖLD í Kína upplýstu í
dag, að 275 manns hefðu litið lífið í
flóðum sem orðið hefðu í suðaust-
urhluta landsins fyrr í þessum mán-
uði, hinum verstu um áratugaskeið.
Flóðin skemmdu eða eyðilögðu
um 30 þúsund heimili í héruðun-
um Guizhou og Sichuan. Þau
trufluðu daglegt líf hálfrar ann-
arrar milljónar manna í landinu.
Zhang Xingguo, talsmaður kin-
versku stjórnarinnar, sagði AP, að
rigningarnar, sem ollu flóðunum,
hefðu hafist 28. júní sl., en valdið
mestu tjóni fyrstu viku júlímán-
aðar.
Daily Mail f London:
leifar sovéskrar geim
á indversku þotuna?
Rákust
flaugar
London, 19. júlí. AP.
BLAÐIÐ Daily Mail í London
skýrði frá því í dag, að Indverjarn-
ir sem eru að rannsaka orsök
flugslyssins undan írlandsströnd í
síðasta mánuði, séu að kanna þá
tilgátu, að leifar sovésku geim-
flaugarinnar „Progress 24“ hafi
rekist á flugvélina og valdið því að
hún hrapaði.
Blaðið sagði, að þrjár flaugar,
sem notaðar voru við að koma
„Progress 24“ út í himingeiminn,
hafi komið inn í gufuhvolf jarðar
á næstum nákvæmlega sama
tíma og indverska farþegaþotan
hvarf af ratsjám á Irlandi og
verið á sömu slóðum og hún.
„Rannsóknarmennirnir álíta,
að hugsanlega hafi leifar flaug-
anna ekki brunnið upp á leiðinni
til jarðar, heldur fallið á þak
stjórnklefa flugvélarinnar á gíf-
urlegum hraða," sagði blaðið.
Blaðið lagði áherslu á, að hér
væri þó aðeins um tilgátu að
ræða: „Flestir sérfræðingar telja
líklegast, að sprengja hafi valdið
flugslysinu, en engar óvefengj-
anlegar sannanir fyrir því að
sprenging hafi orðið hafa enn
komið fram.“
Indverska farþegaþotan fórst
23. júní sl. og með henni allir um
borð, 329 manns. Hún var á leið
frá Montreal í Kanada til
Bombay á Indlandi og var farin
að búa sig undir millilendingu á
flugvelli í London þegar hún
fórst.
Daily Mail sagði, að geim-
flauginni „Progress 24“, sem var
ómönnuð, hafi verið skotið á loft
20. júní og hafi tilgangurinn ver-
ið sá, að koma eldsneyti og vara-
hlutum til sovésku geimfaranna
Vladimirs Dzhanibekov og Vikt-
ors Savinykh. Þeir fóru út í
geiminn mánuði fyrr með Soyuz
T13-geimfari til að starfa í sov-
ésku geimstöðinni Salyut 7, sem
er á braut umhverfis jörðu. Hinn
23. júní hafi þrjár flaugar, sem
notaðar höfðu verið við geim-
skotið, og fleiri fylgihlutir
geimflaugarinnar, verið losaðir
frá henni og látnir falla til jarð-
ar. Blaðið hefur síðan eftir
ónafngreindum starfsmönnum
geimrannsókna í Bandaríkjun-
um og Bretlandi, að aflhreyflar
sovésku geimflaugarinnar hafi
hrapað inn á flugleið indversku
þotunnar fimmtán mínútum eft-
ir að hún fórst, og segir að ind-
versku rannsóknarmennirnir
telji hugsanlegt að aðrar leifar
geimflaugarinnar kunni að hafa
komið fyrr inn f lofthjúp jarðar
og rekist á þotuna.
Bretland:
Hart deilt á Thatcher fyrir
launahækkun embættismanna
— geldur afhroö í skoðanakönnunum
London, 19. júlí. AP.
MARGARET Thatcher, forsætisráðherra Bretlands, þykir nú eiga í vök að
verjast. Hún sætir harðri gagnrýni stjórnarandstæðinga fyrir að hafa ákveð-
ið, að hækka verulega laun háttsetta ríkisstarfsmanna og skoðanakannanir
sýna, að íhaldsflokkurinn hefur minna fylgi kjósenda en flokkar stjórnar-
andstæðinga, Verkamannaflokkurinn, og Bandalag frjálslyndra og jafnað-
armanna.
Launahækkunin er 17,6% og
tekur gildi í tveimur áföngum, í
þessum mánuði og mars nk. Til
dæmis um hækkunina má nefna
að eftir hana verða árslaun hátt-
settra embættismanna í ráðu-
neytum 60.000 sterlingspund
(jafnvirði um 3,4 milljóna ísl.
króna), en voru 40.000 pund (jafn-
virði um 2,6 milljóna ísl. króna).
Thatcher greindi frá launa-
hækkuninni í Neðri málstofu
breska þingsins á fimmtudag,
sama dag og fjölmiðlar í Bretlandi
skýrðu frá því að fylgi íhalds-
flokksins væri minna en nokkru
sinni frá því í kosningunum 1983.
Forsætisráðherrann sagði, að
hækkunin væri gerð í því skyni að
koma í veg fyrir að hæfileikamenn
hrökkluðust úr störfum hjá rík-
inu.
Samtök breskra kennara, sem
eiga í alvarlegri launadeilu við
Margaret Thatcher
ríkið, hafa fordæmt hækkunina.
Fred Smithies, leiðtogi kennara-
samtakanna, sagði, að ef ríkis-
stjórnin gæti fundið peninga til að
greiða „toppunum" svo há laun
sem raun bæri vitni, hlyti hún að
geta útvegað þær 35 milljónir
punda (jafnvirði um 2.000 millj-
óna ísl. króna), sem þyrfti til að
leysa kjaradeiluna við kennara.
Kennarar fara fram á 12,4%
launahækkun og hafa hafnað til-
boði um 6,06% hækkun.
Launahækkunin, sem Thatcher
greindi frá, mun kosta ríkissjóð
9,8 milljónir punda (jafnvirði um
564 milljóna ísl. króna) og koma
664 háttsettum ríkisstarfs-
mönnum til góða, 206 lægra sett-
um starfsmönnum og 1.084
mönnum í dómarastétt.
Samtök bandarískra lögfræðinga:
Aðstoða fjölmiðla við að móta siða-
reglur um fréttir af hermdarverkum
Warren E. Burger, forseti Hæstaréttar Bandaríkjanna, ávarpar þing Samtaka bandarískra lögfræðinga, við
setningu þess í London á mánudag.
London, 19. júlí. AP.
SAMTÖK bandarískra lögfræðinga
(ABA), sem nú þinga í Albert Hall í
London, hyggjast hafa frumkvæði
að því að aðstoða fjölmiðla við að
móta siðareglur um fréttaflutning
af hryðjuverkum og flugránum.
Það var William W. Falsgraf,
forseti samtakanna, sem greindi
frá þessu á fundi með blaða-
mönnum í gær. Falsgraf sagði, að
hann hygðist fela tveimur
starfshópum ABA að ræða þetta
mál við yfirmenn fjölmiðla. Hann
sagði að slíkar reglur gætu haft
áhrif ef þær væru skynsamlega
mótaðar og fjölmiðlar væru
sannfærðir um að það væri í þágu
allra frjálsra þjóða að fara eftir
þeim.
Margaret Thatcher, forsætis-
ráðherra Bretlands, flutti ávarp
við setningu þings ABA á mánu-
dag, og hvatti þá til þess að fjöl-
miðlar heims þóknuðust ekki
ofbeldisöflum. Hún lagði til, að
fjölmiðlar settu sér sjálfir siða-
reglur er kæmu í veg fyrir að
hryðjuverkamenn hefðu beinan
aðgang að fréttaflutningi.
„Flugræningjar og hryðju-
verkamenn nærast á athyglinni,
sem þeim er veitt, og án hennar
mundu verk þeirra og áhrif vera
langtum minni en nú er,“ sagði
forsætisráðherrann.
Edwin Meese, dómsmálaráð-
herra Bandaríkjanna, greindi síð-
an frá því á miðvikudag, að ráðu-
neyti sitt íhugaði að senda fjöl-
miðlum beiðni um að þeir settu
sér sjálfir ákveðin takmörk varð-
andi fréttaflutning af hryðju-
verkum og flugránum.
Hugmyndir þessar fylgja í
kjölfar mikillar umræðu um
fréttaflutning af flugræningjum
og hermdarverkamönnum í Beir-
út i síðasta mánuði. Hefur því
m.a. verið haldið fram, að ræn-
ingjunum hafi verið veitt slík at-
hygli og fengið að baða sig svo
mjög í fréttaljósi stærstu sjón-
varpsstöðva Bandaríkjanna, að
tala megi um að þeim hafi verið
hampað þar.
Falsgraf sagði á blaöamanna-
fundinum, að hann væri sammála
skoðunum Tahtchers og Meese,
að ekki kæmi til greina að setja
lög er takmörkuðu fréttaflutning
af hryðjuverkamönnum, enda
væri slíkt sennilega brot á stjórn-
arskrá Bandaríkjanna. Hins veg-
ar væru siðareglur, sem fjölmiðl-
ar settu sér sjálfir, annar hand-
leggur.
„Það er augljóst," sagði Fals-
graf, „að eitt af skammtíma-
markmiðum hryðjuverkamanna
er, að fá menn til að veita mál-
stað sínum athygli, hver sem
hann er; að sá fræum misklíðar
og ótta, og ýta undir ringulreið í
því ríki, sem athafnir þeirra bein-
ast gegn.“ Hann sagði, að með
reglum um fréttaflutning i slík-
um tilvikum væri verið að svipta
hryðjuverkamenn þessu vopni og
vernda almenning.