Morgunblaðið - 20.07.1985, Blaðsíða 23

MORGUNBLAÐIÐ, LAUGARDAGUR 20. JÚLÍ 1985
23
Enn í hungurverkfalli
Séra Miguel d’Escoto Brockman, utanríkisráðherra Nicaragua, við lest-
ur heilagrar ritningar I kirkju sinni í Managua. Hann hefur nú verið f
hungurverkfalli í 11 daga til að mótmæla „hryðjuverkastefnu Banda-
ríkjamanna gagnvart Nicaragua”, eins og hann kallar það.
Kaupmannahöfn:
YjRr 90% kjósa
bálför frem-
ur en jarðarför
Kaupmannahöfn, 18. júlí. AP.
í Kaupmannahöfn er orðið æ al-
gengara að fólk biðji um að láta
brenna jarðneskar leifar sínár í stað
þess að láta jarða sig á hefðbundinn
hátt, að sögn yfirvalda í borginni.
Yfir 90% látinna í Kaupmanna-
höfn undanfarin ár, hafa óskað
eftir bálförum og um helmingur
þeirra biður um að askan verði
sett í ómerkta gröf.
„Kg tel ástæðuna vera breytt
viðhorf nútímafólks," sagði Jörgen
E. Christensen, forstöðumaður
kirkjugarðanna í Kaupmanna-
höfn. „Fólk vill lifa í minningum
fjölskyldna sinna, en vill ekki vera
þeim til by.rði." Hann sagði einnig
að það væri fólk úr öllum stéttum
þjóðfélagsins sem óskaði eftir að
láta brenna líkama sinn að sér
látnum og í flestum tilfellum hefði
kostnaðurinn ekkert með málið að
gera, þrátt fyrir að bálfarir séu
ódýrari en venjulegar greftranir.
Aukin eftirspurn eftir bálförum
hefur létt á yfirvöldum í borginni
við að finna svæði undir nýja
kirkjugarða og hefur einnig auð-
veldað viðhald kirkjugarðanna.
Útlit kirkjugarðanna hefur
breyst töluvert síðan bálfarir urðu
algengari, en nú er að jafnaði stór
hluti í hverjum kirkjugarði þak-
inn grasi og runnum, þar sem und-
ir eru hinar ómerktu grafir.
Heildarstærð kirkjugarðanna hef-
ur ekki minnkað að neinu ráði, en
grafirnar verða sífellt minni,
sagði Christensen.
Þessi mikla aukning á bálförum
virðist aðeins eiga við Kaup-
mannahöfn, en annars staðar i
Danmörku hafa ekki orðið miklar
breytingar á greftrun hinna látnu.
Annars staðar á Norðurlöndum
hafa óskir um bálfarir aukist lít-
iltega undanfarin ár, en hæsta
hlutfallið er samt í Kaupmanna-
höfn.
Sovéskur fréttamaður
sakaður um njósnir
Tókýó, 19. júli. AP.
JAPANSKA utanríkisráðuneytið bar fram formleg mótmæli i fóstudag við
sovéska sendiráðið þar I landi, eftir að sovéskur fréttamaður, grunaður um
njósnir, yfirgaf Japan án þess að mæta til yfirheyrslu hjá lögreglunni.
Issei Nomura, yfirmaður Sovét-
-deildar hjá japanska utanríkis-
ráðuneytinu, kallaði sovéska
sendiráðsfulltrúann, Ishenbai
Abdurazakov, á sinn fund og mót-
mælti vinnubrögðum frétta-
mannsins, sem utanríkisráðuneyt-
ið taldi að brytu í bága við japönsk
lög.
Abdurazakov vildi hins vegar
ekki viðurkenna að nokkuð hefði
verið athugavert við fréttaöflun
blaðamannsins frá Tass-frétta-
stofunni, Konstantin Preobrazh-
ensky. Hann var grunaður um að
hafa haft i hótunum við eða mútað
kínverskum manni til að gefa sér
leynilegar upplýsingar um Kína.
Preobrazhensky neitaði að mæta
til yfirheyrslu og fór til Sovét-
ríkjanna á þriðjudag.
Sovétmenn tvöfalda efna-
hagsaðstoð við Víetnam
Banpkok, Thailandi. 19. júli. AP.
HIN opinbera fréttastofa Víetnams
skýrði frá því á föstudag, að Sovét-
stjórnin hygðist rúmlega tvöfalda
efnahagsaðstoð sína við landið á ár-
unum 1986—1990, miðað við næsta
fimm ára tímabil þar á undan.
Þá kom fram, að Sovétmenn
hefðu heimilað Víetnömum að
fresta endurgreiðslum á lánum,
sem þeir hafa tekið í Sovétríkjun-
um, og ætluðu jafnframt að auka
aðstoð við olíu- og gasvinnslu og
taka að sér byggingu stáliðjuvers í
Víetnam.
Vestrænir sérfræðingar í mál-
efnum Suðaustur-Asíu telja, að
Sovétstjórnin verji á degi hverjum
meira en einni milljón banda-
ríkjadollara (rúmlega 40 milljón-
um ísl. króna) í efnahagslega og
hernaðarlega aðstoð við Víet-
nama. Hanoi-stjórnin endurgreiði
aðeins lítinn hluta þessarar að-
stoðar í formi vöruútflutnings til
Sovétríkjanna.
Megum við gefa þér ráð?
Stendur valið um að kaupa nýjan bíl eða notaðan?
Við mælum með nýjum bíl.
Evrópskan eða japanskan?
Við mælum með evrópskum.
Dýran eða ódýran?
Við mælum með því að þú kannir rækilega
hvert hlutfallið er milli gæða og verðs,
væntanlegs viðhaldskostnaðar og endursölu-
verðs. Það auðveldar þér að velja þann bíl sem
í raun reynist ódýrastur.
Við mælum með nýjum Opei Ascona
BÍLVANGUR Sf?
HÖFÐABAKKA 9 SÍMI 687300
Mjög hagstæðir greiðsluskilmálar og gamli bíllinn er jafnvel tekinn
upp í.þann nýja!