Morgunblaðið - 21.07.1985, Blaðsíða 24
24
MORGUNBLAÐIÐ, SUNNUDAGUR 21. JÚLÍ 1986
SVIPMYND Á SUNNUDEGI
GELDOF
FYRIR ÁRI hefði fáum dottið í hug að tónlistar-
manninum Bob Geldof yrði líkt við dýrling, enda
var hann þá lítt þekktur á meðal annarra en að-
dáenda pönktónlistar. Nú hefur hins vegar æska
vesturheims næstum tekið Geldof í heilagra
manna tölu og á ekki ómerkari stöðum en þingum
þriggja landa, hafa komið fram tillögur um að
útnefna hann til friðarverðlauna Nóbels.
Þessi snöggu umskipti urðu þegar Geldof hóf
að afla fjár handa hungruðum heimi á síðasta ári.
Hann fékk til liðs við sig nokkra þekkta breska
tónlistarmenn og saman fluttu þeir lagið Do they
know it’s Christmas. Allur ágóðinn af sölu skíf-
unnar var látinn renna til sveltandi fólks í Afríku.
MorgunbUftið/AP
Bob Geldof, Lh. ásamt David Bowie, Lindu og Paul McCartney að loknum hljómleikunum á Wembley.
Dýrlingur eða heimsmaður
með stórmennskubrjálæði?
Geldof færði sér þá í nyt góðar
undirtektir almennings og réðst
í miklu stærra fyrirtæki —
nefnilega hljómleika aldarinnar.
Hann vann að því nótt og dag að
fá marga þekktustu tónlistar-
menn vesturlanda til liðs við sig
og loks um síðustu helgi varð
draumur hans um hljómleika
sem fluttir voru samtímis beggja
vegna Atlantsála, að raunveru-
leika. Geldof gerði sér vonir um
að safna a.m.k. 565 milljónum
króna með framlögum almenn-
ings og myndu peningarnir
verða settir í sjóð til hjálpar
hungruðum í Eþíópíu. Almenn-
ingur varð við óskum Geldofs og
betur, þar sem alls söfnuðust um
2,8 milljarðar íslenskra króna.
En hver er þessi sérkennilegi
maður sem hefur verið nefndur
allt frá heimsmanni með stór-
mennskubrjálæði til dýrlings?
Útlit hans ber sannarlega ekki
með sér dýrlingasvip; úfið hár og
slitnar gallabuxur. Geldof er 32
ára gamall, 190 sm á hæð og 67
kg á þyngd. Svipur hans er reiði-
iȒi 'in
wœm. i íf í
legur og tilsvör hans yfirleitt
hranaleg. Þrátt fyrir að útlitið
beri ekki með sér mikinn heilag-
leika, hefur heillaóskum rignt
yfir Geldof síðan hljómleikarnir
fóru fram og unglingar ákalla
hann sem goð. Þrátt fyrir að
ekki hafi allir sannfærst um
góðan vilja Geldofs og tilgang
hljómleikanna miklu, hafa þing-
menn þriggja þjóða mælt með
útnefningu Geldofs til friðar-
verðlauna Nóbels og hugmynd
um að slá hann til riddara f
Bretlandi hefur skotið upp koll-
inum. Framtak hans hefur
a.m.k. hlotið heimsathygli, því
þar sannaðist að þjóðir heimsins
geta sameinast f átaki til að
hjálpa sveltandi fólki í annarri
heimsálfu.
Sjálfur gerir Geldof lítið úr
dýrlingaímyndinni og segist að-
eins hafa viljað leggja sitt af
mörkum til bjargar fólki sem
hann sá deyja úr hungri á sjón-
varpsskerminum.
„Geislabaugar geta verið mjög
þungir og þeir ryðga fljótt," seg-
ir Geldof um dýrlingsimyndina.
Faðir hans var verslunarmað-
ur í úthverfi Dublin á írlandi og
þar sleit tónlistarmaðurinn
barnsskónum. Æska hans var
tíðindalítil, en eftir grunnskóla-
nám, tók Geldof sér störf af
ýmsum toga. Hann vann um
tíma sem flutningabílstjóri, þvf
næst sem götutónlistarmaður og
loks sem starfsmaður í verk-
smiðjum. Áður en Geldof snéri
sér alfarið að tónlistinni, vann
hann sem tónlistarblaðamaður.
Hljómsveitina Boomtown
Rats stofnaði hann ásamt
nokkrum félögum árið 1975, í
upphafi pönktímabilsins. Breska
dagblaðið The Observer segir að
á hljómleikum Boomtown Rats
hafi verið sýndar klámkvik-
myndir á sviðinu á meðan
hljómsveitarmeðlimirnir gáfu
rottum í búrum hráa lifur að éta.
Þegar hljómleikarnir stóðu sem
hæst, var rottunum sleppt laus-
um, til „að lífga aðeins upp á
hljómleikana".
Hljómsveitin flutti frá Irlandi
til Englands árið 1977 og varð
frægust fyrir lögin I don’t like
Mondays og Rat Trap. Eftir
smellina tvo, fóru vinsældir
Boomtown Rats að dvína og síð-
an 1981 hafa lög þeirra ekki náð
langt á vinsældarlistum í Evr-
ópu, en hljómsveitin átti aldrei
neinu verulegu fylgi að fagna í
Bandarikjunum.
Geldof fullyrðir að með heims-
tónleikunum, Live Aid, hafi
hann ekki haft í huga að auglýsa
hljómsveit sína upp, þrátt fyrir
að margur gagnrýnandinn haldi
því fram. Geldof nefndi sem
dæmi að viðtökur almennings
við breiðskífu sem hljómsveitin
gaf út fyrr á þessu ári, hafi verið
hroðalegar.
Geldof er nú búsettur f Lund-
únum ásamt sambýliskonu sinni,
Paulu Yates sem vinnur fyrir
breska sjónvarpið, og tveggja
ára dóttur þeirra, Fifi.
Geldof hræðist engan; þegar
Margrét Thatcher, forsætisráð-
herra Bretlands, veitti honum
viðurkenningu fyrir gott fram-
tak f mannúðarmálefnum sl.
febrúar þá gagnrýndi hann
forsætisráðherrann opinberlega
fyrir að ýta ekki á eftir Evrópu-
bandalaginu að senda smjörfjall
bandalagsins til hinna sveltandi
í Afríku.
Geldof var boðið til kvöldverð-
ar í Buckinghamhöll sl. þriðju-
dag og sýndi hann þar, að hann á
til fleira f fataskáp sinum en
gallabuxur. Hann mætti til
málsverðarins í sísiu fínasta
pússi f jakka og með þverslaufu.
Þau Geldof, Díana prinsessa og
Karl prins hlustuðu sfðan á sf-
gilda tónlist i salarkynnum hall-
arinnar. Eftir boðið sagði Geldof
við blaðamenn að honum hefði
verið mikill heiður sýndur með
heimboði konungsfjölskyldunn-
ar en sagði svo: „Nú, þau komu í
mína veislu svo það er sjálfsagt
að ég mæti í þeirra." Geldof dáð-
ist mjög að því hve fróður prins-
inn var um ástandið f Afríku og
sagði að þeir hefðu rætt þau
málefni mestan hluta kvöldsins.
Karl og Díana voru bæði við-
stödd hljómleikana á Wembley-
leikvanginum og létu fé af hendi
rakna til söfnunarinnar, en ekki
hefur verið gefið upp hve mikið.
Helga Guðrún tók saman.
Heimildir: Associated Press,
Herald Tribune, Aftenposten
MorgunblaAið/AP
Hugmynd Geldofs orðin að veruleika — þúsundir manna söfnuðust saman á Wembley-leikvanginum í Englandi
og i John F. Kennedy-leikvanginum í Ffladelfíu til að hlýða á marga þekktustu tónlistarmenn leika. Talið er að
alls hafi um 1500 milljónir manna fylgst með hljómleikunum, a.m.k. einhvern hhita þeirra.