Morgunblaðið - 31.07.1985, Blaðsíða 33

MORGUNBLAÐIÐ, MIÐVIKUDAGUR 31. JÚLÍ 1985
33
sitt hæga og þægilega viðmót. Ró-
lyndismaður og geðprúður, en þó
ákveðinn og fastur fyrir ef á þurfti
að halda.
Höfðingsskapur einkenndi Júlí-
us öðru fremur og var gjafmildi
hans og konu hans Ingibjargar
einstök, og nutum við fjölskylda
þeirra hennar fyllilega. Ávallt
voru þau tilbúin að rétta hjálpar-
hönd þegar á reyndi.
Indælt var að sækja þau hjón
heim og tekið var á móti öllum
opnum örmum.
Fjölskyldan var ætíð efst í huga
Júlíusar og fylgdist hann með
henni í leik og starfi. Barnabörnin
voru honum sérstaklega kær og
hjartfólgin, þau sjá nú á eftir góð-
um og elskulegum afa. Júlíus var
mikið veikur og máttfarinn síð-
ustu daga ævi sinnar, var honum
það þung raun, manni sem ætíð
hafði verið heilsuhraustur og at-
orkusamur.
Við fjölskyldan þökkum Júlíusi
samveruna og kveðjum hann með
söknuði, en minningin um góðan
dreng mun lifa áfram meðal
okkar.
Deyr fé,
deyja frændr,
deyr sjalfr it sama;
en orðstírr
deyr aldregi,
hveim er sér góðan getr.
(Úr Hávamálum)
Tengdadóttir
Minning:
Júlíus Jóns-
son verkstjóri
Þann 14. þ.m. andaðist í Landa-
kotsspítala Júlíus Jónsson, verk-
stjóri hjá iðnaðardeild ÁTVR.
Hann fæddist 6. september 1911 á
Miðbæ í Norðfirði, sonur Jóns
Björnssonar, bónda þar, og Sigríð-
ar konu hans Björnsdóttur frá
Þverfelli í Lundarreykjadal. Urðu
þau Miðbæjarsystkinin átta og er
nú aðeins eitt þeirra á lífi, Ástrún,
gift Agli Þorfinnssyni og búa þau
í Keflavík.
Á yngri árum stundaði Júlíus
jarðyrkjustörf og sjómennsku, en
eftir að hann flutti til Reykjavík-
ur lagði hann fyrir sig leigubíla-
akstur, en lengst af hefur hann
unnið hjá iðnaðardeild ÁTVR, í
um eða yfir 40 ár, af mikilli
trúmennsku, enda maðurinn ör-
uggur og áreiðanlegur í alla staði.
Árið 1941 kvæntist Júlíus Ingi-
björgu Einarsdóttur Hróbjarts-
sonar póstfulltrúa í Reykjavík,
hinni ágætustu konu. Hafa þau
búið í farsælu hjónabandi og verið
samhent um þroska og velferð
barna sinna. Oft var gestkvæmt á
heimili þeirra enda tekið alúðlega
og glaðlega á móti gestum og
gangandi. Ekki síst áttu ferða-
langar að austan oft og tíðum gott
athvarf á Kvisthaga 1.
Þau Ingibjörg og Júlíus eignuð-
ust fimm börn, sem öll eru dugn-
aðar- og myndarfólk. Þau eru: Dr.
Einar, eðlisfræðingur, kvæntur
Valfríði Gísladóttur garðyrkju-
fræðingi og eiga þau þrjú börn.
Sigríður, gift Dr. Rögnvaldi Ólafs-
syni eðlisfræðingi, eiga þrjú börn.
Jón, tæknifræðingur og bóndi,
kvæntur Jónínu Zophoníasdóttur,
þau eiga þrjú börn, en eitt barn
eignaðist Jón áður en hann kvænt-
ist. Áslaug, kennari, gift Jóhanni
Stefánssyni, kennara. Björn, bú-
tæknifræðingur, kvæntur Rann-
veigu Einarsdóttur, sjúkraþjálf-
ara, og eiga þau þrjú börn.
Júlíus var frábær heimilisfaðir,
sem vildi í hvívetna sjá heimili
sínu borgið og láta það í engu
skorta. Hann vakti yfir velferð
barna sinna. Góðviljaður var hann
öllum, bæði skyldum og óskyldum.
Greiðamaður var hann mikill svo
að iðulega var bónin ekki aðeins
fúslega veitt, heldur meira í té lát-
ið en um var beðið.
Nú þegar lífsgöngunni er lokið
og móðan mikla skilur lifendur og
dáinn verður bert hve mikils er
misst og þakka ber margt, góðvilj-
ann allan sem veittur var, alúðina
og áhugann á samferðamönnun-
um, gleðina yfir velgengni ann-
arra, sem ekki duldist. Þakkirnar
vilja máske koma fullseint. Við
gleymum oft þakkarefninu „með-
an við erum enn á veginum" og
sjáum ekki hvað átt höfum fyrr en
misst höfum.
Með Júlíusi er góður þegn geng-
inn.
Blessuð sé minning hans.
Sveinbjörn Einarsson
Mig langar með fáeinum orðum
að minnast tengdaföður míns, sem
lét þann 14. júlí síðastliðinn eftir
stutta sjúkralegu.
Við fráfall Júlíusar höfum við
misst mikið og erfitt verður að
fylla það mikla skarð, sem hann
skilur eftir.
Júlíus var sérstakur maður, með
HLJSA
Byggingamarkaður við Sund SIVIIÐJAIM Súðarvogi 3-5 Sími 687700
ffatgmt*
í Kaupmannahöfn
FÆST
í BLAÐASÖLUNNI
ÁJÁRNBRAUTAR-
STÖOINNI
OG Á KASTRUP-
FLUGVELLI
ÞAÐ ER GAMAN
AÐ SMIÐA..
Það er svo margt sem fólk er að fást við, og margir hafa ánægju af.
Nýsmíði, breyta, bæta og laga.
Húsasmiðjan hefur ótrúfegt úrval smíðaefnis, verkfæra, pípulagningaefna,
hreinlætistækja, viðarklæðninga, málningu, fúavarnarefni og fjölda annarra eftirsóknarverðra
hluta í nýju versluninni sinni í Súðarvoginum.
Það er þess virði að koma í Húsasmiðjuna, byggingarmarkaðnum við Sund.