Morgunblaðið - 01.08.1985, Blaðsíða 13
MORGUNBLAÐIÐ, FIMMTUDAGUR 1. ÁGÚST 1985
13
Sýning í Ólafsvík
SÝNINGIN „Architectural Renewal
Exhibit Uií.A." verður opnuð föstu-
daginn 9. ágúst n.k. f samkomusal
skólans í Ólafsvík.
í fréttatilkynningu frá Menn-
ingarstofnun Bandaríkjanna, sem
fyrir sýningunni stendur, segir
m.a.:
„Architectural and Renewal
Exhibit” lýsir nokkrum úrlausn-
um arkitekta víðs vegar i Banda-
ríkjunum á þeim vanda, sem kem-
ur upp þegar gömlum miðhverfum
stórborga tekur að hraka og þau
missa aðdráttarafl sitt fyrir fólk
og fyrirtæki. Sýnd eru dæmi um
það hvernig tekist hefur að glæða
slík hverfi lífi og fegurð á nýjan
leik með því að sameina hugvit og
krafta arkitekta, verktaka, fjár-
málamanna og fleiri aðila.
Sýningin verður opin í skólan-
um föstudaginn 9. ágúst til kl. 22,
en frá kl. 16 til 20 á laugardögum
og sunnudögum. Á virkum dögum
verður sýningin opin á kvöldin
milli kl. 20 og 22, en henni lýkur
sunnndaginn 18. ágúst kl. 20.
Tilgangiirinn í
lífinu og ann-
að tilfallandi
Kvikmyndlr
Árni Þórarinsson
Stjörnubíó: Blað skilur bakka og
egg — The Razor's Edge ★ * 'A
Handari.sk: Árgerð 1984.
Handrit: John Byrum, Bill Murray,
eftir skáldsögu W. Somerset
Maugham.
Leikstjóri: John Byrum.
Aðalhlutverk: Bill Murrey, Ther-
esa Russel, Catherina Hicks,
Danholm Elliott, James Keach.
Titill sögunnar The Razor’s
Edge er sóttur í þau ummæli
einnar persónunnar, munks i
Tíbet, að einstigið áleiðis til
sáluhjálpar sé álíka erfitt yfir-
ferðar og hnífsegg. Þetta fær
söguhetja Maughams, Larry
Darrell, að reyna. Eftir að hafa
horfst í augu við dauðann í eld-
línu fyrstu heimsstyrjaldarinnar
snýr Larry heim til viðhafnar-
mikils lífsmynsturs síns í
Bandaríkjunum breyttur maður.
Hann hafnar þessu mynstri, af-
lýsir brúðkaupi sínu og ungrar
hefðardömu og heldur til París-
ar að leita að sjálfum sér eins og
það er kallað. Eftir nokkurt slór
heldur hann áfram að leita hjá
vitrum munkum i Indlandi og
Tíbet og finnur innri frið með
því að vísa á bug eftirsókn eftir
efnislegum gæðum. En hann
kemst að raun um að vandað líf-
erni og afneitun veitir enga
tryggingu fyrir hamingju í til-
finningalegum samskiptum við
fólk, vini og ástkonur.
Þetta er önnur atrenna kvik-
myndagerðarmanna að heim-
spekilegri skáldsögu W. Somer-
sets Maugham. Þá fyrri, mynd
Edmund Goldings frá 1946 með
Tyrone Power, Gene Tierney,
Clifton Webb og Anne Baxter,
hef ég ekki séð, né heldur hef ég
lesið söguna. Þessi nýja kvik-
mynd þeirra Johns Byrum og
Bills Murray ber það aftur á
móti með sér að þótt þessi dæmi-
saga Maughams sé ekki sérlega
djúp eða frumleg þá er í henni
frekar sjarmerandi titringur
gagnvart tilverunni, sígildar
spurningar bornar fram í safa-
ríkri skáldlegri matreiðslu án
þess að mikilfengleg svör leynist
í desertnum.
Það má Ijóst vera að bæði Byr-
um og Murray hafa haft bjarg-
fasta trú á viðfangsefni sínu.
Byrum hefur einkum skrifað
handrit í Hollyvood og í Bret-
landi, en jafnframt leikstýrt
a.m.k. tveimur mjög óvenju-
legum myndum — hinu heim-
spekilega klámleikríti Inserts,
sem fæst á myndböndum og ég
hef áður kynnt hér í blaðinu, og
bóhemmyndinni Heart Beat, um
vináttu skáldanna Jacks Kerou-
ac og Neals Cassady. Gildi þess-
ara mynda liggur frekar í
forvitnileika en gæðum og eink-
um sú síðarnefnda er háð sömu
annmörkum í handriti og The
Razor’s Eldge, þ.e. skorti á sam-
fellu í frásögn. Handrit þeirra
Byrums og Murrays heldur skil-
merkilega til haga fólki og at-
burðum, en tengingum er ábóta-
vant, einkum er oft erfitt að átta
sig á skiptingum í tíma og á milli
leikvettvanga.
Meginvandi kvikmyndarinnar
er þó Bill Murray í aðalhlut-
verkinu. Hann hefur greinilega
viljað losa ímynd sína sem kæru-
leysislegur skelmir í grínmynd-
um eins og Stripes, Meatballs, og
Ghostbusters. En hann er allt of
blæbrigðalaus leikari til að axla
alvarlegt hlutverk Larrys Darr-
elss, andlitið er með freðinn pók-
ersvip og slappur munnurinn og
dauðyflisleg augun geta i mesta
lagi tjáð stríðnislega ögrun sem
er langt frá því að duga þegar
túlka skal mann i innri baráttu
og sannleiksleit. önnur hlutverk
eru mun betur skipuð, einkum þó
Theresa Russell sem hin ólán-
sama ástkona og James Keach
sem vinur hans og eiginmaður
gömlu heitkonunnar. Hana á
Catherina Hicks aftur á móti í
dálitlum erfiðleikum með, enda
hlutverkið vanþakklátt. Sá óvið-
jafnanlegi Denholm Elliott
kryddar svo myndina í aukahlut-
verki snobbaðs en elskulegs
heimsmanns.
The Razor’s Edge hefur jafn-
framt til að bera mikla áferðar-
fegurð, þar sem eru kvikmynd-
un, leikmynd og búningar og
margar einstakar sviðsetningar
bera hæfileikum Johns Byrum í
því efni gott vitni. Þótt sitthvað
mætti betur fara í þessari mynd
er hún þó kærkomin tilbreyting
frá metnaðarleysi iðnvarnings-
ins sem nú ber mest á í bfóunum.
Coos Overbeeke
Myndlist
Bragi Ásgeirsson
Hafi einhverjir listnjótendur
sérstakan áhuga á löngum mál-
verkum á þverveginn væri upp-
lagt fyrir þá að skoða sýningu
hollenzka listamannsins Coos
Overbeeke í Nýlistasafninu.
Hann sýnir þar allmörg verk
fram til 4. ágúst, sem öll hafa
það sameiginlegt að vera mjó og
löng á þverveginn og af svipaðri
stærð.
Viðfangsefnið er og að jafn-
aði mjög í sömu ættina — skógi
vaxið landslag en yfirleitt byggt
upp á huglægan. hátt og með
ljóðrænu ívafi.
Fyrir listamanninum vakir
vafalítið að framkalla ákveðið
sjónrænt ferli og lífrænan stöð-
ugleika í myndfletinum og hon-
um tekst það allvel í sínum
bestu myndum.
Það má svo einnig með góðri
samvizku halda því fram að yf-
irbragð myndanna sé mjög í ætt
við heimaland hans og að þann-
ig séð sé listamaðurinn átthaga-
málari af fyrstu gráðu en
myndmálið alþjóðlegt.
Þetta, að mála löng málverk á
langveginn eða þverveginn, er
ekkert nýtt og hefur verið gert
hérlendis í áratug enda er þetta
skemmtileg íþrótt, sem hefur
fullan rétt á sér þótt fjarlægt sé
það gullna sniðinu sígilda.
Að vísu fussaði margur góður
málarinn við slíkri myndgerð er
hún komst fram en þær raddir
eru hljóðnaðar á tímum þegar
allt, eða a.m.k. nánast allt, er
leyfilegt.
Þetta er lagleg en ekki átaka-
mikil sýning hjá Coos Over-
beeke og hefði helst átt að vera
sett upp á öðrum árstíma.
Nýlistasafnið er ekki sér-
staklega virkt nú um hásumarið
— þyrfti að vera með sterka
samsýningu sem vel væri staðið
að og sannaði áþreifanlega
styrk þess og stöðu.
Metsölublaó á hverjum degi!
ER ENQN SPURNING,
HJÓUN FRÁ ERNINUM
STANDA
UPPUR
. . Reiðhjólaverslunin
ORNINN
Spítalastíg 8 og vió Óóinstorg símar: 14661,26888 I JLAIIU /N>