Morgunblaðið - 01.08.1985, Blaðsíða 36

36
MORGUNBLAÐIÐ, FIMMTUDAGUR 1. ÁGÚST 1985
Dragnótin skilar
besta þorskaflanum
Gæðamat fyrstu fimm mánuði ársins:
GÆÐAMAT á þorskafla bátaflotans fyrstu fimm mánuöi þessa árs var hærra en
á sama tíma á síðasta ári nema á þorski veiddum á handfæri og í dragnót. Hest
geðamat var fyrir þorsk veiddan í dragnót, en af honum fóru 97,6% í fyrsta
flokk. Af heildarþorskafla bátanna á þessu tímabili nú fóru 74,5% í fyrsta
geðaflokk en 72,1 %á síðasta ári. Af hefðbundnum togurum var bezt mat hjá
Sléttanesi ÍS, 98,9% í fyrsta flokk, en lakasta hlutfallið hjá togurunum var
49,6% í fyrsta flokk.
Að þessu sinni fóru 96% þorsk-
afla línubáta i fyrsta flokk en
95,7% í fyrra. 68,3% þorskafla
netabáta fóru nú í fyrsta flokk en
Hæsta verðið
fékkst fyrir
gámafisk
ÁSBJÖRN RE 50 seldi I Grimsby í
ger 188,4 tonn fyrir 7,2 milljónir
króna. llppistaðan í aflanum var
þorskur og meðalverðið var 38,23
krónur. Þá seldi Kolbeinsey ÞH i
Hull 159,7 tonn fyrir 6,7 milljónir,
meðalverðið 42,13 krónur.
Þá hafði einnig frést af einni
gámasölu ytra í gær, en þar fékkst
meðalverð krónur 48,67. í dag er
gert ráð fyrir að Rauðinúpur selji í
Hull og Óskar Halldórsson i
Grimsby.
65,3% i fyrra eða 3% meira nú.
96,1% afla handfærabáta fóru nú í
fyrsta flokk en 96,3% í fyrra. 97,6%
þorskafla dragnótarbáta fóru nú í
fyrsta flokk, en 97,7% í fyrra.
93,4% þorskafla báta með botn-
vörpu fór nú í fyrsta flokk, en
92,2% í fyrra. Sé miðað við heild-
armat á lönduðum þorski af bátum
á þeim löndunarhöfnum, sem tekið
hafa við 1.000 lestum eða meiru á
umræddu tímabili, kemur í ljós, að
hæst er matið á Húsavík, en þar
fóru 91% þorskafla bátanna í
fyrsta flokk. í Siglufirði fóru 88,6%
í fyrsta flokk og 87,1% á Stokks-
eyri. Þess ber að geta, þegar gæða-
mat á einstökum löndunarhöfnum
er borið saman, aö niðurstöður sýna
fyrst og fremst í hvaða veiðarfæri
þorskurinn á viðkomandi stöðum
hefur veiðzt. Ekki virðist marktæk-
ur munur á mati þorsksins milli
staða, þegar sömu veiðarfæri eru
borin saman. f skýrslu Fiskifélags
íslands var ekki getið um saman-
burð á gæðamati þorskafla togara
milli tímabilanna, en afli frystitog-
aranna fór allur f fyrsta flokk á
tímabilinu.
Samkvæmt upplýsingum Fiski-
félagsins byggist skýrslan á upplýs-
ingum vinnslustöðva um viðskipti
þeirra við einstök skip. í langflest-
um tilvikum fer uppgjör milli þess-
ara aðilja fram á grundvelli mats-
nóta opinberra matsmanna, en f
einstaka tilvikum er farið öðru vísi
að. Helstu undantekningar eru ann-
ars vegar frystitogararnir, þar sem
fiskur er jafnóðum unninn um borð
og því ekki metinn sérstaklega og
bátar, sem eru í eigu fjölskyldna,
sem jafnframt reka eigin fiskverk-
un. Þá er rétt að gæta þess, þegar
matsniðurstöður eru skoðaðar, að
mjög mismunandi magn liggur aö
baki þeirra. f sumum tilvikum er
um mjög lítið af fiski að ræða og
getur mat á honum því verið mjög
misjafnt og gefur ekki ailtaf rétta
mynd af heildarafla. Þetta á sér-
staklega við um skip, sem sigla með
meginhluta aflans, en landa stund-
um litlum hluta hér heima. Gæða-
matið miðast eingöngu við fisk, sem
landað er hér á landi.
Að sögn starfsmanna Fiskifé-
lagsins telja þeir útgáfu skýrslunn-
ar frá því hún hófst fyrir þremur
árum hafa haft i för með sér raun-
hæfari umræðu um ferskfiskmatið.
Hafi það jafnmframt leitt til þess,
að menn hafi vandaö meðferð afl-
ans betur en áður, eins og niður-
stöður sýni reyndar. Einnig geti
kvótakerfið haft einhver áhrif á
meðferð aflans til hins betra.
Þér mun líða vel
um helgina
með viðkomu hjá okkur
Blússur, buxur, peysur og fl.
fyrir verslunarmannahelgina.
Eigendaskipti urðu á Kirkjuhvoli og timburhúsinu við Templarasund 3
8l. þriðjudag. Nýstofnað samvinnufélag keypti húaeignirnar af Sigríði
Valdimarsdóttur.
Kirkjuhvoll seldur
Eigendaskipti hafa orðið á Kirkjuhvoli, húsinu við Kirkju-
torg 4 í Reykjavík, við Alþingishúsið. Seljandi er Sigríður
Valdimarsdóttir, en kaupandi nýstofnað samvinnufélag,
Kirkjuhvoll sf., sem annast mun rekstur hússins. Karl Stein-
grímsson, eigandi Pelsins, sérverslunar sem er til húsa í
Kirkjuhvoli, er aðili að kaupunum. Karl sagði að ekki hefði
verið tekin ákvörðun um nýtingu hússins í framtíðinni, en
ekki stæði til að taka meira rúm undir verslunina Pelsinn.
Ættarmót haldið að
Skarði í Dalsmynni
NIÐJAR JÓHANNS Bessasonar og
Sigurlaugar Einarsdóttur halda ett-
armót dagana 2.-4. ágúst, að
Skarði í Dalsmynni.
Þar bjuggu þau Jóhanna og Sig-
urlaug frá árinu 1869. Jóhann féll
frá 1912, en Sigurlaug bjó áfram
og síðan Jón, sonur þeirra og Sig-
rún Guðmundsdóttir, kona hans.
Sigurlaug Einarsdóttir lést 1927.
Jóhann Bessason var þjóðhaga-
smiður, bæði á tré og járn. Standa
enn ýmsar byggingar er hann átti
mestan hlut að svo sem Laufás-
bær, sem nú er minjasafn, og
Laufáskirkja. Jóhann var annálað
hraustmenni, víkingur til verka,
og úrræðagóður kallaður.
Börn þeirra Sigurlaugar og Jó-
hanns voru 10 sem náðu fullorð-
insaldri og komust vel til mennta.
Afkomendur þeirra munu nú vera
á sjötta hundrað.
Sjálft mótsvæðið verður sunnan
Skarðsgils, upp undir skóginum.
Góð tjaldstæði eru þar á túni.
Skírnir Jónsson, bóndi á Skarði
mun setja mótið klukkan 15.00 á
laugardag. Borðhald verður sam-
eiginlegt í Grenivíkurskóla um
kvöldið og hefst klukkan 19.30.
Svava Þórðardóttir flytur spjall.
Hljómsveit leikur fyrir dansi að
loknu borðhaldi. Helgistund verð-
ur í Laufáskirkju á sunnudag
klukkan 14.00, sem séra Bolli
Gústafsson annast. Ýmislegt
fleira verður á dagskrá. Á tjald-
stæði verður gos til sölu ásamt
fleiru. Snyrtiaðstaða er góð á
staðnum. í Grenivikurskóla er
svefnpokapláss. Mótinu lýkur á
sunnudagskvöld.
Flugfloti Leigufhigs Sverris Þóroddssonar yfir Reykjavík. Mvrgmbwa/KAX
Flogið á þjóðhátíð frá Hellu
LEIGUFLUG Sverris Þóroddssonar
verður með fast flug á þjóðhátíðina
í Vestmannaeyjum frá Hellu. Flogið
verður til Eyja á föstudag og laug-
ardag og frá Eyjum á sunnudag og
mánudag. Farseðlar eru seldir á
Hótel Mosfelli, Hellu.
Nánari upplýsingar gefa
starfsmenn Sverris Þóroddssonar
á skrifstofum félagsins á Reykja-
víkurflugvelli.
(KrélUtilkjnning.)
Prentiönaöurinn:
Vantar skeytingamenn
„ÞAÐ er ekkert nýtt að skortur sé
á skeytingamönnura, en það er rétt,
að við höfum reynt að fá menn er-
lendis frá og sem stendur starfa
tveir Englendingar hjá prentsmiðj-
unni, annar að skeytingu og hinn
við umbrot,“ sagði Knútur Sign-
arsson, skrifstofustjóri Prent-
smiðjunnar Odda hf., í samtali við
Morgunblaðið.
Knútur sagði að þar sem tíma-
ritum hefði fjölgað mjög á und-
anförnum árum og litprentun
færst í vöxt, ykist eftirspurnin
eftir skeytingar- og umbrots-
mönnum að sama skapi.
„Það er staðreynd að það kem-
ur ekki nóg af þessum mönnum á
markaðinn, og Iðnskólinn á vafa-
laust nokkra sök á því. Skólinn
hefur ekki upplýst krakka, sem
eru að hefja sitt nám, nægilega
vel um það hvar atvinnumögu-
leikarnir liggja,” sagði Knútur.
J