Morgunblaðið - 05.11.1985, Blaðsíða 2
2
MORGUNBLAÐIÐ, ÞRIÐJUDAGUR 5. NÓVEMBER 1985
ír *rf
Jón Baldvin reynir Grettistak
í KVÖLD klukkan 20 verður haldið í Laugardalshöll keppni um hver
hljóti titilinn Sterkasti maður íslands. Sex kraftakarlar munu þá reyna
með sér í margskonar aflgreinum.
Meðal greina, sem kapparnir munu reyna með sér í, er að taka
Húsafellshelluna í fang sér og hlaupa með hana í kapp við klukk-
una. Á föstudaginn voru þeir, sem að móti þessu standa, á Austur-
velli til að kynna keppnina og buðu áhorfendum að reyna sig.
Undirtektir voru heldur dræmar þar til Jón Baldvin Hannibalsson
reyndi að lyfta steini einum sem vóg aðeins 212 kíló. Jón náði að
láta vatna undir hann og eftir það tóku sig fleiri til og reyndu við
steininn.
Efnahagsþvinganir gegn Suður-Afríku:
Uppskipunarbann-
ið fyrir Félagsdóm?
BOÐAÐ uppskipunar- og afgreiðslu-
bann Dagsbrúnar á vörur til og frá
Suður-Afriku er ólöglegt að mati
Vinnuveitendasambands íslands. Er
gert ráð fyrir að síðar í þessari viku
verði haldinn fundur forráðamanna
Rekstrarvandi Hafskips:
Viðræðna
við okkur
ekki óskað
— segir Ómar Jóhanns-
son framkvæmdastjóri
Skipadeiidar Sambandsins
„ÞAÐ hefur ekki verið leitað til
okkar eftir viðræðum um vanda
Hafskips,“ sagði Ómar Jóhannsson,
framkvæmdastjóri Skipadeildar
Sambandsins, er Morgunblaðið innti
hann eftir því, hvort Skipadeildin
hefði tekið þátt í viðræðum um yfir-
töku á siglingum Hafskips til og frá
íslandi.
ómar var ennfremur spurður
um það, hvort Skipadeildin hefði
áhuga á að taka þátt í þeim viðræð-
um. Hann sagðist ekki geta svarað
þeirri spurningu á annan hátt, en
að fyrst yrði Skipadeildin að vita
nánar um þá rekstarstöðu, sem
Hafskip byggi við. Öðru væri ekki
hægt að svara að svo stöddu.
VSf og Dagsbrúnar þar sem ágrein-
ingur þessi verður ræddur.
„Við teljum að það sé ekki á færi
Dagsbrúnar að banna einstökum
félagsmönnum sínum að vinna að
uppskipun eða afgreiðslu ákveðinna
skipa eða vörutegunda," sagði Þór-
arinn V. Þórarinsson. aðstoðar-
framkvæmdastjóri VSÍ, í samtali
við Morgunblaðið. „Þarna er um að
ræða starfsmenn, sem eru ráðnir
til almennrar uppskipunarvinnu
hjá ýmsum fyrirtækjum innan vé-
banda Vinnuveitendasambandsins,
og þeir eiga ekki að geta ráðið því
hverju er skipað upp og hvenær.
Við höfum óskað eftir fundi með
forystumönnum Dagsbrúnar þar
sem við munum skýra þessi sjónar-
mið okkar," sagði Þórarinn.
Þröstur ólafsson, framkvæmda-
stjóri Dagsbrúnar, sagði í gær að
félagið hefði enn ekki fengið boð
um slíkan fund „en að sjálfsögðu
munum við ræða við VSÍ ef þeir
óska eftir því“, sagði hann.
Þröstur benti á, að mál af þessu
tagi hefði ekki fyrr komið upp í
samskiptum verkalýðshreyfingar-
innar og atvinnurekenda. „Þetta er
hinsvegar algengt erlendis og því
myndi vera um prófmál að ræða,
til dæmis fyrir Félagsdómi, ef menn
kærðu sig um að láta málið fara
svo langt," sagði hann. „Dagsbrún
boðar afgreiðslubannið að sjálf-
sögðu í trausti þess, að við séum
að gera rétt. Það verður að sýna
sig ef svo er ekki og enn á ég eftir
að heyra rök, sem sannfæra mig
um að við séum ekki í fullum rétti.“
Loðnukvótinn aukinn í dag
Sjávarútvegsráðherra, Halldór Ás-
grímsson, mun í dag tilkynna veru-
lega aukningu á loðnukvóta íslend-
inga á yfirstandandi vertíð. Halldór
sagði í samtali við Morgunblaðið, að
hann vildi ekki tjá sig um þetta mál
að öðru leyti en því, að um aukningu
yrði að ræða.
Samkvæmt þeim heimildum,
sem Morgunblaðið hefur aflað sér
mun aukningin nema hundruðum
þúsunda lesta eða allt að tvöföld-
un. Samkvæmt fyrri ákvörðum
Alþjóðahafrannsóknaráðsins var
leyfilegt að veiða 500.000 lestir.
Fiskifræðingarnir Jakob Jakobs-
son, forstjóri Hafrannsóknastofn-
unar og Hjálmar Vilhjálmsson
sátu um helgina vinnufund Al-
þjóðahafrannsóknaráðsins og hafa
þeir báðir varizt allra frétta um
niðurstöðuna, sem byggð er á nýaf-
stöðnum leiðangri.
Þorsteinn Pálsson fjármálaráðherra um kindakjötsútsöluna:
„Peningar sem ella hefðu far-
ið í geymsiu- og vaxtakostnað“
Hlutur bændanna fjármagnaður með kjarnfóðursjóði og verðskerðingu
ÞÆR 50 milljónir kr. sem fyrir-
hugað er að greiða úr ríkissjóði
vegna útsölu á kindakjöti hefðu
annars farið í vaxta- og geymslu-
kostnað á kjötinu. Var það að frum-
kvæði Þorsteins Pálssonar, fjár-
málaráðherra, sem útsöluleiðin var
reynd. Hlutur bænda í verðlækkun-
inni verður fjármagnaður með
greiðslum úr kjarnfóðursjóði og
með verðskerðingu kindakjöts.
Þorsteinn Pálsson fjármálaráð-
herra sagði þegar hann var inntur
eftir afskiptum fjármálaráðu-
neytisins af málinu: „Það kom
fram um það hugmynd að þeir
peningar sem ella færu í vaxta-
og geymslukostnað kjötsins yrðu
notaðir til að létta á birgðastöð-
unni með því að greiða fyrir út-
flutningi til Japan. Við settum
þá fram þá hugmynd, sem síðan
var samþykkt í ríkisstjórninni og
framkvæmd, að gerð yrði tilraun
til að nota þessa peninga í þágu
okkar sjálfra með því að lækka
verð kindakjötsins hér innan-
lands svo verulega munaði um.
Þeir peningar sem varið verður í
þessu skyni hefðu ella farið í
vaxta- og geymslukostnað á kjöti
sem ekki seldist. Það á eftir að
reyna á það hvort þetta tekst en
ég held að það hljóti að vera
skynsamlegt að nota þessa pen-
inga fyrir okkur sjálf í stað þess
að greiða kjötið ofan í Japani.“
Gunnar Guðbjartsson fram-
kvæmdastjóri Framleiðsluráðs
landbúnaðarins sagði að ekki
væri fullfrágengið hvemig hlutur
bænda f verðlækkun kindakjöts-
ins yrði fjármagnaður, en hann
nemur um 40 milljónum kr. Hann
sagði að hugmyndir væru um að
20—25 milljónir kr. yrðu greiddar
kjarnfóðursjóði og 15—20
ur
milljónir yrði teknar af afurða-
verðinu til bænda. Sagði Gunnar
að verðskerðingin samsvaraði
rúmu 1% af verði kindakjöts til
bænda. Ef verðskerðingin kæmi
jafnt á alla næmi hún 1,40—1,50
kr. á hvert kíló kindakjöts til
bænda en hann bjóst ekki við að
hún yrði látin koma jafnt niður,
heldur yrði meira tekið af þeim
bændum sem væru með stærri
búin.
Shultz kemur til
íslands í kvöld
GEORGE Shultz, utanríkisráðherra
Bandaríkjanna, er væntanlegur hing-
að til lands í kvöld eftir að hafa átt
viðræður við Eduard Shevardnadze,
utanríkisráðherra Sovétríkjanna, í
Moskvu. Fundur þeirra var haldinn
til að undirhúa fund Reagans,
Bandaríkjaforseta, og Gorbachevs,
leiðtoga Sovétríkjanna, í Genf 19.
nóvember nk.
Með Shultz í förinni eru m.a.
Robert McFarlane, öryggismála-
ráðgjafi Bandaríkjaforseta, og
Rosalynn Ridgeway, aðstoðarut-
anríkisráðherra, sem fer með
Evrópumál.
Um tuttugu manna hópur
fréttamanna kemur með Shultz
frá Moskvu, en einnig kemur hing-
að frá London hópur sjónvarps-
manna frá bandarísku sjónvarps-
stöðinni NBC.
Framkvæmdastjóri Dagsbrúnar reifar hugmyndir að nýrri kröfugerð:
„Hafa aldrei yerið rædd-
ar í stjórn Dagsbrúnar“
— segir Halldór Björnsson varaformaður Dagsbrúnar
„VIÐ viljum gjarnan að það komi fram að þær hugmyndir um mótun
kröfugerðar sem framkvæmdastjóri félagsins, Þröstur Olafsson, var að
reifa í útvarpsviðtali og á félagsfundi hafa aldrei verið ræddar í stjórn
Dagsbrúnar. Við erum ekki sáttir við það að vera bendlaðir við hug-
myndir sem ekki eru okkar,“ sagði Halldór Björnsson, varaformaður
Dagsbrúnar, í samtali við Morgunblaðið í gær í tilefni útvarpsviðtals við
Þröst Ólafsson í fréttatíma útvarps í gærkveldi.
Ólafur Olafsson, gjaldkeri tala í nafni stjórnarinnar og án
Dagsbrúnar, sagði sömuleiðis í
samtali við blaðamann Morgun-
blaðsins að hann teldi það fyrir
neðan allar hellur að fram-
kvæmdastjóri félagsins tæki það
upp hjá sjálfum sér að reifa eigin
hugmyndir að hugsanlegri kröfu-
gerð, en láta um leið að því liggja
að þetta væru hugmyndir stjórn-
ar félagsins. Það væri hlutverk
framkvæmdastjóra félagsins að
framkvæma það sem stjórnin
tæki ákvörðun um, en ekki að
umboðs hennar.
„Þetta er því alfarið skoðun
framkvæmdastjórans," sagði
Halldór, „ég veit ekkert um það
hvort hann hefur stuðning fyrir
henni einhvers staðar í félaginu,
en þetta mál hefur ekki verið
tekið fyrir eða afgreitt í stjórn
Dagsbrúnar."
Þröstur Ólafsson, fram-
kvæmdastjóri IJagsbrúnar, sagði
í samtali við blaðamann Morgun-
blaðsins að hann hefði á félags-
fundi Dagsbrúnar á sunnudag
greint frá þeim hugmyndum
sínum, að þegar næsta kröfugerð
yrði mótuð, þá þyrfti að semja
um lífskjör í staðinn fyrir að
semja um laun. Slíka samninga
mætti tengja einhverju ákveðnu
hækkunarferli, svo sem fyrir-
fram ákveðnar hækkanir, sem
menn vissu að kæmu. Auk þess
mætti semja um óbreytt verð á
opinberri þjónustu, hitaveitu,
rafmagni, pósti og síma, útvarpi
og búvöru. Þannigyrði búinn til
kaupmáttarferill. I annan stað
sagðist Þröstur telja að peninga-
markaðinn og lánakerfið þyrfti
að endurskoða um leið og öll
tengsl við vísitölu væru bönnuð,
far á meöal við lánskjaravísitölu.
þriðja lagi sagðist Þröstur telja
að samstarf um húsnæðismálin
þyrfti að koma til hjá lífeyris-
sjóðum landsins, sveitarfélögum,
ríki og vinnuveitendum, þar sem
stefnt væri að því að koma á fót
kerfi, sem hefði í för með sér
styttri byggingartíma, minni
fjármagnskostnað og ódýrari
hús. Þröstur benti auk þess á
þörfina fyrir úrbætur í dagvist-
unarmálum.
Þröstur tók það skýrt fram að
þessar hugmyndir væru alfarið
hans og hann bæri fulla ábyrgð
á þeim. Sagðist hann ekkert geta
um það sagt á þessu stigi, hvort
hugmyndir hans myndu hljóta
góðan hljómgrunn í stjórn, trún-
aðarmannaráði og á félagsfundi.
Það kæmi í ljós, þegar umfjöllun
hefði verið lokið.