Morgunblaðið - 05.11.1985, Blaðsíða 14
14
MORGUNBLAÐIÐ, ÞRIÐJUDAGUR 5. NÓVEMBER1985
Þorsteinn Gauti Sigurðsson:
„Fólk hefur verið mjög þakklátt“
— leikur í Norræna húsinu annað kvöld
ÞORSTEINN Gauti Sigurðsson,
píanóleikari, hefur verið á tónleika-
ferðalagi um landið upp á síðkastið.
Hann lék í Borgarnesi á laugardag
og Vestmannaeyjum á sunnudag —
og síðustu tónleikar hans hér að
þessu sinni verða í Norræna húsinu
annað kvöld, miðvikudagskvöld,
og hefjast kl. 20.30.
„Það er mjög gaman að prófa
þetta. Ég hef aldrei farið einn í
tónleikaferð um landið áður,“
sagði Þorsteinn Gauti, í samtali
við blaðamann Morgunblaðsins.
„Viðtökurnar hafa verið góðar
en aðsókn misjöfn. Ég veit ekki
hvort svona ferðir borga sig fjár-
hagslega — en það skiptir ekkí
mestu máli. Fólk hefur verið
mjög þakklátt alls staðar þar
sem ég hef spilað og það er fyrir
mestu."
Fyrstu tónleikar Þorsteins að
þessu sinni voru í Bolungarvík
5. október og síðan hefur hann
leikið um hverja helgi — „en
komið í bæinn á milli. Ég varð
reyndar að sleppa því að spila á
Egilsstöðum og Neskaupsstað
vegna þess að ég var lasinn."
A efnisskránni hjá Þorsteini
Gauta annað kvöld í Norræna
húsinu verða verk eftir J. S.
Bach, F. Chopin, I. Stravinsky
og F. Lizst.
Þorsteinn Gauti mun ekki
halda fleiri einleikstónleika fyrr
en í október á næsta ári — í
aldarminningu Franz Lizsts. 1
júni í ár fékk Þorsteinn Gauti
úthlutun úr tónlistarsjóði Ár-
manns Reynissonar til undir-
búnings þeirra tónleika.
Þorsteinn Gauti Sigurðsson
Við rýmum fyrir nýjum birgðum.
Og þess vegna er lambakjöt ennþá
fáanlegt á gamla verðinu.
Á meðan birgðir endast gefst þér
tœkifœri til þess að fylla frystihólfin
af úrvalskjöti á einstœðu verði.
Það er góð búmennska!
Líttu við í nœstu verslun.
Látt’ekkl happ
úr hendi sleppa!
Verðlagsspá:
Framfærslu-
vísitala hækk-
ar um 33%áárinu
„SAMKVÆMT núverandi spá
hækkar framfærsluvísitalan um nær
33%yfir árið og um nánast það sama
railli 1984 og 1985. Verðbólguhrað-
inn í lok ársins yrði um 30%,“ segir
m.a. í Hagtölum mánaðarins fyrir
októbermánuð, þar sem fjallað er
um breyttar verðlagshorfur.
Þar kemur jafnframt fram að
forsendur júlíspár Hagtalna eru
brostnar, en þar var spáð að fram-
færsluvísitala hækkaði um 28%
yfir árið, byggingarkostnaður um
27% og lánskjaravisitala um 30%.
Lánskjaravísitala í október hafi
orðið 1,7% hærri en gert var ráð
fyrir í júlfspánni og framfærslu-
vísitalan nær 2% hærri. Nýjasta
spáin gerir ráð fyrir að lánskjara-
vísitala frá því í janúar á þessu
ári til janúar 1986 hækki um rúm
35%. Ástæður þess að forsendur
júlíspárinnar eru brostnar eru
sagðar þær að gengissig hafi orðið
mun meira en gert var ráð fyrir í
júlí, hærra verð Evrópugjaldmiðla
vegna lækkunar dollars hafi hækk-
að innflutningsverð til landsins og
mikil innlend eftirspurn hafi gert
fyrirtækjum kleift að velta kostn-
aðarhækkunum út i verðlagið.
í spánni til ársloka er gert ráð
fyrir að gengi krónunnar lækki
ekki um meira en 13% yfir árið,
þ.e. að erlendir gjaldmiðlar hækki
ekki meira en um 15%. Þetta þýð-
ir, að því er segir í Hagtölum, að
ekki verður tekið tillit til launa-
hækkunar BSRB og ASÍ í gengis-
skráningunni umfram þegar veitt-
ar og umbeðnar heimildir Seðla-
bankans til gengissigs.
Þá er greint frá því að kaup-
máttur kauptaxta á síðasta árs-
fjórðungi þessa árs er áætlaður
ívið hærri en á 4. ársfjórðungi
1983, eða 100,3 miðað við 1001983.
Sjóefnavinnslan og
Iðntæknistofnun:
Samvinna um
forathugun á
títanhvítu-
verksmiðju
Vogum 1. nóvember.
GERÐUR hefur verið verksamning-
ur á milli Iðntæknistofnunar og
stjórnar Sjóefnavinnslunnar hf. á
Reykjanesi um forathugun á títan-
hvítuverksmiðju. Að sögn þeirra
Guðmundar Malmquist stjórnarfor-
manns Sjóefnavinnslunnar hf. og
Ingjalds Hannibalssonar hjá Iðn-
tæknistofnun er hér um stóriðjuverk-
efni að ræða, þar sem títanhvítuverk-
smiðja nýtir mjög mikla orku, eða
sem svarar einni milljón tonna af
gufu.
Áætlanir gera ráð fyrir að fram-
leitt verði um 20 þúsund tonn af
títanhvítu, en títanhvíta er m.a.
notuð í málningu. Stofnkostnaður
slíkarar verksmiðju yrði um 4
milljarðar króna. Forathugunin er
unnin af Iðntæknistofnun að hluta
og starfsmönnum Sjóefnavinnsl-
unnar að hluta. Iðnaðarráðuneytið
hefur veitt styrk til verkefnisins.
Athuguninni á að vera lokið f
mars á næsta ári.
E.G.
VJterkurog
k-J hagkvæmur
auglýsingamiðill!
JttrogttttÞliifcib