Morgunblaðið - 05.11.1985, Blaðsíða 33
MORGUNBLAÐIÐ, ÞRIÐJUDAGUR 5. NÓVEMBER1985
33
Sláturhúsdeilan á Siglufirði:
Slátrunin nauðvörn
manna sem voru
órétti beittir
— segir Olafur Jóhannsson stjórnarmaður
í Sameignarfélagi fjáreigenda
„VIÐ teljum að við höfum verið beittir órétti, að það hafi átt að kúga okkur
til að fara annað með féð, þrátt fyrir að við höfum góða aðstöðu til slátrunar
í eigin húsi. Menn láta ekki kúga sig svona nema í algerri neyð og var slátr-
unin því nauðvörn af okkar hálfu,“ sagði Ólafur Jóhannsson stjórnarmaður
í Sameignarfélagi fjáreigenda á Siglufirði í samtali við blaðamann Morgun-
blaðsins þegar hann var spurður um ástæður þess að fjáreigendur slátruðu
án leyfis landbúnaðarráðuneytisins.
Eins og fram hefur komið hefur
frystigeymsla sláturhússins nú
verið innsigluð að kröfu Hollustu-
verndar ríkisins en því hefur félag-
ið mótmælt eins og fram kom I
blaðinu sl. sunnudag.
Sameignarfélag fjáreigenda var
stofnað árið 1972 af 42 sauðfjáreig-
endum í Siglufirði og nágrenni og
var það haust í fyrsta skipti slátr-
að í sláturhúsi félagsins á Ólagötu
4. Árið áður slátruðu þeir reyndar
Eigum að koma í
veg fyrir að óstimplað
kjöt sé á boðstólum
— segir Halldór Runólfsson deildardýralæknir
hjá Hollustuvernd ríkisins
„ÞAÐ er fyrst um þetta að segja að landbúnaðarráðherra gaf félaginu ekki
sláturleyfi og er þetta hús því ekki sláturhús og það vissu þeir alla tíð,“
sagði Halldór Runólfsson deildardýralæknir hjá Hollustuvernd ríkisins í
samtali við Morgunblaðið þegar hann var spurður um ástæður þess að
Hollustuverndin krafðist lokunar kjötgeymslu sláturhússins á Siglufirði.
„Ástæðan fyrir kröfu okkar er
fyrst og fremst sú að þarna er
brotið gegn heilbrigðisreglugerð,
þar sem segir að óheimilt sé að
slátra búfé utan sláturhúsa í þétt-
býli,“ sagði Halldór. Hann sagði
að það væri hreinn misskilningur
og fjarstæða hjá lögmanni Sam-
eignarfélagsins að þetta reglu-
gerðarákvæði stæðist ekki þar sem
það hefði ekki stoð í lögum.
„í öðru lagi setja þeir kjötið inn
í frystihús, sem er geymsla við
sláturhúsið, þar sem líka eru
geymdar vörur fyrir almenning á
Siglufirði, m.a. heilbrigðisstimpl-
að kjöt. Þar með eru þeir búnir
að brjóta gegn lögum um eftirlit
með matvælum og öðrum neyslu-
og nauðsynjavörum því vörur sem
geymdar eru í frystihúsi teljast
vera á boðstólum. Okkur ber
skylda til að koma í veg fyrir að
óheilbrigðisskoðað kjöt sé boðið til
sölu og því báðum við um lokun
frystigeymslunnar. Auk þessa
brjóta þeir ýmsar reglur land-
búnaðarráðuneytisins, til dæmis
með því að láta lækna skoða kjötið,
en með því fara þeir inn á verksvið
dýralækna," sagði Halldór.
- Hafið þið ástæðu til að ætla
að kjötið sé óheilnæmt?
„Nei, það getur enginn sagt til
um það, af því að fénu var ekki
slátrað á venjulegan hátt, undir
eftirliti dýralæknis. Það getur
alveg eins verið að það sé eitthvað
athugavert við kjötið - við vitum
hreinlega ekki hvernig þeir fóru
að.“ Er Halldór var spurður hvort
dýralæknirinn hefði brotið emb-
ættisskyldur sínar með því að
neita að skoða kjötið í sláturtíð-
inni, sagði hann: „Þetta er alrangt.
Dýralæknirinn gat ekki farið að
skoða kjöt í sláturhúsi sem ekki
hafði leyfi til slátrunar. Hann
hefði þá brotið gegn embættis-
skyldum sínum.“
- Fjáreigendur hafa gefið í skyn
að hagsmunaaðilar hafi beitt
stjórnvöld þrýstingi í þessu máli?
„Ég vil að það komi skýrt fram
að mér er ekki kunnugt um að
Hollustuverndin sé undir neinum
þrýstingi i þessu máli og tel að
unnið hafi verið að því á fullkom-
lega faglegan hátt. Málið barst til
okkar með skýrslu héraðsdýra-
læknisins sem fór á staðinn og
staðfesti að kjötið var geymt í
frystihúsinu.“
Halldór sagði að kjarninn I
þessu máli væri sá að með aðgerð-
um sínum væri Hollustuverndin
að vernda hag neytenda með því
að koma í veg fyrir að kjötið væri
sett á almennan markað. Ekki
kvaðst Halldór vita um hvert
framhald málsins yrði, sagði að
kjötgeymslan yrði innsigluð um
óákveðinn tíma.
Hið umdeilda sláturhús Sameignarfélags fjáreigenda á Siglufirði.
Morgunbladid/Helgi Bjarnason
sjálfir en í mörg ár þar á undan
slátraði Kaupfélag Siglufjarðar
fyrir þá, en starfsemi kaupfélags-
ins var hætt um þetta leiti. Að
félaginu hafa alla tíð staðið fjár-
eigendur á Siglufirði, ábúendur
lögbýla í lögsagnarumdæminu og
3 bændur í Fljótum. Hafa yfirvöld
verið að fetta fingur út í slátrun
Fljótabændanna þarna, að sögn
ólafs. Telur hann að þau vilji beina
slátrun þeirra annað og það sé
ástæðan fyrir því að ekki fékkst
sláturleyfi í haust þrátt fyrir að
sláturhúsið væri óaðfinnanlegt.
ólafur lagði á það áherslu að
félagið sjálft ætti ekki kjötið.
Slátrunin í haust hefði verið
heimaslátrun, eða slátrun á blóð-
velli eins og það væri víst orðað í
lögunum, þar sem hver slátraði
fyrir sig. Hann sagði að allir hefðu
talið það leyfilegt með því að hver
fjáreigandi tæki sitt kjöt til eigin
nota, það fari ekki til neyslu á
almennan markað. Hann sagði að
stjórn félagsins hefði ekki talið sér
fært að neita að afhenda félögum
sínum lyklana að húsinu eftir að
leyfið var tekið af húsinu. Hann
sagði að dýralæknirinn hefði neit-
að að skoða kjötið í sláturtíðinni
en þeir í staðinn fengið lækna á
Siglufirði til að skoða það. Hann
lagði á það áherslu að þeir hefðu
ekkert á móti því að kjötið væri
skoðað, enda vildu þeir hafa það í
lagi. „Við höfum enga löngun til
að eitra fyrir okkar fólk,“ sagði
Ólafur.
Klingjandi kristall-kærkomin gjöf
kostaIíboda
Bankastræti 10. Sími 13122