Morgunblaðið - 15.11.1985, Side 2

2
MORGUNBLAÐIÐ, FÖSTUDAGUR15. NÓVEMBER1985
AP/Símamynd
Ungfrú heimur, Hólmfríöur Karlsdóttir (fyrir miðju) og stúlkurnar tvær,
sem næstar urðu í keppninni. Vinstra megin er breska stúlkan Mandy
Saires, sem varð í öðru sæti, og hægra megin er bandaríska stúlkan
Brenda Denton, sem varð í þriðja sæti.
MorgunblaAið/RAX
Karl Guðmundsson og Asta Hannesdóttir reyndu að ná sambandi við
Hólmfríði dóttur sína er úrslitin voru Ijós.
Fóstra úr Garöabæ fegursta stúlka heims:
Vonum að Hólmfríður verði
landi sínu og þjóð til sóma
ár
— segja foreldrar hennar, Asta Hannesdóttir og Karl Guðmundsson
London. 14. nóvember, frá VaMimar l'nnari VaMimarssyni, fréUaritara MorgunblaAsins.
22 ÁRA fóstra úr Garðabæ, sem
vinnur á barnaheimilinu við Vífils-
staöi, Hólmfríður Karlsdóttir, var í
kvöld kosin Ungfrú heimur — feg-
ursta stúlka heims. „Ég er svo
hamingjusöm að ég á ekki til orð,“
sagði hún í samtali við Morgun-
blaðið eftir krýninguna.
Foreldrar Hólmfríðar, Ásta
Hannesdóttir og Karl Guðmunds-
son, verkfræðingur, voru ekki
síður hamingjusöm þegar blm.
Morgunblaðsins hafði samband
við þau eftir að úrslitin lágu fyrir.
„Við erum alveg í skýjunum!"
sagði Karl. „Við eigum alveg eftir
að átta okkur á þessu. Við höfum
svifið í lausu lofti undanfarna
daga en nú erum við vitaskuld
ósköp ánægð. Við vonum bara að
þetta færi Hólmfríði gæfu og að
hún verði landi og þjóð til sóma,“
sagði Karl.
Hundruð milljóna manna
fylgdust með keppninni í beinni
útsendingu. Það var ljóst af allri
umfjöllun blaða hér í Bretlandi
fyrir keppnina, að Hólmfríður var
talin eiga mjög góða möguleika á
sigri. Var það mál flestra, að hún
myndi líklega etja kappi við nítj-
án ára sagnfræðinema frá Jama-
ica, Alison Barnett.
78 stúlkur tóku þátt í keppninni
í Royal Albert Hall í kvöld. Að
baki var langur og strangur und-
irbúningur - álagið hafði verið
gífuriegt síðustu dagana fyrir
keppnina, erfiðar æfingar og við-
töl við dómarana. Stúlkurnar
höfðu raunar verið í hálfgerðri
einangrun og þess stranglega
verið gætt, að óviðkomandi kæm-
ust ekki þar að.
Fyrst komu þær fram í kvöld-
kjólum og mynduðu frambærileg-
an kór og sungu saman hugljúft
lag, sem hljómaði vel í Royal
Albert Hall. Eftir samsönginn
hurfu dömurnar á braut en komu
síðan ein af annarri inn á sviðið
í baðfötum. Greinilegt var á
undirtektum, að áhorfendur
kunnu vel að meta Hólmfríði.
Síðan var gert hlé áður en til-
kynnt var hvaða fimmtán stúlkur
kæmust í undanúrsiit og voru
Hólmfríður og Alison Barnett í
þeim hópi. Eftir það var tilkynnt
hvaða sjö stúlkur kæmust í úrslit
— og enn voru þær tvær þar á
meðal.
Eftir þetta kom stóra stundin
— fegurðardrottningar heimsálf-
anna. Þar féll stúlkan frá Jamaica
úr keppninni - fegurðardrottning
Ameríku varð Ungfrú Bandarík-
in. Hólmfríður var valin fulltrúi
Evrópu. Þegar hér var komið sögu
var svo mikil spenna í salnum að
hann nær titraði. Meðal áhorf-
enda var allstór hópur íslendinga
og mátti sjá nokkra þeirra tár-
fella þegar úrslitin voru tilkynnt.
í undanúrslitunum voru tekin
viðtöl við stúlkurnar hverja fyrir
sig. Hólmfríður stóð sig mjög vel,
var mjög örugg í allri framkomu,
talaði góða ensku, var hispurslaus
og hversdagsleg fyrir framan 500
milljónir manna.
Baldvin Jónsson, umboðsmaður
Fegurðarsamkeppni íslands, var
að vonum ánægður eftir að úrslit-
in voru kynnt. „Það var markmið
mitt þegar ég tók við keppninni
heima, að koma íslandi á kortið,
eins og sagt er,“ sagði hann.
„Fyrir þremur árum var íslensk
stúlka í fjórða sæti, árið eftir var
íslensk stúlka í sjötta sæti og nú
eigum við fegurstu stúlku heims.
Þetta var markmið okkar — ef
við ætlum að taka þátt í þessari
keppni á annað borð, þá þarf að
standa vel að því heima. Eg held
að það hafi skilað sér. Þetta er
stórt mál - kannski miklu stærra
en menn gera sér almennt grein
fyrir,“ sagði Baldvin Jónsson.
GT-húsgögn:
Fimm
ákærðir
TVEIR stjórnarmenn og þrír fyrnim
starfsmenn fyrirtækisins GT-húsgögn
hf. í Reykjavík voru í gær ákærðir
fyrir söluskattsvik, fjárdrátt, umboðs-
svik, undanskot eigna, fólsun, rangan
framburð og tilraun til fjársvika.
Málið er höfðað fyrir sakadómi
Reykjavíkur.
Meint brot voru öll framin í
tengslum við gjaldþrot fyrirtækis-
ins. Stjórnarmennirnir tveir, annar
þeirra framkvæmdastjóri fyrirtæk-
isins, eru í fyrsta lagi ákærðir fyrir
söluskattsvik með því að hafa dreg-
ið undan veltu ársins 1984 rúmar
12 milljónir króna. í öðru lagi er
þeim gefið aö sök að hafa dregið
að sér fé úr fyrirtækinu, sameigin-
lega og hvor í sínu lagi, samtals
um 1,2 milljónir króna, og í þriðja
lagi er talið að þeir hafi haft á
brott með sér úr fyrirtækinu fyrir
gjaldþrot þess fjármuni, einkum
áhöld, efni og vélar, samtals að fjár-
hæð um 400 þúsund krónur.
Þrír fyrrum starfsmenn fyrir-
tækisins eru ákærðir fyrir að hafa
rangfært stimpilkort fyrir nóvem-
ber á fyrra ári, skömmu fyrir gjald-
þrotið, og bætt á þau óunnum
vinnustundum, fráþrjátíu stundum
og upp í 70 stundir. Þannig lögðu
þeir kortin til grundvallar fjárkröf-
um í þrotabúiö. Samkvæmt lögum
frá 1974 ábyrgist ríkissjóður launa-
greiðslur í gjaldþrotum, þannig að
sýnt þykir að þremenningarnir hafi
ætlað að svíkja fé á þennan hátt út
úr ríkissjóði. Þá eru starfsmennirn-
ir einnig taldir hafa aðstoðað við
að skjóta eignum félagsins undan
skÍDtunum.
Þrotabú GT-húsgagna er enn til
skipta í skiptarétti í Reykjavík.
Ógreiddar kröfur í búið nema nú
um þrettán milljónum króna en
eignir félagsins eru taldar sáralitl-
ar, skv. upplýsingum Markúsar
Sigurbjörnssonar skiptaráðanda.
Helsta eign hlutafélagsins er há
fjárkrafa í þrotabú framkvæmda-
stjóra félagsins - um eða yfir fimm
milljónir króna. Þessa dagana er
verið að koma eignum hans í verð
og standa þá vonir til að hægt verði
að ljúka skiptum á þrotabúi félags-
ins.
Rannsóknir á gjaldþrotamálum
hafa verið tekin fastari tökum á
undanförnum mánuðum, skv. upp-
lýsingum blaðsins. Munu nokkur
gjaldþrotamál nú vera í svipuðum
farvegi og mál GT-húsgagna.
Flestir fylgjandi
kvóta til tveggja ára
Morgunblaðið/RAX
Mutter fagnað á tón-
leikum Sinfóníunnar
Á FISKIÞINGI í gær kom fram
þrenns konar álit úr fiskveiðinefnd
og að auki tillaga um ad miðað verði
við ákveðinn afla þorsks og annarra
botnlægra tegunda ár hvert næstu
fimm ár án tillits til veiðistjórnunar.
7 af 10 nefndarmönnum mæla með
fiskveiðistjórnun, sem í megin atrið-
um byggist á framkomnu frumvarpi
sjávarútvegsráðherra, 2 mæla með
Athugasemd frá
Rannsóknarlög-
reglu ríkisins
MORGUNBLAÐINU barst í
gærkvöldi eftirfarandi athuga-
semd frá Hallvarði Einarssyni,
rannsóknarlögreglu ríkisins:
„Vegna frásagnar þeirrar
sem birtist í Helgarpóstinum
14. þessa mánaðar um okur-
rannsókn þá sem nú fer fram
af hálfu Rannsóknarlögreglu
ríkisins, skal tekið fram að efni
þessarar frásagnar er ekki
byggt á upplýsingum frá Rann-
sóknarlögreglu ríkisins."
tegundamarki og cinn með frjálsum
veiðum með sóknarstöðvunum og
veiðistýringu í aðrar tegundir í þorsk.
Tillaga meirihluta fiskveiði-
nefndar er að Fiskiþing samþykki
í megin dráttum frumvarp um
stjórn fiskveiða með eftirfarandi
breytingum: Gildistími verði tvö ár
f stað þriggja. Að veiðar smábáta
verði stöðvaðar frá 15. desember til
15. janúar, en í 9. grein frumvarps-
ins er gert ráð fyrir veiðistöðvun
smábáta frá 15. nóvember til 9.
febrúar. Að sama regla um veiði-
leyfi nýrra skipa verði látin gilda
um fiskiskip undir 10 lestum og
yfir 10 lestum. Að framsalsréttur
þeirra skipa, sem ekki eru gerð út,
verði takmarkaður verulega. Loks
segir í áliti meirihlutans, að Fiski-
þing telji æskilegt, að við gerð
reglugerðar-um sóknarmark, verði
möguleikar þeirra báta, sem stunda
þorskveiðar með netum, gerðir
aðgengilegri með einhverri fjölgun
sóknardaga. í þessu tilefni má geta
þess, að smábátum fjölgaði úr 614
árið 1979 í 964 árið 1984. Vegna
þess meðal annars telur meirihlut-
inn ekki rétt að nýir smábátar fái
leyfi til veiða fremur en ný st^erri_
skip.
Tveir nefndarmanna leggja til að
veiðum verði stjórnað eftir teg-
undamarki líkt og var áður en kvót-
inn var tekinn upp. Leyft verði að
veiða 360.000 lestir af þorski á
næsta ári og 300.000 lestir af öðrum
botnlægum tegundum og skiptist
þorskaflinn jafnt milli báta og
togara. Árinu verði skipt í þrjú
tímabil og miðað við ákveðinn aÖa
hvert þeirra og ákveðið hlutfall
þorsks í afla tilgreind tímabil.
Einn nefndarmanna leggur til,
að mörkuð verði veiðistefna til
aukins frjálsræðis í veiðum og
þorskafli næsta árs verði sem næst
350.000 lestum. í hlut báta komi
165.000 lestir og togara 185.000
lestir. Árinu verði skipt í tvö jöfn
tímabil með ákveðnu aflamagni
hvort tímabil og ákveðnum fjölda
veiðistöðvana daga. Ekkert hámark
verði á þorskafla einstakra skipa,
en tilgreindur hámarks afli hvort
tímabil ársins. Sjávarútvegsráðu-
neytið fylgist með viðmiðunarafla
hvors tímabils og fækki eða fjölgi
stoppdögum eftir þróun veiðanna.
Skilyrt verði, að í heildarafla hvers
togara á árinu verði 30% annað en
þorskur.
„Anne-Sophie Mutter er stórkost-
legur listamaður og tónleikarnir I
heild voru stórkostlegir," voru
fyrstu viðbrögð Jóns Ásgeirssonar
tónlistargagnrýnanda Morgun-
blaðsins að loknum tónleikum Sin-
fóníuhljómsveitar íslands 1 gær-
kvöldi. Einleikarinn var hvað eftir
annað klappaður upp og tónleika-
gestir risu úr sætum sínum og fögn-
uðu henni og hljómsveitarstjóran-
um Jean-Pierre Jaqcuillat. Myndin
er tekin á tónleikunum í gærkvöldi.
Jón Ásgeirsson sagði ennfremur að
það væri tilhlökkunarefni að heyra
Anne-Sophie Mutter leika Árstíð-
irnar eftir Vivaldi á morgun.