Morgunblaðið - 20.11.1985, Blaðsíða 16

MORGUNBLAÐIÐ, MIDVIKUDAGUR 20. NÓVEMBER1985
„Byrgjum
— eftir Júlíus
Hafstein
Svo lengi sem sögur herma hefur
verið í tísku að tala um vandamál
æskunnar. Á öllum tímum hefur
þeim sem eldri eru fundist æskan
taka of lítið tillit til vilja síns og
skoðana, jafnframt því sem ólík
viðhorf og viðfangsefni aldurs-
hópanna hafa iðulega leitt til tor-
tryggni og efasemda.
Hversu góð sem mannanna verk
eru, þá eru þau aldrei fullkomin
og æskufólk á hverjum tíma telur
sig hafa úrræði á takteinum til að
bæta um betur. Æskunni er þó
nauðsyn að staldra við og meta
það góða sem gert hefur verið á
sama hátt og eðlilegt er að hún
gagnrýni það sem miður gengur.
Vissulega eru til æskulýðs-
vandamál í okkar þjóðfélagi. Það
verður þó að hafa í huga að slík
vandamál eru sprottin úr þjóðlífs-
aðstæðum sem ráðandi kynslóð á
hverjum tima hefur skapað. Ýmsir
telja að alvarlegustu æskulýðs-
vandamálin séu bundin við eitur-
lyfjaneyslu og skemmtanafíkn
ýmiskonar. Þessir hlutir eru ekk-
ert einangrað fyrirbrigði, sem
gerist eingöngu meðal æskufólks.
Þessi vandamál eru til i öllum
aldurshópum.
Munurinn er hins vegar sá að
með því að gefa gaum að þörfum
æskufólks, hlúa að heilbrigðu fé-
lagsstarfi þess og örva það til já-
kvæðrar þátttöku i uppbyggjandi
starfi, er hægt að ná verulegum
árangri. Árangri, sem takmarkar
þann vanda æskunnar sem þegar
er fyrir hendi, knýr á um að fólk
hagi lífi sinu skynsamlega og móti
heilbrigð lífsviðhorf. Munurinn að
þessu leyti á æskunni og þeim sem
eldri eru, er sá að það eru ótal
möguleikar til að sinna þörfum
æskunnar og leiða hana á rétta
braut, á meðan það er erfitt að
kenna gömlum hundi að sitja.
í störfum mínum að íþrótta- og
æskulýðsmálum í Reykjavík hef ég
iðulega tekið eftir því hvað lítið
þarf til að koma frá því opinbera
til að skapa öflugt starf. Þeir fjár-
munir sem Reykvíkingar verja til
jákvæðra æskulýðsstarfa skila sér
margfalt til baka í bráð og lengd.
í lok síðustu styrjaldar áttu
Þjóðverjar í miklum erfiðleikum
með sitt æskufólk. Þeir voru sigruð
þjóð. Vonleysið og eymdin blasti
hvarvetna við. Þá var gripið til
þess ráðs að verja hlutfallslega
verulegum fjármunum til að setja
á stofn æskulýðsmiðstöðvar, þar
sem unga fólkið fékk að ráða miklu
um tilhögun starfseminnar og tók
jafnframt ríka ábyrgð. Þetta, auk
stuðnings við frjálsa félagsstarf-
semi, gaf ótvírætt mjög góða raun.
Vafalaust hefði fátt verið hægt að
gera, sem hefði komið sér betur
fyrir framtíðaruppbyggingu þýsks
þjóðfélags en einmitt skilningur á
þeirri þörf sem var fyrir jákvætt
félagsstarf.
Mönnum sést oft yfir þá stað-
reynd að á æskuárunum sækist
fólk meira en á nokkru öðru ævi-
skeiði eftir því að vera innan um
helst sem stærstan hóp félaga.
Þessari þörf þarf að sinna.
Stefna vinstri flokkanna
Því nefni ég þetta hér að iðulega
hafa fulltrúar vinstri flokkanna í
borgarstjórn Reykjavíkur haft allt
á hornum sér og jafnvel hæðst að
málum, sem stuðla að eflingu
æskulýðs-, íþrótta- og útilifs í
borginni. í sjálfu sér er ekkert
brunninn
óeðlilegt við það að vinstriminm-
hlutinn' hafi sitthvað við hug-
myndir og tillögur okkar sjálf-
stæðismanna að athuga. Ýmsir
kynnu að segja að þeir vildu fara
aðrar leiðir að sama marki. Svo
kann að vera, en staðreyndin er
einfaldlega sú að tillögur þeirra í
þessum efnum eru vægast sagt
mjög fátæklegar. Mér hefur virst
að afstaða þeirra væri aðllega að
vera á móti hverju skrefi, sem
stigið hefur verið án þess að benda
á neitt í staðinn. Þetta er því miður
sá dapri veruleiki sem við blasir,
en ber vinstri minnihlutanum hins
vegar það vitni, að honum er ekki
treystandi til þess að búa æskunni
góða aðstöðu í borginni.
Sem formaður ÍBR og form.
íþróttaráðs Reykjavíkur hef ég
leitast við að fá fram skoðanir
allra, jafnt minna eigin flokks-
systkina, sem hinna, en það hefur
valdið mér vonbrigðum, hversu
takmarkaðan áhuga andstæðing-
arnir hafa í raun á framkvæmdum
sem eru fallnar til að efla æsku-
lýðsstarf.
Aðkoman ’82
Aðkoman eftir vinstri stjórn í
Reykjavíkurborg var í samræmi
við þann takmarkaða áhuga sem
andstæðingar okkar hafa á æsku-
lýðsmálum. Framkvæmdir voru
litlar og stuðningur við íþróttafé-
lögin fór minnkandi. Við sjálf-
stæðismenn töldum því ástæðu til
þegar við fengum til þess meiri-
hlutaforystu að gefa þessum mála-
flokki verulegan gaum og verkin
tala sínu máli í þessum efnum.
Staðið hefur verið að uppbygg-
ingu íþróttamannvirkja með
myndarlegum hætti, ekki ein-
göngu fyrir keppnisfólk, heldur
Júlíus Hafstein
„AÖkoman eftir vinstri
stjórn í Reykjavíkurborg
var í samræmi við þann
takmarkaöa áhuga sem
andstæöingar okkar
hafa á æskulýðsmálum.
Framkvæmdir litlar og
stuðningur við íþróttafé-
lögin fór minnkandi.“
einnig þá borgarbúa sem áhuga
hafa á að nýta sér æfinga- og
útilífsaðstöðu. Unnið hefur verið
að eflingu frjáls félagastarfs m.a.
með því að hækka rekstrarstyrki
til íþróttafélaganna og auðvelda
þeim að byggja upp aðstöðu á fé-
lagssvæðum sínum. Uppbyggingu
félagsmiðstöðva æskunnar hefur
verið haldið áfram. Auk þess sem
ég nú hef nefnt, má benda á að
lagður hefur verið grunnur að
markvissri stjórnun íþrótta- og
æskulýðsmála með stjórnkerfis-
breytingu, sem kemur til fram-
kvæmda eftir næstu kosningar.
Gervigrasið í
Laugardal
Ég get ekki látið hjá líða að
minnast á eina framkvæmd í þess-
um málaflokki, sem olli verulegum
deilum, en það var uppbygging
gervigrasvallar í Laugardal. Sú
framkvæmd kostaði vissulega
mikið fé og var ein af þeim sem
vinstriminnihlutinn hafði hvað
mest á móti. Gervigrasvöllurinn
hefur hvað sem öðru líður orðið
það mörgum Reykvíkingum til
ánægju og dægrastyttingar að úti-
lokað er að halda öðru fram en að
þeim fjármunum, sem var varið
til hans, hafi verið vel varið. Sem
dæmi um þetta má nefna að mán-
uðina janúar til septemberloka í ár
hefur völlurinn verið notaður í
1.913 klukkustundir og fjöldi
þeirra borgarbúa sem hafa nýtt
völlinn þennan tíma nálgast 26.000
eða tæpleg þriðji hver Reykvíking-
ur. Þessar tölur sýna ótvírætt að
okkar stefna var rétt en vinstri-
minnihlutinn hugsar ekki í takt
við skoðanir allflestra Reykvík-
inga.
Æskulýðs- og íþróttastarf í
Reykjavík hefur miðað að og á að
miða að því að koma sem flestu
ungu fólki að notum og til nokkurs
þroska. Við skulum ekki gleyma
þeim gamla málshætti „það er of
seint að byrgja brunninn þegar
barnið er dottið ofan í“. Þess vegna
skulum við taka höndum saman
um að efla frjálst æskulýðs- og
íþróttastarf til að takmarka svo
sem kostur er æskulýðsvanda í
Reykjavík.
Höfundur er formaður ferðamála-
nefndar Reykjavíkurborgar og
varaborgarfulltrúi Sjilfstæðis-
flokksins.
GÓÐA
SKEMMTUN
GERA SKAL
„Góða skemmt-
un gera skal“
Hörpuútgáfan á Akranesi send-
ir nú frá sér nýja leikja- og
skemmtibók eftir Jón Kr. ísfeld.
f bókinni eru leikir af ýmsu
tagi, leikrit, gátur, spilagaldrar,
spilaspár, huglestur, töfrabrögð,
skrítlur, spurningaleikir o.fl.
„Þetta er handhæg skemmtibók
fyrir samkvæmi í heimahúsum,
skóla, félagasamtök og einstakl-
inga,“ segir í frétt frá útgefanda.
„Þessi nýja leikjabók er með
svipuðu sniði og leikjabókin
vinsæla „Leikir og létt gaman“
eftir séra Svein Víking, sem
margir þekkja. Bókin er sann-
kallað tómstundagaman fyrir
alla aldurshópa."
Bókin er 104 blaðsíður. Prent-
uð og bundin í Prentsmiðjunni
Odda hf. Teikningar í bókinni
eru eftir Ragnar Lár. Kápu gerði
Jean Pierre Biard.
Morgunblaðið/Arni Sæberg
Frá upptöku lagsins „Hjálpum þeim“ sl. sunnudag. Á A-hlið plötunnar verður lagið sungið og leikið en á B-hlið verður aðeins undirleikurinn.
Æ’
Islensk hljómplata til styrktar
munaðarlausum börnum í Eþíópíu
— um 60 söngvarar og hljóðfæraleikarar flytja lagið „Hjálpum þeim“
„HJÁLPUM þeim“ nefnist hljóm-
plata sem væntanleg er á markað-
inn í næsta mánuði og gefin er út
af Hjálparstofnun kirkjunnar í
samvinnu við Auglýsingastofuna
Nýtt útlit hf. Hljómplatan er gefin
út til styrktar munaðarlausum
börnum í Eþíópíu og um 60 íslensk-
ir hljóðfæraleikarar og söngvarar
flytja eina lagið á hljómplötunni
sem ber sama nafn, Hjálpum þeim.
Allir hafa tónlistarmennirnir gefið
vinnu stna, líkt og flestir sem lagt
hafa hönd á plóginn við útgáfu
þessarar islen.sk u „Live Aid“-
hljómplötu.
Hpfundur lagsins „Hjálpum
þeim“ er Axel Einarsson en út-
setningu önnuðust þeir Gunnar
Þórðarson og Þórir Baldursson.
Á A-hlið hlómplötunnar er lagið
sungið og leikið, en á B-hlið
hennar er einungis hljóðfæra-
leikurinn. Textablað fylgir
hljómplötunni ásamt upplýsing-
um um þann mikla fjölda fólks
sem komið hefur við sögu á einn
eða annan hátt. Rúnar Sigurður
Birgisson, framkvæmdastjóri
auglýsingastofunnar Nýtt útlit
hf., á sæti í undirbúningsnefnd
að útgáfu hljómplötunnar. Sagði
hann í samtali við Morgunblaðið
að öllum ágóða af sölu hljómplöt-
unnar yrði varið til byggingar
vistheimilis fyrir um 250 munað-
arlaus börn í Eþíópíu.
Aðspurður sagði Rúnar að
hugmyndin að útgáfu hljómplöt-
unnar, sem fæðst hefði sl. vor,
væri í raun komin frá höfundi
lagsins, Axel Einarssyni. „Lagið,
sem er mjög fallegt, er flutt af
flestum okkar bestu popptónlist-
armönnum. Auk þess slógust
tveir óperusöngvarar í hópinn,
þau Sigrún Hjálmtýsdóttir og
Kristján Jóhannsson," sagði
Rúnar. „Allir sem einn hafa gefið
vinnu sína. Þá kemur fjöldi fyrir-
tækja og einstaklinga við sögu á
einn eða annan hátt og svo til
öll vinna sem tengist undirbún-
ingi og framkvæmd útgáfunnar
er gefin. Þetta hefði aldrei tekist
nema með sameiginlegu átaki
allra sem hlut eiga að máli,“
sagði Rúnar. Bætti hann þv{ við
að takmarkið væri að selja ekki
færri en 10 þúsund eintök af
hljómplötunni.
Undirbúningsnefnd að útgáfu
hljómplötunnar skipa, auk
Rúnars, Björgvin Halldórsson,
Guðmundur Einarsson, Guð-
mundur Jóhannesson, Sigurjón
Heiðarsson og Kolbeinn Andrés-
son, sem jafnframt hannaði
umslag hljómplötunnar.