Morgunblaðið - 15.01.1986, Blaðsíða 52

52
MORGUNBLAÐIÐ, MIÐVIKUDAGUR15. JANÚAR1986
•GuAmundur Hrafnkellsson markvörður Breiðabliks mun hafa f nógu
að snúast í marki sfnu gegn HK f kvöld.
Handknattleikur:
Kópavogsslagur
íDigranesi
— þrír leikir í 1. deild kvenna
BREIÐABLIK úr Kópavogi tryggði
sér um helgina rétt til að leika í
1. deildinni í handknattleik nœsta
ár. Liðið vann Þór frá Vestmanna-
eyjum f 2. deildinni með 23 mörk-
um gegn 20 og eru þar með
komnir f 1. deild.
Tveir aðrir leikir voru um helgina
í 2. deild. Haukar unnu Aftureld-
ingu með 31 marki gegn 29 og
Ármenningar Sigruður ÍR með 27
mörkum gegn 23.
í kvöld verða tveir leikir í 2. deild
karla. Kópavogsliðin Breiðablik og
HK leika klukkan 20 í Digranesi og
Afturelding leikur viö Ármann að
Varmá. Tveir hörku leikir í 2. deild-
inni í kvöld.
Hjá konunum verða þrír leikir í
1. deild. FH og Víkingur maetast
klukkan 20 í Hafnarfirði og í Laug-
ardalshöll mætast Valur og KR
klukkan 20 og strax á eftir, eða
um klukkan 21.15, leika Fram og
Stjarnan.
Vinna Alfreð og
félagar tölvusigur
yfir Groswaldstadt?
Frá Jóhanni Inga Gunnarssyni fróttamanni Morgunbloðsins «d Vestur-Þýskalandi
ingen við Essen, Lemgo við
Schwabing, Dortmund við Dank-
STÓRLIÐIÐ Grosswallstadt í
Þýskalandi er eina félagið í heim-
inum, sem vitað er um, sem hefur
tekið tölvutæknina f sfna notkun.
í vetur hefur félagið matað tölvu
sfna á upplýsingum um andstæð-
inga sfna og einnig um eigin leik-
menn. Þetta hefur gefið það góða
raun að forráðamenn félagsins
segjast ekki vera til umræðu um
að selja forrit það sem þeir nota
við þetta, sama hve mikið væri í
boði.
Tölvan er mötuð á alls kyns
upplýsingum sem varða veikleika
og styrkleika andstæðinga liðsins
í handknattleik og ekki síður upp-
lýsingum um eigin leikmenn.
Arangurinn hefur ekki látið á sér
standa, félagið er í efsta sæti í
deildinni og forráðamenn félagsins
þakka tölvuupplýsingum sínum
nokkurn hluta af velgengninni.
í blöðum hér í Þýskalandi um
helgina bentu blaðamenn þó for-
ráðamönnum Grosswallstadt á að
Alfreð Gíslason vinni við tölvur og
hann verði örugglega búinn að
finna svar við tölvuleik þeirra
Grosswailstadtmanna fyrir næsta
leik þessara tveggja efstu liða í
deildinni.
Gárungarnir segja að hvort liðið
sem fari með sigur af hólmi í deild-
inni í vetur vinni þá tölvulegan
sigur og er þetta orð í samræmi
við það að vinna tæknilegan sigur
eins og oft er talað um.
Heil umferð verður í deildinni
hér í kvöld og er þetta síðasta
umferðin fyrir fríið sem tekið verð-
ur vegna heimsmeistarakeppninn-
ar sem hefst í Sviss í febrúar. Hléið
stendurtil 22. mars.
Gunsburg leikur við Kiel, Göpp-
3. deildin:
Stórsigur Týrara
— Þór vann tvo leiki um helgina
TÝR frá Vestmannaeyjum vann
stóran sigur á liði Njarðvíkinga í
3. deildinni í handknattleik um
helgina er liðin mættust í Vest-
mannaeyjum. Heimamenn skor-
uðu 27 mörk en Njarðvíkingar 15.
Staðan í leikhléi var 11:9 fyrir Tý.
Þorsteinn Viktorsson var
markahæsturTýrara með níu mörk
en Sverrir Sverrisson skoraði sjö.
Hjá Njarðvík skoraði Snorri Jó-
-v hannesson fimm mörk og Ólafur
Thordersen fjögur.
Akureyrar Þór vann Selfoss í 3.
deildinni með 24 mörkum gegn 18
eftir að hafa haft yfir 10:7 í leikhléi.
Ólafur Hilmarsson skoraði 7 mörk
fyrir Þór, Kristinn Hreinsson 6 og
Jóhann Samúelsson fimm. Þeir
Steindór Gunnarsson og Sigurjón
Bjarnason skoruðu fjögur mörk
hvor fyrir Selfoss.
Hvergerðingar léku tvo leiki fyrir
norðan. Þeir unnu Völsung 24:23
í öðrum leiknum en töpuðu síðan
fyrir Þór með 27 mörkum gegn 23.
I leiknum á Húsavík skoraði Pálmi
Pálmason mest fyrir heimamenn,
alls 10 mörk, en Hafliðiö Halldórs-
son skoraði átta fyrir Hvergerð-
inga.
Jóhann Samúelsson var at-
kvæðamestur í leiknum á Akureyri.
Hann skoraði 11 mörk fyrir Þór en
Stefán Halldórsson gerði átta fyrir
Hvergerðinga. Staðan í leikhléi í
báðum leikjunum var 12:11, í þeim
á Akureyri fyrir Þór en fyrir Hver-
gerðinga í leiknum gegn Völsungi.
1 X 2
23 með
12 rétta
EKKI komu feikir helgarinnar i
ensku knattspyrnunni mikið á
óvart því alls voru 23 raðir með
12 rétta og gaf hver röð um sig
43.041 krónu í vinning. Með 11
rótta fundust 372 raðir og gaf
hverum sig 1.140 krónur.
Að þessu sinni seldust alls
754.230 raðir og potturinn var
1.414.256 krónur. Knattspyrnu-
deild KR stóð við gefin loforð um
aö endurheimta efsta sæti yfir þá
sem selja flestar raðir. KR-ingar
seldu 55 þúsund raðir að þessu
sinni.
Þorbergur f ram-
lengir hjá SAAB
Frá Val Jónatanssyni blaðamanni Morgunblaðslns f Danmörku.
ÞORBERGUR Aðalsteinsson,
sem þjálfar og leikur með
sænska 2. deildarliðinu SAAB,
reiknar með að skrifa undir
tveggja ára samning við félagið
á næstu dögum.
„Ég er mjög ánægður hjá lið-
inu. Þetta hefur gegnið mjög vel
sfðan ég tók við, bæði hjá mér
og liðinu. Við erum í efsta sæti
í okkar riðli eftir sigurinn um
helgina. Fjölskyldu minni líður
mjög vel og er ánægð. Jafnframt
því aö þjálfa liðið er ég í mennta-
skóla þar sem ég er í tveimur
greinum. Ég klára í vor og stefni
á háskólanám næsta vetur. Fé-
lagið hefur boðið mér tveggja ára
samning og er óg að hugsa máliö
þessa dagana en ég reikna fast-
lega með að ég taki þessu boði."
Þess má geta að Þorbergur
hefur leikiö mjög vel með SAAB
í vetur. Um síðustu helgi skoraði
hann 11 mörk þrátt fyrir að hann
væri tekinn úr umferð mest allan
leikinn.
ersen, Flensburg við Dusseldorf,
Grosswallstadt við Berlin og
Gummersbach við Hofweier.
Einn leikur er á dagskrá 25.
janúar samkvæmt mótabók en
óvíst er hvort honum verði frestað
vegna heimsmeistarakeppninnar.
Þá eiga að leika Dankersen og
Gúnsburg, eða Páll Ólafsson og
Atli Hilmarsson.
Þorvaldur hættur
íknattspyrnu
Akureyri 14. janúar.
ÞORVALDUR Þorvaldsson
knattspyrnumaður hefur að
læknisráði ákveðið að hætta að
leika knattspyrnu. Ástæða
þessa er eyðlng öklaliðar og
mjaðmakúlu og varð Þorvaldur
að hætta knattspyrnu áður en
það yrði um seinan.
Þorvaldur lék með KA í fyrra
og átti gott sumar. Áður lék hann
með Þrótti í Reykjavík þar sem
hann lék upp alla yngri flokkana
og með meistaraflokki í nokkur
ár. Þetta er mikil blóðtaka fyrir
KA því Þorvaldur fann sig vel
með KA-liðinu í fyrra.
Þess má einnig geta að Njáll
Eiðsson mun ekki leika með KA
næsta sumar. Hann hefur ákveð-
ið að fara til Einherja á Vopnafirði
þar sem hann mun þjálfa og leika
með liðinu.
Knattspyrnumenn til Noregs:
Margir virðast
áhugasamir
í Morgunblaðiðnu á laugardag-
inn var auglýsing þar sem knatt-
spyrnumönnum sem áhuga hafa
á að leika í Noregi var bent á að
hafa samband við hótel eitt hér
í borg og ræða þar við ákveðinn
mann sem gæfi allar nánari upp-
lýsingar. Okkur lék forvitni á að
vita hvort margir hefðu haft
samband og slóum því á þráðinn.
„Ég er hér á landi til þess að
leita að knattspyrnumönnum fyrir
Rosenborg en þeir urðu meistarar
á þessu ári. Það hafa mjög margir
haft samband við mig í dag en
því miður enginn nógu góður til
að ég geti mælt með honum í lið
Rosenborg. Hins vegar er ég líka
að leita að leikmönnum fyrir 3.
deildarlið Þrándheims og einhverjir
af þeim sem hafa rætt við mig
ætla að íhuga þann möguleika
nánar," sagði Norðmaðurinn Rune
sem hérvarstaddurum helgina.
„Ég er í rauninni að leita að
öllum knattspyrnumönnum nema
markverði því við erum með góða
markverði. Við getum útvegað
góðum leikmanni skólapláss, vinnu
og eitthvað fleira en aðalástæöan
fyrir íslenska knattspyrnumenn að
koma til Noregs og leika knatt-
spyrnu er að hjá okkur er keppnis-
tímabilið lengra og því gætu þeir
orðið betri knattspyrnumenn fyrir
bragöið. Ég hef aðeins séð einn
íslenskan leikmann leika í Noregi.
Sá heitir Bjarni Sigurðsson og
hann er alveg frábær markvörður,"
sagði þessi umboðsmaður Rosen-
borg að lokum.
Því má bæta hér við að héöan
hélt hann til Skotlands þar sem
hann ætlaði að reyna fyrir sér með
unga og efnilega leikmenn. Hann
kvaðst vilja benda þeim sem hug
hefðu á að leika í Noregi á að
þeir verða að vera með búsetu þar
í nokkurn tima áður en þeir verða
löglegir með liði í Noregi.
Island
hefur
Bogdan
sagði sovéski landsliðsþjálfarinn
Frá Val Jónatanssyni, blaóamanni Morgunblaósina f Danmörku.
Þjálfari sovéska liðsins var
spurður að því hvernig hann teldi
að íslenska liðið stæði sig á
heimsmeistaramótinu f Sviss eft-
ir rúman mánuð. „ísiand hefur
Bogdan" var svarið og er greini-
legt að Bogdan er virtur meðal
bestu handknattleiksþjálfara
heimsins.
Á blaðamannafundi sem þjálfar-
ar allra liðanna sem þátt taka í
Baltic Cup mótinu héldu á mánu-
daginn kom fram að Sovétmenn
eru mjög hræddir við Atla Hilmars-
son. Þeir spurðu sí og æ um hvort
Atli kæmi í leikinn gegn þeim sem
verður á morgun en Bogdan sagð-
ist ekki reikna með að hann kæmi
í leiki íslands í þessu móti.
Dönsk blöð vellta því nú fyrir sér
hvort Bogdan sé að segja alveg
satt. Sovétmenn eru greinilega
hræddir við Atla og þekkja hann
greinilega vel.