Morgunblaðið - 12.02.1986, Blaðsíða 50

50
MORGUNBLAÐIÐ, MIÐVIKUDAGUR12. FEBRÚAR1986
II
Sv/ona nú! þú i/eir&ur q& jaia a5
honn er ákxieáinn qP Q rrcur>ak\
gömlum a& vero.."
áster...
. að segja henni
að hún sé morg-
unfögur.
TM Rðfl. U.S. Pat. Off.—alt riflhts reserved
• 1982 Los Angeles Times Syndicate
Ég sé þú ert kominn heim,
pabbi?
Viltu kaupa merki?
HÖGNI HREKKVlSI
„PSTTA EK EKKI KATTAS>'MING !"
Fame kl. 18.00
á sunnudögum
Kæri Velvakandi.
Mig langar að koma þeirri
fyrirspum til forráðamanna sjón-
varpsins hvort ekki sé hægt að
hafa Fame kl. 18.00 á sunnudög-
um en ekki Stundina okkar eins
og hún er núna. Það er mjög
óþægilegt að geta ekki hlustað á
vinsældalistann vegna Fame. Ég
tel, að sá aldurshópur sem horfír
á Stundina okkar hlusti miklu síð-
ur á vinsældalistann en þeir sem
horfa á Fame.
Með von um úrbætur.
4033-3703
Um fréttir á táknmáli
Um leið og ég vil óska nýráðnum
fréttastjóra sjónvarpsins til ham-
ingju með starfið, þá vildi ég gjam-
an koma á framfæri hugmynd
varðandi fréttir á táknmáli. Hug-
mynd þessi er upp mnnin út frá
tónlistarmynd er ég sá, ekki fyrir
ýkja löngu í þættinum Skonrokki,
en í þessari mynd var texti lagsins
jafnframt fluttur á táknmáli. Var
það gert á þann máta að neðst í
öðm homi myndarinnar birtist lítil
mynd af þeim er táknmálið flutti,
en þannig, að af honum sást ekkert
nema framhandleggir, hendur og
andlit. Annað hafði verið máð út,
enda dugði þetta fullkomlega.
Myndin var það lítil og í raun ein-
föld að hún hafði engin tmflandi
áhrif á þann, sem aðeins vildi fylgj-
ast með sjálfri aðalmyndinni. Þætti
mér þjóðráð að taka þetta upp við
flutning fréttanna, í stað þess að
flytja táknmálið sérstaklega fyrir
fréttir og síðan aftur að þeim lokn-
um, sama yfirlit, á leturspjöldum.
Með þessu myndi tvennt ávinn-
ast, þ.e. í fyrsta lagi sparast sú
vinna sem fer í að útbúa leturspjöld-
in, þó hún sé nú ef til vill ekki
afgerandi mikil, og í öðm lagi, það
sem yrði sýnu betra fyrir þá sem á
þessari þjónustu þurfa að halda;
þeir fengju fréttimar eins og þær
liggja fyrir og óstyttar, jafnframt
því að sjá þær myndir sem þeim
fylgja í réttu samhengi um leið og
viðkomandi fréttir em lesnar. Ekki
get ég ímyndað mér að þetta þyrfti
að vera svo erfitt í framkvæmd,
slík er tæknin og möguleikar henn-
ar í dag, enda birtast okkur á nán-
ast hveijum útsendingardegi sjón-
varpsins atriði, sem útfærð em á
mun flóknari máta, hvað varðar
samsetningu og blöndun myndar.
Með þessu teldi ég að mál- og
heymarlausir væm fyrst orðnir
jafnir okkur hinum, hvað varðar
fréttaflutning sjónvarpsins. Ekki er
ótítt að fjallað sé um málefni þessa
hóps, sem er vissulega alls góðs
maklegur jafnt og aðrir, en ekki
minnist ég þess í fljótu bragði, að
hafa heyrt eða séð á prenti hvað
hann er taiinn stór á íslandi í dag.
Væri upplýsandi að fá vitneskju um
það frá einhveijum sem til þekkir.
Ekki þætti mér jafnvel fráleitt
að ofangreind útfærsla á fréttum á
táknmáli gæti orðið til þess að fleiri
en þeir sem það gera í dag, myndu
öðlast skilning og kannski einhveija
kunnáttu í táknmáli, legðu þeir sig
eftir að fylgjast með því, jafnframt
því að hlusta á sjálfan fréttalestur-
inn. Myndi það ekki síður vera til
bóta fyrir þá, sem táknmál nota í
daglegum samskiptum.
Með kveðju,
Hagbarður Síðskeggs.
Víkverji skrifar
Víkveiji brá sér í stutta ferð til
Lundúna á dögunum. Það vom
óneitanlega viðbrigði að koma úr
hlýindunum á íslandi í hráslaga
Lundúndaborgar. Á öðm átti maður
nú von á miðjum þorra en að um
ísland léku hlýir vindar á sama tíma
og kuldakast gengur yfir sunnar í
Evrópu.
En hlýir vindar blása ekki bara
um landið okkar. Greinilegar bata-
horfur em í efnahagsmálum eftir
lækkun á olíuverði og hækkandi
verð útflutningsafurða okkar, fyrst
og fremst fiski. Þessi umskipti hafa
orðið snögg og greinilegt að menn
hafa ekki áttað sig til fulls hve
mikil þau kunna að verða og hve
fljótt þeirra er að vænta. Atvinnu-
rekendur sem talað er við halda
ennþá að sér höndum. Þeir höfðu
búið sig undir samdrátt og vilja sjá
ákveðnari batamerki og lausn
samningamála áður en blaðinu er
snúið við.
XXX
IBretlandi er áhrifa olíulækkun-
arinnar farið að gæta fyrir
nokkm. Ætli ísland sé ekki eina
landið í heiminum þar sern lækkunin
nemur aðeins '/x, af benzínverði!
Víkveiji. tekur heilshugar undir
framkomnar hugmyndir um að hið
sjálfvirka innkaupakerfi á olíuvör-
um verði hið snarasta tekið til
endurskoðunar.
Áhrifa hinnar geysimiklu olíu-
lækkunar hlýtur að gæta vemlega
hér á landi þegar líður á árið, annað
er útilokað. Þau munu koma fram
í batnandi hag útgerðar og minni
reksturskostnaði bfla. Þau ættu
ennfremur að koma fram í lægri
ferðakostnaði, t.d. með flugvélum.
Erfiðara er á þessari stundu að
meta hver áhrifin verða á mikil-
væga þætti efnahagslífsins okkar,
svo sem vexti af erlendum lánum.
Hvert stig til lækkunar hefur mikil
áhrif á vaxtabyrði okkar skuldugu
þjóðar.
Sömuleiðis er erfitt að meta
áhrifin á orkuverð í heiminum og
hvort okkur reyndist erfiðara en
ella að bjóða erlendum stórfyrir-
tækjum raforku til stóriðju. Loks
mætti nefna til hitaveitur vítt og
breitt um landið sem standa höllum
fæti og í dag bjóða vatn á litlu
lægra verði en væri það hitað með
olíu. Hvemig standa þær að vígi
ef olíuverð í heiminum lækkar um
helming eða jafnvel tvo þriðju?
XXX
Ferð til Lundúna fylgir óhjá-
kvæmilega búðaráp. Það er
þreytandi iðja í stórborg og líklega
ekki framkvæmanleg nema vegna
þess að inn á milli má skjótast inn
á krá til að fá sér eina ölkollu. Það
er í það minnsta reynsla Víkveija.
Nú standa vetrarútsölur sem
hæst og má gera góð kaup í verzl-
unum. En það er dýrara að verzla
í Lundúnum en fyrir tæpum Qórum
árum, þegar Víkveiji var þar síðast
á ferð. Enda hefur pundið hækkað
á einu ári úr 46 krónum í um 59
krónur eða um rúm 28%. Á sama
tíma hefur dollar hækkað um aðeins
60 aura. Það er líka tiltölulega dýr-
ara að búa á hótelum og fara út
að borða en fyrir fjórum árum.
XXX
Stjómmálin voru fyrirferðarmikil
í fréttum brezku sjónvarps-
stöðvanna. Ráðherrar og þingmenn
komu í beinar útsendingar í sjón-
varpssal og ræddu atburði dagsins.
Stjómin átti greinilega undir högg
að sækja en stjómarandstæðingar
vom í vígamóð. Fyrirhuguð sala á
hluta British Layland til banda-
rískra aðila var mál málanna og
þar varð stjómin að láta undan,
ekki síst vegna andstöðu í eigin
flokki. í forsvari fyrir andstöðu-
hópnum var hinn gamli jaxl Edward
Heath. Hann kom í sjónvarpið og
talaði um hina gömlu góðu daga
þegar brezkur bflaiðnaður var í
fremstu röð. Hann taldi að þeir tím-
ar gætu komið aftur, jafnvel þótt
honum væri á það bent að háir
opinberir styrkir til bflaiðnaðarins á
undanfömum ámm hefði litlum
árangri skilað.
„Það hafa orðið ótrúleg umskipti
í stjómmálunum hér á undanföm-
um vikum," sagði íslendingur, sem
býr í Bretlandi og Víkveiji hitti að
máli. „Stjóm Thatchers virtist
standa traustum fótum í haust en
nú er ég ekki viss um að jámfrúin
geti ráðið fram úr þeim vanda sem
hún á við að glíma," bætti hann við.