Morgunblaðið - 13.02.1986, Blaðsíða 28
MORGUNBLAÐIÐ, FIMMTUDAGUR13. FEBRÚAR1986
Arnór L. Pálsson,
Hlaðbrekku 2.
*
Ásthildur Pétursdóttir,
Fífuhvanunsvegi 39.
Birna Friðriksdóttir,
Víðihvammi 22.
Bragi Michaelsson,
Birkigrund 46.
Grétar Norðfjörð, Guðm. M. Thorarensen,
Skólagerði 59. Kjarrhólma 14.
Guðni Stefánsson, Haraldur Kristjánsson,
Hrauntungu 79. Hamraborg 32.
Jóhanna Thorsteinsson,
Daltúni 4.
Kristinn Kristinsson,
Reynihvammi 22.
Richard Björgvinsson, Stefán H. Stefánsson,
Grænatúni 16. Lundarbrekku 6.
Prófkjör sjálfstæðismanna
í Kópavogi
PRÓFKJÖR sjálfstæðismanna í
Kópavogi fer fram 1. mars nk. í
Sjálfstæðishúsinu að Hamraborg
1. Kosning utan kjörstaðar fer
fram á miðvikudögum og laugar-
dögum frá 17—19 á sama stað
fram til kjördags.
Alls gáfu 12 Kópavogsbúar kost
á sér til framboðs í prófkjörinu.
Mikið starf er nú unnið innan
samtaka sjálfstæðismanna í bænum
og stefnt að því að listi sjálfstæðis-
manna nái nú í fyrsta skipti meiri-
hluta í stjóm bæjarins. í síðustu
kosningum fengu sjálfstæðismenn
5 bæjarfulltrúa af 11, og hafa þeir
myndað öflugan minnihluta í stjóm
bæjarins á þessu kjörtímabili.
I kvöld kl. 20.30 munu frambjóð-
endur í prófkjörinu koma fram á
fundi sjálfstæðisfélaganna að
Hamraborg 1 og halda kynningar-
ræður, auk þess sem þeir munu
sitja fyrir svömm fundarmanna.
Bæjarbúar em hvattir til að mæta
á fundinn og kynnast viðhorfum
frambjóðendanna til bæjarmála. Þá
em menn hvattir til að láta innrita
sig í flokksfélögin og tryggja sér
þar með rétt til þátttöku í prófkjör-
inu.
Morgunblaðið/Júlíus
Höfundur leikritsins situr hér umkringdur aðstandendum Nemendaleikhússins. Standandi frá
vinstri: Ólafur Órn Thoroddsen, Jenný Guðmundsdóttir, Valdimar Órn Flygenring, Kári Halldór,
Ágúst Pétursson, Eiríkur Guðmundsson og Skúli Gautason. Sitjandi er Þórarinn Eldjám og hjá
honum sitja Bryndís Petra Bragadóttir, Inga Hildur Haraldsdóttir og Guðbjörg Þórisdóttir.
Nemendaleikhúsið sýnir Ó muna
tíð eftir Þórarin Eldjárn
NEMENDALEIKHÚSIÐ frum-
sýnir leikritið Ó muna tíð eftir
Þórarin Eidjárn á morgun,
föstudaginn 14. febrúar. Þórar-
inn samdi leikritið sérstaklega
fyrir Nemendaleikhúsið, en
þetta er fyrsta leikritið sem
hann semur einn. Áður hefur
hann átt þátt í að semja söng-
leikinn Gretti, revíuna Skorna
skammta, Gúmmí Tarsan o.fl.
Helga Hjþrvar skólastjóri Leik-
listarskóla Islands sagði að venja
væri að fá íslenskt skáld til að
semja leikrit fyrir Nemendaleik-
húsið. Þetta væri m.a. gert til að
venja nemendur skólans við að
vinna með algerlega nýjan texta
sem enginn hefur áður unnið
með. íslenska leikritið er síðan
eitt af þremur lokaverkefnum sem
nemendur 4. og síðasta bekkjar
skólans inna af hendi. Fyrir jól
sýndi Nemendaleikhúsið leikritið
Hvenær kemurðu aftur rauðhærði
riddari og síðasta verkefnið á
þessu ári verður leikritið Tartuffe
eftir Moliére sem frumsýnt verður
í vor.
Þórarinn Eldjám sagði að leik-
ritið fjallaði um samskipti eigenda
fyrirtækisins Minningarþjón-
ustunnar og nokkurra viðskipta-
vina þess eina dagstund. Hann
sagðist hafa byijað að skrifa
verkið í haust og vissi þá um lítið
annað en fjölda leikenda. „Ég
skrifaði leikritið ekki endilega
með Nemendaleikhúsið í huga,
nema að því leyti að ég ákvað að
láta hlutverkin hafa svipað vægi.
Leikstjóri og skólastjóm hafa haft
mjög frjálsar hendur með að velja
í hlutverkin, enda lít ég á sjálfan
mig fyrst og fremst sem textahöf-
und,“ sagði Þórarinn.
Nemendur í Nemendaleikhús-
inu veturinn 1985-1986 era
Bryndís Petra Bragadóttir, Eirík-
ur Guðmundsson, Guðbjörg Þóris-
dóttir, Inga Hildur Haraldsdóttir,
Skúli Gautason og Valdimar Öm
Flygenring.
Tónlist og leikhljóð era eftir
Áma Harðarson. Jenný Guð-
mundsdóttir sér um leikmynd og
búninga. Lýsingu annast Ágúst
Pétursson og önnur tæknivinna
er í höndum Ólafs Amar Thor-
oddsen. Leikstjóri er Kári Halldór.
Sýningar á leikritinu Ó muna
tíð era í Lindarbæ og er fyrir-
hugað að sýna það í u.þ.b. fjórar
víkur.
Akranes:
Miður að konurnar blönd-
uðu sér ekki í baráttuna
— segir Benedikt Jónmundsson
Akranesi ll.febrúar:
SJÁLFSTÆÐISMENN hér á
Akranesi efndu til prófkjörs um
helgina og voru úrslit þess birt
i Morgunblaðinu á þriðjudag.
Friðrik Jónsson, formaður full-
trúaráðs Sjálfstæðisfélaganna á
Akranesi, sagði í samtali við Morg-
unblaðið, að farið hefði verið í þetta
prófkjör með mjög skömmum fyrir-
vara. „Kjörsókn var ekki mikil
miðað við sameiginlegt prófkjör
flokkanna 1982, en því tóku þátt
rösklega 1200 manns, þar af
greiddu 548 manns Sjálfstæðis-
flokknum atkvæði sitt. Það prófkjör
tókst mjög vel og var mikill áhugi
fyrir því.
í prófkjörinu 1978 sem var svip-
að og nú greiddu 244 atkvæði, svo
nokkur aukning varð miðað við
það. Þetta hefði mátt vera líflegra
en ýmislegt fleira var að gerast í
bænum á meðan prófkjörið var
haldið og áhugi hefur kannski verið
minni en ella þess vegna," sagði
Friðrik Jónsson.
Þrír af íjóram núverandi bæjar-
fulltrúum flokksins gáfu ekki kost
á sér, þeir Valdimar Indriðason,
Hörður Pálsson og Ragnheiður Ól-
afsdóttir, en sá íjórði, Guðjón
Guðmundsson, forseti bæjarstjóm-
ar, hlaut yflrburðakosningu og var
sá eini sem hlaut bindandi kosn-
ingu.
Athygli vekur að sex konur gáfu
kost á sér í prófkjörið og sú sem
flest atkvæði fékk, náði aðeins
kosningu í sjötta sætið.
„Ég vil þakka traust sem mér
hefur verið sýnt,“ sagði Benedikt
Jónmundsson í samtali við Morgun-
blaðið. „Ég hafnaði nú í öðra sæti
en var áður í flmmta sæti. Þá vil
ég lýsa sérstakri ánægju minni að
Guðjón Guðmundssonskuli hafa
hlotið svo glæsilega kosningu sem
raun ber vitni. Hins vegar er það
miður að engin af konunum sem
buðu sig fram, skuli blanda sér í
baráttuna um efstu sætin en á það
ber að líta að einungis fyrsta sætið
er bindandi og kemur því í hlut
uppstillingamefndar að gera tillögu
til fulltrúaráðsins um þann lista sem
talinn verður sigurstranglegastur.
Við Sjálfstæðismenn eru bjartsýnir
á komandi kosningar því málefna-
staða okkar er góð og ég vil því
nota tækifærið til að skora á alla
stuðningsmenn okkar að standa vel
saman, því mikil vinna er eftir áður
en til kosninga kemur," sagði
Benedikt Jónmundsson. T r
Sameiginleg yfirlýsing
Norðurlandanna:
Aukin aðstoð
við níu
ríki Afríku
UNDIRRITUÐ hefur verið yfir-
lýsing Norðurlandanna um
aukna aðstoð og samvinnu Norð-
urlandanna við níu ríki i Afríku.
Hér á eftir fer frétt utanríkis-
ráðuneytisins um undirritunina:
Hinn 29. janúar 1986 undirritaði
Ólafur Egilsson sendiherra fyrir
Islands hönd yfírlýsingu Norður-
landanna um aukna aðstoð og
samvinnu Norðurlandanna við níu
ríki í sunnanverðri Afríku í sam-
ræmi við samþykkt ráðherrafundar
Norðurlandanna í október sl. Undir-
ritunin fór fram í Harare, Zimbab-
ve.