Morgunblaðið - 25.02.1986, Blaðsíða 1

Morgunblaðið - 25.02.1986, Blaðsíða 1
72SIÐUR B/C tvgmiIifiiMto STOFNAÐ 1913 46.tbl.72.árg. ÞRIÐJUDAGUR 25. FEBRUAR1986 Prentsmiðja Morgunblaðsíns Bráðabirgðastjórn undir forystu Aquinos mynduð Marcos kveðst hafa stjórnina en Bandaríkjastjórn hvetur hann til að fara úr landi Manila, 24. febrúar. AP. HERMENN hliðhollir Ferdi- nand Marcos skutu á hóp manna í nágrenni f orsetahall- arinnar í kvöld og særðu a.m.k. átta manns, þar af þrjá lífshættulega. Uppreisnar- menn hótuðu grímmilegum hefndum ef menn Marcosar gripu frekar til vopna. Hófst skotárásin eftir að fólkið sprengdi kínverja til að kanna viðbrögð hermanna Marcosar, sem virðast tauga- veiklaðir og uppstökkir. Ástandið á Filippseyjum virð- ist í sjálfheldu eftir atburði síðustu daga og óttast að þá og þegar kunni að sjóða uppúr. Uppreisnarmenn hafa myndað bráðabirgðastjórn undir forystu Corazon Aqu- ino. Heimildir í Bandaríkjaþingi herma að stjórn Reagans forseta hafi reynt að draga úr spennu á Filippseyjum með því að hvetja Marcos til að yfirgefa land og boðið honum flugvélar til afnota i því skyni. Marcos kveðst hafa fulla stjórn á öllu, en almennt er álitið að hann verði æ valtari í sessi og sé að missa tökin. Tveir hermenn á bandi Marcosar féllu og tveir særðust er uppreisnar- menn, sem styðja Corazon Aquino, mótframbjóðanda Marcosar við forsetakosningarnar, tðku ríkis- sjónvarpsstöð með áhlaupi. Menn Marcosar gerðu síðar tvær mis- heppnaðar tilraunir til að endur- heimta stöðina, m. a. loftárás, en urðu frá að hverfa og þegar síðast fréttist var hún enn í höndum uppreisnarmanna, sem hvöttu þjóð- ina til að koma út á göturnar og sýna hvers „afl fólksins" væri megnugt. Hermaður úr röðum uppreisnarmanna gætirþriggja helsærðra hermanna úr sveitum Marcosar eftir skotbardaga við opinbera sjónvarpsstöð, sem uppreisnarmenn hafa nú á valdi sínu. Virt var að vettugi útgöngubann, sem Marcos lýsti yflr. Tugþúsundir manna höfðust við fyrir utan höfuð- stöðvar uppreisnarmanna í nótt, aðfaranótt þriðjudags, og stuðn- ingsmenn Corazon voru þúsundum saman fyrir utan sjónvarpsstöð uppreisnarmanna og á götum borg- arinnar. Mikil spenna er rfkjandi f Manila og þótt hingað til hafi aðeins komið til smávægilegra og afmarkaðra átaka er óttast að upp úr sjóði. Fregnir berast af því að stöðugt fleiri valdamenn gangi uppreisnar- mönnum á hönd. Uppreisnarmenn mynduðu í dag bráðabirgðastjórn og lýstu Corazon Aquino, mót- frambjóðanda Marcosar við nýaf- staðnar forsetakosningar, forseta landsins. Corazon hefur haft sig lít- ið f frammi um helgina. Marcos hyggst sverja embættiseið á þriðju- dag og af þvf tilefni var hervörður efldur við aðkomuleiðir til hallar hans. AP/Sbnamynd Sjá ennfremur frásögn af ástandinu f Manila á bls. 24 og 25 og fréttir á bls. 22 og 23. „ Vilji þjóðar verður aldrei kveðinn í kút" AP/Slmamynd Hermenn, sem hlíðhollir eru Marcosi forseta, fylgjast með stuðnings- mönnum Corazon Aquino í nágrenni forsetahallarinnar í gærkvöldi. Stuðningsmenn Corazon mynda L með fingrunum, baráttumerki frúarinnar. Manila, 24. febrúar. AP. ÓKYRRÐIN á Filippseyjum virð- ist magnast og einskorðast ekki lengur við höfuðborgina, Manila. Breiddist ólga út um land í dag og skiptust hersveitir í fylkingar með eða á móti Marcosi. Óttast er að skæruliðasveitír kommún- ista færi sér ástandið f kjölfar uppreisnarinnar gegn Marcosi f nyt. Sendimenn Filippseyjastjórnar vfða um heim, t.d. í London, Los Angeles, Bonn, París, Haag, Bruss- el og Róm, sögðu upp hollustu sinni við Marcos og skoruðu á hann að segjaaf sér. „Vilji þjóðar verður aldrei kveð- inn í kút," sagði náinn samstarfs- maður Corazon Aquino, en stuðn- ingsmenn hennar voru sigri hrós- andi því margir háttsettir menn sneru baki við Marcosi í dag. Einn þeirra er Roma Cruz, forstjóri ríkis- flugfélags Filippseyja. Hann var náinn vinur Marcosar, var forstjóri allra hótela f eigu hins opinbera og lffeyrissjóðs rfkisstarfsmanna. „Ég sagði upp í dag og afhenti forsetan- um, Corazon Aquino, uppsagnar- bréfið," sagði Cruz. Sovétmenn sökuðu Bandaríkja- menn f dag um að ætla að bola Marcosi burt. Sovétmenn urðu fyrstir til að óska Marcosi til ham- ingju með kosningaúrslitin. Mark Palmer, aðstoðarutanríkisráðherra Bandaríkjanna, sagði það vera há- mark glópsku Rússa að óska Marc- osi til hamingju. Nj ósnahnöttur fellurtiljarðar Hamborg, 24. febrúar. AP. SOVÉZKUR njósnagervihnöttur, sem hugsanlega er búinn kjarn- orkuhreyfli, er stjórnlaus úti í hirningeimnum og fellur hugsan- lega til jarðar seint f mars, að sögn vestur-þýska dagblaðsins Bild. Bild segir að gervihnötturinn Cosmos 1714 nálgist jörðu og muni brenna upp f andrúmsloftinu en hlutar hans gætu fallið til jarðar milli 21. og 25 mars. „Stýribúnaður gervihnattarins hefur bilað," segir Manfred Grass, yfírmaður gervihnattastjórnstöðvar í vestur-þýsku geimferðastofnunni í Oberpfaffenhofen. „Það er hernað- arleyndarmál hvað er um borð í gervihnettinum en við erum við- búnir ef svo virðist sem hætta stafi afhonum." Tveir sovéskir gervihnettir hafa fallið inn í andrúmloft jarðar og valdið geislavirkni. Leifar annars þeirra féllu niður yfír Kanada 1978 og greiddu Sovétmenn 3 milljónir dollara fyrir niðurgröft geislavirkra hlutaúrhonum árið 1981.