Morgunblaðið - 25.02.1986, Blaðsíða 23

MORGUNBLABIÐ, ÞRIÐJUDAGUR 25. PEBRÚAR1986
23
Stuðningur eykst
við breytingar á EB
Kaupmannahöfn, 24. febrúar. AP.
NÝ skoðanakönnun sýnir að
stuðningur eykst við breyt-
ingarnar á stofnsáttmála
Evrópubandalagsins, sem
danska þingið gat ekki komið
sér saman um að samþykkja,
en þjóðaratkvæðagreiðsla fer
fram um breytingarnar í
Danmörku á fimmtudaginn
kemur. Sósíal-demókratar,
sem einkum stóðu fyrir and-
ófinu gegn breytingunum,
eru sjálfum sér sundurþykkir
og virðast deilurnar um þær
hafa veikt flokkinn talsvert.
Samkvæmt skoðanakönnun, sem
birt var í Jyllandsposten á sunnu-
daginn, styðja 62% Dana breyting-
amar, en 38% eru á móti. Þá kom
fram að straumur hinna óákveðnu
virtist fremur liggja til þess að
styðja breytingamar en hafna þeim.
Flokkur sósíaldemókrata virðist
hafa glatað trausti kjósenda að
nokkm vegna andstöðu sinnar við
breytingamar, auk þess sem flokk-
urinn er langt í frá að vera einhuga
um að vera á móti breytingunum.
í skoðanakönnuninni kemur fram
að 27% kjósenda myndu greiða
breytingunum atkvæði sitt, auk
þess sem 18% voru óákveðnir.
Mexíkó:
Olíuverð fyrir
einn dag í senn
Mexíkóborg, 24. febrúar. AP.
MEXÍKÓ hyggst ákveða verð á
olíu sinni frá degi til dags í stað
þess að gera það í lok hvers
mánaðar. Á þetta fyrirkomulag
að taka gildi frá og með 1. marz
nk. Jafnframt hafa mexikönsk
stjórnvöld tilkynnt, að fram-
leiðslumagnið verði áfram 1,5
millj. tunna á dag, eins og verið
hefur.
Svíþjóð:
Ove Rainer fyrrv.
dómsmálaráðherra
er aftur í náðinni
EftirPétur
Pétursson
NÚ er Ove Rainer, fyrrverandi
dómsmálaráðherra, aftur kom-
inn i sátt og samlyndi við
sænska þjóðfélagið. Fyrir
tveimur árum neyddist hann til
að leggja inn lausnarbeiðni frá
ráðherraembætti í stjórn jafn-
aðarmanna og forsætisráð-
herrann, Olof Palme, tók við
henni með þökkum eftir það
sem á undan var gengið.
Upphaf þessa máls var, að
fjölmiðlar höfðu komist á snoðir
um vafasamar lántökur Rainers í
ríkisbanka, þar sem hann sjálfur
sat í stjóm. Þessar lántökur voru
fyrst og fremst til þess að hag-
ræða tekjum á skattframtali Rain-
ers af verðbréfum og hlutabréf-
um, þannig að hann slyppi við að
borga skatta af þeim. Þetta at-
hæfi varðaði þó ekki við lög, það
hafa dómstólar nú nýlega stað-
fest, en það þótti ekki samrýmast
siðfræði jafnaðarmanna í ábyrgð-
arstöðu að koma sér þannig hjá
því að taka þátt í að borga til
þarfa samfélagsins og félagslegr-
ar þjónustu. Það fylgir sögunni
að Rainer var ekki meðlimur í
Jafnaðarmannaflokknum, þegar
hann fékk tilboð um að verða
dómsmálaráðherra, en átti að baki
glæstan feril sem embættismaður
ríkisins.
Rainer tók mjög nærri sér á
sínum tíma að þurfa að segja af
sér og taldi sig órétti beittan, þar
sem hann hafði ekki framið neitt
lögbrot. Hann er lögfræðingur að
mennt og hefur varað við því að
í gangi væru tvö siðfræðikerfi,
sem dæmi fólk, annað laganna
og hitt tilheyrandi einhverri sér-
stakri hreyfingu eða stofnun.
Ove Rainer
Hann hefur skrifað bók um þessa
reynslu sína, þar sem hann gerir
grein fyrir þessum sjónarmiðum
sínum.
Raincr hefur nú verið gerður
að forstjóra bílaeftirlitsins, sem
er ríkisfyrirtæki að meirihluta.
Stjórnin hefur því verið reiðubúin
að taka Rainer í sátt og Rainer
tilbúinn að þiggja sættir.
Sterkar raddir voru einnig uppi
um að gera Rainer að sýslumanni
í Gávleborgborgar-sýslu, þegar
það embætti varð laust nú rétt
eftir áramótin, en Rainer er fædd-
ur og uppalinn í Gávleborg. Það
var flokksfélag jafnaðarmanna í
sýslunni, sem átti uppástunguna,
sýndi sig að hún átti hljómgrunn
meðal margra af áhrifamönnum
sýslunnar. Rainer var um langt
skeið forstjóri sænska póstkerfis-
ins. Hann hefur einnig verið fram-
arlega í íþróttahreyfingunni
sænsku.
Pétur Pétursson er fréttarítari
Mbl, í Lundi í Svíþjóð.
Olíuvinnslan stendur undir 70%
af þeim erlenda gjaldeyri, sem
Mexíkómenn afla. Þeir eiga nú við
mikinn skort á gjaldeyri að etja og
valda erlendar skuldir þeirra þar
mestu um. Þær nema nú 96,4 millj-
örðum dollara og eru þannig þær
næsthæstu hjá nokkurri þjóð í
heimi.
Helmut Kohl
Rannsókn hafin á
vitnisburði Kohls
Koblenz, 24. februar. AP.
HERIBERT Braun, æðsti maður á skrifstofu ríkissaksóknara í
Koblenz, sagði í dag að hafin væri rannsókn á því hvort Helmut
Kohl, kanslari Vestur-Þýskalands, hafi borið ljúgvitni fyrir rannsókn-
arnefnd, er hann var yfirheyrður um ólöglegar greiðslur Flick-
samsteypunnar til stjórnmálaflokka.
Braun kvað sambandsþingið í
Bonn hafa verið látið formlega vita
af rannsókninni eins og lög kveða
á um. Braun vildi ekki greina frá
rannsókninni í smáatriðum og það-
an af síður hvenær eða hvort ákæra
yrði lögð fram á hendur kanslaran-
um.
Tímaritið Der Spiegel greinir frá
því í dag að helstu leiðtogar Kristi-
legra demókrata (CDU) hafí
áhyggjur af því að rannsóknin gæti
haft áhrif á úrslit tveggja sam-
bandsríkiskosninga á þessu ári og
þingkosningamar í upphafi árs
1987.
Vitnað er í orð Gerhards Stolten-
bergs, fjármálaráðherra, á þingi
CDU í Slésvík-Holstein í síðustu
viku: „Þetta mál er mjög, mjög
alvarlegt." Stoltenberg er meðal
vinsælli stjómmálamanna í Vestur-
Þýskalandi og margir fréttaskýr-
endur hafa sagt hann vænlegasta
kanslaraefni flokksins.
Aðalfundur
VERZLUNARRAÐS
ÍSLANDS 1986
Aðalfundur Verzlunarráðs íslands verður haldinn
fimmtudaginn 6. marz næstkomandi í Átthagasal Hótel
Sögu.
Dagskrá
10.15—10.30 Mæting og móttaka fundargagna
10.30—11.00 Setningarræða
Ragnar S. Halldórsson, formað-
urVÍ.
11.00—12.00 Stef na Verzlunarráðs íslands
Niðurstöður stefnuskrárnefnd-
ar.
1. Bjarni Snæbjörn Jónsson,
formaður stefnunefndar.
2. Almennar umræður.
12.10—13.30 Hádegisverður í Súlnasai.
Styrkveiting úr námssjóði VÍ.
13.30-14.30
14.30-15.15
15.15-15.30
15.30- 16.00
16.00
16.30- 18.30
Alþjóðaviðskipti og fjárfesting
1. Jacques G. Maisonrouge,
fyrrverandi forstjóri IBM
í Evrópu.
2. Almennar umræður og fyrir-
spurnir.
Störf, stefna og skipulag Ví 1984—1987
1. Starfsemi og fjárhagur
1984—1985. Almennar um-
ræður.
2. Fjárhags- og framkvæmda-
áætlun. Almennar umræður.
3. Laga- og skipulagsbreyting-
ar. Almennar umræður.
Kosningar
1. Kosning formanns VÍ.
2. Úrslit stjórnarkjörs.
3. Kosning kjörnefndar.
4. Kosning endurskoðenda.
Önnur mál
Fundarslit
Móttaka í Húsi verslunarinnar,
7. hæð
Fundarstjóri: Gunnar M. Hansson, forstjóri.
Tilkynnið
83088.
þátttöku tímanlega í síma
VERZLUNARRÁÐ
ÍSLANDS